منع تغير امتداد ملف الاكسس إلا بكلمة مرور

[محمد صلاح1]

الأخوة الخبراء من المبرمجين السلام عليكم

هل بالإمكان توفير حل برمجي يمنع تغير امتداد ملف اكسس إلى امتداد اخر إلا من خلال كلمة مرور وشكراً

 

 

من فضلكم ليس هناك داعى لعمل اقتباس عند الرد فهذا يقوم بدوره بتشتيت المطلع والباحث عن نفس الموضوع مستقبلاً

[عبق الرياحيين]

اعنتقد دى مستحيله اصلا لانك علشان تغير الامتداد لازم تكون فتحت القاعدة

انت ممكن تعمل كود عند فتح القاعدة لو الامتداد اتغير يمنع فتح البرنامج وتظهر رسالة بالكلا م ده وتقريبا برضو انا كنت شايفه من فترة مثال لابوجودى بالطريقة دى استنى ادور لك عليه يارب اعرف الاقيه

حظك حلو والله

لاقيت الموضوع 

 

[محمد صلاح1]

أعتقد أيضاً أنه لا يوجد مستحيل في عالم البرمجة لمن أولاهم الله هم أسرارها ومعرفة كيفية تطويعها لما يريدون

الملف سيكون له امتداده الأساسي ومن خلال كود داخلي يعمل مع نموذج بدء التشغيل أو تشغيل وحدة نمطية من ماكرو البداية تقوم بفحص امتداد العمل فإن تم تغييره تطلب باسوورد للدخول أو علي الأقل لا تفتح بعد ظهور رسالة تفيد بالقيام بتغيير الامتداد

 

[محمد صلاح1]

 

رغم أني لا أري أي مبرر للتجاوز الغير مقبول في التعليق والذي كان يسعني تجاهله كما أذكر في توقيعي ولكن سامحك الله علي سوء الظن وسوء التعليق

[essam rabea]

أخى محمد صلاح1

حل على قدى كدا جايز يكون المطلوب

بس على إسم الملف بالكامل مش الامتداد فقط

شغل المرفق ثم اغلق وغير فى الاسم واعد التشغيل ووافنى بالنتيجة

Test.accdb

[عبق الرياحيين]

لو الكلام من فضه يبقى السكوت من دهب

[AlwaZeeR]

من اين يتم تغيير الامتداد؟ 

تغيير الامتداد يتم من خلال الويندوز نفسها وليس من خلال قاعدة البيانات

ام انني لم افهم ما تقصد أستاذ محمد؟

 

[محمد صلاح1]

جزيل الشكر لك أستاذ @essam rabea علي حضورك ومشاركتك التي تسعدني بها

عند تشغيل المرفق أول مرة دون أي تغيير في شيء تظهر رسالة كما يظهر الصورة المرفقة ويغلق المرفق دون فتحه

 

المقصود تغيير امتداد ملف القاعدة يدوياً مثلاً من accdb إلي accdr

[AlwaZeeR]

تقصد إعادة التسمية من نفس الويندوز؟

ان كان كذلك فلا يمكن منع إعادة تسمية ملف في ويندوز

=== 

 

 

[AlwaZeeR]

تستطيع تجربة الكود التالي حسب الحدث المناسب لقاعدة بياناتك:

 

If Right(CurrentProject.Name,5)<>"accdr" Then
  QuitAccess
  Options Exit
End If

بنفس طريقة الأستاذ عصام لكن هنا يعتمد على الامتداد وليس الاسم كامل

 

[محمد صلاح1]

أ @AlwaZeeR شكراً للمشاركة الكريمة

ولكن يبدو من الصورة أن الكود به خطأ ما في السطر باللون الأحمر

 

 

[عبق الرياحيين]

غير السطر ده ب

DoCmd.Quit

ولي عودة عند ما يكون للعودة جدوى

[essam rabea]

أخى صلاح 

بفرض أن قاعدة بياناتك إسمها .. Test.accdr ..وتم تغيير الإسم أو الإمتداد وليكن الى Test.accdb لفك الحمايه 

لن تفتح القاعدة وسيتم ظهور الرسالة السابقة وسيتم إغلاق القاعدة

هناك ملفان يجب وضعهم فى فولدر واحد ومن ثم فتح القاعدة .. Test.accdb .. أما الملف الآخر .. RenameDB.cmd .. وهو المسئول عن إعادة إسم قاعدة البيانات كما كانت ومن ثم تعو للعمل مرة أخرى

وبإمكانك نقله لمكان آخر حتى لا يتم التلاعب به مع تغيير مساره فى هذا الكود 

Private Sub Form_Close()
Shell (Application.CurrentProject.Path & "\RenameDB.cmd")
DoCmd.Quit acQuitSaveAll

End Sub

CMD لو تم تغيير مكان ملف
فيجب تغيير المسار 
Application.CurrentProject.Path
الى المسار الجديد

كما يمكنك التعديل على ملف RenameDB.cmd كما بالصورة

أرجو أن أكون أوضحت ويكون هو المطلوب .. السن الكبير برضه ليه عزره

بالتوفيق

 

Test.accdb

[محمد صلاح1]

أ @essam rabea شكراً للمواصلة

هل ممكن أرفاق ملف التكست أو الـ CMd وكيف أكتب المسار الجديد بعد تغيره في الكود

[essam rabea]

أخى محمد صلاح1 معذرة أرفقت الملف الخطأ

 

Test.rar

[محمد صلاح1]

خالص الشكر والتحية والتقدير أ @essam rabea علي المساعدة الكريمة

[محمد صلاح1]

أ @essam rabea معلش تعديل واستفسار أخير من فضلك

التعديل عند الرغبة في تغيير مسار ملف RenameDB.cmd كيف أغير في هذا الكود إذا رغبت مثلاً في وضعه علي الدريف D في مجلد باسم way to heaven

وهل يمكن إنشاء الملف RenameDB.cmd و زرعه في هذا المكان برمجياً في الخفاء دون تدخل من أحد بنقله يدوياً

Shell (Application.CurrentProject.Path & "\RenameDB.cmd")

الاستفسار بالنسبة للكود ده وجدوله ليه علاقة بالموضوع أم أن عدم وجودهم غير مؤثر وشكراً لحضرتك

If ID > 999 Then
MsgBox "لقد تجاوزت الحد المسموح"
Me.Undo
End If

 

تم تعديل أكتوبر 10, 2019 بواسطه محمد صلاح1

[essam rabea]

الأخ محمد صلاح1

أولا : انت رفعت تمت الإجايه ليه .. هيا معجبتكش تانى ولا مستنى ابا جودى من هنا 

😀 لعلمك أنا كمان مستنيه

ثانيا : بالنسبة لإستفسارك الأول

 

Shell ("D\way to heaven\RenameDB.cmd")

ثالثا : بالنسبة لإستفسارك الثانى مالهوش اى علاقة بالموضوع دا كان ملف بعدل عليه حاجات لأحد الأعضاء نظرا لأنك لم ترفق مثال

بالتوفيق

 

 

[محمد صلاح1]

تسلم أ @essam rabea 

لا أبداً الموضوع ملوش علاقة أنا بس علشان كان فيه تعديل حبيت أستني لأضعها علي التعديل إذا كان هيبقي ليه مرفق جديد دي كل الحكاية

المهم حضرتك لم تعلق عي هذه النقطة هل بها ما لا يمكن تنفيذه

 

[essam rabea]

عذرا أخى إنتظر من الإجابة ليلا .. أروح بس وأفضالك

[essam rabea]

أخى محمد صلاح1

على عجالة جرب ورد

Test.zip

[محمد صلاح1]

أ @essam rabea السلام عليكم

بداية شكراً لحسن الأهتمام بالمواصلة الكريمة والسريعة

المرفق حقق نصف الفكرة ومازال النصفة الأخر مطلوب تحقيقه وهو أن يتم إنشاء ملف RenameDB.cmd بداخل المجلد في المسار المطلوب إذا كان ذلك بافمكان برمجياً ليتم الأمر من خفياً ومن سكات بحيث لا يجد لا من شاف ولا من دري عندما فككت المرفق وجدت ملف RenameDB.cmd في نفس مجلد القاعدة فقمت بحذف لأري أن كان سيتم إنشاءه برمجياً وعند فتح الملف أعطي رسالة خطأ وبمعاينة الخطأ كشف عن موقع المسار وهذه أبضاً ثغرة لا نريدها بحيث إذا حدث خطأ ما لا يظهر الكود ويكشف عن الموقع مش عارف أنا كده بحلم ولا ده واقع يمكن معايشته في المرفق القادم شكراً جزيلاً لحضرتك

[essam rabea]

بص حضرتك محمد صلاح1

انا مقلتش تمسح الملف .. فك الضغط شغل القاعدة لأول مرة .. سيتم إنشاء مجلد فى ال D إسمه way to heaven إن لم يكن موجود ..سيتم نسخ ملف RenameDB.cmd الى الفولدر الجديد .. سيتم مسح الملف RenameDB.cmd من مسار قاعدة البيانات والتحقق من صلاحية إسم القاعدة

كل ده فى المرفق السابق

[محمد صلاح1]

تسلم أيديك يا باش محاسب حقك عليا ما تزعلش أبوس دماغك العبقرية دي حضرتك منبهتنيش لهذا الترتيب في عمل المرفق وأخوك بردو لسة علي قد حاله خالص وملناش غني طبعاً عن توضيحتكم التي تضع الأمور في نصابها الصحيح 

جزاك الله خير وبارك لك في صحتك وعافيتك كده تمام والحمد لله علي كل حال وعقبال ما تنورنا في بقية المواضيع التي نحتاج فيها لخبرتكم

[essam rabea]

حبيبى يابو الصلح انت خلاص مبقتش على قد حالك .. انت داخل فى الغميييق .. بس عاوزك تعرف انا بادخل على المواضيع اللى بعرف فيها شوية واللى مبعرفهوش غير كتير هنا يعرفه .. مفيش حد بيعرف كل حاجة يا ولدى ولا ايه

المهم ان اللى انت عاوزة كدة تمام

بارك الله فيك وبالتوفيق

تم تعديل أكتوبر 10, 2019 بواسطه essam rabea