مشكلة بقاعدة مصغرة لمخزن

[elkareee]

السلام عليكم ورحمة الله وبركاته

أساتذتى الكرام أرجو أن تتحملوا معى هذا الموضوع فى المرفق قاعدة مصغرة من برنامج مخازن بها عدد 2 جدول (Trans_Top , Transactions) وبهم يتم تسجيل الحركات على المخزن ومرتبطين بحقل رقم الاذن ,,, بالنسبة للاستعلامات الاستعلام الأول لمعرفة الرصيد والاستعلام الثانى مصدر لتقرير الحركات على الصنف ,, أما النماذج هناك نموذج رئيسى Trans_Top وأخر فرعى Transaction_Sub .

بالنسبة للنموذج الفرعى يتم كتابة الكود والصنف والكمية سواء واردة او منصرفة وبناءً على الكمية يتم حساب حقل الرصيد بعد الحركة بالطريقة التالية :

فى حالة ان الكمية واردة يكون الرصيد بعد الحركة بيساوى (الرصيد الحالى + الكمية) أما فى حالة المنصرف (الرصيد الحالى - الكمية المنصرفة ) ولحد الأن لا يوجد مشكلة ولكن المشكلة تظهر كالتالى 

اذا قمت بعمل حركة اضافة مثلا بتاريخ سابق على باقى الحركات فطبقا لطريقة الحساب السابقة فان الرصيد بعد الحركة هيساوى الرصيد الحالى + الكمية وبالتالى نتيجة الرصيد بعد الحركة هتكون خاطئة لأن فى التقرير هتظهر اول حركة رصيد بعد الحركة لها خطأ لأنه اعتمد على الرصيد الحالى اللى بيحضر قيمته من الاستعلام والفكرة موضحة أكثر فى المرفق نيجى للمطلوب :

المطلوب طريقة لتعديل رصيد بعد الحركة تلقائيا فى الجدول لتظهر فى التقرير بطريقة صحيحة ومثال على الموضوع للتوضيح اكثر :

لدى صنف اسمه سكر مثلا بتاريخ امس اضفت 10 كيلو جرام و اليوم اضفت 20 كيلو جرام بالنسبة لرصيد بعد الحركة فى الاضافة الاولى هيكون 10 اما بعد الاضافة الثانية هيكون 30 طيب تمام فى حالة انى نسيت تسجيل حركة اضافة فى الاسبوع الفائت مثلا فسأقوم بتسجيلها بتاريخ 10 / 5 مثلا الصنف سكر الكمية 40 كيلو جرام فى هذه الحالة سيكون الرصيد بعد الحركة فى هذه الاضافة 70 !! وهذا غير منطقى طبعا لأن ترتيبها فى الحركات هيكون رقم 1 وبالتالى الرصيد الصحيح لبعد الحركة هيكون على الترتيب ( 40 ثم 50 ثم 70)

وبالتالى اريد طريقة تقوم بتصحيح الناتج فى الجدول وتقوم بتعديل رصيد بعد الحركة للأصناف على حسب التاريخ وبنفس طريقة الحساب السابقة 

أرجو أن أكون وفقت فى شرح المطلوب وأى استفسار برجاء طلبه

القاعدة فى المرفقات بصيغة 2010 و 2003 حتى يتمكن جميع الاساتذة من الاطلاع عليها جزاكم الله خير واسف على الاطالة 

 

 

 

 

 

 

 

 

 

After.rar

After2003.rar

[elkareee]

UP Up

[elkareee]

أنا حاولت ومعرفتش 

[Amr Ashraf]

ايه رأيكم فى الموضوع ده يا أساتذة @ابا جودى @Shivan Rekany    عن نفسى معنديش فكرة  ممكن استعلام تحديث ؟ بس هتطبق ازاى ؟؟

[elkareee]

اساتذتى هل السؤال غير واضح ؟؟؟ أم هل الموضوع غير ممكن ؟ لم يناقشنى أحد حتى فى الموضوع !

[co2002co]

يجب عمل نموذج منبثق برقم الصنف وتاريخه

ويتم التعديل عالكميه

[elkareee]

1 دقيقه مضت, co2002co said:

يجب عمل نموذج منبثق برقم الصنف وتاريخه

ويتم التعديل عالكميه

اخى الكريم اولا مشكور على المرور

ثانيا ما فائدة النموذج المنبثق اذا كنت استطيع التعديل مباشرة فى الجدول ؟! وغير ذلك كميات الاصناف كثيرة جدا وفى الغالب لن استطيع تتبع كل حركة تحتاج تعديل ولذلك المطلوب 

طريقة للتحقق من صحة قيمة الحقل After Balance فى جدول Transaction لكل صنف على حسب الكود وتاريخ الحركة وتعديل التسلسل الحسابى ان كان خاطئ مثلا كما فى المثال السابق يبحث عن الصنف سكر و يبحث فى تسلسل الرصيد بعد الحركة ويصحح هذا التسلسل ليجعل اول رصيد بعد الحركة مطابق لأول اضافة مشكور اخى الكريم

 

 

[co2002co]

ما استوعبت الفكره

 

لعل الفكره واضحه ومتجليه لك بحكم انك صاحب الفكره

 

تم تعديل مايو 31, 2017 بواسطه co2002co
سوء فهم للفكره

[Gamal.Saad]

Test this try.

تحديث الأرصدة 3.rar

[elkareee]

17 دقائق مضت, Gamal.Saad said:

Test this try.

تحديث الأرصدة 3.rar

جارى التجربة وموافاتك بالنتيجة اخى الكريم جزاك الله خير

[elkareee]

10 ساعات مضت, Gamal.Saad said:

Test this try.

تحديث الأرصدة 3.rar

استاذى الفاضل تمت التجربة والنتيجة مرضية جدا جزاك الله خير برجاء توضيح النقاط التالية :

- بالنسبة للFunction هل يمكن شرحها بالتفصيل للاستفادة منها مستقبلا ؟

-بالنسبة للمسميات فى الجدول لماذا قمت بتغييرها من in الى in 2 وهكذا ؟

وجارى التجربة بتعمق مشكور اخى الكريم

 

 

 

تم تعديل يونيو 2, 2017 بواسطه elkareee

[Gamal.Saad]

زين

أكيد طبعا يمكن شرحها بالتفصيل في حالة أثبتت نجاحها

لكن كنت أتمنى تسويتها باستعلام تحديث لكن تحتاج لوقت

وهذه احدى محاولات الحل

وفي محاولة سابقة ظهر خطأ بسبب التسمية للحقول

in , out

لذلك قمت بتغييرها

 :الفكرة مبسطة

- انشاء استعلام يرتب السجلات حسب الصنف وحسب التاريخ-

- المرور بالكود على كافة السجلات وتحديث الرصيد بعد الحركة-

- في حالة صنف جديد يعود الرصيد بعد الحركة للقيمة صفــــــر-

 

[elkareee]

9 ساعات مضت, Gamal.Saad said:

زين

أكيد طبعا يمكن شرحها بالتفصيل في حالة أثبتت نجاحها

لكن كنت أتمنى تسويتها باستعلام تحديث لكن تحتاج لوقت

وهذه احدى محاولات الحل

وفي محاولة سابقة ظهر خطأ بسبب التسمية للحقول

in , out

لذلك قمت بتغييرها

 :الفكرة مبسطة

- انشاء استعلام يرتب السجلات حسب الصنف وحسب التاريخ-

- المرور بالكود على كافة السجلات وتحديث الرصيد بعد الحركة-

- في حالة صنف جديد يعود الرصيد بعد الحركة للقيمة صفــــــر-

 

استاذى الفاضل اكيد اثبتت فعاليتها بجداااارة وايضا رجعت المسميات in و out وشغالة طبيعى لكن هقولك المشكلة هتظهر امتى 

لما تضع كود تشغيل الوظيفة فى On Current  او On Open وكانت قاعدة البيانات فارغة تمام بدون اصناف فبالتالى الاستعلام لن يجد ما يرتبه وسيظل مفتوح بدون نتيجة ويعطل فتح النموذج المطلوب وهذه اكتشفتها بالتطبيق للفكرة 

عامة فكرة اكثر من رائعة ونتمنى ونطمع اننا نشوف فكرتك الاخرى عن طريق استعلام التحديث للوصول لنفس النتيجة الرائعة 

تقبل تحياتى استاذى الكريم وبداية موفقة فى المنتدى 

 

 

 

[Gamal.Saad]

20 minutes ago, elkareee said:

وايضا رجعت المسميات

in و out

وشغالة طبيعى لكن هقولك المشكلة هتظهر امتى

وقاعدة البيانات فارغة

ممكن نوقف الكود اذا كانت قاعدة البيانات فارغة

والأفضل للتسميات عموما الابتعاد عن الكلمات المستخدمة للنظام

لكن لطالما تعمل فلا توجد مشكلة

20 minutes ago, elkareee said:

عامة فكرة اكثر من رائعة ونتمنى ونطمع اننا نشوف فكرتك الاخرى عن طريق استعلام التحديث للوصول لنفس النتيجة الرائعة 

تقبل تحياتى استاذى الكريم وبداية موفقة فى المنتدى 

والله أسعدتني سعادتك بحل المشكلة

يا أستاذ

elkareee

طيب اسم سيادتك ايه ؟

لو معلومة عسكرية ممكن تكتبها على الخاص

 

[elkareee]

10 ساعات مضت, Gamal.Saad said:

طيب اسم سيادتك ايه ؟

لو معلومة عسكرية ممكن تكتبها على الخاص

 

لا  عسكرية مين اخوك محمد نتشرف بمعرفتك طبعا اخى الفاضل 

وعلى فكرة عندى مشكلة تانية اصعب من دى باضعاف وحاسس انك انتا اللى هتجيب خبرها  نخلص من تطبيق دى والتانية ان شاء الله نشوفها بعدين 

 

[Gamal.Saad]

أهلا بك أستاذ محمد والتشريف لنا يا غالي

طالما المشكلة الثانية أصعب بأضعاف يبقى لازم نتشارك مع الأخوة في المنتدى للوصول للحل

ولازم تكون بموضوع جديد كي لا يضيع تركيز المتابعين للمشكلة الحالية في دراسة الحل المقترح بهذا الموضوع

كمان المفضل يكون عنوان الموضوع الحالي يعبر عن المشكلة لتسهيل البحث عنها

فيكون مثلا

مشكلة في تحديث رصيد بعد الحركة

أو ما شابه

أو ما شابه

[elkareee]

10 ساعات مضت, Gamal.Saad said:

أهلا بك أستاذ محمد والتشريف لنا يا غالي

طالما المشكلة الثانية أصعب بأضعاف يبقى لازم نتشارك مع الأخوة في المنتدى للوصول للحل

ولازم تكون بموضوع جديد كي لا يضيع تركيز المتابعين للمشكلة الحالية في دراسة الحل المقترح بهذا الموضوع

كمان المفضل يكون عنوان الموضوع الحالي يعبر عن المشكلة لتسهيل البحث عنها

فيكون مثلا

مشكلة في تحديث رصيد بعد الحركة

أو ما شابه

أو ما شابه

تم عمل موضوع بالفعل يا غالى الرابط اهو