تقسيم وفصل بيانات ملف اكسيل واحد الي اكتر من ملف اكسيل

[Elmohandescomp]

السلام عليكم ورحمة الله وبركاته 

لو سمحتوا كنت محتاج اعرف لو فيه معادلة تساعدني علي فصل مجموعة بيانات متشابهة في ملف اكسيل اتوماتيك و تتبعت في ملف اكسيل تاني انا مجهزوا ليها

ياعني الملف اللي انا رافقه في عامود ل ( باركود و اسم صنف ومجموعة وسعر) 

انا محتاج افصل البيانات المتشابهة في (المجموعة) وكل مجموعة يكون ليها ملف تاني باسمها زي ملف يكون للتيل وملف للفلاتر وهكذا،  لاني بضيع ساعات في فصل ملف فيه اكتر من 2000 صنف يدوي 

وشاكر مساعدتكم مقدما

 

تم تعديل يناير 15, 2017 بواسطه Elmohandescomp

[Elmohandescomp]

اسف دا المرفق 

New Microsoft Office Excel Worksheet.rar

[Elmohandescomp]

انا وصلت لنصف الطريق بس مش عارف اكمل ، ممكن لو في اي دالة او ماكرو (بس انا مش بعرف اكتب اي ماكرو خالص هحتاج حاجة بسيطة في البداية وانا ممكن ازود عليه ) 
دي الطريقة اللي وصلت ليها عن طريق 

1-Data

2- Advanced filter

 

[Elmohandescomp]

وصلت لماكرو بس مش فاهم اي حاجة :D
ممكن حد يقولي دا ينفع للطلب اللي انا طالبه ولا لا ؟
ولو ينفع ممكن نبذة عنه بحيث اعرف اتعامل معاه علي حسب معطياتي ؟

 

Sub CreateNewWBS()
Dim wbThis As Workbook
Dim wbNew As Workbook
Dim ws As Worksheet
Dim strFilename As String

    Set wbThis = ThisWorkbook
    For Each ws In wbThis.Worksheets
        strFilename = wbThis.Path & "/" & ws.Name
        ws.Copy
        Set wbNew = ActiveWorkbook
        wbNew.SaveAs strFilename
        wbNew.Close
    Next ws
End Sub

 

[ياسر خليل أبو البراء]

قم بالإطلاع على الملف في الرابط التالي لعله يفيدك إن شاء الله

الرابط من هنا

[Elmohandescomp]

شاكر اهتمام حضرتك يااستاذ ياسر
بس بيظهرلي الخطأ دا 
ايه الحل ؟

[ياسر خليل أبو البراء]

جربت الملف ويعمل بشكل جيد .. تأكد من أن الملف قد تم استخراجه من الملف المضغوط بشكل صحيح

ثم حاول مرة أخرى ..

اضغط Alt + F8 بعد فتح الملف ، واختر الماكرو الموجود ثم انقر Run

[Elmohandescomp]

الله يبارك فيك و يزيدك من علمه
تمام كدا هو دا اللي انا كنت محتاجة بالظبط
ممكن  نشغل الميكرو دا علي الملف اللي هرفقه دا بحيث اني مااعدلش حاجة ؟
ياعني كل المعطيات اللي انا بحتاجها موجوده فيه

 

New Microsoft Office Excel Worksheet.rar

[Elmohandescomp]

في كمان استفسار حابب افهمه
لو الماكرو اتعمل علي فايل اكسيل معين وجربنا والبيانات اللي كانت فيه وليكن كانوا 1000 صف|
وبعد كدا انا زودت علي الصفوف دي وليكن 500 كمان 
كدا اصبح الاجمالي 1500 صف بعد تعديل واضافه البيانات الجديدة
هل الماكرو هيفضل شغال ولا هنعدل فيه ؟

 

[ياسر خليل أبو البراء]

إن شاء الله يفضل شغال وجرب بنفسك وشوف ولو قابلتك مشكلة أعطنا صورة للمشكلة لنتمكن من تقديم المساعدة المطلوبة

[Elmohandescomp]

تسلم يااستاذ ياسر وشاكر مجهود حضرتك
بس في نقطتين 
اول نقطة انا البيانات دي باعملها Export من برنامج حسابي والشيت البيانات بتكون فيه بالترتيب زي اول صورة انا رافقها والصفحة ايضا بتكون من الشمال لليمين 
وحضرتك الملف اللي بعته الصفحة من اليمين للشمال وبالتالي بيحصل انعكاس للاعمدة
وهنا بتظهر النقطة التانية ان الاعمدة مختلفة والماكرو اللي حضرتك كاتبه بيعمل فلتر علي اول عمود اللي هو السعر 
في حين اني محتاج اعمل فلتر علي العمود رقم  D في الصورة رقم 1
 * الصورة رقم 2 : دا الملف اللي حضرتك عاملة وواضح فيه انعكاس الاعمدة 

 

ودا output
عبارة عن سعر البيع اللي هو اول عامود تقريبا
 

[ياسر خليل أبو البراء]

دور على السطر في الكود اللي فيه جملة DisplayRightToLeft وشيل السطر دا وهيظبط معاك زي ما إنت عايز

[Elmohandescomp]

استاذ ياسر 
انا شاكر لحضرتك مجهودك الكبير وصبرك علي المتابعه معايا 
ربنا يجعله في ميزان حسناتك
واسمحلي اني عدلت حاجة بسيطة في الماكرو بتاع حضرتك علشان يتناسب مع متطلباتي 
انا زودت عدد الاعمدة وغيرت العامود اللي هيقسم عليه البيانات
وبكرر شكري لحضرتك مرة كمان

[ياسر خليل أبو البراء]

تمام الأسطر المشار إليها عدل فيها براحتك بحيث يناسب ملفك وهذا هو المقصد من الكود أن يكون مرن ويمكن تعديله بسهولة

تقبل تحياتي

[Elmohandescomp]

تسلم يااستاذ ياسر
متشكر جدا ، انت وفرت عليا وقت وجهد كبير جدا 
بارك الله فيك

[الزباري]

بصراحة الملف تحفة.. تحياتي أبو البراء