محتاج كود ترحيل شهرى للشيت الموجود

[ahmedalyalshahat]

محتاج كود ترحيل شهرى فى الشيت الموجود دة 

بدل منا عامل السنه كلها تحت بعضها كدة 

وشكرا

ياريت المساعدة 

 

يوميات المحل22.rar

[ahmedalyalshahat]

للرفع

[ياسر خليل أبو البراء]

مزيد من التوضيح لتجد استجابة أفضل .. حاول توضح طلبك بالصور ، وتأكد أنني لا أفهم طبيعة عملك .. لذا دائماً تحدث بلغة الإكسيل ..

في ورقة العمل كذا يوجد كذا وفي النطاق كذا وفي الخلية كذا سيتم عمل كذا أو ترفق شكل النتائج المتوقعة ليسهل تقديم المساعدة المطلوبة ..

ويفضل إرفاق أوراق العمل المطلوب العمل عليها فقط لكي لا يتشتت الأعضاء

 

[ahmedalyalshahat]

بص بقى اخى ياسر من الاخر انا مش عارف اعمل زى الفيديو دا بالظبط انا مش فاهم منه حاجه 

ياريت حضرتك تفهمهولى تمام انا عاوز اعمل زى دا بالظبط 

فى الشيت بتاعى 

اظن كده وصلت 

شرح للى انا عاوز اعملة اضغط هنا

[ياسر خليل أبو البراء]

أخي الكريم أحمد

الفيديو بسيط جداً وواضح جداً ..حاول تحدد بالضبط ما المشكلة لديك لكي نستطيع مساعدتك

في ورقة العمل "اليومية" هل سيتم ترحيل كل التواريخ في العمود الثاني؟ لأنني أرى أن البيانات موجودة حتى الصف التاسع فقط بالنسبة للعمود I ..

يمعنى آخر ما هو العمود الذي على أساسه سيتم معرفة رقم آخر صف؟

الطلب بسيط لكن لابد من التوضيح التام كما أسلفت .. لاحظ أنني لا أعمل على التخمين

[ahmedalyalshahat]

2 hours ago, ياسر خليل أبو البراء said:

أخي الكريم أحمد

الفيديو بسيط جداً وواضح جداً ..حاول تحدد بالضبط ما المشكلة لديك لكي نستطيع مساعدتك

في ورقة العمل "اليومية" هل سيتم ترحيل كل التواريخ في العمود الثاني؟ لأنني أرى أن البيانات موجودة حتى الصف التاسع فقط بالنسبة للعمود I ..

يمعنى آخر ما هو العمود الذي على أساسه سيتم معرفة رقم آخر صف؟

الطلب بسيط لكن لابد من التوضيح التام كما أسلفت .. لاحظ أنني لا أعمل على التخمين

بص يا كبيرنا علشان الموضوع من الاخر 

اه انا حزفت كل الاشهر اللى فى اليومية انا عاوز بقى بعد ما الشهر بتاع 9 يخلص اضغط على كلمة ترحيل يروح لشهر 9 

وبعد كدة امسح اللى فى اول صفحه اللى هية اليومية وابدأ فى شهر 10 واو ما يخلص اضغط على كلمة ترحيل قوم اية بقة تروح لشهر اكتوبر وهكذا شوفت الامر بسيط ازاى بس انا مش عارف اعملة انا عاوز كل البيانات اللى فى الشهر تتنقل على بعضها تمام ولو فى حاجه مش واضحه عرفنى 

[ياسر خليل أبو البراء]

وضح بالصور أحسن عشان الموضوع مش واضح بالنسبة لي بما فيه الكفاية .. تحدث بلغة الإكسيل أفضل

[ahmedalyalshahat]

اظن مفيش اسهل من كدة 

 

شوف كدة

ملحوظه ملهاش دعوة بالموضوع عاوز اعمل توقيع لى فى المنتدى زى اللى انت عاملة عاشق الاكسل بدور فى البروفيل مش لاقى مكانة 

تم تعديل سبتمبر 5, 2016 بواسطه احمد ديدو

[ياسر خليل أبو البراء]

أخي الكريم أحمد ديدو ..

الصورة واضحة ولكن صدقني ينقص تفاصيل ربما لأنك ما زلت في أول الطريق لا تعرفها

البرمجة تعني الإحاطة بأدق التفاصيل للتعامل معها بشكل صحيح ولكي تتجنب الأخطاء

على سبيل المثال .. لم تذكر هل البيانات التي سترحل ..سترحل بعد آخر صف به بيانات أم أنه يتم مسح البيانات من ورقة شهر سبتمبر مثلاً قبل عملية الترحيل؟

 

عموماً جرب الكود التالي وإن شاء الله التعديل يكون سهل لو فيه تعديل .. وحاول دايماً تتكلم بلغة الإكسيل فهذا أيسر وأوضح للجميع

رابط الكود من هنا

[ahmedalyalshahat]

الرابط مش بيفتح 

وبعدين انت تخلينى محملش بروابط خارجيى وتيجى تبعتنى البعته دى 

 

[ياسر خليل أبو البراء]

أخي الكريم أحمد الرابط يعمل وجربته الآن مرة أخرى

اعمل كليك يمين على الرابط ثم اختر فتح في تبويب جديد Open In New Tab ..سيفتح معك صفحة بعد 5 ثواني ستظهر في أعلى يمين الصفحة عبارة Skip Ad انقر عليها سيظهر معك الصفحة التي بها الكود

انسخ الكود وضع الكود في موديول جديد ..

لو تريد معرفة تفاصيل أكثر عن الأساسيات يوجد موضوع كامل على الرابط التالي

من هنا

[ahmedalyalshahat]

ايوه ماشى دا اية علاقتة بالموضوع انا مش فاهم فية حاجه دى طريقة عمل زر 

انا عاوز ارحل اللى فى الصفحه الاولى الى باقى الصفحات وامسح الصفحه الاولى وارجع املاها وارحلها للشهر بتاعها 

انا مش فاهم اية الغريب فى كدة منا باعت الفيديو 

عاوز من اول a6 الى q35 اللى هو شهر تسعه يترحل لشهر 9

اية اللى فيها 

[ياسر خليل أبو البراء]

المشاركة الأخيرة أعطيتك رابط فيه شرح لأساسيات التعامل مع محرر الأكواد (أعتذر عن الإضافة الزائدة عن حاجتك والتي تراها ليس لها علاقة بالموضوع)

المشاركة القبل الأخيرة فيها رابط والرابط سيوصلك إلى كود ، قم بنسخ الكود إلى ملفك وجربه ... أي أن الكود تم إدراجه ، ولكن يبدو أنك لا تستطيع الوصول إليه

ودا ملف شرح فيديو إزاي تتعامل مع الروابط .. شوف الفيديو لتعرف الطريقة

2016-09-07_13-49-29.rar

[ahmedalyalshahat]

اية الحلاوة دى ماشاء الله الكود بيعمل done

وخلاص بس مش بيعمل اى حاجه 

والحمد لله انا دلوقتى تمام واتعقدت من الشيت دا خالص 

ياريت تقفل الموضوع دا تعملو غلق نهائى 

وانا هعمل موضوع جديدلشئ تانى خالص 

وبالنسبة للشيت ده ومالة الشهور تيجى تحت بعضها حاجه زى الفل 

انا هطمع حلو كدة هشتغل علية كدة 

متشغلش بالك انت خالص 

تم غلق لموضوع لعدم قدرة استيعابى على الفهم 

[ياسر خليل أبو البراء]

أخي الكريم أحمد

هوناً عليك ورفقاً بنا .. والصبر مطلوب ..

والكود بيعمل Done ما شاء الله (خبير أكواد عشان تعرف الكود بيعمل ايه من غير ما تجربه بشكل صحيح .. دي سخرية لا أقبل بها  !! )

هل قمت بنسخ الكود إلى موديول جديد ؟

أنا قبل إرفاق أي كود أقوم بتجربته والتأكد من صحة المخرجات

اذكر لنا ما المشكلة التي لديك؟ أو ارفق الملف وبه الكود للتأكد مرة أخرى .. ويا سيدي حقك عليا إذا كنت اتعقدت من الموضوع .. بس لاحظ إن إنت اللي واخد الموضوع وشايف صعب وعشان كدا معقد بالنسبة لك

حاول تشوف الموضوعات الأخرى وشوف استجابة الأعضاء .. هتلاقي موضوعك لم يستجيب فيه أحد وأردت تقديم المساعدة قدر الإمكان ..

وإذا كنت لا تريد مساعدة مني فهذا يرجع إليك ولكني حينما أقدم مساعدة لا ألتفت لشخص بعينه إنما يهمني مصلحة الجميع قبل مصلحة الفرد ، لأنه قد يكون هناك من لديه نفس المشكلة ويريد حلها ...

أرجو تفهم الأمر وأقدم اعتذاري الشديد

[أبو حنــــين]

السلام عليكم اخي احمد

بعد إذن الأخ المحترم ياسر

جرب هذا الكود ربما يفي بالغرض

Sub sCopy()

Application.ScreenUpdating = False
Dim sh As Worksheet, MySheet As Worksheet, Ar
    Set sh = Sheets("اليومية")
    Ar = Array("يناير", "فبراير", "مارس", "ابريل", "مايو", "يونيو", "يوليو", "اغسطس",   "سبتمبر", "اكتوبر", "نوفمبر", "ديسمبر")
  

    For i = 6 To sh.Range("B" & Rows.Count).End(xlUp).Row
    For x = 0 To 11
    Set MySheet = Sheets(Ar(x))
    If Format(sh.Cells(i, 2), "mmmm") = MySheet.Name Then
    LR = MySheet.Range("A" & Rows.Count).End(xlUp).Row + 1
    sh.Range("A" & i).Resize(, 16).Copy
    MySheet.Range("A" & LR).PasteSpecial xlPasteValues
    End If
    Next
    Next
Application.ScreenUpdating = True

End Sub

 

[ahmedalyalshahat]

1 hour ago, ياسر خليل أبو البراء said:

أخي الكريم أحمد

هوناً عليك ورفقاً بنا .. والصبر مطلوب ..

والكود بيعمل Done ما شاء الله (خبير أكواد عشان تعرف الكود بيعمل ايه من غير ما تجربه بشكل صحيح .. دي سخرية لا أقبل بها  !! )

هل قمت بنسخ الكود إلى موديول جديد ؟

أنا قبل إرفاق أي كود أقوم بتجربته والتأكد من صحة المخرجات

اذكر لنا ما المشكلة التي لديك؟ أو ارفق الملف وبه الكود للتأكد مرة أخرى .. ويا سيدي حقك عليا إذا كنت اتعقدت من الموضوع .. بس لاحظ إن إنت اللي واخد الموضوع وشايف صعب وعشان كدا معقد بالنسبة لك

حاول تشوف الموضوعات الأخرى وشوف استجابة الأعضاء .. هتلاقي موضوعك لم يستجيب فيه أحد وأردت تقديم المساعدة قدر الإمكان ..

وإذا كنت لا تريد مساعدة مني فهذا يرجع إليك ولكني حينما أقدم مساعدة لا ألتفت لشخص بعينه إنما يهمني مصلحة الجميع قبل مصلحة الفرد ، لأنه قد يكون هناك من لديه نفس المشكلة ويريد حلها ...

أرجو تفهم الأمر وأقدم اعتذاري الشديد

اخى الكريم ياسر يعلم الله انى احبك فى الله 

وانا فعلا الكود كتب  عندى done

 معناها يعنى شغال بس انا مش عارف بيشتغل ازاى 

وانا زكرت فى تعليق سابق 

ويعلم الله انا انا من اول ما جيبت المنتدى هنا وحضرتك استقبلتنى احسن استقبال 

وعلمتنى كتير جدا فى الاكسل 

بس تقريبا انا معلش كنت طماع فى كرم حضرتك وكنت بطلب طلبات كتير جدا منك وتقريبا الطلبات دى انا كنت بعدى مراحل كتير على كونى مبتدا فى الاكسل 

فدا اللى طمعنى فى كرم حضرتك 

وحضرتك لو لاحظت فى تعليقاتى فى اى موضوع اخر هتلاقينى بضرب بيك المثل لاخلاصك فى المنتدى وحب الناس الك 

بس والله انا لا اقصد الاهانك منك عمرى ما هفكر فى كدة اساسا ولا يجى على بالى اصلا 

وانا بأعتزر لحضرتك كتير 

وبعدين يعنى اية مش عاوز مساعدة منك دا انت الاساس ومش محتاج مساعده من حد غيرك انت 

ملحوظه 

من تعليقاتك السابقه انا حاسس انك مفكرنى بعرف اساسيات الاكسل بس انا كل معرفتى فى الاكسل انى اجمع واطرح بس غير كدة انت اللى معلمنى يعنى لا كنت اعرف اعمل اكواد ولا اى حاجه انت اللى معرفى يعنى اللى حضرتك بتقولهولى دا بداية معرفتى بالاكسل 

وانا بعتزر جدا جدا لك اخى ياسر 

بس والله ما كان قصدى اى اهانة

تم تعديل سبتمبر 7, 2016 بواسطه احمد ديدو

[ياسر خليل أبو البراء]

أخي الكريم أحمد ديدو بارك الله فيك

واعلم أنني مثلي مثل غيري مجرد متعلم مجتهد ولست بعلامة كما يعتقد البعض ، وأنا أتعلم الجديد كل يوم وما زلت أتعلم وصدقني مرحلة التعلم لمن يعرف هي مرحلة غير منتهية على الإطلاق

لابد أن تتحلى بالصبر .. لقد مكثت بالأمس في كتابة كود واستغرق مني أكثر من 10 ساعات (في المحاولات المستميتة للوصول لحل) .. هكذا يجب أن تتعلم إذا كنت تريد أن تتعلم في هذا المجال ، ولكل مجتهد نصيب ..

أحب في ردودي دائماً أن أفصل الأمور وأوضحها تمام التوضيح ، وذلك ليستفيد الجميع ونرتقي ..كفانا الوقوف عند البدايات (الكثير يبدأ ولا يكمل المسيرة) إذ أن التعلم يحتاج إلى مثابرة وصبر وإرادة ومحاولات مستمرة حتى لو باءت تلك المحاولات بالفشل آلاف المرات

 

أعتذر في الإسهاب في حديثى .. عندما قدمت لك رد توقعت أنك لا تعرف كيفية التعامل مع محرر الأكواد فأرشدتك إلى موضوع هااااااام جداً والكل يعلم بأهميته إذ لابدمن معرفة الأمور الأساسية للتعامل مع محرر الأكواد ومع الحلول التي تقدم لك في الموضوع

 

قام أخونا الحبيب أبو حنين بوضع كود منذ قليل .. قم بنسخ الكود واذهب لمحرر الأكواد وأدرج موديول جديد وضع الكود به ، ثم ارجع لورقة العمل واضغط Alt + F8 ليظهر لك قائمة بأسماء الإجراءات الفرعية لديك .. ابحث عن اسم الإجراء الفرعي (الذي يأتي بعد كلمة Sub) .. ابحث عن الاسم ثم انقر Run .... أو كما تعلمت قم برسم زر ليرتبط تنفيذ الكود بالنقر عليه ...(أمور قد تعرفها وأوضحها لمن لا يعرفها) .. وكل ذلك من أجل نرتقي ونسمو ونصل لدرجة الاحتراف سوياً

 

وللعلم أنا لا أحب أن أرفق ملف وحسب ، فهذا أيسر وأسهل وأقل في الوقت والجهد ، ولكنه لن يفيد الكثيرين ... لابد من أن يتعلم الجميع تطبيق الحلول بأنفسهم

أنا أقدم الكود والخطوات اللازمة لتنفيذه إذا لزم الأمر ، وأوضح كافة الجوانب المرتبطة وأحياناً كثيرة أقدم شرح تفصيلي للكود

*************************

بالنسبة للكود الذي قدمته إليك شرح سريع له لكي تعرف ماذا يفعل الكود بالضبط .. وليس مجرد Done فقط (وللعلم أنا أحب استخدام سطر يظهر رسالة للمستخدم ليعرف المستخدم أن الكود قد انتهى من تنفيذ السطور الموجودة فيه .. فهذا أمر مألوف بالنسبة لي وليست مجرد رسالة إنما لها غرض وهدف .. كما أوضحت )

** نأتي للكود : قمت بتعيين ورقة عمل وأسندته لمتغير اسمه Ws وعينت قيمة له ليحمل اسم ورقة العمل الرئيسية التي تحتوي على البيانات وهي ورقة عمل "اليومية"

** ومتغير آخر باسم Lr لمعرفة رقم آخر صف يحتوي على بيانات ووجدت أن العمود الأول يحتوي على تواريخ كثيرة جداً وليس هناك بيانات مقابلة فخمنت على عمود آخر وهو العمود رقم 9 أي العمود I لمعرفة رقم آخر صف من خلاله (من هنا يمكنك إذا فهمت تلك النقطة أن تغير الرقم 9 إلى رقم العمود المطلوب التعامل معه لمعرفة آخر صف فإذا كنت تنوي معرفة رقم آخر صف من خلال العمود الأول فقم بتغيير الرقم 9 إلى 1 والذي يمثل العمود الأول ، وذلك التعديل يكون في السطر الذي يقوم بتعيين قيمة للمتغير Lr

** وضعت شرط بأن تكون الخلية B1 في ورقة اليومية لا تساوي فراغ (أي ليست فارغة) ، وشرط آخر أن تكون تاريخ .. وإلا فلن ينفذ الكود وسيتم الخروج من الإجراء بدون تنفيذ بقية الأسطر ...

** ثم وضعت قيمة للمتغير X بحيث يساوي رقم الشهر في الخلية مضافاً إليه 2 للوصول لورقة العمل المناسبة ، فإذا كان الشهر سبتمبر فإن قيمة المتغير X تساوي 9 + 2 أي تساوي رقم 11 (وذلك للوصول للورقة التي سيتم الترحيل إليها .. وستكون في هذه الحالة هي الورقة رقم 11 ألا وهي ورقة سبتمبر)

** مسح النطاق الذي ستوضع فيه البيانات في ورقة العمل الهدف (ورقة سبتمبر على سبيل المثال)

** ثم سطر النسخ للبيانات من ورقة اليومية إلى ورقة العمل الهدف ، وأخيراً مسح البيانات من ورقة اليومية ..

 

إذاً كل ما عليك أن تقوم بوضع تاريخ في الخلية B1 ليتم تنفيذ الكود ثم تنفذ الكود وترى ورقة العمل الهدف (ويستحب أن تنظر لورقة العمل الهدف قبل تنفيذ الكود وبعد تنفيذ الكود لتعرف ما إذا كان الكود يقوم بعمله أم أنه يعطي رسالة Done فقط ))

والسلام عليكم ورحمة الله وبركاته

[ياسر خليل أبو البراء]

أخي الكريم أبو حنين بارك الله فيك .. جزيت خيراً على مساهمتك الرائعة (ولأن الطلب لم يكن مفصل بما فيه الكفاية فقد فهمت أنت الموضوع بشكل آخر)

حسب ما فهمته أنه لا يريد فحص الخلايا في عمود التاريخ إنما سيقوم بكتابة البيانات الخاصة بشهر سبتمبر مثلاً وفي نهاية الشهر سيقوم بترحيل البيانات كلها مرة واحدة إلى ورقة العمل المناسبة ..

ثم إن استخدام الحلقات التكرارية المتداخلة لم يعجبني إذ لا داعي له .. لو أن الطلب هكذا أفضل الفلترة لعمود التاريخ فهذا أيسر وأسرع في حالة التعامل مع البيانات الكثيرة

وعموماً معاً نحاول أن نصل لأفضل الحلول .. بعد أن يقوم الأخ أحمد بتوضيح المسألة وخصوصاً أنه حدث لبس في فهم المطلوب عندي وعند أو حنين .. وكل منا  قدم حله حسب ما فهمه من الموضوع ..

تقبلوا تحياتي

[ahmedalyalshahat]

اخى ومعلمى الفاضل ياسر 

من علمنى حرفا صرت له عبدا 

سيبك من البرنامج انا اللى يهمنى زعلك انت بس 

والله اللى يهمنى زعلك

بس والله ما كان قصدى 

 

[ياسر خليل أبو البراء]

اعتذارك مقبول أخي الكريم أحمد ... والحمد لله ليس في صدري شيء منك الآن ...

وكلنا عبيد لله .. جمعني الله وإياك في مستقر رحمته يوم القيامة

 

المهم واصل موضوعك وحاول تشوف الحلول المطروحة وما يناسبك منها

قدم لك حلين جربهما بتأني لترى المخرجات .. هل هي المخرجات المطلوبة كما اردت أم لا؟

نصيحة قم بنسخ الأكواد إلى الموديول ثم احفظ المصنف قبل تنفيذ أي كود وبعد التنفيذ شوف النتائج ثم أغلق الملف بدون حفظ .... !! عود نفسك

[ahmedalyalshahat]

تمام اخى ياسر 

ياراجل دا انا هموت من الجوع ومش عاوز اقوم من قدام الجهاز غير لما تسامحنى 

هروح اتغدا بقى واجى 

[أبو حنــــين]

فقط اريد أن ادلي  بملاحظتين مهمتين

1 - كل ما كان الملف يحتوي على شرح مفصل للمطلوب و نموذ واضح للحل المراد الوصول اليه كلما اسرع الاخوة في الرد بدون تردد 

2 - كلنا نتعلم و ربما المجيب عن السؤال يستفيد اكثر من السائل عنه لانه في هذه الحالة قد ارتقى بخطوة للامام  و تعلم شيئا ربما لم يسبق له ان خاض فيه

هل يستطيع أحدنا ان يختبر نفسه بطرح اسئلة على نفسه ثم يجيب عنها ؟ قطعا لا

و لذلك دوما نتشوق الى الاسئلة التي تكون معالمها واضحة لنجيب و نفيد و نستفيد

[ahmedalyalshahat]

37 minutes ago, أبو حنــــين said:

فقط اريد أن ادلي  بملاحظتين مهمتين

1 - كل ما كان الملف يحتوي على شرح مفصل للمطلوب و نموذ واضح للحل المراد الوصول اليه كلما اسرع الاخوة في الرد بدون تردد 

2 - كلنا نتعلم و ربما المجيب عن السؤال يستفيد اكثر من السائل عنه لانه في هذه الحالة قد ارتقى بخطوة للامام  و تعلم شيئا ربما لم يسبق له ان خاض فيه

هل يستطيع أحدنا ان يختبر نفسه بطرح اسئلة على نفسه ثم يجيب عنها ؟ قطعا لا

و لذلك دوما نتشوق الى الاسئلة التي تكون معالمها واضحة لنجيب و نفيد و نستفيد

بارك الله فيك اخى ابو حنين

[ahmedalyalshahat]

اخوانى دلوقتى انا توصلت لكدة بس بضغط علية ما راح يرحل شئ 

هل انا نسيت شئ

الباس

01010133620

اخر ما توصلت الية.rar