مسح بيانات خلايا متفرقة داخل نطاق معين عن طريق لون الخلايا

[ياسر العربى]

بسم الله الرحمن الرحيم

 

اراد احد الاخوة كود لازالة بيانات من خلايا متفرقة داخل نطاق معين فخطرت ببالي هذه الفكرة وهي 

حذف البيانات بمعلومية لون الخليه

فوضعت لكم مثال بسيط لعله يفيدكم

Sub Yasser()
    Dim Rng As Range
    Application.ScreenUpdating = False
    For Each Rng In Range("a3:g31")
        If Rng.Interior.Color = Range("h1").Interior.Color Then
            Rng.ClearContents
        End If
    Next Rng
    Application.ScreenUpdating = True
End Sub

 

مع تحياتي

ياسر العربي

 

مسح بيانات بمعلومية اللون.rar

[ياسر خليل أبو البراء]

أخي الحبيب ياسر العربي

بارك الله فيك وجزاكم الله خيراً على الموضوع المتميز ...والفكرة الجميلة

تسلم الأيادي

تقبل تحياتي

[ياسر العربى]

تسلم ايدك انت ومجهودك داخل المنتدى حبيبي الغالي ابو البراء

منكم نتعلم حبيبي

وتفضلو نفس الفكرة بس على حجم الفونت وهنا الحجم "10"

وتقدروا تنفذو  الفكرة على اشياء كتير

Sub Yasser2()
    Dim Rng As Range
    Application.ScreenUpdating = False
    For Each Rng In Range("a3:g31")
        If Rng.Font.Size = "10" Then
            Rng.ClearContents
        End If
    Next Rng
    Application.ScreenUpdating = True
End Sub

تقبل تحياتي

 

مسح بيانات بمعلومية حجم الخط.rar

[كريم ناصف]

ملفين رائعين 

المنتدي صراحة كلة خبرات وعقول فولازية الله يجعلة في ميزان حسناتكم يا رب

تسلم اديكو 

[ياسر خليل أبو البراء]

بارك الله فيك أخي الكريم كريم ..

لما قريت فولازية تقريباً فيه حرفين طاروا من قدام عيني (لا) ..فقريتها فوزية ..! مين فوزية دي .. أكيد أخت فوزي

الفكرة ليست في العقول بل في الاجتهاد ..ربما من كان هناك من الأعضاء من هو أذكى من الجميع ولكن لا يستغل ذكائه ، فلكل منا قدرات خاصة المهم أن نفتش عنها وننقب عنها

تقبل تحياتي

[أبوبسمله]

جزاك الله كل خير يا ابو اسيل

مختفى فين كده اليومين دول مفتقدينك

شاكلك بتشيت ياريس قصى مشتى هههههههههههههههه

حبيبى يا ابواسيل

ربنا يجازيكم كل خير ويبارك لكم فى اعمالكم واوقاتكم واهليكم ويحفظهم

 

[ياسر العربى]

21 ساعات مضت, كريم ابو هني said:

 

جزاك الله خير اخي الكريم

وزي ما قال حبيبي ابو البراء مش (فول_ازيه)كل واحد بيشوفها بطريقته

يعني مثلا شوية المعلومات الصغيرين اللى جوا دماغنا بنحاول ندورهم كدا ونستخدمهم في كذا حاجه

وطبعا هتلاقي في عقول (جنيس) بصوت تتح

بس محتاجين يشغلو دماغهم وهما هييعملوا احلا شغل

10 ساعات مضت, أحمد الفلاحجى said:

جزاك الله كل خير يا ابو اسيل

مختفى فين كده اليومين دول مفتقدينك

شاكلك بتشيت ياريس قصى مشتى هههههههههههههههه

حبيبى يا ابواسيل

ربنا يجازيكم كل خير ويبارك لكم فى اعمالكم واوقاتكم واهليكم ويحفظهم

 

حبيبي احمد جزاك الله كل خير

والله العمليه قافله شوية معايا (اقتصادية -اجتماعية- ونفسية وسيب القوس مفتوح - - --------

بس هنقول ايه الحمد لله على كل شئ

وادينا بنضحك 

تقبل تحياتي

 

[ياسر خليل أبو البراء]

يا عربي .. العملية قافلة ليه هو النهاردة الجمعة ؟!!

يسر الله أمورك ويسر عليك كل عسير .. وفك الله كربك وكرب جميع المسلمين

تقبل وافر تقديري واحترامي

[ياسر العربى]

14 دقائق مضت, ياسر خليل أبو البراء said:

يا عربي .. العملية قافلة ليه هو النهاردة الجمعة ؟!!

يسر الله أمورك ويسر عليك كل عسير .. وفك الله كربك وكرب جميع المسلمين

تقبل وافر تقديري واحترامي

اللهم امين

ياريت تبقى قفله جمعه ياحبيبي

ربنا يرحمك من زحمة العقل والتفكير بعيد عنك (حلة محشي بالكنافة على مية مخلل بالمسقعة) جوا دماغك

تقبل تحياتي ومحشياتي وطرشياتي 

[أبوبسمله]

حمدالله على السلامه يا ابواسيل

مش هنقول ايه اقوم صلى واحمد ربنا ده اللى بيتعمل مش اللى بيتقال

ثانيا ربنا سبحانه وتعالى قال فى كتابه العزيز بسم الله الرحمن الرحيم

فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا يُرْسِلِ السَّمَاء عَلَيْكُم مِّدْرَارًا وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا 

صدق الله العظيم

هل تريد أكثر من ذلك يا ابا آسيل

حبيبى واخى ويا من رزقنى بكم الله فالحمد لله الواحد الرزاق

لا تعرف اين رزقك وما هو رزقك

ادعو الله لك ولكل امة محمد ان يرزقهم راحة البال والطمأنينه

جزاكم الله كل خير

 

 

[كريم ناصف]

الحاجة فوزية بتسلم عليكووو نفر ناااافر وان خلص الفول_ازية انا مش مسئول

وبتقولوكي الله يقويكو ، ويخلي هذا الصرح العربي اللي اسمة اوفيسنا يكون من اقوي المنتديات في مجال المعلومات والخبرات 

وكفاية انه مجمعنا مع بعض مع اننا مشوفناش بعض 

رببنا يجمعنا علي خير في الجنه ان شاء الله 

بالعمل الصالح

مع الاعتذار للحاجة فوزية 

[ياسر خليل أبو البراء]

الأخ الكريم كريم

كنوع من الاعتذار للحاجة فوزية ممكن نعينها من ضمن فريق الإشراف بس أنا مش مسئول عن اللي هيحصلكم ..! لأنها مش هترحمكم على اللي بتقولوه في حقها ده !!

جمعني الله وإياكم في الملأ الأعلى في مستقر رحمة الله يوم القيامة

تقبل خالص تقديري واحترامي