متبرع لشراء برنامج يقوم بتخزين أكواد الـ VBA

[ياسر خليل أبو البراء]

السلام عليكم

إخواني الكرام

أثناء تجوالي في مواقع الانترنت وجدت برنامج اسمه VBA Time Saver Kit فكرة البرنامج أنه يقوم بتخزين أكواد الـ VBA .. ويمكن البحث من خلاله بسهولة عن الكود المطلوب ..

أعتقد أنه يمكن أن يكون نواة لمكتبة كبيرة نساهم جميعاً في إثراء تلك المكتبة ..

لمن لديه خبرة في التعامل مع مواقع الانترنت والشراء من خلالها ويستطيع أن يقوم بشراء البرنامج حوالي 15 دولار فليتقدم ويتبرع إذا كان بإمكانه

وبعد الشراء طبعاً عارفين ..كل الوطن العربي هيستخدم البرنامج اللي هيتم شرائه ..بس خلاص

تقبلوا وافر تقديري واحترامي

[أبوبسمله]

جزاك الله كل خير اخى ياسر

طيب بدل ما نشترى ده برنامج نفس الفكره ومش تخزين vba بس كل اشكال وانواع الاكواد تخزنها بس تقريبا علشان تحافظ على هذا التخزين تسطبه بعيد عن السى علشان لو نزلت ويندوز جديد تلاقى شغلك زى ما هو

إن شاء الله غدا ارفعهولك وان شاء الله يعجبك ومنشتريش حاجه

 

[ياسر العربى]

ايه  ياحبيبي ياغالي الموضوع مش مستاهل شراء وانت عارف كويس المصريين بيسلكوا دايما

جرب المرفق دا وقولي رايك في منه كتير بس اللي يدور

المكتبات دي موجودة من زمن

 

BankCode.rar

[ياسر خليل أبو البراء]

أخي الحبيب أحمد

أخي الغالي ياسر العربي

أقولكم ع الصراحة ..أنا كنت عايز أطلع المكتبات اللي عندكم بس بأسلوب استفزازي .. عشان كدا طرحت الموضوع

لأني عارف إن محدش في الوطن العربي بيشتري ..!!ههههههههه (مش إحنا اللي ينضحك علينا )

بس ايه المانع إننا نشترك كل واحد يدفع ربع جنيه ونشتري البرنامج ونوزعه ع الغلابة والكل يستفيد .. فكرة مش كدا (يلا يا عربي لم الفلوس بس اوعى تطمع فيها وتهرب برا مصر)

تقبلوا وافر تقديري واحترامي

 

[ياسر العربى]

هههههههه والله ياجدع ظنيت فيك الظن دا بردوووووا بس قلت نحسن الظن 

المهم عجبك شكل المكتبة نفصلك زيها 

لو كدا انا اللي هجيبلك المكتبة دي وكله بحسابه

وانا اللي همسك صندوق التبرعات وهسميه ( تحيا مصر) 

[عبد العزيز البسكري]

السّلام عليكم و رحمة الله و بركاته

بارك الله فيك أخي الغالي" ياسر خليل أبو البراء" على الأفكار النيّرة ..

لمّا تشتريه و تجرّبه .. لا تنس أخاك .. إبعثهولي ..

فائق إحتراماتي

[ياسر العربى]

حبيبي عبد العزيز  معندناش حد يشتري برامج عيبه في وشنا

المهم نزل المكتبة اللي انا ارفقتها بها اكواد فيجوال هتفيدك

تقبل تحياتي

[عبد العزيز البسكري]

يا حبيبي يا غالي يا " ياسر العربي "

و هل هذه عايزة دعوة ..

كل أعمالك أحتفظ بها بجهازي و كل أفضالك أحتفظ بها بقلبي

و الله أعلم بذلك

إحتراماتي

 

[أبو سجده]

42 دقائق مضت, ياسر خليل أبو البراء said:

أخي الحبيب أحمد

أخي الغالي ياسر العربي

أقولكم ع الصراحة ..أنا كنت عايز أطلع المكتبات اللي عندكم بس بأسلوب استفزازي .. عشان كدا طرحت الموضوع

لأني عارف إن محدش في الوطن العربي بيشتري ..!!ههههههههه (مش إحنا اللي ينضحك علينا )

بس ايه المانع إننا نشترك كل واحد يدفع ربع جنيه ونشتري البرنامج ونوزعه ع الغلابة والكل يستفيد .. فكرة مش كدا (يلا يا عربي لم الفلوس بس اوعى تطمع فيها وتهرب برا مصر)

تقبلوا وافر تقديري واحترامي

 

هههههههههههههههههه

عليك عسل ياأبو البراء

ماهو صحيح ياجماعة  الـــ 15 دولار مش محتاجين متبرع

شوفت بقى ياعم ياسر الزهايمر بيعمل ايه " احلى تثبيته يامعلم "

وافر تقديرى واحترامى

تم تعديل فبراير 24, 2016 بواسطه سعيد بيرم

[ياسر خليل أبو البراء]

أخي الحبيب عبد العزيز البسكري

إنت تؤمر ..بس لما الاقي حد الأول يشتري ويبعته هتلاقيني بعته لكل الحبايب

أخي الغالي ياسر العربي ..بلاش تتكلم في السياسة عشان هاخدك مخالفة .. خلينا في الإكسيل ومش عايزين لبش

أخي الحبيب سعيد بيرم أسعدني مرورك .. ومتخافش مش لوحدك في الزهايمر ..كلنا في الهوا سوا

تقبلوا تحياتي

[محي الدين ابو البشر]

استاذ ياسر 

ويندوز 8 و اوفيس 2013 ولم يعمل البرنامج

ممكن المساعدة بارك الله بك

 

[عبد العزيز البسكري]

السّلام عليكم و رحمة الله و بركاته

هل جرّبت أخي الكريم " محي الدّين أبو البشر " تشغيل البرنامج في المرّة الأولى كمسؤول ؟؟

تم تعديل فبراير 25, 2016 بواسطه عبد العزيز البسكري

[ياسر العربى]

49 دقائق مضت, محي الدين ابو البشر said:

استاذ ياسر 

ويندوز 8 و اوفيس 2013 ولم يعمل البرنامج

ممكن المساعدة بارك الله بك

 

تفضل هذا الملف قم بفك ضغطة وضعه في system32  داخل الويندوز او ضعه بجانب البرنامج وقم بتشغيله كما قال اخي الغالي عبد العزيز في وضع كمسئول

 

 

RICHTX32.rar

[محي الدين ابو البشر]

استاذي العزيز عبد العزيز

الجواب لا

حاولت الآن ونفس الشيء

[ياسر العربى]

مكتبة مصممة بالفيجوال بيسك دوت نت

 

Code Library 2009.rar

[ياسر خليل أبو البراء]

تسلم يا أخي الغالي ياسر العربي على هذه الهدايا الجميلة

اللهم أكثر من هداياه

حملت الملف الأخير ولما جيت أفتحه لاقيت الرسالة دي (عندك خلفية أكيد بمشاكل زي دي) ..جربت أشغل الملف كمسئول نفس القصة

أنا شغال على ويندوز 10 آخر تحديث وأوفيس 2013 64 بت

تقبل تحياتي

[ياسر العربى]

دي يبقي عايز تنزل النت فريم وورك ؟؟

صورة البرنامج

 

 

 

[ياسر خليل أبو البراء]

النت فريم ورك متنصب على جهازي ... !!

[ياسر العربى]

ما النت فريم وورك اصدارات ممكن بيعتمد على اصدار معين هتأكد من المكتبة واشوفلك مشكلتها باذن الله

وعلى ما اشوفها 

شوف المكتبة دي بالمرة انا بلاقيهم على الجهاز مش بنزلهم

كلها كنت منزلها ايام شغل الفيجوال ببيسك 6 والدوت نت

المهم كله بيقوم بنفس الغرض وهو حفظ الاكواد

 

 

Code Library.rar

[عبد العزيز البسكري]

السّلام عليكم و رحمة الله و بركاته

بارك الله فيك .. جزاك الله خيرًا و زادها بميزان حسناتك ..

أخي الفاضل "ياسر العربي" ..معك حق .. البرنامج يتطلّب تنصيب الفريم وورك

 

 

[أبوبسمله]

حمل البرنامج وادعيلى اضغط هنا

اتفضل اخى ياسر

ان شاء الله يعجبكم

ومحدش يتكلم فى السياسه انا مش للبيع ههههههههههههههههههههههههههههه

 

 

[أبوبسمله]

بس انا عاندى فكره افضل من البرنامج ده

ومن البرنامج اللى اخى ياسؤ اقترحه نشتريه

تحبو اقول فكرتى ولا اسكت ونكتفى بذلك اخوانى الكرام

وجزاكم الله كل خير

[ياسر العربى]

ارغى ياعم الامور 

ابو البراء يشاور بس وانا اعمله برنامج مخصوص

يارب ما يشبط في الكلمة

 

[أبوبسمله]

الان, ياسر العربى said:

ارغى ياعم الامور 

ابو البراء يشاور بس وانا اعمله برنامج مخصوص

يارب ما يشبط في الكلمة

 

بص ياعم ابواسيل

انت بتبص فين عيب ركز هنا ههههههههههه

احنا متفقين ان احنا كمصريين ما بنشتريش ودايما بنكرك البرامج ودايما البرامج بتكون اجنبيه طب ليه احنا منعملش برامج ونبيعها للغرب

احنا عندنا كفائات وعقول متميزه كتير

ما تيجو نشترك فى عمل برنامج بتخزين اكوادنا البرمجيه ونبيعه للغرب ويكون متاح مجانا لكل العرب

ايه رائيكم فى الفكره دى

محدش يضرب هههههههههه

 

[ياسر العربى]

انت طموحك خيالي اوي

احنا نبيع للغرب انت استبصحت علي حاجه ولا الصنف اللي بتضربوا جامد كدا

انت لو بصيت من الابرة للصاروخ هتلاقيها استيراد

 اسكت ياعم احمد الواحد ماشي بربع برج في دماغو والباقي طارو

انا معاك نشترك في عمل ونخدم نفسنا

ونعمل لينا حاجه تسد غرض كدا الكلام يبقي مظبوووط ياسكر مظبوووط