إهداء الى أخى الحبيب ياسر خليل ( جعل النص بشكل رأسى )

[رجب جاويش]

تكملة لموضوع جعل النص بشكل رأسى الذى بدأه أخى الحبيب / ياسر خليل

قررت اضافة فكره أخرى بالاضافة الى جعل النص بشكل رأسى

وهذه الفكرة إهداء إلى أخى الحبيب ياسر خليل

Option Explicit
Private Sub CommandButton1_Click()
Dim T1 As String, TT1 As String
Dim T2 As String, TT2 As String
Dim N As Byte, w As Single, Temp
Dim i As Integer, ii As Integer
'==================================
TT1 = "YASSER KHALIL"
TT2 = "ياسر خليل"
N = 0: i = 1: ii = 1
Do While N < Len(TT1)
T1 = T1 & Mid(TT1, i, 1) & Chr(13)
T2 = T2 & Mid(TT2, i, 1) & Chr(13)
i = i + 1: ii = ii + 1
Label1.Caption = T1
Label3.Caption = T2
w = 0.2
Temp = Timer
Do While Timer < Temp + w
DoEvents
Loop
N = N + 1
Loop
End Sub

 

 

 

اهداء الى أخى الحبيب ياسر خليل.rar

[أبوبسمله]

ماشاء الله مبدعين

ويساتاهل الهديه وانت تستاهل هذه الدعوه ان شاء الله فى صلاة العشاء وجزاكم الله خيرا

بالتوفيق اخوانى الكرام

[ياسر خليل أبو البراء]

أخي وحبيبي في الله رجب جاويش

جزاكم الله خيراً على هذه اللفتة الطيبة وعلى هذه الهدية القيمة والرائعة

تسلم الأيادي وتعيش يا كبير الأساتذة

والهدية دي قيمتها عندي كبيرة جداً .. لا تقدر بثمن

بس دا بردو مش هيمنعني إني أعلق على الكود .. فيه متغير اسمه II ملوش أي دور في الكود .. ما الداعي له ؟؟ جرب تشيل الإعلان عنه والسطر اللي عينت له قيمة والسطر اللي بيزيد فيه بمقدار واحد وجرب الكود مرة تانية هتلاق الكود شغال من غيره (فدا متغير دخيل على الكود .. ولكن لو عاجبك وجوده خليه زي ما هو اوعاك تشيله أنا هقبل الهدية زي ما هيا)

تقبل وافر تقديري واحترامي

 

[رجب جاويش]

أخى الفاضل / أحمد

جزاك الله كل خير

أخى الحبيب / ياسر

دى أقل واجب لما تقدمه من خدمات جليلة للجميع فى المنتدى

على فكرة أخى الحبيب هذا المتغير  ii  هوا اللى أصر يكون موجود أثناء تقديم الهدية لكم

لانه كان موجود أثناء تجارب أخرى لاضافات أخرى كنت أنوى اضافتها للكود ولما الاضافات لم تكتمل

مرضيش يتحذف وأصر يحضر ويقدم الهدية معايا

وبصراحة مرضيتش أكسفه هههههههههههههههه

 

[ياسر خليل أبو البراء]

تسلم أستاذي الكبير

وأنا عشان خاطر عيونك أقبل بالمتغير .. رغم إنه مش ثابت ومتغير يعني مينضمنش لحظة بس عشانك بس أقبل بيه وفي الكود أخليه

تقبل وافر تقديري واحترامي

[سليم حاصبيا]

هدية ممتازة 

رغم انه عندي ملاحظة عليها ارجو تقبلها

اذا كان عدد الحروف في النص العربي اكبر من عدد الحروف في النص الاجبني لا تظهر النتائج الصحيحة(يكتفى بالنص الاجنبي)

العلاج:استبدال هذا السطر

Do While N < Len(TT1)

بهذا

Do While N < Len(TT1) Or N < Len(TT2)

 

[ياسر خليل أبو البراء]

تصدق بالله أخي سليم

كان عندي نفس الملاحظة بس قلت كفاية كدا عشان مندمرش الهدية المقدمة من أخونا الحبيب رجب ..كدا هيزعل مننا ويسحب الهدية ربنا يستر

أرجو ان يتسع صدره للملاحظات وكلنا بنتعلم من بعض البعض

تقبل تحياتي

[رجب جاويش]

أخى الفاضل / سليم

تسلم ملاحظتك الجميلة

والله أخى الفاضل أنا أخدت بالى من تلك الملاحظة ومرضيتش أعدلها وأنا بعمل الكود

لانى قصدت أن تكون الهدية لأخى الحبيب ذو الاسم المميز ياسر خليل ( هدية اسبيشيال يعنى ههههههههههه )

[ياسر خليل أبو البراء]

والله يا أخي رجب لا تدري مقدار سعادتي بهديتك ..فقد أثلجت صدري وأسعدت قلبي

جمعنا الله وإياكم جميعاً إخواني في مستقر رحمته يوم القيامة

وجزاكم الله خيراً أستاذي وأخي وحبيبي في الله رجب جاويش (بس الهدية مش هتعفيك من البطة اللي وعدتني بيها)

تقبل تحياتي

[أبوبسمله]

لا بقا طالما فيه بط فيها لاخفيها انا بقلكم اهو هههههههههههههههههههه

بارك الله فيكم وجزاكم الله خيراً

[رجب جاويش]

أخى الحبيب ياسر

أخى الفاضل أحمد

عرض البط لازال قائم والبط ينادى كل الحبايب فى منتدى أوفيسنا العريق

الدعوة عامة والبط مدبوح قصدى البوفيه مفتوح هههههههههههههه

 

[أبوبسمله]

ههههههههههههههههههه

اكرمك الله وزادك من فضله ووسع رزقك وان شاء الله نزورك عن قريب فى مناسبة جميله باذن الله

جزاك الله كل خير

بالتوفيق اخوانى الكرام

[ياسر خليل أبو البراء]

أخي الحبيب أحمد الفلاحجي

فيه مثل في الفلاحين بيقول : اللي ياكل قوتي يبقى ناوي على مووووتي

بص بقا ..سبقك بها عكاشة ..يعني أنا اللي طلبت البط الأول وميصحش كدا ..كدا هتضيع علينا البطة اللي بقالي سنين بحلم بيها

 

[أبوبسمله]

بعد الشر عليك ياريس

طيب زيادة الخير خيرين عند اخى رجب بطه (مؤنث) وانا عازمك بكره على دكر بط (ذكر) لو حابب تجوزهم وتكسب فيهم ثواب ماشى ويابخت من وفق راسين فى الحلال ههههههههههههههه

بارك الله فيكم واسعدتنى صحبتكم

[رجب جاويش]

أنا شخصيا موافق على الجوازة دى

وندبح الاتنين فى ليلة الدخلة هههههههههههه

[أبوبسمله]

الف مبروك وربنا يتمم بخير

هههههههههههههههههههههههههه

[ياسر خليل أبو البراء]

والله فكرة إن ذكر البط اللي عندك يا أبو بسملة يتجوز البطة اللي عند رجب .. وبعدين نصبر شوية لحد ما يخلفوا لنا شوية بط ونعمل مزرعة ونسميها باسم المنتدى (مزرعة أوفيسنا للبط المسكوفي .. ) ونخلي مقرها بلشاي

وبعد فترة نعمل عزومة جماعية لكل اللي ف المنتدى ونخلص ع المزرعة .. حتتك بتتك

[رجب جاويش]

طيب ممكن بقى نتكلم فى الشبكة والمهر ولاوازم الفرح

ولا هتعدوها على الضيق ولا ايه

 

[ياسر العربى]

الا الا دا في الش اهو في المنتدى وانا مش واخد بالي

حبايبي اخي الغالي رجب واحمد وياسر ها هي الروح تظهر وجمالها اركن الجمال ونشوف البط

انا دوري بقي ايه في الليله دي بقي

 

 

 

وانت يامعلم بالضم والفتح كمان (ياسر)

انا سرقت الموبيل بتاع صاحبك عشان تسيبني وتقعد تتكلم معاه

وبلغه ان يجي الساعه اتنين الدمرداش اتنين وخمسه همسح الالعاب من ع الموبيل

 

[أبوبسمله]

طبعا كل اللى تامر بيه العروسه هنجبهولها

وباعدين احنا لسه هنستنى يا ابوالبراء لغاية ما يخلفوا يالا ياعم على حتتك بتتك على طول ولقمه هنيه تكفى مليون ههههههههههههههههه

دورك يا حبيبى ياسر تاكل ع الجاهز بس سمى الاول علشان شوشو ميدخلش هههههههههههههههههههههه

 

[رجب جاويش]

أخى الغالى ياسر العربى

ولا تقلق يا باشا

انت هتكون أول المعازيم فى الفرح بس أوعى تنسى هديتك للعريس والعروسة عشان الفرح يكمل

مكانك محجوز فى البوفيه هههههههههههه

[محمد حسن المحمد]

السلام عليكم ورحمة الله وبركاته

جزاكم الله خيراً أخي الكريم رجب على هذه الهدية الماتعة التي قدمتها تقديراً لجهود مضنية قام بها أخي الحبيب ياسر بخدمة المنتدى ورواده

بأفكاره النيرة التي عمت بلداناً ....يستحق أكثر وأكثر

وجزاكم الله خيراً على روح الدعابة الصافية التي تتمتعون بها لتسعدوا من حولكم ...

نعم الإخوة الكرام أنتم...والسلام عليكم.

[أبوبسمله]

والدنا العزيز ابو يوسف لاتتاخر بعد صلاة الجمعه علشان البطه ماتبردش

لو اتاخرت ياسر وياسر هياكلوها هتتك بتتك لواحدهم منا ورجب اصحاب الفرح ههههههههههههههههههههه

 

[ياسر خليل أبو البراء]

وعليكم السلام ورحمة الله وبركاته

جزيت خيراً بمثل ما دعوت لنا أخي وحبيبي في الله أبو يوسف

وننتظر منك روح الدعابة الصافية أيضاً .. ومتقولش معندكش الروح دي حتى لو فيه هموم وأحزان لازم نتغلب عليها .. متحاولش تهرب (وأنا ناوي أحجز لكل واحد في أسرتك بطة ، بعد ما المزرعة تكبر إن شاء الله بعد عمرٍ طويل)

تقبل تحياتي

[أبوبسمله]

مزرعه ايه بقا يا ابو البراء مانتو هتاكلوها بعد صلاة الجمعه ان شاء الله

انت بتحلم بالمزرعه من امبارح هههههههههههههههههههه