الذهاب الى اخر خلية مكتوبة بشيت الاكسل

[محمود عدوى]

السلام عليكم ورحمه الله

انا لسه بتعلم ف الاكسل وبدور علي دروس فيه وان شاء الله اكمل رحلة التعلم

بس كنت عاوز استفسر عن حاجه دلوقتي انا لو فيه شيت ولنفرض اني وصلت لالف صف وكل شويه هضيف بيانات فيه

هل فيه اختصار اني اول لاخر صف مكتوب فيه بيانات بدل ما انزل كل شويه سكرول بالماوس اكون شاكر ليكم

ولو ممكن لو فيه دورة كويسه للتعلم واني اتابعها اكون شاكر ليكم ولمساعدتكم

وبالتوفيق ان شاء الله

هو انا لقيت طريقه بس اني هقف ع اخر خليه وهحدد للاخر واخفيه وبعد كده ممكن اظهر المخفى بعد كده

هل ف اختصار لكده او طريقة تانية ؟

[محمود_الشريف]

أخى الكريم 

بداية أهلا بك فى منتديات أوفيسنا التعليمية

رجاء

 تعديل اسم الظهور الى اللغة العربية التزاما بقوانين المنتدى

ولكى يسهل التواصل فيما بينكم وبين السادة الأعضاء

اما فيما يختص بسؤالك

فعند الضغط على مفتاحى ( CTRL + السهم الذى يشير الى الأسفل ) 

تصل الى آخر صف به بيانات

واليكم رابط به معظم اختصارات الاكسل اتمنى ان تستفيد منها

أما فيما يختص بالدورات التعليمية والتدريبية

فالمنتدى ملىء بالدورات والدروس 

وأى استفسار فقط قم بعمل موضوع أو قم بالتعليق على أى موضوع به درس أو خلافه 

وأستفسر عن ماذا تريد 

وستجد الجميع هنا لن يبخل على أى عضو بمعلومة أو علم

فزكاة العلم تعليمه للآخرين

وتقبل منى وافر الاحترام والتقدير 

 

[ياسر خليل أبو البراء]

يمكن استخدام مفتاح الاختصار Ctrl + End للوصول آخر النطاق المستخدم

[سليم حاصبيا]

يمكن استحدام هذا الماكرو

Sub select_last_cell()
Dim UR As Range
    Dim LastCell As Range
    Set UR = ActiveSheet.UsedRange
    Set LastCell = UR(UR.Cells.Count)
   LastCell.Select
End Sub

 

[محمود عدوى]

تسلمو ع المساعدة اخواني

بخصوص الاسم ان شاء الله هغيره

بخصوص الماكرو للاسف لسه مش اعرف عنه فانا هكمل تعليم الاول

والاجابات اللي الاخوه قالوها ساعدتني وادت الغرض والحمد لله

وبجد الف شكر ليكم علي المساعدة

وبالتوفيق