سلسلة دروس الفيجوال بيسك 6 والاكسيل من علي مصطبة ياسر العربي

[ياسر العربى]

بسم الله الرحمن الرحيم

 

ارجو عدم التعليق داخل الموضوع لسهولة الوصول للدروس تباعا

والتعليق يكون داخل الموضوع في الرابط التالي

http://www.officena.net/ib/topic/65630-الردود-والاستفسارات-عن-دروس-الفيجوال-بيسك6-والاكسيل-ياسر-العربي/

أما ألان دعونا نغوص في بحور الفيجوال قليلا وترك الإكسيل مؤقتا لحين الإلمام بمبادئ الفيجوال وبداياته

ثم نتحول للربط بينهم فيما بعد

أولا قمت بإرفاق نسخة محمولة من برنامج الفيجوال بيسك6

موجودة هنا صغير الحجم وتفي بالغرض ألان

http://up.top4top.net/downloadf-top4top_20111f0b9a1-rar.html

نقوم بتفعيل البرنامج من

VbPortable6.reg

ثم

نقوم بتشغيل البرنامج منvb6

وان واجهتم اي مشكلة في التشغيل يرجى تشغل البرنامج كمسئول كما بالصورة

تظهر لنا الشاشة الآتية

1-            فتح مشروع جديد

2-            فتح مشروع موجود مسبقا

3-            اخر مشروعات تم فتحها

4-            وهو المشروع الافتراضي الذي سنعمل عليه دائما

نقوم بفتح standard.exe جديد

سيظهر لنا بالشكل التالي

1-            شريط القوائم

2-            شريط الادوات القياسي

3-            نافذة المشروع

4-            نافذة الخصائص

5-            شريط الادوات

6-            نافذة الفورم او برنامجنا

وبكدا نكون عرفنا شكل  الواجهه للبرنامج

نخش في مقارنة سريعه قبل البدأ في العمل علي المشروع بين هذه النافذه ونافذه محرر الاكواد داخل الاكسيل

وهذه صورة لنافذة محرر الاكواد داخل الاكسيل

1-            شريط القوائم

2-            شريط الادوات القياسي

3-            نافذة المشروع

4-            نافذة الخصائص

5-            شريط الادوات

6-            نافذة الفورم او برنامجنا

ايه دا تخيلو ان احنا بنتعامل مع نفس محرر الاكواد

كله كان مصعبها علي نفسه ويقول برمجة ومش عارف ايه

اهو هو هو محرر الاكواد بس التوسع في مجال اخراج البرامج

انما  الواجهه وطريقة العمل هي بعينها

طيب وبعدين ياعم الحاج كمل

اقول لكم حاجه حلوة كمان

ومقارنة سريعه تانية

نفس الادوات واسمائهم بس مش عارف بيرخموا ليه

وبيزودو كلمة بوكس وبوتن

يعني لما نكتب مثلا تكست بوكس 1 بتساوي تكست بوكس 2

نعملها كدا اكسيل

TextBox1.Text = TextBox2.Text

فيجوال بيسك6

Text1.Text = Text2.Text

دا الطبيعي العادي وممكن نسميهم مثلا

اسيل1واسيل2وتمشي مع المحررين

Aseel1.text = aseel2.text

اظن كدا الصورة وضحت لمعظم الموجودين والمتابعين

يلا بينا نعمل برنامجنا الاول مع بعض

وقبل المشروع الاول نبدأ بمشروع

بسم الله الرحمن الرحيم

نضع عدد واحد تكست وكومند1

نضغط علي الكومند مرتين ليظهر محرر الاكواد

نضع به التالي

ثم نضغط run او F5

ثم نضغط علي الزر ليظهر لنا

بسم الله نبدأ من جديد

طيب لحفظ المشروع علي هذا الوضع نقوم بالذهاب الى قائمة File

ومنها save project as

ونحدد له مكان ونحفظ يتم حفظ المشروع وعدد الفرومات الموجودة معه

طيب عاوزين نحول البرنامج بتاعنا لتنفيذي بقي عشان نشغله علي أي جهاز

ونفرج الناس علي ابداعنا في الفيجوال

بردو من قائمة file

نختارmake project

ونضعه في المكان اللي احنا عاوزينه

وهذا شكل البرنامج

ناخد مشروع تاني علي السريع صغير ايضا

عبارة عن أله حاسبة بسيطة

المكونات

تلاته تكست

تلاته ليبل

اربعه كومند

كما بالصورة

ونضع بداخل الفورم الاكواد التالية

ونحفظ المشروع ونحوله لملف تنفيذي كما تعلمنا سابقا

وزي الشطار كدا كل واحد يرفق المثال اللي عمله  في موضوع الردود والاستفسارات عن درس الفيجوال بيسك6 والاكسيل

وانا علي ثقة تامة ان الاخوة المتابعين سيبدعوا في العمل انا حاولت اشرح بطريقة تقليدية بسيطة 

ولكن هلاقي منكم ابداع غير عادي باذن الله وهلاقي برامج تانية بتتعرض منكو باذن الله

مع تحياتي

 ياسر العربي

يتبع

 

تم تعديل ديسمبر 16, 2015 بواسطه ياسر العربى

[ياسر العربى]

السلام عليكم ورحمة الله وبركاته

كل ما سيأتي الفترة القادمة هو كيفية التعامل مع الادوات والفورم

مثال باذن الله عن كيفية عمل برنامج بسيط لتشغيل القرأن الكريم من موقع tvquran

كالعادة نبدأ بالادوات

عدد فورم

واحد كومند للخروج

واحد image

اداة الويب

الشرح

كما  موجود امامنا الفورم وعليه الادوات

الصورة والزر وصفحة النت فقط

لتعديل الفورم بهذا الشكل يتم عمل كما في الصورة الاتية

بعد اخفاء الشريط

نأتي للصورة

خلصنا من الصورة ندخل علي اداة الويب

بعد وضع كل الادوات بهذا الشكل

نقوم بوضع اسهل كود وهو كالتالي

اول كود في الكومند1

Private Sub Command1_Click()
End
End Sub

ثاني كود وهو في حدث تنشيط الفورم

وظيفة الكود فتح الموقع

www.tvquran.com/add/index.htm

Private Sub Form_Load()
WebBrowser1.Navigate "www.tvquran.com/add/index.htm"
End Sub

دائما الملف بعد الانتهاء منه لا يظهر في الاسفل في taskbar

نقوم بتعديل الفورم كالاتي ليظهر في التاسك بار عند تشغيله

واالاختيار بأسفله center screen

لوضع الفورم في منتصف الشاشة عند الفتح

كان هذا المصحف هدية لاخي الغالي ابو يوسف منذ فترة والان تم وضع كيفية عمل الهدية نفسها

علها تنفعنا وتنفعكم

والسلام عليكم

يتبع

مرفق المصحف ملف تنفيذي والمشروع

المصحف.rar

[ياسر العربى]

بسم الله الرحمن الرحيم

 

اليوم سنتحدث - عن خصائص المشروع الخاص بنا

كيفية فتح نافذة خصائص المشروع ومكونتها المهمة

اولا نقوم بانشاء مشروع جديد كالعادة

ونضع مثلا اتنين فورم

وبعد الانشاء نقوم بالذهاب لخصائص المشروع كما موضح بالصورة

فتظهر لنا النافذة التالية

1-  المشروع الافتراضي ودا هنسيبه كدا

2-  الفورم اللي محتاجينه يفتح عند تشغيل برنامجنا والوضع الافتراضي انه فورم واحد هو اللي بيفتح

     نفترض ان صممنا فورم اتنين علي اساس انه شاشة الدخول هنعمل ايه نغير من هنا ونخليها فورم اتنين بس يامعلم

3-  اسم المشروع الافتراضي لو عاوزين كل ما نعمل مشروع بدل كلمة project نسميه اسم تاني عادي شغال

4-  دا لو هترفق ملف مساعدة مع البرنامج باين انا شايف ان ننفض ليها نخش في المهم

5-   Make ودي بقي الشغل المهم هنا ونشوف صورتها بقي

1-  طبعا كلنا نعرف الإصدارات للبرامج اللي هي version

ربنا كدا لما يكرمك وتبقي مبرمج قد الدنيا كدا وتلاقيك بتعمل برنامج اساسي كدا وبتعمل له اصدارات مختلفة من رقم واحد دا بنحدد رقم الاصدارة اللي بنعملها والافتراضي واحد

ونغير زي ما احنا عايزين

2-  عنوان المشروع   ودا عشان بقي لزوم  الكماليات عشان أي رسالة تنبيه  مسج بوكس أي حوارات تظهر يبقي مكتوب فوقها في titlebar اسمنا كدا

3-  ودي معلومات برنامجنا تحط فيه بقي كل بياناتك وحقوقك وشركتك وعلامات تجارية وملاحظات تظهر في خصائص برنامجنا.

4-  ودي طبعا ايقونة المشروع بتاعنا النهائي واللي اخي عبد العزيز كان محتاجها بنختار ايقونة من ايقونات الفورمات الموجودة داخل  المشروع طيب الايقونات الموجودة حاليا  الافتراضية وشكلها رخم نعمل ايه ياعم عبد العزيز

نروح للفورم واحد ونشوف كدا

1-  نفتح لاختيار الايقونة المراد وضعها للفورم

2-  نحددها ونضغط open

لتظهر هكذا في اعلي يسار الفورم وايضا تظهر في الtaskbar عند فتح الفورم في البرنامج

ملحوظة الايقونات اللي هتشتغل معانا الأيقونات  بعمق ألوان   32bitاو اقل يعني 64 هتظهر اخطاء ومش هتنضاف للفورم

نذهب بعد ذلك لخصائص المشروع  ونروح  ل Make

كما بالصورة

نجد ان الايقونة تغيرت لانه البرنامج بياخد الايقونة للفورم واحد افتراضي

طيب لو غيرنا جبنا فورم اتنين كدا

الايقونة الافتراضية للفورم اتنين لاننا لم نقم بوضع ايقونة له

نرجع للفورم واحد

 ونحفظ مشروعنا ونحوله لملف تنفيذي

 ونشوف النتيجة

وبكدا نكون خلصنا جزء خصائص المشروع

والى اللقاء في درس اخر باذن الله

تحياتي

ياسر العربي

يتبع

 

 

تم تعديل ديسمبر 17, 2015 بواسطه ياسر العربى

[ياسر العربى]

الأدوات المهمة ووظائفها

الخصائص الشائعة للأدوات

نظرا لاهتمام بعض الاعضاء الذين لم يتعاملو مع واجهات البرمجة عموما سواء VBA or VB6

والاستفسارات الدائمة عن بدايات التعامل مع الفيجوال

قمت بتوضيح الامور اكثر قليلا وكما قال احد الاخوة لي محتاجين نبدأ من تحت الصفر

بداية هذه قائمة الادوات الموجودة علي يسار البرنامج

خصائص الأدوات الشائعة الاستخدام

 

الخصائص الشائعة:

هناك مجموعة من الخصائص الشائعة الاستخدام والمتوفرة لمعظم الأدوات، سنقوم الآن بشرح أهم هذه الخصائص وسنؤجل الحديث عن باقي الخصائص فيما بعد.

1- الخاصية Name:

تعتبر هذه الخاصية من أهم الخصائص على الإطلاق، وهي متوفرة لجميع الأدوات دون استثناء، وهذه الخاصية تحدد

الاسم البرمجي للأداة، وهو الاسم الذي يستخدم عند كتابة شفرة تخص هذه الأداة مثل :

Form1.Caption="Yasser"

حيث Form1 تمثل اسم النافذة.

عندما تضع أداة جديدة أو تضيف نافذة جديدة يتم وضع الخاصية Name افتراضياً لهذه الأداة وذلك بذكر اسم الأداة يليها رقم مثل Form1 و Form2 و Label1 و Label2 إلى آخره.

والآن إذا كنت ترغب في تغيير هذا الاسم الافتراضي فعليك تذكر ما يلي:

1- يجب أن يبدأ الاسم بحرف ولا يجوز أن يبدأ برقم، ويجوز أن يتخلله أرقام.

2- يفضل أن يكون الاسم باللغة الإنجليزية، وذلك لتجنب المشاكل التي يمكن أن تحدث عند استخدام الأسماء العربية ( أتمنى قريبا يقال العكس)

3- يجب أن لا يتجاوز الاسم 40 حرفاً.

4- لا يجوز استخدام بعض المحارف مثل النقطة و الفراغ و الفاصلة و …

5- لا يجوز استخدام الكلمات المحجوزة مثل : FOR و WHILE و FUNCTION و …

6- يفضل استخدام الأسماء التي تدل على وظيفة الأداة، وتجنب الأسماء العشوائية.

مثلاً: يمكنك تسيمة النافذة "F" بدلاً من "Form1" و لكن عندها ستصبح الشفرة على الشكل:

F.Caption="Yasser"

الخاصية Name متوفرة أثناء التصميم فقط، أي من المستحيل تغيير الخاصية Name ضمن الشيفرة وهناك العديد من الخصائص الأخرى تشترك معها بهذه الصفة.

2- الخاصية BackColor (لون الخلفيه):

تحدد هذه الخاصية لون أرضية الأداة، وعند محاولة تغيير هذه الخاصية يظهر مربع صغير يحوي سهم ، عند الضغط على هذا المربع يظهر لوح الألوان الذي يمكننا من اختيار اللون الذي نريد .

ونلاحظ في مربع الألوان وجود بوابتين الأولى Palette ومنها نختار ألوان ثابتة ، والثانية System ومنها نختار ألوان يستخدمها النظام Windows .

3- الخاصية Caption (العنوان):

وهي تحدد النص الذي سيظهر على الأداة كعنوان لها، ويجب أن لا يتجاوز النص 255 حرفاً بما في ذلك الفراغات.

4- الخاصية Enabled (التمكين):

تحدد هذه الخاصية فيما إذا كانت الأداة ستتأثر بالأحداث (النقر أو حركة الماوس) أم لا، حيث تأخذ القيمتين True تتأثر أو False لا تتأثر. لن يظهر تأثير هذه الخاصية إلا بعد تنفيذ البرنامج.

5- الخاصية Font (الخط): 

تستخدم من أجل تحديد شكل ونوع وحجم الخط الذي سيظهر به عنوان الأداة.

6- الخاصية ForeColor (لون الخط): 

وهي تحدد لون الخط الذي سيكتب به عنوان الأداة.

7- الخاصية Height: تحدد ارتفاع الأداة .

8- الخاصية Width: تحدد عرض الأداة.

9- الخاصية Left: تحدد مقدار بعد الطرف الأيسر للأداة عن الطرف الأيسر للنافذة.

10- الخاصية Top: تحدد مقدار بعد الطرف العلوي للأداة عن الطرف العلوي للنافذة.

11- خاصية Picture: وتستخدم لتحميل صورة ووضعها كخلفية للأداة.

12- خاصية Visible: وتستخدم لإظهار أو إخفاء الأداة أثناء التنفيذ.

من المهم الآن أن تقوم بإضافة الأدوات وتجريب الخصائص السابقة، وتصميم واجهات مختلفة تتخيلها.

 

 

 

 

[ياسر العربى]

شرح بالفيديو طريقة فتح مشروع جديد وإضافة الفورمات وإضافة الأدوات المختلفة علي واجهة الفورم

وكيفية حفظ المشروع وكيفية اخراجه كملف تنفيذي للعمل عليه

تحياتي

ياسر العربي

يتبع

 

شرح الفيجوال بيسك.rar

[ياسر العربى]

بسم الله الرحمن الرحيم

 

1-            المكتبات والادوات DLL & OCX

2-            كيفية تسجيل المكتبات والأدوات Dll & OCX في النظام

3-       كيفية إضافة المكتبات وأدوات خارجية للفيجوال والعمل عليها

ما هي فوائد استخدام ملفات ال DLL او لماذا نستخدم ملفات DLL:
ماذا تعني DLL: هي اختصار لمجموعة الكلمات التالية  Dynamic link libraries
لمحة سريعة عن DLL:
هي عبارة عن ملفات مترجمة(Compiled files) شبيهة الى حد بعيد جدا بالملفات التنفيذية و التي تحمل اللاحقةExe,

ملفات ال DLL يمكن ان تحتوي على Codes او يمكن ان تحتوي على مصادر resources او ممكن ان تحتوي على بيانات Data و قد تجد DLL يحتوي على كل ما سبق ذكره, و لكن الفرق الجوهري بين DLL و Exe هو أنّ ملفات DLL لا يمكن تنفيذها بشكل مباشر و انما يتم استثمارها من قبل تطبيقات اخرى اي ان ملفات DLL ليست مستقلة بحد ذاتها و تحتاج الى تطبيق دائماً للاستفادة منها مع انها تحتوي على اكواد تنفيذية مثلها مثل exe و لكن لا يمكنها ان تعمل بمفردها و يمكنك تخيل ان ملفات DLL هي ملفات مساعدة للتطبيق للقيام بعمله.
الهدف الرئيسي من وجود ملفات DLL هو مشاركة الاكود بين العديد من التطبيقات اي استخدام نفس ال DLL من اكثر من تطبيق سواء بوقت واحد او بشكل منفصل.

والادوات  ocx تشبه نفس وظائف dll بصورة كبيرة

 

كيفية تسجيل الأدوات

نفترض ان لدينا ملف    dll او  ocx

نريد اضافة للنظام للعمل عليه من داخل الفيجوال بطريقة سليمة

الطرق كثيرة ولكن نختصر ونضع الخلاصة

نفترض انا لدينا اداة اسمها    actskin4.ocx

نقوم بنسخها لملفات النظام اذا كان 32 لملف

c:\windows\system32\actskin4.ocx

اما اذا كان النظام 64 bit فلا بأس من نسخ الملف مرتين في المسارات الاتيه

c:\windows\system32\actskin4.ocx

C:\Windows\SysWOW64\actskin4.ocx

ونقوم بعمل نوت باد  اذا كان النظام 32

نضع هذا السطر

regsvr32 c:\windows\system32\actskin4.ocx

ونحفظه بامتداد bat  وليكن اسم الملف reg.bat

اما نظام ال64

نضع الاسطر التالية

regsvr32 c:\windows\system32\actskin4.ocx

regsvr32 c:\windows\SysWOW64\actskin4.ocx

وتعمل لكلا النظامين

ويتم الحفظ ايضا بامتداد bat واسم الملف ليكن هكذا reg.bat

وغالبا يتم فتح الملف بعد ذلك كمسئول كليك يمين وRun admin

لتظهر نافذة تقول انه تم التسجيل بنجاح

ولقد وضعت برنامج في المرفقات للتسهيل علي البعض في تسجيل الاداوت

 

 

كيفية إضافة المكتبات وأدوات خارجية للفيجوال

بعد ان قمنا بنقل الادوات الى ملفات النظام سواء  32bit  or 64bit

وتم تسجيلها كما بالشرح السابق

نقوم بفتح مشروع جديد

وبكدا نكون تعلمنا طريقة وضع الادوات علي الفورم

ناتي لكيفية التعامل معها برمجيا

وكمثال هنعمل علي نفس الاداة المدرجة في اعلاه

وهي actskin4.ocx

ما فائدة هذه الاداة :

تقوم بتغيير المظهر العام لوجهه الفورم والازرار الى واجهات  skinمعدة للتعامل مع هذه الاداة

وهي من اللمسات الجمالية للبرنامج بتاعنا

عيب الاداة :

ان الليبل الاصلي لا يظهر عند تشغيل البرنامج ولا اداة image

ويأتي مع الأداة ليبل بديل لليبل الاصلي يظهر مع الاداة وتستبدل الimage  بال picture

نأتي لكيفية التعامل معها برمجيا

 

اولا نقوم بانشاء مشروع جديد

واضافة الاداة كما سبق

ويتم وضع الكود الخاص بالاداة  في حدث تحميل الفورم وممكن وضعه باي حدث نشاء

كزر مثلا لتغيير الskin

كود التشغيل 

يجب اولا ان يكون لديك ملفات skin  ليتم التطبيق عليها عن طريق الاداة

قمت بارفاق بعض ال skin  للتطبيق عليها ووضعتها داخل مجلد  داخل البرنامج بتاعنا

وسميته كمثال skin

 

الكود البرمجي

Private Sub Form_Load()

' سطر استدعاء وتحميل ملف الskin من مسار البرنامج داخل المجلد skin اسمه Yasser.skn

Skin1.LoadSkin (App.Path & "/skin/yasser.skn")

'سطر تطبق ما تم استدعائه

Skin1.ApplySkin Me.hWnd

End Sub

واحفظ مشروعك وقم بتشغيله لترى هذا

شوف الفرق

اي استفسارات توضع ف موضوع الردود والاستفسارات  

الى اللقاء

والسلام عليكم

مع تحياتي

ياسر العربي

يتبع

 

مرفق برنامج تسجيل الاداوت

والمشروع المنفذ ف الشرح

RegOCX.rar

 

مشروع لمسه جمالية.rar

تم تعديل ديسمبر 23, 2015 بواسطه ياسر العربى

[ياسر العربى]

بسم الله الرحمن الرحيم

 

اليوم سنقوم بشرح طريقة ربط الفيجوال بيسك بالإكسيل

اولا نعمل مشروع جديد

عبارة عن فورم

وواحد كمبوبوكس

وسته تكست

وثمانية ليبل

وخمس أزرار

وملف اكسيل بامتدادxlsx واسمه aseel امتداده اظن لا يدعم وحدات الماكرو بس عادي مع الفيجوال شغال

بنفس ترتيب الشكل الاتي:

خلصنا الشكل السابق

ندخل علي الشغل الجديد بقي

كلنا أكيد سمعنا عن المتغيرات وكلنا تعاملنا معاها

قبل ما نشوف المتغيرات

الفيجوال عشان نربطه بالإكسيل لازم له مراجع ومتغيرات عامة على مستوى المشروع بأكمله

إيه الكلام دا

بيتعمل ازاي المرجع دا ولا بنجيبه منين شوفو معايا الصور

بعد الخطوات دي  ياترى بنعرف نضيف موديول زي ما بنضيف فورم جديد كدا

اللي بيعرف يضيف اللي مش عارف ينزل للصورة معايا ويشوف

ايه البيانات دي يامعلمين

دي بقي المتغيرات العامة اللي بنقول عليها وبتكون علي مستوى المشروع بأكمله

يعني لازم تتحط في موديول

ولتبسيط الكلام اللي فوق دا بطريقة سهلة

اول سطر

      Public YXL As New Excel.Application

YXL

دا متغير يشير الى برنامج الاكسيل نفسه بمعنى عندما نريد ان نكتب في الاكسيل

Application. Visible = False

نكتبه كدا

YXL. Visible = False

اكيد وصلت  الفكرة ولو مش وصلت نكمل مثال كمان

المتغير ونظيره في الإكسيل

YWB= Workbook

YSheet= Worksheet

YRng= Range

اكيد الامور اصبحت سهلة كدا

أي كود في الإكسيل نستبدل المذكورين في أعلاه بنظره في الإكسيل وسيعمل الكود بإذن الله

يعني مش هتخترع اكواد جديدة هي نفس القديمة بس تعديلات طفيفه

المهم  الكل يكون عمل الفورم والموديول والاداوت كما ذكرت سابقا بالترتيب الموجود

عشان الاكواد متتبدلش مع الادوات

نيجي بقي للاكواد

Private Sub Combo1_Click()
'جدا الكمبوبوكس ومنه بيتم جلب البيانات بمعلومية الرقم والكود طبعا مفيهوش جديد نفس اكواد الاكسل
With YSheet
     LastRow = .Cells(.Rows.Count, "B").End(xlUp).Row
     For iRow = 6 To LastRow
                  If .Cells(iRow, 2) = Combo1.Text Then
                      Text1.Text = .Cells(iRow, 2)
                      Text2.Text = .Cells(iRow, 3)
                      Text3.Text = .Cells(iRow, 4)
                      Text4.Text = .Cells(iRow, 5)
                      Text5.Text = .Cells(iRow, 6)
                      Text6.Text = .Cells(iRow, 7)
     End If
     Next
     End With
End Sub
Private Sub Command1_Click()
Dim lstrow As Long
'ودا كود ترحيل البيانات ونفس الشئ مش جديد كل اللي اتغير اللي ذكرنااه 
If Text1.Text = "" Then
MsgBox "íÌÈ ÇÏÎÇá ÌãíÚ ÇáÈíÇäÇÊ"
Else
lstrow = YSheet.Range("b20000").End(xlUp).Row + 1
YSheet.Cells(lstrow, "b").Value = Text1.Text
YSheet.Cells(lstrow, "c").Value = Text2.Text
YSheet.Cells(lstrow, "d").Value = Text3.Text
YSheet.Cells(lstrow, "e").Value = Text4.Text
YSheet.Cells(lstrow, "f").Value = Text5.Text
YSheet.Cells(lstrow, "g").Value = Text6.Text
 Text1.Text = ""
 Text2.Text = ""
 Text3.Text = ""
 Text4.Text = ""
 Text5.Text = ""
 Text6.Text = ""
MsgBox ("ÊãÊ ÇáÚãáíÉ ÈäÌÇÍ")
End If
End Sub
Private Sub Command2_Click()
'ودا كود اظهار برنامج الاكسيل بردو غيرنا اللي اشرنا ليه فقط
YXL.Visible = True
End Sub
Private Sub Command3_Click()
' ودا لاخفاء برنامج الاكسل
YXL.Visible = False
End Sub
Private Sub Command4_Click()
'لحفظ البرنامج  المفروض المتغير يكون شغال بس مش عارف سبب المشكلة ايه حاليا فقلت اجرب  الكود العادي اشتغل تمام مشي حالك
'åäÇ ãÔ ÚÇÑÝ ÇáãÊÛíÑ åäÇ ÞÝÔ ãÚÇíÇ æãÔ ÚÇíÒ íÍÝÙ ÞáÊ ÇÌÑÈ ÇáßæÏ ÇáÚÇÏí ÇÔÊÛá ÞáÊ Òí ÇáÝá
'YWB.save
ActiveWorkbook.save
End Sub
Private Sub Command5_Click()
'وطبعاخروج 
YXL.Quit
Set YXL = Nothing
End
End Sub
Private Sub Form_Load()
'هنا بنستدعي ملف الاكسيل من نفس مسار البرنامج بتاعنا ونفتحه
YXL.Workbooks.Open App.Path & "/aseel.xlsx"
'اخفاء البرنامج بعد فتحه طبعا
YXL.Visible = False
'هنا بقي قولنا له ان يخلي Ysheet دي تبقى الشيت الاول والاكس شيت تبقي الشيت التاني
Set YSheet = YXL.Worksheets(1)
Set XSheet = YXL.Worksheets(2)
عادي ليبل وبياخد بياناته من خليه معينه
Label7.Caption = YSheet.Range("a1").Value
Label8.Caption = YSheet.Range("a2").Value

With Combo1
'ودا ا لكمبوبوكس بندرج فيه بيانات الصف b
For Each Data In YSheet.Range("b6:b" & YSheet.Cells(Rows.Count, "b").End(xlUp).Row)
.AddItem Data
Next
End With
End Sub
Private Sub Form_QueryUnload(Cancel As Integer, UnloadMode As Integer)
ودا بقي عشان لما تدوس علي علامة الاكس فوق ميخرجشي من البرنامج ويسيب ملف الاكسيل مفتوح ومخفى ''
YXL.Quit
Set YXL = Nothing
End
End Sub

وبكدا نكون انتهينا من وضع الاكواد اظن الكل واخد باله انه مفيش جديد 

وهو دا بالتحديد مفيش جديد 

كل اللي عملناه واحد تايه وعرفنا السكه خلاص 

وبعدين

محدش ينسى يعمل ملف اكسيل اه بعد دا كله يجي حد يقولي البرنامج مش شغال ليه اقوله فين ملف الاكسيل 

بعد الاطلاع علي البرنامج هيجي واحد يقولي ايه القلب الجميل اللي علي الفورم دا اللي مكان السهم

اهو دا من ضمن اللمسات الجمالية وبيتعمل ازاي يامعلم

الشرح بسيط ف الصورة

معلش بدل ما اكتب الماوس كتبت الموس شغال بقى اعذروني انا بعمل الشرح في وقت قياسي وانا شغال

مرفق البرنامج ومعاه القلب عشان تعملوه مكان السهم

يارب اكون وصلت المعلومة صح 

واي خطأ منى فدا لجهلى اعذروني 

منتظر الردود

علي فكرة الدرس دا تقريبا بنسبة كبيرة  يعتبرحصرى لمنتدى اوفيسنا انا بحثت عن ربط الفيجوال بالاكسيل كثيرا وكثيرا وكود من هنا وكود من هنا حتى اكتملت الصورة امامي

وتوصلت لهذا والحمد لله 

مع تحياتي 

ياسر العربي

يتبع

 

 

ربط الفيجوال بالاكسل.rar

تم تعديل ديسمبر 26, 2015 بواسطه ياسر العربى

[زياد عبد الجليل]

السلامعليكم استاذ ياسر و اشكرك على هذا العمل القيم و الجيد عندي ملاحظة فقط وهي انني كنت مهتما بهذا الموضوع منذ مدة و لكن فشلت في تجسيده و عند البحث عن كيفية ربط الفيجوال بالاكسل وجدت موضوعا في اليوتيوب بحيث يكون الربط دون الحاجة الى فتح ملف الاكسيل بمعنى ان ملف الاكسيل يبقى مغلقا وحتى طريقة الربط وضع شرحا لم اتمكن من فهمه على العموم اذا وجدت رابط الموضوع في اليوتيوب سازودك به لتشرح لنا ما يقصده صاحب الموضوع ولك مني جزيل الشكر و العرفان

هذا رابط لاحد الكتب المحملة و التي تتحدث عن الموضوع 

http://www.kutub.info/library/book/2813

[ياسر العربى]

بسم الله الرحمن الرحيم

 

هنشرح اليوم كيفية التعامل مع ادوات

DriveListBox

DirListBox

FileList Box

أسماء المشغلات DriveListBox :

وهذه الأداة تتعامل مع محركات الأقراص الصلبة.

عرض المجلدات DirListBox:

تظهر كل المجلدات الموجودة داخل أحد المجلدات أو أحد المجلدات الموجودة داخل أحد المشغلات و تعطينا إمكانية الاختيار منها.

عرض الملفات FileList Box :

تعرض لنا قائمة من الملفات الموجودة داخل مجلد معين و تعطينا إمكانية اختيار أحدها. و التعامل معها.

ما الفائدة من هذه الادوات:

نستطيع عن طريق استخدام هذه الادوات الثلاث الوصول لاي ملف نحتاجه وكأنك تتصفح الكمبيوتر للوصول لملف انت بحاجه له او لتشغيله ايا كان فيديو صوت ملف فلاش ملف كتابي الخ

طيب وايه لزمتها ما انا ممكن اتصفح وخلاص من خارج البرنامج واجيب اللي انا محتاجه

طيب متفكر كدا معايا بما ان معانا داخل برنامجنا هذه الادوات نقدر نستغلها في تشغيل الملفات اللي محتاجنها داخل برنامجنا علي سبيل المثال نعمل برنامج لتشغيل الصوتيات مثلا او الفيديو او مشغل فلاش او تصفح ملفات كتابيه مثلا الخ

طريقة العمل سيتم تحديد الدريف من اول اداة DriveListBox

وبناء عليها يتم سرد المجلدات في الاداة الثانية DirListBox

ويتم الاختيار من الاداة الثانية المجلد الهدف

وبناء على المجلد الهدف يتم سرد الملفات الموجودة به في الاداة الثالثة FileList Box

 

وبناء علي اختيار الملف من الاداة الثالثة يتم تشغيل الملف تلقائي داخل برنامجنا

خلاص توكلنا علي الله ونعمل برنامج مشغل صوتيات  وفيديو كمان

ودا مجرد مثال لشرح طريقة عمل الادوات وصولا لتشغيل الملف الهدف في النهاية

يلا كله يفتح البرنامج

الادوات  مشروع جديد

الاداوت الثلاثة المذكورة كما بالصورة

طيب يلا كدا نربط الثلاثة ادوات ببعض عشان لما نقوله هات البارتشن كذا تروح الاداة الاخرى تلقائي تفتح المجلدات اللي في نفس البارتشن وعند الضغط علي المجلد المحدد يتم فتح الملفات بداخله

وعند الضغط علي الملف يتم تشغيله

اكواد ربط الادوات

 

Private Sub Drive1_Change()
Dir1.Path = Drive1.Drive
End Sub

Private Sub Dir1_Change()
File1.Path = Dir1.Path
End Sub

شرح الاكواد في حدث التغيير عند اختيار احد الدريفات يبقي مسار الاداة الثانية بيساوي مسار الدريف ويبقي كدا ظهر لنا ملفات الدريف في الاداة الثانية

الكود الثاني عند اختيار مجلد من الاداة الثانية يبقي مسار الاداة الثالثة بيساوي مسار الاداة الثانية ويتم عرض الملفات الموجودة به

طيب كدا الملفات كلها هتظهر واحنا عاوزين نخصص برنامجنا لبعض الامتدادات فقط كيف نخصص امتدادات تظهر فقط

عن طريق الكود التالى

 

Private Sub Form_Load()
File1.Pattern = "*.mp3;*.mp4;*.flv;*.mkv"
End Sub

نضع هذا الكود مثلا في حدث تحميل الفورم

وهنا قمت بتحديد الامتدادات المراد عرضها وهي امتداد  الصوت وبعض امتدادات الفيديو  وبامكانكم وضع اي امتدادات اخرى

طيب احنا كدا وصلنا  لاخر شئ بالنسبة للادوات وناقص شئ واحد وهو عند الضغط علي الملف يتم تشغيله

لعمل هذا نضيف هذه الاداة للفورم بتاعنا

 

كلنا عارفين الاداة دي وهيا ويندوز ميديا بلير ودا تقريبا في كل نسخ الويندوز يعني مش هنقابل مشكلة تسجيل الاداة ومش موجودة  ومش بتفتح معايا لا ابدا البرنامج دا هيفتح باذن الله علي معظم الاجهزة بدون مشاكل

نيجي لاكواد التشغيل الملفات التي يتم اختيارها داخل الميديا بلير

 

Private Sub File1_DblClick()
WindowsMediaPlayer1.URL = Dir1.Path & "\" & File1.FileName
WindowsMediaPlayer1.Controls.play
End Sub

عملت الكود في حدث الدبل كليك داخل الفايل ليست بوكس عشان مش كل ما اختار ملف يشتغل من اول كليك لا الملف اللي محتاج تشغله دبل كليك عليه يشتغل معاك

وطبعا ممكن نعمل ازرار تحكم لايقاف وتشغيل ما نريد

وطبعا  الكل هيبدع في الموضوع دا وبلمسات المواضيع اللي فاتت هيبقي اجمل

 

وادي الكود كامل عشان تعرفو باقل كود ممكن نعمل حاجه كبيرة ومميزة

Private Sub Drive1_Change()
Dir1.Path = Drive1.Drive
End Sub

Private Sub Dir1_Change()
File1.Path = Dir1.Path
End Sub

Private Sub File1_DblClick()
WindowsMediaPlayer1.URL = Dir1.Path & "\" & File1.FileName
WindowsMediaPlayer1.Controls.play
End Sub

Private Sub Form_Load()
File1.Pattern = "*.mp3;*.mp4;*.flv;*.mkv"
End Sub

 وبكدا نكون انتهينا من نقطة تحديد الملفات وتشغيلها وقريبا باذن الله مثال اخر لملفات اخرى لتأكيد المعلومة وتداولها في اكثر من مسار

نرجو من الاخوة الكرام الرد علي الرابط التالي

http://www.officena.net/ib/topic/65630-الردود-والاستفسارات-عن-دروس-الفيجوال-بيسك6-والاكسيل-ياسر-العربي/ 

مرفق ملف الشرح

خالص تحياتي

ياسر العربي

يتبع

 

 

drive.rar

[ياسر العربى]

رابط الفيجوال بيسك 6 كامل من رفعي

لمن يعانون من مشاكل التنصيب

يرجى تشغيلة كمسئول

يعمل علي ويندوز 8 64 و7 32 واكس بي بجميع اصدراتها

هذا ما تم تجربته عليه

http://www.mediafire.com/download/b7r034dv0vcba0h/VB6.0+Enterprise.rar

يتبع

 

 

[ياسر العربى]

بسم الله الرحمن الرحيم

 الحمد لله أحمده وأستعينه وأستهديه وأستغفره وأتوب إليه، وأومن به وأتوكل عليه، وأشهد أن لا إله إلا الله وحده لا شريك له، إله الأولين والآخرين، وأشهد أن محمدا عبده ورسوله بعثه الله رحمة للعالمين، اللهم صلِّ وسلم وبارك على عبدك ورسولك نبينا محمد وعلى آله وصحبه، ومن دعا بدعوته، واهتدى بهديه إلى يوم الدين

اما بعد

اليوم استكمالا للموضوع السابق

 

وسنقوم بعرض ملفات بصيغ اخرى وطرق اخرى 

 منها ملفات PDF   وملفات الصور JPG & BMP

 

طربقة عمل مستعرض لملفات الPDF

نفس مشروعنا السابق 

التعديل هو

نقوم باضافة هذه الاداة الموضحة بالصورة بدلا من الميديا بلير

 

 

بعد وضع الاداة نستبدل ما بالحدث دبل كليك علي  FileList Box

ونخليها كليك فقط عادي وليس دبل كليل

كما هو موضح بالكود التالي

Private Sub File1_Click()
AcroPDF1.LoadFile (Dir1.Path & "\" & File1.FileName)
End Sub

الكود يعمل علي تحميل  الملف المحدد داخل الفايل ليست وعرضة داخل الاداة ادوب اكروبات

كما هو موضح

وطبعا مننساش موضوع تحديد امتداد الملفات المراد تشغيلها داخل برنامجنا وهي الان PDF

الكواد كالتالي في تحميل الفورم

Private Sub Form_Load()
File1.Pattern = "*.pdf"
End Sub

وتسطيع عمل ازرار للكنترول ببرنامجك مثل ما بالصورة الاتية

وبكدا نكون انتهينا من نقطة ربط الدريفات بالمجلدات بالملفات وصولا لمستعرض PDF

 

ونخش كمان في مثال تاني 

 

وهو عمل مستعرض للصور

وطبعا نفس الادوات هي هي في كل الامثلة الا شئ واحد وهو مستعرض الملفات المراد العمل عليها

وهنا يتم وضع image

بدلا من اداة الادوب او الميديا كما موضح

وطبعا الاكواد المستبدلة كالعادة هي كالتالي

Private Sub File1_Click()
Image1.Picture = LoadPicture(Dir1.Path & "\" & File1.FileName)
End Sub
Private Sub Form_Load()
File1.Pattern = "*.jpg;*.bmp;*.gif"
End Sub

ليصبح في النهاية هكذا

وبكدا نكون صنعنا 

مشغل وسائط الصوت والفيديو

مستعرض ملفات PDF

مستعرض الصور

ونستطيع ان نصنع ما نريد بهذه الطريقة من برامج متعددة نستعملها بصفة مستمرة

ومنتظر منكم الابداع  لن اكتفى بمثال مثل ما قمت بعمله لا

اريد التألق والابداع 

مثلا ربط الثلاثة امثلة في مثال واحد وتطبيق ما نريده  مثلا عن طريق تفعيل CheckBox مثلا عند وضع علامة صح امام تشغيل الوسائط يعمل الصوت والفيديو 

وان وضعت علامة صح امام تشغيل مستعرض  pdf يعمل

وهكذا

او تطبيق الامثلة على اشياء اخرى لم تذكر يعني فكرة جديدة

منتظركم

واعذروني لتأخري في وضع المواضيع قليلا لانشغالي 

مع تحياتي

ياسر العربي

يتبع

 

وطبعا قبل ما انسى الملف المرفق اهو وفيه الثلاثة امثلة دا للجماعة الكسلانين طبعا 

 

all.rar

[ياسر العربى]

بسم الله الرحمن الرحيم
الحمد لله الذي بنعمته تتم الصالحات ، الحمد لله الذي خلق الأرض والسموات ، الحمد لله الذي علم العثرات ، فسترها على اهلهاوانزل الرحمات ، ثم غفرها لهم ومحا السيئات ، فله الحمد ملئ خزائن البركات ، وله الحمد ما تتابعت بالقلب النبضات ، وله الحمد ماتعاقبت الخطوات ، وله الحمد عدد حبات الرمال في الفلوات ، وعدد ذرات الهواء في الأرض والسماوات ، وعدد الحركات والسكنات ،
سبحانه سبحانه سبحانه
الطير سبحه والوحش مجده والموج كبره والحوت ناجاه والنمل تحت الصخور الصم قدسه والنحل يهتف حمدآ في خلاياه

الناس يعصونه جهرآ فيسترهم والعبد ينسى وربي ليس ينساه
وأشهد أن لا إله إلا الله لا مفرج للكربات إلا هو ، ولا مقيل للعثرات إلا هو ، ولا مدبرللملكوت إلا هو ، ولاسامع للأصوات إلا هو ، ما نزل غيث إلا بمداد حكمته ، وما انتصر دين إلا بمداد عزته ، وما اقشعرت القلوب إلا من عظمته ، وما سقط حجر من جبل إلا من خشيته ،
وأشهد أن محمدآ عبده ورسوله قام في خدمته ، وقضى نحبه في الدعوة لعبادته ، واقام اعوجاج الخلق بشريعته ، وعاش للتوحيد ففاز بخلته ، وصبر على دعوته فارتوى من نهر محبته ، صلى عليك الله يا علم الهدى  

اما بعد احبتي في الله

اليوم سنشرح موضوع مهم لنا جميعا في مجال الفيجوال والبرمجة

وهو تحزيم البرامج

من منا بعد الانتهاء من برنامجه لا يريد عرضه على المستخدمين بطريقة جميلة كما في البرامج المعروفة

من تنصيب البرنامج داخل النظام وادراج اختصار لسطح المكتب وتنزيل ادواته بالنظام

ليعمل بكفاءة

سنقوم بشرح برنامج تحزيم يأتي مع مجموعة الفجوال

وطريقة عمله

اينعم هو قديم ولكن الميزة الوحيدة فيه انه يقوم بادراج الاداوت اللازمة لتشغيل البرنامج في اي مكان 

الخطوات كما بالصور

هنا نقوم بتحديد ملف المشروع ويجب تحويله لتنفيذي قبل عمل هذه الخطوة  ونقوم باختيار ملف تشغيل المشرؤوع نفسه كما بالصورة

هنا يتم تحديد الاداوت التي يعتمد عليها البرنامج

يظهر فولدر داخل مشروع البرنامج به ملف التنصيب

ودا مثال لبرنامج عرض وسائط الصوت والفيديو

وقريبا باذن الله اضع لكم شرح برنامج تحزيم افضل 

اسف علي سرعة الشرح لضيق الوقت

مع تحياتي

ياسر العربي

يتبع

 

 

 

تم تعديل يناير 11, 2016 بواسطه ياسر العربى

[أبوبسمله]

ابو اسيل

جزاك الله كل خير

لما جيت اعمل ملف تنفيذى بالبورتبول ملقتش المارك متفعله

هيا مش متفعله عليه ليه

تم تعديل مارس 18, 2016 بواسطه أحمد الفلاحجى

[ياسر العربى]

قم بتفعيل البرنامج من هنا مرفق مع البرنامج

للردود والاستفسارات

http://www.officena.net/ib/topic/65630-الردود-والاستفسارات-عن-دروس-الفيجوال-بيسك6-والاكسيل-ياسر-العربي/

وشكرا

[أبوبسمله]

صباح الفل يا ابو اسيل

شغال حبيب قلبى ايوه كده متحرمناش من انسك

بزمتك انت بتضحك غير معانا تعالى اضربها جزمتين بس متضربنيش انا

هديه منى ليك اول تجربه ليا

TestColor.rar

ياسر انا بستخدم ويندوز10

وطلعت المشكله دى اعمل ايه

 

[ياسر العربى]

السلام عليكم

 

اليوم اضع لكم حل لموضوع تفعيل الماكرو عن طريق لغة برمجة الفيجوال بيسك 6

كثير منا يقوم ببناء برنامجه ولكن تظل مشكلة تفعيل الماكرو العائق امام تشغيل برنامجنا على اجهزة اخرى فيضيع علينا 

اظهار الانطباع الاول لبرنامجنا 

واللي ميعرفشي موضوع البرمجة ويلاقيك محتاس عمال تفعل الماكرو كل ما تشغله على جهاز جديد يقول انك مش محترف  

المهم عشان نشغل برامجنا على اي جهاز بدون تفعيل الماكرو وانسى الماكرو خالص

قمت بعمل برنامج بسيط يعمل كواجهه للبرنامج الخاص بنا او كشاشة دخول برنامجنا

وتبدأ كما بالصورة لمدة نحددها نحن وبعدها تختفى ويفتح لنا البرنامج بدون تفعيل الماكرو 

كل ما علينا ان نضع ملف البرنامج الخاص بنا بجانب الملف التنفيذي الذي سيعمل كشاشة بداية للبرنامج

ونغير اسم برنامجنا الى ما هو موضح بالصورة

Yasser.xlsm

وهذا مؤقت فقط لحين شرح كيفية عمل هذه الشاشة الافتتاحية وتحطوا اي اسم لبرنامجكم

وطبعا الامتداد xlsm

ويمكن تغييره حتى ممكن نلعب في الامتداد ونخليه مثلا Yasser.dat ونخفيه كمان يبقي كأنه بيشغل من البرنامج التنفيذي

المهم كل واحد عنده ملف به اكواد ماكرو يقدر يعطل الماكرو عنده ويحط ملفه بجانب هذا الملف التنفيذي ويقوم باعادة التسمية ليصبح Yasser.xlsm

ويقولي ايه رأيه

مش هشرح غير لما الاقي تفاعل

الملف مرفق

به طريقتين لعمل الملف التنفيذي تستطيعوا تجربة اي واحد

للردود او الاستفسار يرجى الدخول على هذا الرابط

تقبلو تحياتي

ياسر العربي

يتبع

 

start.rar

[ياسر العربى]

السلام عليكم

اليوم اضع لكم شرح  حل لموضوع تفعيل الماكرو عن طريق لغة برمجة الفيجوال بيسك 6

بداية الشرح اولا سنقوم بعمل مشروع جديد 

ليظهر معنا فورم واحد وهو المطلوب

لكي يتم ربط الاكسيل مع الفيجوال لابد من وجود مرجع يعتمد عليه البرنامج للتعامل مع الاكسيل 

وهذه صور من دروس سابقة لمعرفة كيفية اضافة مرجع لبرنامج الاكسيل داخل المشروع الخاص بنا

صور من درس سابق لربط الفيجوال بالاكسيل

بعد ان قمنا باضافة المرجع الخاص بالاكسيل

نأتي لمشروعنا 

دا شكل الفورم وكوده

هتضيف صورة او ليبل حسب ما تشوفه مناسب ليك

ودا بدون اي اكواد عادي

نأتي للكود نضع في الحدث load

الكود التالي

Private Sub Form_Load()
Dim Start, Finsh
Form1.Show
Start = Timer
Finsh = Start + 5
Do Until Finsh <= Timer
DoEvents
Loop
Unload Me
    Excel.Workbooks.Open App.Path + "\yasser.xlsm"
    Excel.Application.Visible = True
End Sub

الكود عبارة عن اعلان عن متغيرين بداية ونهاية

البداية تساوي التايمر النهاية تساوي التايمر + اي وقت تضيفه لفترة عرض الفورم كشاشة افتتاحية

وبعد كدا ندخل في حلقة تكرارية حتى تكون النهاية اقل من او تساوي الوقت

وبعد تحقق الشرط يتم غلق الفورم وفتح ملف الاكسيل وعرضه في الوضع المرئي

وبكدا يكون انتهينا من الدرس 

الكل مستغرب فيين كود تفعيل الماكرو اقوله مفيش 

ليه

اقوله لان تشغيل ملف الاكسيل عن طريق ملف تنفيذي يجبر وحدات الماكرو على العمل  حتى وان كانت غير مفعله

الفكرة موجودة من زمان بس محدش كان واخد باله منها لاننا كنا بنقوم بربط ملف عادي وليس به اي وحدات ماكرو

وطبعا نقوم بتحويل الملف لملف تنفيذي بعد الانتهاء

بالنسبة لمن لديه اي صعوبات في التعامل مع الفيجوال6 يتابع الدروس من اولها حتى يتثنى له انهاء هذا العمل

اما بخصوص من لديه الرغبة في وضع هذه الشاشة الافتتاحية ولا يريد ان يشغل باله اقوله ايضا سأقوم بعمل ملف به خيارات لضبطه كما تحتاج

للردود او الاستفسار يرجى الدخول على هذا الرابط

 

مرفق السورس كود للبرنامج لمن لا يريد وجع دماغه 

تقبلو تحياتي

ياسر العربي

يتبع

 

vb6 &vba.rar

[زياد عبد الجليل]

السلام عليكم استاذ ياسر على هذه المصطبة المتميزة 

عندي استفسار حول كيفية عرض البيانات الموجودة في ملف الاكسيل غلى الليست بوكس من خلال فيجوال بيسك 6 و كيف يمكن اضافة زر التعديل و الحذف و شكرا جزيلا لك

[bin7shr]

طريقة ممتازة أزادك الله من فضلة

[Manned]

الشكر موصول للجميع ، بفضل هذه المجهودات بارك الله فيكم