Elsayed Bn Gemy قام بنشر يوليو 16, 2015 قام بنشر يوليو 16, 2015 السلام عليكم ورحمة الله تعالى وبركاته هو شرح بسيط اتمنى من الله ان يساعد احدا منكم يوما هذا الشرح عبارة عن مقالات قراتها قديما ولكن نجمعها هنا باذن الله ممكن تقول عن الموضوع الاسس العلمية او الاسس الصحيحة لبناء قاعدة بينات متكاملة دا ان صح التعبير يعنى لانى لست اهلا لذلك نصيحة لو عاوز تتعلم بجد اكسس عليك بالورقة والقلم والة حاسبة كمان .... ودى بجد حقيقة ولو فكرت تفتح الاكسس قاوم نفسك واستمتع بالتطبيق على الورق اولا ثم جرب على الاكسس فى النهاية واى سؤال هتبداه بكيف ؟؟ صدقنى مش هتفهم حاجة هتبقى مجرد الة بتنقل وخلاص انا عاوزك انت تكون الاكسس يعنى تسال نفسك اولا كيف ؟؟ ثم تعقبها مباشرة بلماذا ؟؟ لانى كيف ؟؟ سهلة جدا ... اعمل كذا وكذا وكذا وكذا بس هتصنع منك مقلدا عظيما اما لماذا عاوزة فهم عاوزة هدوء عاوزة شرح لان انت لو اتعلمت بجد الاسس الصحيحة البرامج دى Access . FoxPro. . Clipper . DBase . Microsoft SQL . Oracle . Sybase هتبقى سهلة جدا معاك البرامج اللى فاتت دى عبارة عن برامج لشركات تستخدم ادوات قواعد البيانات مثال بسيط كلمة تليفون او موبايل لما تيجى تتكلم عنها هتتكلم عن طريقة عملها الصناعة بتاعتها او صيانتها بس مش هتتكلم عن نوع معين من التليفونات يلا اقفل الاكسس وابتدى اسال نفسك لماذا ننشأ هذا الجدول؟ لماذا بهذه الطريقة ؟ لماذا الاستعلام وما هى اهميته ؟ مش كيف ننشأ هذا الجدول انما لماذا ننشا هذا الجدول ؟؟ مفيش اكسس كله مقفول انت الاكسس صدقنى لو جربت الموضوع دا هتكون وضعت قدمك على الطريق الصحيح لانشاء قاعدة بيانات متكاملة قواعد البيانات خلى بالك من كلمة البيانات دى هى عبارة عن مجموعة لا معنى لها من الارقام والكلمات زى كدا "ربح " "خسارة" "2000 " ...... دى اسمها بيانات البيانات لا تعنى شيئا ولا يستفاد منها اطلاقا الخاصية الثانية للبيانات هى الحجم حيث البيانات تعنى الضخامة والكبر من حيث العدد اذا فالبيانات ضخمة ومتشعبة وكثيرة وفى نفس لوقت لا تعنى شيئا ندخل بقى فى مصطلح قاعدة قاعدة هو تنظيم الشئ على اسس ودا اللى بيحصل قى قواعد البيانات تنظيممها .. ثم تحليلها ... ليه بقى ؟؟ظ لان من خلال معالجة البيانات هتحولها لمعلومات ... يبقى الهدف من البيانات ه تحويلها لمعلومات السؤال برضو .. لمــــــــــــــــــــــــاذا نقوم بتحويل البيانات الى معلومات علشان سببين مهمين جدا اولا .. اتخاذ القرارات ثانيا ... التخطيط مثال بسيط اوى .. بلدى الغالية مصر ربنا يحفظها عندة قاعدة بينات لتعداد السكان فى مصر .. اللى هما اصلا مش بيبطلو خلفة هههههههه هي بينات ملهاش قيمة انما بقى لما اجى اعالجها علشام احولها لمعلومات علشان اقدر اخطط واتخذ القرارات هلاقى مثلا مثلا عندى اطفال لسه صغيرين مثلا 20 % دى لحد كدا معلومة عايزة تخطيط لبناء مدارس وهكذا مثلا ... ومننساش اننا لازم نحول البيانات الى معلومات علشان نقدر نتخذ القرارات اخى الكريم قواعد البينات تندرج تحت مصطلح علم للبرمجة أسمه Tier 3 أي الطبقات الثلاثة هههههههههههه الاستاذ InternetMaster - الفريق العربى للبرمجة عندما سال فى احد مشاركاته ان هذه الطبقات هو طراز قديم او تصميم قديم قال احفظوها كما هى حتى لو قيل انها خطأ .. الطبقة الأولىFirst Tier وهو ما يسمى بالمقدمة أو واجهة المستخدم User Interface الطبقة الثانية Second Tier وهوما يسمى بطبقة المنطق والقوانين Logic Interface الطبقة الثالثة Third Tier وهو ما يسمى بالخلفيه Back End ليه انا بقولك على الطبقات الثلاثة دى تعالى لننسى النماذج . وننسى التقارير ملحوظة النماذج والتقارير الموجودة فى الاسس ليست للاحتراف او البرامج القوية ليه واجع دماغنا بكل دا لان مفيش حاجة اسمها فى قواعد البينات اسمه نماذج او تقارير النماذج والتقارير تصنع فى الطبقة الاولى اما قواعد البينات فى الطبقة الثالثة لماذا الآكسس و FoxPro و Dbase و Clipper و MySQL يستخدمون الطبقات الثلاثة مع بعضها البعض ف محتوى واحد؟ علشان دى برامج تعبانة . ودى حقيقةعلى قدها يعنى علشان البرامج دى لا تصلح الا للاستخدام الشخصى فقط او البرامج الى لا يزيد عدد مستخدميها عن 10 اشخاص فقط اخوانى اعضاء منتديات اوفيسنا . قسم الاكسس تحديدا . او اى قارئ تخيل ان قاعدة البيانات فى 5000 جدول ان كل جدول فى قاعدة البيانات يحتوى على 10 ملايين سجل انه يوجد 30 الف مستخدم يتعاملون مع القاعدة فى نفس الوقت خلى بالك من التخيل دا علشان انا بقول كدا ليه فى مصطلحين لازم تعرفهم اولا وهم اللى هيوصلولك التخيل الصحيح الذى ادرجته مسبقا Server و Client Client الواجهات والنماذج والتقارير دائما وأبدا على Client -- الطبقة الأولى Server قواعد البيالنات دائما وأبداً على Server -- الطبقة الثالثة ------------------------ المسافة بين Client وال Server دائماغير معروفة، قد تكون 5 سم او الاف كيلو متر 10 عند بداية تصميم اى قاعدة بينات نبدأ بمعرفة اين يقع Client واين يقع server ثم يجب تحديد عدد المستخدمين لبرنامجك ولذلك ضمان مستوى كفائ الطبقة الثالثة وهو الخادم حتى لا يتعطل ونروح فى داهية ههههههههههه اخوانى اهم شئ الورقة والقلم ولبناء قاعدة بينات صحيحة يجب اولا بتحديد المخرجات - التقارير- فابدا بالتقارير ثم الجداول ثم الاستعلامات ثم ...... ومتنساش بالورقة والقلم الاول اتمنى من الله ان يساعد هذا الموضوع شخصا ما يوما .. وكما قلت مسبقا هو خلاصة ما تعلمته من استاذتى تحياتى مارد 4
مـــحـــمــــود قام بنشر يوليو 17, 2015 قام بنشر يوليو 17, 2015 وعليكم السلام أخي مارد متابع وجزاكم الله خيرا
Elsayed Bn Gemy قام بنشر يوليو 17, 2015 الكاتب قام بنشر يوليو 17, 2015 شكرا لك اخى الكريم . هههههه انا لما ملقتش حد رد على الموضوع قلت همسحه . واضح انه ملوش لازمة . لكن يكيفنا مرورك اخى محمود
مـــحـــمــــود قام بنشر يوليو 17, 2015 قام بنشر يوليو 17, 2015 الله يحفظك أخي ويبارك فيك لكن نحن في أيام أعياد وتقبل الله منا ومنكم والموضوع ممتاز وفيه نقاط رائعة ومختصرة وبالتأكيد نحن في انتظار المزيد من هكذا معلومات وبإذن الله تعم فائدة الموضوع على الجميع وجزاكم الله خيرا
أبو عبدالله الحلوانى قام بنشر يوليو 17, 2015 قام بنشر يوليو 17, 2015 السلام عليكم ورحمة الله وبركاته أخى الكريم واستاذى مارد وأحيتى مشرفى وأعضاء المنتدى الكرام. تقبل الله طاعاتكم ووفقكم لكل خير واعاد عليكم تلك ألأيام المباركة بخير وعافية الموضوع جميل كما عودتنا روائعك أيها المارد وبانتظار المزيد
اأبو مصطفى قام بنشر يوليو 17, 2015 قام بنشر يوليو 17, 2015 بارك الله اخي الكريم على هذا الشرح وفقك الله يا اخي العزيز
eng-Hussam قام بنشر يوليو 17, 2015 قام بنشر يوليو 17, 2015 كل عام وأنت بألف خير أستاذ مارد .. ومتابع معك من البداية بمشيئة الله ..
sofiane05552 قام بنشر يوليو 13, 2017 قام بنشر يوليو 13, 2017 (معدل) جزاك الله خيرا اخي مارد كلماتك من ذهب بجد من ذهب تم تعديل يوليو 13, 2017 بواسطه sofiane05552
الردود الموصى بها
Join the conversation
You can post now and register later. If you have an account, sign in now to post with your account.