استدعاء الشهادات بمعيه رقم الجلوس

[قصي]

 

الملف المرفق كان للمهندس المحترم علي السحيب جزاه الله خيرا

وهو لدالات البحث وبعتبر مرحعا

لكن به معادلات

ارجومن ملوك المعادلات ان توضع معادلات الطريقة السادسه الموجوده به

في الملف الاخر

 

 

 

شهادة السحيب الجميلة.rar

استدعاء شهادات1.rar

[قصي]

او شرح هذه المعادله الموجوده بالمرفق الاول

=IF(OR($F$59<MIN(رقم_الجلوس);$F$59>MAX(رقم_الجلوس));"";INDIRECT(ADDRESS(MATCH(شهادة!$F$59;'أسماء ودرجات الطلاب'!$B$3:$B$18;0)+2;COLUMN()+3;4;;$A$73)))

[ياسر خليل أبو البراء]

الأخ الفاضل قصي

إليك الملف المرفق قمت بعمل شهادة واحدة ويمكنك تطبيق نفس المعادلات على باقي الشهادات مع تغيير الخلية التي بها رقم الجلوس فقط

 

استدعاء الشهادات قصي.rar

[ياسر خليل أبو البراء]

بسم الله ...

 

شرح المعادلة في الملف المرفق في المشاركة السابقة

-----------------------------------------------

المعادلة عشان تفهمها أخي الكريم قصي لازم تاخدها بمجمل وبعدين تفصيل ..

 

الجزء الأول : لو بصيت في المعادلة هتلاقي كلمة (رقم_الجلوس) دا عبارة عن نطاق ، إنت اللي بتسميه ، ببساطة بتروح لورقة العمل (بيانات أساسية) ، وتحدد الخلايا C6:C216 (اشمعنا الخلايا دي ..عشان دي اللي فيها أرقام الجلوس) ، وتروح لصندوق الاسم وتكتب اسم للنطاق وليكن (رقم_الجلوس)

والنطاق ده هو أساس الشغل في المعادلة ..

 

الجزء الثاني : الخلية اللي فيها رقم الجلوس في ورقة العمل (شهادات) اللي هي في مثالنا N13 ودي اللي هيتكتب فيها رقم الجلوس المفروض البحث عنه وجلب البيانات المرتبطة بيه ..

 

الجزء الثالث : بعد ما عرفنا معطيات المعادلة نبدأ نشرحها (بتشديد الراء في الكلمة)

في الخلية D14 :

المعادلة عبارة عن 3 أجزاء رئيسية (هي معادلة IF) فيها الشرط ، والشرط إذا تحقق ، والشرط إذا لم يتحقق

الشرط

OR($N$13<MIN(رقم_الجلوس),$N$13>MAX(رقم_الجلوس))

الشرط إذا تحقق يدي فراغ

""

والشرط إذا لم يتحقق يشتغل على معادلة فرعية داخل المعادلة

INDIRECT(ADDRESS(MATCH($N$13,رقم_الجلوس,0)+5,COLUMN(),4,,$A$5))

دي كانت الخطوط العريضة للمعادلة

*********************************

 

الجزء الرابع : شرح الشرط

في جزء الشرط فيه الدالة OR ودي هنا معناها أو ..يعني لو تحقق أي شرط من الشرطين التابعين للدالة OR يتحقق الشرط

الشرطين : أول شرط

$N$13<MIN(رقم_الجلوس)

الخلية N13 أقل من أقل قيمة في نطاق أرقام الجلوس (يعني لو رقم الجلوس أصغر من أصغر رقم جلوس عندك)

 

تاني شرط

$N$13>MAX(رقم_الجلوس)

الخلية N13 أكبر من أكبر قيمة في نطاق أرقام الجلوس

يعني خلاصة الجزئية دي : لو رقم الجلوس الموجود في الخلية N13 كان مش موجود ضمن نطاق أرقام الجلوس الموجودة في ورقة العمل (بيانات أساسية) تعطي النتيجة فراغ ..عشان رقم الجلوس في الحالة دي مش موجود ، فطبيعي إن ميكونش فيه بيانات مرتبطة بيه ، فيعطي فراغ

 

الجزء الخامس : المعادلة الفرعية في حالة وجود رقم الجلوس

هنا هنبدأ من الدالة ADDRESS ودي بتجيب العنوان ( عنوان الخلية الهدف ..الخلية اللي عليها العين .. لو عرفنا عنوانها هنجيب بياناتها بدالة INDIRECT ..)

ADDRESS(MATCH($N$13,رقم_الجلوس,0)+5,COLUMN(),4,,$A$5)

هو دا الجزء اللي بيجيب عنوان الخلية المطلوب جلب بياناتها

دالة العنوان ليها كذا بارامتر .. هنشرح واحد واحد

>>

البارامتر الأول لدالة العنوان (لمعرفة رقم الصف)

MATCH($N$13,رقم_الجلوس,0)+5

استخدما هنا الدالة Match دالة البحث اللي بتبحث عن رقم الجلوس في النطاق رقم_الجلوس وتجيب رقم الصف (شيء جميل جداً) ..طيب ايه رقم 5 اللي ضفناه في نهاية الدالة ..

الرقم 5 يمثل عدد الصفوف التي تسبق أول صف فيه بيانات في ورقة العمل (بيانات أساسية) ..إحنا عندنا أرقام الجلوس بتبدأ من الصف رقم 6 ، يعني فيه 5 صفوف قبل الصف السادس .. ولذلك تمت إضافة رقم 5 لمعرفة رقم الصف لرقم الجلوس ..

يعني مثلا لو كان رقم الجلوس في الخلية N13 هو 1835 .. سيتم البحث عن الرقم في النطاق اللي عليه الشغل (رقم_الجلوس) ويشوف الصف اللي فيه رقم الجلوس هتلاقي النتيجة هي رقم 2 (فعشان نعرف رقم الصف بشكل صحيح بنزود 5 لأن رقم الجلوس 1835 موجود في الصف السابع ..تمام كدا !!

 

البارامتر الثاني لدالة العنوان (لمعرفة رقم العمود)

COLUMN()

والدالة دي بتجيب رقم العمود اللي فيه المعادلة ..المعادلة مكتوبة في الخلية D14 يبقا رقم العمود هو 4 ..........طيب المفروض هنا نجيب البيانات في العمود رقم كام من ورقة العمل (بيانات أساسية) ..إحنا دلوقتي عايزين اسم الطالب واسم الطالب موجود في العمود رقم 4 بردو في ورقة العمل (بيانات أساسية) يبقا كدا تمام ..

طيب لنفترض إن اسم الطالب كان في العمود رقم 9 مثلاً .. في الحالة دي هنزود كام عشان تظبط المعادلة (فكـــــــــــــــــــــر شوية)

المعادلة في العمود رقم 4 والاسم موجود في العمود رقم 9 يبقا عشان نوصل لرقم العمود اللي فيه اسم الطالب هنزود 5 فتصبح الدالة بهذا الشكل

COLUMN()+5

دا كان مجرد مثال عشان تعرف إزاي تجيب البيانات من أي عمود

 

البارامتر التالت لدالة العنوان (لجعل عنوان الخلية نسبي وليس مطلق ..وعشان منطولش معناها إن الخلية تكون من غير علامات الدولار ..)

لما جبنا رقم الصف طلع 7 ورقم العمود طلع 4 معني  كدا إن الخلية اللي عليها العين والنن هي D7 .. البارامتر اللي إحنا بنشرحه هيخليها D7 من غير علامات الدولار

 

البارامتر الرابع اختياري وتم تجاهله ولكن وضعت فاصلة للانتقال للبارامتر التالي

 

البارامتر الخامس والأخير (لمعرفة اسم ورقة العمل المراد جلب البيانات منها ..)

والاسم دا المفروض يكون (بيانات أساسية) فقمت بوضع كلمة "بيانات أساسية" في الخلية A5 في ورقة العمل (الشهادات) والإشارة إليه في المعادلة

 

لو جربنا نضغط F9 على الجزء الخاص بدالة العنوان هتكون النتيجة بهذا الشكل

{"'بيانات أساسية'!D7"}

وبكدا نكون وصلنا لعنوان الخلية اللي عليها العين والنن ..

 

أرجو أن أكون قد وفقت في شرح المعادلة ..

تقبل تحياتي

[قصي]

من الاعماق تحيه ودعاء خالصا لوجه الله

الى العملاق ياسر خليل

ان يمدك الله بالصحه

شرح ولاأروع

ربنا يجزيك عنا كل خير

[قصي]

اخي العملاق ياسر خليل

اكمل شرحك الرائع لبقيه المعادلات الموجوده بالطريقه الخامسة والرابعه

الموجوده بشهادات المحترم علي السحيب

حتى يكون الشرح مرجعا متكاملا  لدوال البحث المختلفه

ثم يتم تجميع هذا الشرح ( الكنز ) في ملف بي دي اف

[قصي]

توجد في اعلا الشهاده  خليه

مطلوب معادله لتأتي بعدد الورق المطلوب طباعته نرجو وضعها

[قصي]

الى الاخوة المشاركين بكلمات الشكر فقط

ان ينتظروا وعدم الكتابه حتى تكمله موسوعة الشرح

ليظل الشرح في اول صفحة متكامل..رجاء

[بكار للأبد]

موضوع أكثر من رائع أخي قصي

 

إحنا لازم نعمل مليونية علشان نخلي أخونا المبدع دائماً ياسر ابو البراء يكمل شرح باقى الطرق للأستاذ الأشهر علي السحيب ونعتصم في المنتدى    

[ياسر خليل أبو البراء]

الأخ الحبيب قصي

الأخ الكريم بكار للأبد

 

بارك الله فيكما وجزاكما الله خير الجزاء ..

ومشكور على كلماتكم الرقيقة وشعوركم الطيب

 

بالنسبة للاعتصام ممنوع في المنتدى عشان محدش يبلغ عننا ويحدث ما لا يحمد عقباه (مش بعيد يجيبوا إعدام للمنتدى  .. لو حصل اعتصام)

بالنسبة للمشاركة رقم 7 أخي قصي لم أفهم المطلوب ..أفضل أن يكون الطلب في موضوع مستقل حتى لا تتداخل الطلبات في موضوع واحد

أما بالنسبة لشرح باقي الطرق فأترك المجال للأخوة كل واحد ياخد طريقة ويشرحها بأسلوبه (بلاش طمع ههههه أنا غبت ساعة أكتب في الشرح ده ..الرحمة الرحمة .. )

إن شاء الله لو توفر لدي الوقت سأقوم بشرح طريقة طريقة .. من عيوني أخي الكريم قصي

[قصي]

الاستاذ الكبير ياسر

تم تطبيق شرحك المفيد جدا على هذا الملف وتم بنجاح مذهل وهذا يدل على قوة الشرح والشارح

ولكن ظهرت معي عده اسئله

المعادلة اتت بالمطلوب في الدرجات ولم يأت الاسم

معادلات اعمدة الدرجات المختلفة الاماكن زدنا فيها من علمك

تطبيق على الشرح.rar

[قصي]

اخي العملاق استاذ باسر

انت بحق استاذ في الشرح

لم اجد اسهل من شرحك

وعند تطبيقه احسست بالسعاده

لان الفكرة تنساب بسهوله دعوت لك بإخلاص ان يبارك الله لك

ولذلك نتعشم ان تكمل معنا الشرح

 ليكون مرجعا لنا وللجميع من بعدنا

[ياسر خليل أبو البراء]

أخي الحبيب قصي

صبراً على موضوع الشرح .. كل يوم حبة حبة .. عشان الشرح بياخد وقت والوقت للأسف ضيق

 

بالنسبة لمعادلتك الخطأ :::

$N$13>MAX(رقم_الجلوس))

الخلية التي بها رقم الجلوس M3

 

[قصي]

موافق على موضوع الشرح كل يوم داله لكن

اخي

عمود مادة العربي رقم 26 واحنا بدأنا من عمود الاسم رقم 3

اذن المفروض ان اكتب في المعادله 23 اليس كذلك

لاتأتي بالنتائج المضبوطة وانما كتبت رقم 22

 

العمود اللي بعده عمود الرياضيات رقم 35 واحنا بدأنا من عمود الاسم رقم 3

اذن المفروض ان اكتب في المعادله 32

لا تأتي بالنتائج المضبوطة وانما كتبت 31

وهكذا في بقيه المواد

ماهي الفكره في هذه الارقام المختلفه

[ياسر خليل أبو البراء]

اطلعت على الملف المرفق رقم 11 والأرقام منضبطة .. هل تقصد ملف مرفق آخر به هذه المشكلة الغير منطقية ؟؟

[جمال ابوبسنت]

دا ملف عملته وساعدنى فيه الاستاذ ايمن اظن انه يفى بالغرض وتقبل تحياتى

_1شهادات 2015.rar

[قصي]

ربنا يبارك لك استاذ ياسر

تم تعديل مايو 21, 2015 بواسطه قصي

[قصي]

جزاكم الله خيرا

تم تعديل مايو 21, 2015 بواسطه قصي

[ياسر خليل أبو البراء]

ADDRESS(MATCH($N$13,رقم_الجلوس,0)+5,COLUMN(),4,,$A$5)

اخي الاستاذ ياسر

تم شرح هذه الجزئيه

=IF(OR($M$3<MIN(رقم_الجلوس);$M$3>MAX(رقم_الجلوس));"";INDIRECT(ADDRESS(MATCH($M$3;رقم_الجلوس;0)+10;COLUMN()+81;3;;$X$1)))

الرقم 81 هنا كيف يأتي .. مافهمته من شرحك المستفيض

هو:  نحن بدأنا من عمود اسم الطالب رقم 3 وعمود الماده التربيه الدينيه  في صفحة اكنترول 94

اذن بجب ان نصل للعمود بان نضيف رقم 91 +3

لماذا نكتب رقم 81

 

ارفق ملفك الذي به المعادلة التي تستفسر عنها للإطلاع عليه

رقم العمود بيكون خاص بالخلية اللي فيها المعادلة ..يعني لو المعادلة في الخلية C14 مثلا يبقا رقم العمود C هو 3 .. بشكل مبدئي

بعد كدا بتروح لورقة البيانات الأساسية وتشوف رقم العمود المطلوب جلب بياناته .. فلو كان رقم العمود 26

يبق بتزود 23 على 3 عشان توصل رقم 26

أرجو أن تكون وضحت الفكرة

[قصي]

وضحت الفكره يحفظك ربنا ويبارك فيك

شرحك ولااروع

[قصي]

المرجع الاول في دوال البحث مع الشرح المفصل

استدعاء بيانات الشهادات بمعية رقم الجلوس مع الشرح المفصل

للعملاق ياسر خليل

بيانات الشهادات بمعية رقم الجلوس مع الشرح.rar

[ياسر خليل أبو البراء]

بارك الله فيك أخي الحبيب قصي

وصدقني لا عملاق ولا حاجة ..أنا يدوب شرحت المعادلة ، والمعادلة عشان يكون عندك فكرة مش معقدة على الإطلاق ..أي معادلة مهما بدت صعبة يجب النظر إليها بالتفصيل ، فالتفصيل يصل بك إلى الإجمال ..

بمعنى أن تقوم بعملية تفصيص (تجيب راس التوم وتمسك فص فص .. قلبناها شيف أوفيسنا)

المعادلة تاخد جزئية جزئية فيها وإن شاء الله تفهم المعادلة بشكل أكثر ..

تقبل تحياتي

[قصي]

من تواضع لله رفعه

جزاك الله كل خير اخي الاستاذ العملاق ياسر

 

نحن في اليوم التاني يعني منتظرين شرحك

[قصي]

الست معي اخي العملاق ياسر

ان دالة البحث التي شرحتها

افضل الف مرة

من دالة الفي لوك اب

في قوتها وعدم احتياجها لاعمده اضافيه

[ياسر خليل أبو البراء]

 

الست معي اخي العملاق ياسر

ان دالة البحث التي شرحتها

افضل الف مرة

من دالة الفي لوك اب

في قوتها وعدم احتياجها لاعمده اضافيه

 

بالفعل دالة قوية جداً ومعادلة في منتهى الروعة

بارك الله في أخونا علي السحيب وجعل أعماله في ميزان حسناته يوم القيامة

 

بالنسبة للشرح ...اختر المعادلة التي تريد شرحها مع إرفاق ملف واحد ..إن شاء الله سأقوم بالشرح وقم أنت بالتطبيق على ملفك