تشغيل ماكرو بكلمة سر أو Enter Password to run a Macro

[مختار حسين محمود]

السلام عليكم أخوتى ورحمة الله وبركاته

 

كلنا يعرف يشغل ماكرو لكن هل فكرت تعمل باسوورد للماكرو ؟!!!!!!!!!!!!!!!!!!!!!!!!!!

 

ماشى البعض منا يعرف يسوق عربية  - أنا مش منهم -  لكن هل فكرت أنك تعمل باسوورد لعربيتك ؟!!!!!!!!!!!!!!!!!

 

حمل المرفق وهتعرف كل شىء

 

الكود الأساسى المستخدم  بسيط :

Sub passtorunmacro()
Dim MyPassword
MyPassword = InputBox("من فضلك أدخل كلمة سر تشغيل الماكرو ", "كلمة السر", "********")

'باسوورد الماكرو
If MyPassword = "123" Then
MsgBox "كلمة السر صحيحة. لتشغيل الماكرو اضغط موافق", vbInformation, "دخول"
'استدعاء الماكرو
Call Shape

Exit Sub
Else
MsgBox "كلمة السر خاطئة", vbCritical, "خطأ"
Exit Sub

End If
End Sub

وهذا هو البنزين90  عفواً أقصد الكود الفرعى الذى نستدعيه لتحريك العربية :

Sub Shape()
Dim i As Integer
Dim j As Integer
With ActiveSheet.Shapes("Picture1")
For j = 1 To 10
For i = 1 To 300
.IncrementLeft 0.75

DoEvents
Next i
For i = 1 To 300
.IncrementLeft -0.75

DoEvents
Next i
Next j
End With
End Sub

اللى تعجبه الفكرة يدعو  لى أتعلم السواقة , وأشترى عربية

 

Enter Password to run a Macro.rar

[ابوحمزه المصرى]

يارب تتعلم السواقة , وتشترى عربية ... هههه مع ان السواقه اسهل من الكود

[عبد العزيز البسكري]

ههههه والله معك حق سيّدي  الفاضل صلاح الدين الأيوبي ..أركب ألف عربية و لا أركب نصف كود .

كود مميّز أستاذي مختار حسين محمود بارك الله فيك و جزاك الله خيرًا..فقط سؤالي كمبتديء أين نضع هذيْن الكوديْن لو سمحت ؟؟

تم تعديل أبريل 28, 2015 بواسطه عبد العزيز البسكري

[مختار حسين محمود]

أخى صلاح الدين الأيوبى  وأخى زيزو البسكرى  بارك الله فيكما

 

تعرفوا أنا بدأت فى الاكسل بشوية معلومات قشور ولجأت الى أوفيسنا  سائلأ مش مجيباً

الاكسل بحر ما له قرار ولكن مع شوية تعب هنا وهناك لحد ما أصبح لدىً قدر معقول من مهارات الاكسل والحمد لله

فعليكما بالبحث وتجميع الأفكار  هذه الأفكار تنصهر وتطلع  أفكار جديدة  فأنت لا تتعجب ولا تحتار امشى على طريقة أخوك مختار

 

أخى زيزو البسكرى لو بصيت فى المرفق  وفتحت الفيجوال بيسك  هتلاقى الأكواد فى مديول عادى مش فى حدث المصنف ولا فى حدث الورقة

 

تحياتى

[عبد العزيز البسكري]

 

أخى صلاح الدين الأيوبى  وأخى زيزو البسكرى  بارك الله فيكما

 

تعرفوا أنا بدأت فى الاكسل بشوية معلومات قشور ولجأت الى أوفيسنا  سائلأ مش مجيباً

الاكسل بحر ما له قرار ولكن مع شوية تعب هنا وهناك لحد ما أصبح لدىً قدر معقول من مهارات الاكسل والحمد لله

فعليكما بالبحث وتجميع الأفكار  هذه الأفكار تنصهر وتطلع  أفكار جديدة  فأنت لا تتعجب ولا تحتار امشى على طريقة أخوك مختار

 

أخى زيزو البسكرى لو بصيت فى المرفق  وفتحت الفيجوال بيسك  هتلاقى الأكواد فى مديول عادى مش فى حدث المصنف ولا فى حدث الورقة

 

تحياتى

 

كلام طيّب من انسان طيّب..شكرا بارك الله فيك على نصائحك الغالية سأحاول عن نفسي العمل بها قدر الامكان..

هل تصدّق أستاذي الفاضل أنّي لم أر الملف المرفق ..من إطالة النظر و كثرة الأكواد ..تهت و دخت و ضبابية اكتسحت عنياي

[ابوحمزه المصرى]

شكرا على كلام كالطيب و تشجيعك لى أخى الكريم مختار حسين وربنا يزيدك من العلم النافع  

[مختار حسين محمود]

منعت من الموقع بأن أسجل أعجابى بكلامكما فقد وصلت للحد الأقصى اليوم

لكن الأهم هو أن تحب الاكسل فيحبك و كمان يعطيك محبة الناس  الحمد لله

[ياسر خليل أبو البراء]

اخي وحبييي صاحب الأفكار المنصهرة (كنت فين في الشتا عشان نقدر ندفا على الكود المنصهر ده)

بارك الله فيك وجزاك الله خير الجزاء ..

ويارب تجيب عربية وتعرف تسوقها ومتخبطش بيها زي اللي في الملف

[مختار حسين محمود]

يا رب  يا عم ياسر  أجيب عربية  وأروح أتفسح و أشوف حبايبى  فى مطروح

[حمادة عمر]

جزاك الله خيرا اخي الكريم/مختار

وانا بجد والله نفسي اعرف أسوق العربية

ادعولي .. بتعلم اليومين دول

واعرف أسوق كدة زي الأستاذ مختار .. والأستاذ صلاح .. والأستاذ عبد العزيز

تقبلوا خالص تحياتي

[Yasser Fathi Albanna]

رائع أخى الحبيب / مختار

جزاك الله خيرا

على فكرة أنا بعرف أسوق بس ناقص العربية

[مجدى يونس]

الاخ مختار حسين

ينفع واحد زى حلاتى فوق الستين يتعلم سواقة زيك

[مختار حسين محمود]

الله أكبر ما شاء الله حبايبنا هنا

 

الأستاذ الفاضل حماده عمر  كم أسعدنى مرورك  ربنا يبارك لنا فى حياتك وتصبح سواق أقد الدنيا

 

الأستاذ الفاضل ياسر فتحى   العربية ما أهى معاك فى الملف  العملية كملت  خلاص فاضل ايه تانى

 

الأستاذ الفاضل مجدى يونس  شرُفتُ بمرورك والله  السواقة فن وذوق وحضرتك  أبو الفن والذوق 

 

تحياتى للجميع

[مجدى يونس]

الاخ مختار

شكرا لكلاماتك

اضافة بسيطة نتمنى تعجبك

 

 

 

 

 

 

Enter Password to run a Macro.rar

[ابو نبأ]

عاشت الابادي

[مختار حسين محمود]

وحضرتك بتقول أنك ما تعرفش تسوق !!!!

ما شاء الله عليك أستاذ مجدى  فنان والله بجد

واضافة حضرتك سوف أحتفظ بها ما دمتُ حياً

 

أبو نبأ  ربنا يبارك فيك   شرفت الموضوع

تم تعديل أبريل 29, 2015 بواسطه مختار حسين محمود

[مجدى يونس]

الاخ مختار

على قدنا

كان ممكن استعمل صور خارجية  تظهر الموضوع بشكل افضل

لكن حبيت استعمل امكانية الاكسل من ادراج استعملت اشكال