عمل عداد أرقام في الإكسيل

[محمد كويك]

كيفية عمل عداد ارقام في الاكسل عندما نقوم بحفظه يتغير العدد اتوماتيكيا

مثلا الرقم 1 عندما نقوم بحفظ الصفحة يصبح 2 اتوماتيكيا وهكذا

[ياسر خليل أبو البراء]

الأخ الفاضل محمود كويك

أولاً : أهلا ومرحباً بك في المنتدى ونورت بين إخوانك

 

ثانياً : يجب الإطلاع على هذا الرابط (توجيهات للأعضاء الجدد)

http://www.officena.net/ib/index.php?showtopic=60147

 

ثالثاً : تم تغيير عنوان الموضوع ليعبر عن محتواه

 

رابعاً : قم بإرفاق ملف موضحاً به ما تريد أو شكل النتائج المطلوبة .. قم بضغط الملف أولاً قبل رفعه

 

خامساً : تقبل تحياتي

[ياسر خليل أبو البراء]

إليك الملف التالي حسب ما فهمت من طلبك

 

Saving Workbook Counter.rar

[محمد كويك]

اهلا بك اخي 

YasserKhalil تشرفت فيك وبالمنتدى

اخي هو هذا ما طلبته بس ممكن تعطيني طريقة عملة

واكون شاكر لك

[ياسر خليل أبو البراء]

الأخ الكريم محمود كويك

إنت حددت أي مشاركة كأفضل إجابة (مشاركتك ..مقبولة منك ..عشان لسه جديد بس)

لو حد تاني عملها كنت قطعته بسناني

 

المهم :

افتح أي ملف إكسيل ، أكيد طبعاً عارف الطريقة ، من قايمة Start وبعدين Programs وافتح البرامج هتلاقي Microsoft Offce وجنبه رقم الإصدار اللي إنت شغال عليه

فتحنا الملف ..قول الحمد لله . من لوحة المفاتيح اضغط Alt + F11 ( كدا غلط .. مش كدا أنا مقلتش Alt وبعدين تسيب ايدك من على اللوحة .. خلي صبعك رااااااشق على مفتاح Alt وفي نفس الوقت اضغط F11 هيفتح معاك صفحة غريبة اسمها (محرر الأكواد) ..

في الجنب الشمال هتلاقي نافذة اسمها نافذة المشروع Project Window وهتلاقي كلمة ThisWorkbook .. تعال على الكلمة دي واضغط دبل كليك (لو مفتحتش معاك صفحة بيضا .. اعمل دبل كليك تاني هتلاقي الماوس بتاعك بااااااايظ)

لما تعمل دبل كليك هيظهر لك قايمتين منسدلتين اللي ع الشمال هتلاقي فيها كلمة Workbook كدا تعرف إنك واقف في المكان المظبوط

خد الكود نسخ والصقه هناك في الحتة البيضا

Private Sub Workbook_BeforeSave(ByVal SaveAsUI As Boolean, Cancel As Boolean)
    Dim X As Long
    X = Range("A1").Value
    Range("A1").Value = X + 1
End Sub

وبكدا يكون الملف جاهز ..اعمل حفظ من علامة الحفظ أكيد عارفها ...

ولاحظ الخلية A1 في كل مرة بتحفظ فيها الملف ..

 

بس بالمناسبة في الاول هيطلعلك رسالة فيها Yes و No و Cancel اختار No أيوا اختار لا (اعترض) ولما يتفتح معاك نافذة الحفظ اختار من Save as type اختار Excel Macro enabled وفي الحقل المسمى File name اكتب اسمي (شايفك بتكتب اسمك انت .. مش مهم هعديها دي)

 

كدا الملف جاهز بعد الحفظ امسح محتويات الخلية A1 وجرب تحفظ الملف واحفظ تاني وكمان مرة احفظ وشوف النطاق A1

أرجو ان أكون قد أفدتك

[محمد كويك]

اخي 

YasserKhalil بارك الله فيك وزادك علما

بالنسبة لتحديد مشاركتي كافضل مشاركة كانت بالحطأ " وتم التصحيح "

وشكرا لك على مجهودك الطيب

[ياسر خليل أبو البراء]

لم يتم التصحيح .. أخي الفاضل

تقبل تحياتي (أنا وراك لحد ما تعرف تتعامل مع المنتدى)