سلسة علمنى كيف اصطاد

[الصـقر]

الاخوة الزملاء فى المنتدى العزيز والغالى عندى جدا جدا جدا

اقدم لكم سلسلة دروس علمنى كيف اصطاد 

نبدء على بركة الله الدرس الاول

 

شرح مبسط لداله  MiD

 

الترجمه الحرفيه لها هى ألاوسط أو منـتصف 

وتسخدم هذه الداله بالاكسل فى إرجاع عدد محدد من( الحروف أو الارقام) فى سلسلة نصية أو رقمية أو نصية ورقمية معاً، بداية من موضع محدد استناداً إلى عدد الأحرف التي تم تحديدها
شكل الدالة يكون كالتالى

=MID ( text , start_num , num_chars)

كما نرى أن الداله تنقسم الى ثلاث اجزاء

 

الجزء الاول وهو Text   وهو يعنى النص المراد البحث بداخله وجلب عدد معين من الاحرف او الاقام (قد يكون النص مكتوب بخلية ) 

الجزء الثانى وهو start_num  وهو يعنى  موضع الحرف الأول الذي تريد استخراجه من النص ( بالبلدى كدا بداية اول خطوة فى المشى )

الجزء الثالث وهو num_chars  وهو يعنى عدد الاحراف المراد ارجاعها من النص ( بالبلدى هنمشى كم خطوة )

انا عارف ان الكلام دا ملعبك ومش واضح اوى ولكن يالا نشوف الكلام ده بامثله مصورة هيتضح لنا ازاى نستفيد من هذه الداله 

 

المثال الاول

الاسم محمد  الاكسيل بيتعامل معه على انه نص والنص دائما يكون بين علامتين تنصيص "محمد" 

طيب لو احنا حابين نرجع حرف فقط من اسم محمد والحرف هو ( ح ) حرف الحاء هنا كم رقمه بالاسم محمد هو الرقم 2 من حروف الاسم طيب (يعنى هنبدء من الخطوة رقم 2 / هنمشى كم خطوة 1 بس)

 يبقى هنعمل المعادله التالية (1;2;"محمد")MID=

(1;2;"محمد")MID=

كما هو موضح بالمعادله الجزء الاول هو النص هنا محمد بداية الحرف الاول من النص المراد ارجاعه  وتم عمل علامتين التنصيص " " 

الجزء الثانى هو رقم 2 (ليه رقم 2 لان احنا قلنا عايزين نرجع حرف ( ح) فحرف الحاء هو رقم 2 بداية المشى

الجزء الثالث وهو رقم 1 ليه رقم 1 لان احنا عايزين حرف واحد فقط وهو حرف الحاء . تعالو ننظر للصورة دى وضعنا المعادله فى الخلية (B1) 

 

 

مثال رقم 2

 

انا عندى اسم ( محمد ) فى الخلية (A1) وعايز بالخلية (B1) اعمل المعادله وارجع من الاسم ده حرفين وهما (مد) 

تعالو نفكر الاول قبل ما نكتب المعادله ( مد) حرف الميم كم رقمه بالنص 3 / وانا عايز ارجع كم حرف 2 اذن همشى خطوتين تاتا تاتا طبعا دا واحنا قعدين على المصطبه لكن بالاكسل بقى هتكون كدا

نشوف المعادله بقى 

=MID(A1;3;2)

ونشوف الصورة كمان

 

 

من المثالين السابقين يتضح لنا ان النص قد يكون داخل الخلية مكتوب بين علامتين تنصيص " " او موجود بخلية اخرى 

 

مثال 3 

 

عندى نص وهو ( محمد رسول الله )(صلى الله علية وسلم)  موجوده بالخلية (A1)  وعايز اعمل معادله بالخلية (B1) يكون مكتوب فيها رسول الله فقط يعنى ارجع من النص رسول الله فقط

اول شئ نفكر هنعمل ايه رسول الله حرف الراء هنا كم رقمه فى النص واحد شاطر هيقولى 5 هقوله غلطان هيرد عليا واحد اشطر منه ويقولى 6 هقوله برافو فعلا هو رقم 6 ليه 6 بقى 

محمد عددها اربع احرف وبعدين فى فصله بين محمد وبين رسول الفصله دى بقى بتكون خطوة فى المشى يعنى نعدها ثم حرف الراء وترتيبه 6 طيب انا عايز ارجع كم حرف 

عايز ارجع رسول الله ( رسول 4 حروف ) ( الله 4 حروف ) وفى بينهم فصله اذن انا عايز يبدء من عند حرف الراء 9 خطوات مشى علشان يرجع رسول الله 

المعادله هتكون كالتالى

=MID(A1;6;9)

وشوف النتيجة كما هو بالصورة

 

 

مثال 4 والاخير 

 

عندى نص ويحتوى على ارقام 

النص هو ( عدد الطلبة فى الفصل 25 طالب ) انا عايز اعمل معادله واستخرج رقم 25 من النص 

زى ما اتعودنا نفكر وحنا قاعدين على المصطبه احنا عايزين نعمل ايه 

اولا : مكان النص ( النص بالخلية A1 )

ثانيا : بداية المشى ( احنا عايزين رقم 25 / طيب 5 كم موقعها من النص [ عدد 3حروف +1فصله +الطلبة 6حروف +1 فصله +فى عدد2حرف+1فصله+الفصل عدد5حروف+1فصله )مجموعهم كام بقى 20 ] اذن 5 هى الحرف رقم 21 من النص

ثالثا : همشى كم خطوة ( انا عايز 25 بس يعنى خطوتين 2  ) 

المعادله كالتالى 

=MID(A1;21;2)

وكما هو موضح بالصورة ايضا 

 

 

انتهى الدرس الاول فى علمنى كيف اصطاد مش باقى غير ناكل اول سمكة احنا اصطناها  

انا عايز بقى كل واحد وهو بياكل او سمكة يصور نفسة صوره سلفى ويبعت الصورة (يعنى عايز اشوف واجبات وتعليقات واضافات مفيده لى انا شخصيا انا عايز اتعلم منكم باضافتكم علشان نكمل السلسله ) 

اتمنى ان اكون وفقت بالشرح 

الحمد لله الذى بنعمته تتم الصالحات 

هذا من فضل ربى 

تقبلوا منى وافر الاحترام والتقدير

اخوكم 

حسام عيسى

[إبراهيم ابوليله]

اخى حسام

شرح جميل

فى انتظار المزيد

بارك الله فيك

تقبل تحياتى

[ياسر خليل أبو البراء]

بارك الله فيك أخي الحبيب حسام

وجزيت عنا خير الجزاء

شرح رائع ومميز ..

فتحت نفسي لأكل السمك (إنت عارف إن السمك كله فسفور )

[الصـقر]

استاذى الكريم 

ابراهيم ابوليله

شكرا على مرورك الكريم ولا تحرمنا من اضافاتك 

تقبل تحياتى 

[الصـقر]

استاذى الحبيب

ياسر خليل

انت مثل لى فى هذا المنتدى وبكن لك كل احترام وتقدير

 

طبعا شرفنى مرورك ولا تحرمنا من اضافاتك

تقبل منى وافر الاحترام والتقدير

[محمد الريفى]

اخى الحبيب حسام عيسى

ربنا يتقبل منكم صالح الاعمال

فى ميزان حسناتكم ان شاء الله

تقبل منى تحياتى وتقديرى

[الصـقر]

استاذى الحبيب

محمد الريفى

مرورك على الموضوع يشرفنى ويسعدنى

واتمنى ان يستفيد منه الكثير 

بارك الله فيك وتقبل تحياتى 

[ابراهيم الحداد]

بارك الله فيك بقدر ما افدتنا و اسعدتنا

جزاك الله عنا خير الجزاء

[محمد عبد المجيد ( أبو حمزة )]

جزاك الله خيرا ، أستاذنا الحبيب / حسام 

 

لا حرمنا الله من إبداعاتك

 

تقبل تحياتي    

[حمادة عمر]

موضوع اكثر من رائع

واعانك الله على اكماله كما تريد

فالمشوار طويل

وفقك الله لما تحبه وترضاه

تقبل خالص تحياتي

وزي ما قال أستاذنا/ياسر خليل ..كلنا عايزين فسفور

[ابو تراب]

موضع مميز من شخص مميز .. استمر في ابداعاتك   

[الصـقر]

الاستاذ الفاضل حماده عمر

شكرا على مرورك الكريم اتمنى لا تبخل علينا باى اضافه 

تقبل تحياتى 

[الصـقر]

الاستاذ الفاضل / ابوتراب
شهاتك اعتز بيها واسعدنى مرورك
تقبل منى وافر الاحترام والتقدير