الردود على موضوع (افتح الباب وادخل لعالم البرمجة)

[صلاح الدين المصلح]

جزاك الله خيرا على ما تقدمه من فوائد، وإليك حل الواجب بطرق عديدة ربما يكون بعضها يحتاج إلى شرح للمبتدئين.

ملاحظة : الحل في المرفقات.حل الواجب.rar

[ليلى الهلالي]

السلام عليكم .

أشكرك أستاذي الفاضل على هذا الشرح الرائع.

لديّ استفسارات لو سمحت لي :

1) ما هو الفرق بين حفظ ورقة العمل التي تحتوي على أكواد بصيغة xlsm و xlsb وأيهما أفضل.

2) هل هناك طريقة لعمل كل ذلك بدون أزرار وكيف أعرف بأنه سيتم التنفيذ؟

3) هل يتم استخدام Runطوال الوقت لإعلان التفيذ أم أن هناك طريقة أخرى للتنفيذ.

 

وجزيت خيراً عنا جميعاً.

الواجب الرابع.rar

تم تعديل نوفمبر 23, 2014 بواسطه morestudy

[سليم حاصبيا]

 أخي  وحبيبي ياسر

مبروك وألف مبروك (يعني 1001مبروك(s) - حسب ما يفهمها الدكتور اكسل) على الترقية المستحقة عن جدارة .هنا حرف (s) للدلالة على الجمع.
و (عاقبالي ان شاء الله).

أرجو ان تزيد هذه الترقية من نشاطك و من خفة ظلّك.

 

[ياسر خليل أبو البراء]

 أخي  وحبيبي ياسر

مبروك وألف مبروك (يعني 1001مبروك(s) - حسب ما يفهمها الدكتور اكسل) على الترقية المستحقة عن جدارة .هنا حرف (s) للدلالة على الجمع.

و (عاقبالي ان شاء الله).

أرجو ان تزيد هذه الترقية من نشاطك و من خفة ظلّك.

 

معلش يا أخ سليم كنت بصحح الواجب . إنت عارف الواجب أد ايه محتاج وقت عشان يتصحح

أقولك الإدارة مقصرة . المفروض الترقية دي ليك أنا شايف إنك أكتر واحد نشيط بالمنتدى وعندك أفكار جديدة ومبدعة بس نقول ايه (أصلي كلام ف سرك عندي واسطة كبيرة هي السبب في الترقية .. بس ملحوقة هكلملك الواسطة عشان ترقيك) ..بس الترقية بجد إنت تستحقها أكتر مني ، إنت مجتهد وعندك أفكار جميلة بس لي طلب واحد عندك لو مكانش يضايقك ابقا غير نوع الخط اللي بتستخدمه

لما بنزل ملف ليك عندي بيظهر لي بحروف غريبة فلازم أغير نوع الخط عشان يضبط معايا .. خليك في الإريال أحسن من البرسيل هو صحيح كله في الغسيل بس خليك في الإريال Arial

تم تعديل نوفمبر 24, 2014 بواسطه YasserKhalil

[الـعيدروس]

السلام عليكم

جزاك الله كل خير اخي ياسر خليل

موضوع جميل واسلوب طرح اجمل

موفق ان شاء الله 

تقبل مروري

[جلال الجمال_ابو أدهم]

اخى ياسر خليل
بارك الله فيك 
و تمنياتى لك بالتوفيق دائما

[ياسر خليل أبو البراء]

الأخ والأستاذ الكبير العيدروس

في انتظار إضافاتك الرائعة للموضوع ليكتمل ويتجمل بك .. نريد منكم المساعدة والمساندة

الأخ جلال أبو أدهم

مشكور على مرروك العطر ونفسك معانا عشان الكل يستفيد

[حسين شاكر]

الاستاذ ياسر

         اكرمك الله وجعلة فى ميزان حسناتك استمر ونحن كلنا اذان صاغية بس رجاء نكمل الدورة الى الاخر ومساهمة من العبد الفقير سوف اقوم برفع الدروس pdf 

اللى اقدر اعملة

            تقبل تحياتى

البداية.pdf

[ياسر خليل أبو البراء]

الاخ الغالي حسين شاكر

ربنا يبارك فيك ويجعله في ميزان حسناتك

مشكور على الملف PDF

بارك الله فيك

 

رجاء من الأستاذ ضاحي الغريب .. صاحب اللمسات الفنية (المجلة الدورية المتوقفة)

عجبني جدا تصميمها بشكل كبير .. فيا ريت لو مكانش يضايقك أستاذ ضاحي .. عايزين كل 5 حلقات يتجمعوا على شكل مجلة .. بصراحة هتكون حكاية

وطبعا لو فيه أخطاء إملائية أو كدا تصححها عشان يخرج العمل بشكل جميل ومفيد ..

في انتظار رد الأستاذ الكبير ضاحي (اشتغل معانا شوية)

[صلاح الدين المصلح]

أستـــاذنا الغــالي يـــاسر أعتذر على عدم  سرعة الرد بسبب  ظروف العمل ، أما وقد قرأت  تصحيحك فلا يسعني إلا أن أشكرك جزيل الشكر على المعلومات الغزيرة النابعة من مشكاة المعرفة الأصيلة  وأشكرك على خفة ظلك وعلى تشجيعك لي على اقتحام عالم البرمجة ..وياله من عالم جميل ، وفي الحقيقة أنا لست متمكنا بل جد مبتدئ أنتظر المزيد من الواجبات التي تطلعني على أخطائي وأستفيد أنا وأمثالي المبتدئين من خبرتكم وتوجيهاتكم القيمة ..وألف مبروك على الترقية المستحقة جزاكم الله خيرا ودمتم ذخرا لمنتدانا الغالي ..تقبل مني كل تحيات التقدير والإحترام.

[صلاح الدين المصلح]

الســــلام عليكم ورحمة الله وبركاتـــه وبعد ..تكملة لجهود أستــاذنا الغالي يـــــــاسر يسر الله علينا وعليه أمور الدنيا والدين وحتى لا تضيع حلقاته  وتوجيهاته القيمة بين ثنايا السطور والصفحات فقد رفعت متابعته الأخيرة للواجب لما في طياتها من نصائح وإرشادات مهمة لعامة المبتدئين في عالم البرمجة من أمثالي ، وأرجو من الله العلي القدير أن يوفقه إلى مواصلة هذه الدورة الممتازة وأن يجعلها في ميزان حسناته..آميـــــن  ..الحلقة في المرفقات.

توجيهات الاستاذ ياسر جامعة ا وفيسنا.pdf

[ياسر خليل أبو البراء]

الأخ الحبيب صلاح ..جزيت خيرا على كلماتك الطيبة ..

وربنا يعينك على مشاغلك بس حاول تتابع معانا إن شاء الله (إنت متميز ومجتهد .. مش عايزين نخسرك)

وأشكرك على ملف PDF بس لاحظت إن الكلام مش مظبوط بس تداخل العربي والانجليزي مع بعض داخل الأسطر

هل لو اتحول لكتاب الكتروني EBook هتكون نفس المشكلة؟

[aymhas2014]

ما شاء الله عليك الله يبارك لك في اللي بتعمله ويكون في ميزان حسناتك والله فتحت شهية الواحد للشغل ومنتظرين الباقي همتك

[أحمد فؤاد]

أستاذي الفاضل / ياسر خليل

أسلوبك قمة في الروعة بدأت أول محاضرة وكانت مفيدة جدا لي والأحلي كلامك الطيب في الشرح

أسجل متابعتي للموضوع

جعله الله في ميزان حسناتك

[الصـقر]

بعد اذن فاكهة المنتدى (بس مش فاكهة بتتاكل ) هههههههههههههه

استاذى الكبير / ياسر خليل شعلة نشاط المنتدى  ( اللون الاحمر اللى بتحبه) مش حرمك من شئ

بعد اذنك هقدم شرح بسيط  فى سلسة افتح الباب واهرب من الشباك هههههههههههههههههه 

طبعا عمرى ما هعرف اشرح بنفس اسلوبك الرائع والجذاب اللى بيتسم بخفة ظلك ولكن هحاول اقلدك

نبدء بسم الله 

وللامانه العلمية هذه الصورالمرفقه من مواقع اجنبية لان تصميمها اصعب وياخد وقت فقمت بنسخها والشرح عليها فقط 

اولا كيفية التعامل مع الخلايا من خلال Rang

لو عايزين نعمل كود ونقول b3 = 2  

يكون الكود كالتالى 

   ()sub yasser  

Range("b3").Value = 2

end sub

طبعا زر commandButton1 كما هو موضح بالصورة يتم ادراجه من  شريط القوائم DeveloPer  ثم insert   ثم الضغط على اول زر فوق بالقائمة على اليسار ورسمة على ورقة العمل ستظهر لك قائمة وبها كل الاكواد اللى عملتها بالملف وطبعا منها yasser   وهو الكود السابق  اللى تم عمله فمجرد الضغط على هذا الزر سيتم تنفيذ الكود  كما هو موضح بالصورة

 

طيب لو واحد قال انا عايز اعمل عدة خلايا تساوى 2 مش خلية واحده بمعنى عايز A1=5 & A2=5 & A3 = 5 &A4=5

اوك 

نرجع للكود السابق ونعدله كالتالى 

()sub yasser     

Range("A1:A4").Value = 5

end sub

لو رجعنا الى ورقة العمل وقمنا بالضغط على زر commandButton1 سنجد التالى كما هو موضح بالصورة

 

  واحد شاطر يقولى انا مش عايز الخلايا ورا بعض هو انتى هتضحك عليا هقوله طيب انتى عايز ايه هيقولى  الخلايا اللى انا عايزها هى A1:A2 &  B3:C4 = 10 

هقول طيب أهدى عليا تعالى نرجع بقى نعدل بالكود بتاعنا

()sub yasser  

Range("A1:A2,B3:C4").Value = 10

end sub

لو رجعنا الى ورقة العمل وقمنا بالضغط على زر commandButton1 سنجد التالى كما هو موضح بالصورة

 ثانيا/ كيفية التعامل مع الخلايا من خلال cells

فى الكود الاول فوق

 ()sub yasser  

Range("b3").Value = 2

end sub

لو حبينا نستخدم cells  بدلا من Range 

يكون الكود كالتالى

 

()sub yasser

  

Cells(3, 2).Value = 2

 

end sub

 

طبعا واحد هيقولى انا تايهة ايه اللى بتعمله ده هقول براحه شوية ومتستعجلش على رزقك الخلية B3  فى اى صف واحد هيقولى فى الصف 3 طيب وفى اى عمود واحد هيقولى فى العمود 2

اذن(رقم العمود , رقم الصف)Cells

 

ثالثا/ كيفية التعامل مع الخلايا من خلال  Range& cells 

فى الكود الثانى فوق  

 ()sub yasser  

Range("A1:A4").Value = 5

end sub

واحد هيقولى ينهار اسووووووووووووووووح ايه ده ودى هتتعمل ازاى بقى هقوله براحه شوى الكود اهوو يا عم و لا تزعل

 ()sub yasser 

 

Range(Cells(1, 1), Cells(4, 1)).Value = 5

 

end sub

الخلية A1 تقع فى اى صف واى عمود تقع فى العمود 1 والصف 1 أذن ( Cells(1, 1

 

الخلية A4 تقع فى اى صف واى عمود تقع فى العمود 1 والصف 4 أذن ( Cells(4, 1

 

طيب لما نستخدم Range يكون الكود كالتالى Range(Cells(1, 1), Cells(4, 1)).Value = 5

 

ارجوا ان اكون وفقت فى الشرح 

طبعا الشرح بالكتابة صعبه جدا الله يكون بالعون يا استاذ ياسر ويجعله فى ميزان حسناتكم انا كنت مفكر الموضوع سهل لكن لا يا عم توبه هههههههههههه مش مستغنى عن صوابعى 

الى اللقاء بحلقه اخرى من حلقات افتح الباب واهرب من الشباك

اخرج فاكهة المنتدى / ياسر خليل

تم تعديل نوفمبر 26, 2014 بواسطه حسام عيسى

[الجموعي]

إضافة للشرح أخي الحبيب حسام عيسى

جزاه الله خيرا على هذا الشرح

إضافة

مثلا لو أردنا تحديد الخلايا بشكل متفرق او عشوائي

Sub yasser()

Range("A1,B2,C3,D4").Value = 10

End Sub

[الصـقر]

استاذى الكبير / الجموعى 

بالفعل كود رائع واضافه مهمه انا شخصيا استفد منه

بارك الله فيك وزادك من علمه اتمنى لك التوفيق 

تقبل احترامى وتقديرى

[ياسر خليل أبو البراء]

الأخ الحبيب حسام عيسى والأخ الغالي الجموعي

لا حرمنا الله من إضافاتكم الرائعة والقيمة ...

أيوا كدا حسسوني إني مش لوحدي

عايزين يبقا فيه تكامل ..أنا فتحت الباب .. انتوا تبدأوا تستكشفوا الكنوز الموجودة في السرداب

[صلاح الدين المصلح]

أستاذي ياسر شكرا على الحلقة الجديدة في انتظار نزول الواجبات على النت ..الاستاذان الجموعي وحسام عيسى شكرا لكما على الاضافات القيمة .

أستاذي ياسر بخصوص ملف pdf  في جهازي لا يوجد أي مشكلة في الخط ولا التنسيق ولا تداخل بين العربي والانجليزي...ربما السبب في نسخة Acrobat Reader الي عندك، وأما تحويله إلى صيغة ebook فأرجو العثور على البرنامج الخاص بذلك  لنجرب الأفضل إن شاء الله...تقبلوا جميعا تحياتي .

[احمدزمان]

السلام عليكم و رحمة الله وبركاته

 

موضوع رائع

و

شرح وافي لأدق التفاصيل

و

اسلوب مميز يشد الإنتباه و التركيز

 

جزاك الله خيرا استاذ ياسر خليل وجعله في ميزان حسناتك

 

اما انا فمن المستبعدين من الدورة

 

 

 

(بالنسبة ل 2003 والله ما أنا معبره كفاية عليه لحد كدا) 

 

مازلت اعمل عليه الى اليوم

من مبدأ قديمك نديمك

و عشرة عمر 

و كسل او خوف من التغيير

 

المهم ان الدورة في منتهى الروعة

[ليلى الهلالي]

السلام عليكم ورحمة الله وبركاته.

هذا الدرس السادس.

الدرس السادس.pdf

 

[الصـقر]

الاخت الكريمة Morestuy

روعه روعه روعه ربنا يبارك فيك ويجعله فى ميزان حسناتك ويكون صدقه جارية لك 

الاستاذ / فاكهة المنتدى ( طبعا عارفينه ) كان خلاص يئس لعدم تجاوب الاعضاء وكان حزين جدا جدا جدا لدرجة انه فكر يوقف وانا حاولت اعمل عملية انعاش للموضوع وقمت باضافه درس  والاستاذ الكبير الجموعى قام بشرح جميل ايضا لكن بعد الملف بتاعك ده دب الامل بعروقنا تانى والله وحسينا انى اللى بنعمله فى ناس عايزاه وهنكمل ان شاء الله مكملين مكملين مكملين

يالا يا كبير مستنيك بدرس جديد ( حبيبى العلامه / ياسر خليل ) وانا معاك حضر درس

[الصـقر]

بعد اذن ادارة المنتدى السماح للاساتذه بالتعديل او الاضافه على الدروس فى درس انا قمت بشرحه وعايز اضيف شئ جديد وهو فى نفس سياق الدرس 

[ياسر خليل أبو البراء]

الأخ والأستاذ الحبيب أحمد يعقوب ..

مشكور على مرورك العطر وتشجيعك لتلميذك الضعيف

وبردو مش هعبر 2003 قلنا كفاية عليه لحد كدا .. خد أكتر من  وقته

الأخ حسام بارك الله فيك وجزيت خيرا .. وفي انتظار المزيد من الإضافات .

ممكن بالنسبة لو حبيت تضيف جديد ممكن على شكل ملف تطبيقي أو ملف PDF بحيث يسهل تنزيله والاستفادة منه ..ولو حبيت في أي وقت تضيف عليه مرة تانية تعدل عليه وترفعه مرة تانية

الأخت الفاضلة Morestudy مش عارف أشكرك إزاي بصراحة ملف الـ PDF روعة ومفيهوش أخطاء (يا ريت تجمعي كل الدروس بس كل درس لوحده لو كان بالإمكان .. حتى يحتفظ من يريد الاحتفاظ بمضمون الحلقات

[ليلى الهلالي]

السلام عليكم ورحمة الله وبركاته

أشكر الأساتذة الأفاضل على هذا المديح.

وأنا على استعداد لعمل كافة الدروس في ملفات PDF

أشكركم جزيل الشكر لتشجيعكم لي. وأحمد الله أن عملي نال الإعجاب.

سائلة المولى أن يكتب أجرنا وأجركم ويكون في ميزان حسناتنا. والله ولي التوفيق.