الردود على موضوع (افتح الباب وادخل لعالم البرمجة)

[حمادة عمر]

السلام عليكم

الاستاذ الحبيب / YasserKhalil

بارك الله فيك

موضوع رااااااائع ومتميز بكم وبشرحكم الراائع وخفة ظلكم المتميزة

واضفني من المتابعين الجيدين لشرحكم الجميل

والاكيد ان الجميع سيستفيد من كل كلمة في شرحك اللذيذ

جزاك الله خيرا

تقبل خالص تحياتي

 

[محمد لطفى]

السلام عليكم

اخر حلاوة استاذ / ياسر

ما شاء الله عليك

انا قاعد جنب اللاب  توب ومعى سان توب مستنى باقى الحكايه مش ح  نام

[ياسر خليل أبو البراء]

الأخ الحبيب حماده عمر العفريت

أخيرا ظهرت كنت فين يا ابني .. بتظر فجأة وتختفي بعديها هو انت عفريت بجد ..

ليك وحشة كبيرة والله .. فين أراضيك؟؟؟ مشكور على متابعتك لموضوعي المتواضع

 

الأخ محمد لطفي ...شكرا على الحلاوة أول واحد يقدم لي حاجة عينية .. ربنا يبارك فيك على متابعتك لموضوعي البسيط بس مين سان توب ده ؟ دا جاي من سان فرانسيسكو !!

[الجموعي]

تم عمل الواجب أستاذي ابو البراء

إن شاء الله وفقت في ذلك

Range("A1:B10").HorizontalAlignment = xlCenter
    Range("A1:B10").Font.Name = "Arial"
    Range("A1:B10").Font.Size = 14
    Range("A1:B10").Font.Bold = True
    Range("A1:B10").Font.Color = -52429

[ليلى الهلالي]

السلام عليكم.

أستاذي الفاضل. حاولت تطبيق الدرس الثاني والثالث. ووجدت أن هناك أخطاء لديّ لست أدري هل هي في التطبيق أم عدم استيعاب لطريقة التطبيق. مرفق لكافة الدروس أمثلة علي أعرف أين أخطأت.

مع جزيل الشكر.

الواجبات.rar

[عبدالله باقشير]

السلام عليكم ورحمة الله وبركاته

 

اسمحلي اكلمك باسلوبك  "التهينا شوية بامور اخرى جينا ولقيناك عامل الهوايل ومكسر الدنيا"

 

يا اخي الحبيب حقيقة لك اسلوب تعليمي يدخّل المعلومة بالراس بالغصب

 

جزاك الله خيراً وبارك فيك

 

تقبلوا تحياتي وشكري

[أ . مجدي]

بارك الله فيك و جزاك خيراً .

[محمد علي الطيب]

بارك الله فيك على هذا الشرح القيم والمميز

وفي انتظار جديدك الأروع 

لك مني أجمل التحيات

وكل التوفيق لك يا رب

[الصـقر]

انا كنت رافض اعمل مشاركة بصراحه مش علشان الموضوع ما يستهلش لا سمح الله اوعى تفهمنى غلط ولا علشان انت العلامه ياسر خليل ولكن بس حبيت يكون الموضوع بس كله دروس ورا بعض واكتفيت بالاعجاب وطبعا زى مانت عارف ( اسمها منتا منتا )ههههههههههههههههههههههههههه  المهم انى بفضل مش طبيعى لحد ما افهم الكود 

وبعد مشاركة العلامه عبدالله باقشير قلت مبدهاش بقى لازم اشارك لما قال

 [ اسمحلي اكلمك باسلوبك  "التهينا شوية بامور اخرى جينا ولقيناك عامل الهوايل ومكسر الدنيا"

يا اخي الحبيب حقيقة لك اسلوب تعليمي يدخّل المعلومة بالراس بالغصب ]

حبيت اقول سر  للعلامه /عبدالله باقشير  

هو قالى انه مدرس وبيقولى مبحبش التدريس امال بقى لو كان بيحبها كان عمل فينا ايه كان ادنا الكود بالرضعه ههههههههههههههههههههههههههههههههههههههههههههههههههههههههههههههههههههههههههههههههههههه

حبيبى واستاذى الفاضل ياسر تقبل احترامى بس حبيت اصبح عليك 

ولى رجاء من الاخوة بعد اذن الاستاذ ياسر الاكتفاء بالاعجاب حتى تكون الدروس ورا بعض بشكل مميز 

تم تعديل نوفمبر 23, 2014 بواسطه حسام عيسى

[مختار حسين محمود]

والله الواحد مكسوف أن أشارك فى الرد على موضوع شارك فيه  جهابزة الاكسل فى المنتدى ....ولكن زى بعضه

المهم أنى لاحظت فى الفترة الأخيرة أن الاستاذ ياسر خليل فعلاً مكسر الدنيا فى منتدى الاكسل

ففى كل حتة نلاقيه بسرعة قدامك بعلمه واجابته الوافية الشافية

بارك الله فيك ونفعك الله بعلمك  

لى طلب عندك يا استاذ ياسر ... من الأخر كده عايز أتعلم وأحترف كتابة الأكواد  قل لى على الطريقة المثلى لذلك  

                                                     منتظر ردك الشافى

                                              و متابع لموضوعاتك فى البرمجة     

تم تعديل نوفمبر 23, 2014 بواسطه مختار حسين محمود

[ياسر خليل أبو البراء]

أستاذي وأخي ومعلمي عبد الله باقشير

يكفينا شرفاً مرورك العطر على الموضوع .. وبعدين ولا مكسر الدنيا ولا حاجة .. إحنا يدوب بنحاول نوصل المعلومة بأبسط أسلوب عشان أولا الناس يبدأ حاجز الخوف من البرمجة يتشال وحاجة تانية تكون دي بداية دايما للي حابب يتعلم ، لأني في الفترة الأخيرة لاحظت إن كتير بيسألوا إزاي نبدأ طيب نبدأ منين طيب مين هيعلمنا فقلت إني دي ممكن تكون بداية وبداية قوية إني أقحمه في المجال لو هو حابب يتعلم.

الأستاذ الغالي مجدي بوركت وجزيت خيراً أخي الفاضل

الأخ الفاضل محمد علي أشكرك على كلماتك الطيبة ودعائك الطيب .. وإن شاء الله بعون الله وبفضله انتظر المزيد

الأخ الحبيب حسام عيسى اللي غاب عننا فجأة نورت الموضوع .. مش يكفيني الإعجاب أنا محتاج ردود وردود تكون مؤثرة يعني إضافة لمعلومة تصحيح مسار ابداء رأي كل دا مطلوب أما بالنسبة للشروح فدا أمر بسيط هيقوم به المشرفين إنهم ينقلوا الحلقات ومتابعة الواجبات في أول الموضوع عشان يسهل المتابعة

وبعدين أول يوم تحضر فيه ومفيش معاك كشكول الواجب كدا غلط وأنا كدا أزعل

الأخ الكريم مختار حسين مشكور على مرورك العطر ودعائك الطيب

بالنسبة لطبك أنا شايفه غريب ..اللي بيتعلم لازم يبدأ مش يفكر إنه يبدأ وإحنا هنا في الحلقات اللي بنقدمها بدأنا بالفعل وخلصنا تقريبا 50 % من البدايات مش عارف إذا كانت النسبة صح ولا غلط

أنا مش ممنهج في الحلقات أنا بشوف ايه الضروري الأول وببدأ بيه عشان يكون تعلمنا بمثابة صعود السلالم من تحت لفوق وواحدة واحدة وإن شاء الله توصل للاحتراف بس تابع بشكل جيد الموضوع واعمل الواجب ..هرجعكم تاني تدرسوا ..

أنا عايز الطالب المتميز اللي يجيب الواجب ومعاه معلومة جديدة يفيد بيها غيره .. التعلم دايما أفضل طريقة فيه المشاركة .. أنا لا أملك كل المعلومات قد أكون معي الطريقة التي أقدم بها المعلومة وانت معاك المعلومة فنتشارك انت تقول المعلومة ولو صعبة على الناس نبدأ نبسطها لحد ما يستوعبوها

مش عايز أبدأ حلقة جديدة إلا ونكون استوعبنا كل اللي فات مش بشكل جيد لا بشكل ممتاز بشكل احترافي .. عايزين نوصل للاحتراف في طريقة التعلم أنا لا أرضى بالقليل في التعلم أبدا

كن ذا همة تصل للقمة .. فليكن هذا شعارنا وكفانا حديثا ولبندأ العمل (دقت ساعة العمل دقت ساعة العمل)

[محمد الريفى]

استاذى الحبيب ياسر خليل

اولا:

جزاكم الله خيرا على هذه المعلومات وهذا الاسلوب المميز فى الشرح وتوصيل المعلومه وهذا ليس بجديد على استاذ عظيم مثلك

ولى طلب عندكم وهذا طمع فى كرمكم وهو بعد الانتهاء ان يتم تجميع هذه الدروس فى ملف pdf ويعاد نشره فى المنتدى

ثانيا : اود ان اهنيك على الترقيه المستحقه عن جدراره الف الف مليون مبروك . وان شاء الله تكن فى مقدمة علماء الاكسيل دائما

تقبل خالص تحياتى واحترامى

تلميذكم

[عبد الله بولنوار]

باشا يا باشا باشا ياباشا باشا باشا باشا يا باشا باشا ياباشا

 

نجح معي الأمر لكني لم استطع اختصار الكود الى بعد ادراجه من قبل الاخوة

 

 

اريد ان اعرف ما الضير في ترك الكود طويلا كما هو هل يسبب مشكل محتكل ام المر تنظيمي فقط

 

في المتابعة

[ياسر خليل أبو البراء]

الأخ الحبيب محمد الريفي

جزيت خيراً على كلماتك الرقيقة وشعورك الطيب . ووالله مخدت بالي من موضوع الترقية دا إلا منك .. دي مسئولية قبل ما تكون هدية .. وعقبالك يا كبير وصدقني هناك من يستحق هذه الترقية ومن هم أفضل مني أمثال سليم وحضرتك والأخ وائل المصري وابن مصر وكتير صراحة يعذروني لو كنت نسيت حد فيهم.

بالنسبة لطلبك شوية كدا وهتلاقي ابن الحلال اللي يتبرع ويعمل الدروس PDF لأني معنديش فكرة صراحة أو مجربتش .. شوية كدا بس لما الأمور تبدأ تتظبط متقلقش

الأخ الفاضل عبد الله

إحنا بنتعلم وتسجيل الماكرو مجرد معين مش هو الأساس لأن فيه أكواد مينفعش فيها تسجيل ماكرو .. وبعدين اللي هيكتبه التسجيل في 50 سطر إحنا هنقدر نعمله بكل بساطة في 5 أسطر أكيد يفرق .. وإلا مكانش حد اتعلم واعتمدنا على تسجيل الماكرو وانتهى الأمر

[شوقي ربيع]

السلام عليكم

اخي ياسر 

يسر الله امرك و جازاك على ماتقدمه 

اسلوب القاء بجد جميل وسهل وبسيط

اعانك الله على اتمام الدروس ووفق في دلك

كما اضم صوتي لصوتك في حكاية جمع الدروس اول الموضوع لكي لاتضيع الدروس بين الردود بعد زمن

تحياتي لك  و بتوفيق ان شاء الله

[ياسر خليل أبو البراء]

أخي وحبيبي في الله وأستاذي شوقي ربيع

يشرفني مرورك على الموضوع بشكل كبير ..

فأنت لك في القلب معزة لا يعلمها إلا الله

بالنسبة لتجميع الحلقات مش عارف هل من الممكن أن يقوم أحد المشرفين بذلك أم أن الأمر عسير ..؟!

[عبد الله بولنوار]

الدرس الاول على شكل ملف pdf

الدرس الاول.rar

تم تعديل نوفمبر 23, 2014 بواسطه عبد الله بولنوار

[عبد الله بولنوار]

الدرس 1 على شكل pdf

الدرس الاول.rar

[عبد الله بولنوار]

الدروس الثلاث مع التطبيق على شكل pdf

الدروس حتى الآن.rar

تم تعديل نوفمبر 23, 2014 بواسطه عبد الله بولنوار

[ماجد2014]

خطيييييييييييييييييييييييييييييييييييير شكرا

تم تعديل نوفمبر 23, 2014 بواسطه ماجد2014

[محمد يوسف محمد1]

يا حلاوتك يا جمالك يا عم ياسر خليت للحلوين ايه

اسجل اعجابى بطريقة شرحك

وهل يمكن اختصار الكودين فى كود واحد كما بالمرفقات

 

الواجب.rar

[ياسر خليل أبو البراء]

الأخ الفاضل

عبد الله بولنوار

بارك الله فيك وجزاك الله خير الجزاء تسلم حبيبي...

ربنا يجعله في ميزان حسناتك

[ياسر خليل أبو البراء]

الأخ محمد يوسف

أيوا كل شيء ممكن إن شاء الله

ممكن زي كدا

    With Range("A1:B13")
        .HorizontalAlignment = xlCenter
        .Font.Name = "Times New Roman"
        .Font.Size = 17
        .Font.Bold = True
        .Font.Color = vbBlue
    End With
    With Range("A1:B1")
        .Font.Size = 20
        .Font.Color = vbRed
    End With

اعتمدت على نطاق واحد بالكامل من أول A1:B13 وعملنا التنسيقات المتشابهة

وبعدين نشوف المختلف ونخصص له جزء جديد من الكود ونغير فيه ..

[ابو تراب]

ما شاء الله ...شرح رائع من شخص رائع... اسلوب مليئ بالحيوية و النشاط Energy

 

 

[ahmedkrk]

ماشاء الله تبارك الله

على هدا الشرح في مقدمة الشرح ارتحت كثير وجلست اقرا الخطوه الاولى

وتعلمت بعض الاشياء حاليا كخطوه اولى

 

جزاك الله خير

والى الأمام ووفقك الله