مساعدة فى ريط هذا الفورم مع شيت الاكسل

[رفيع سعد]

السلام عليكم ورحمة اللة

اخوانى الاعزاء هذة اول تجربة لى فى تصميم فورم وعايز اعرف ازاى اربطة مع شيت الاكسل المرفق معة وانا بحاول ان اجمع معلومات عن التكويد لكن فى الوقت الحالى خير وسيلة للتعلم هى المثال  اساتذتنا الافاضل بعد اذنكم اذا كان ممكن بدون امر انا عايز فى هذا الفورم ان ادخل اسم العميل ورقمة والعدد والكمية كلا فى خانتة ويتم سحب النتائج من الشيت

وتكون اسماء الاصناف مكتوبة فى الخلايا ولايمكن تغييرها كما  فى الشيت

ملحوظة      هناك يعض الخلايا مخفية فى الشيت  

1111.rar

[رفيع سعد]

السلام عليكم ورحمة اللة  وبركاتة

اخوانى الاعزاء هناك 46 مشاهدة ولايوجد رد واحد هل استنتج من هذا ان الموضوع صعب وانا طيعا اشك فى هذا ام انة طلب غريب شوية وانا ارجح هذا ام اننى اخترت الوقت غير المناسب ربما واللة ياخوانى هذا ليس استعجال للطلب بقدر ماهو استفسار لانى عارف ان دة تكرم بالمساعدة من الاساتذة الافاضل وفقهم اللة وسدد خطاهم ولهم كل الشكرعلى مايبذلوة من جهد ووقت فى المساعدة فأن خيرنا من تعلم العلم وعلمنا

[رفيع سعد]

السلام عليكم ورحمة اللة اخوانى الاعزاء يبدو من عدد المشاهدات انة ربما يكون تصميم الفورم مش مظبوط فلو هناك اقترحات بخصوص تعديل الفورم او حتى الشيت فكلى اذان صاغية على ان يكون اقتراح التعديل يؤدى نفس الغرض ولكم كل الشكر

[ibn_egypt]

السلام عليكم ورحمة اللة اخوانى الاعزاء يبدو من عدد المشاهدات انة ربما يكون تصميم الفورم مش مظبوط فلو هناك اقترحات بخصوص تعديل الفورم او حتى الشيت فكلى اذان صاغية على ان يكون اقتراح التعديل يؤدى نفس الغرض ولكم كل الشكر

 

اخى الفاضل

 

انت كده جبت المفيد، كنت عاوز اقولك كده بصراحة في الصباح، الشيت محتاج تعديل كثير ومش موضح انت عاوز ايه شوية هنا معادلات وشوية بيانات عادية وليه عامل اخفاء للأعمدة يعني  !!!!!.... ده بالاضافة ان عمري ما شفت فورم كده ابدا ... ياريت تزبط الشيت بتاعك والفورم تبقي ابسط وتكون موضح انت عاوز فيها ايه وبياناتها هتروح فين ... كده 

 

سهل علي اخوانك تلاقي طلبك اتنفذ .. هتصعبها وتعقدها كله هيدخل يبص ويمشي لان معظمنا لديه اعماله وانشغالاته وغير متفرغ لفك هذه الطلاسم

 

تحياتي

تم تعديل نوفمبر 24, 2014 بواسطه ibn_egypt

[رفيع سعد]

بسم اللة الرحمن الرحيم

استاذنا الفاضل ابن مصر شكرا لمرورك الكريم على الموضوع بالنسبة للشيت دة على قد معرفتى فانا مش ضليع فى الاوفيس بالنسبة للاعمدة المخفية دى بيانات المفروض عدم الاطلاع عليها من العاملين فى المكان والبيانات العادية هى مجرد اسماء الاصناف اما المعادلات فهى لنتائج العمليات الحسابية لانى كنت شغال على الشيت فقط  وحبيت اعمل لة فورم  على اساس عدد محدود من الاصناف وباسعار ثابتة ويقوم العميل بوضع مبلغ من المال لكل فرد من اولادة ويتم سحب بضاعة حتى نفاذ المبلغ ولكن على مايبدو اننى ملخبط الدنياوعلى كلا هى محاولة ليس منها ضرر فاذا كان ممكن بعد اذن حضرتك دلنى على طريقة اظبط بها الشيت اكون شاكر جدا وبردة انا شاكر جدا من غير اى حاجة

تم تعديل نوفمبر 24, 2014 بواسطه رفيع سعد

[ibn_egypt]

اخى الفاضل

 

اعذرنى في كلامى، لكن انا حبيت اوضح ليك ان علشان اى اخ فاضل يساعدك لازم الامور تكون واضحة بالنسباله وضوح الشمس في كبد السماء، فكل المطلوب منك بس شيت فاضي وضح فيه ان ده شيت لادخال بيانات كذا وطريقة عملك كذا وحط بيانات ولو بسيطة توضح كيف تسير الامور داخل الشيت ده، ولو فيه اعمدة فيها عمليات حسابية وضح المعادلات دى انت بتحسبها ازاى، وانت عاوز فورم عن طريقها تعمل ايه ... وارفق الملف ده بمشاركتك وان شاء الله ستجد كل الخير والعون من اخوانك

 

تحياتى