تغيير خصائص القائمة المنسدلة بإدراج كومبوبوكس

[رفيع سعد]

بسم الله الرحمن الرحيم 

حبيب قلبى أستاذى العزيز ياسر خليل دة اللى انا اقصدة فى الملف المرفق واعذرنى لعدم توضيحى هذا من الاول

77 A.rar

[ياسر خليل أبو البراء]

فكرة جميلة يا أخ رفيع

الملف جميل ..إنت عايز تعدل عليه ؟؟!! ولا هو دا اللي إنت وصلت له

أعتقد انه كدا الملف مريح في عملية البحث بالنسبة لك

[رفيع سعد]

بسم الله الرحمن الرحيم 

حبيب قلبى أستاذى العزيز ياسر خليل انا عايزأستفيد من فكرة الكمبوبوكس بحجم الخط ولونة لان البحث عن اسم فى وسط 300 أو 400 اسم بالخط الصغير للقائمة المنسدلة صعب قوى ولا حضرتك مش معايا وانا بقى مش كل يوم هشترى نظارة ههههههههه واسف لازعاج حضرتك معايا

[ياسر خليل أبو البراء]

عشان حضرتك توفر تمن النضارة اتفضل الملف التالي وإن شاء الله يفي بالغرض

بس متنساش اللي توفره من تمن النضارات تحطه في حسابي

 

Auto Completer Data Validation New.rar

[رفيع سعد]

بسم الله الرحمن الرحيم

حبيب قلبى أستاذى العزيز ياسر خليل كبير كبير كبير بالثلث اية الجمال دة  بس متنساش اللي توفره من تمن النضارات تحطه في حسابي

على فكرة حصلتك عندى اتملت وفاضت على الجانبين بس دعوات وحسنات وهو دة اللى قدرت اوفرة ولك منى مليون شكر

 

 

[ياسر خليل أبو البراء]

أخي الحبيب رفيع سعد

في الملف المرفق ...هل لا حظت أني تخلصت من كل النطاقات المسماة واستبدلتها بنطاق واحد مسمى فقط ..

راجع Formulas >> Name Manager كما راجع Data >> Data Validation .......

يكفيني منك دعوة بظهر الغيب ..بس يا ريت الدعوة متتوفرش ومتتأجلش (خير الدعوة عاجلها !! مش كدا ولا ايه)

 

حاجة تانية ابقى علم عليها أفضل إجابة (ههههههه)

*--------------------------------------------*

الحمد لله الذي بنعمته تتم الصالحات

تم تعديل فبراير 11, 2015 بواسطه YasserKhalil

[رفيع سعد]

أستاذى العزيز ياسر دعواتى ليك فى الدنيا والاخرة ويعلم الله انها من القلب بصدق  حاجة تانية ابقى علم عليها أفضل إجابة هى فعلا افضل اجابة لكن انا بكل اسف مبعرفش اتعامل مع المنتديات وكويس ان حضرتك لفت نظرى لحاجة زى كدة حتى نعطى كل زى حق حقة من الشكر الواجب علينا

اما مراجعة الملف انا لسة هبدأ اذاكرة وخاصة الجزء الخاص بالكود لانى زى مبيقولوا ميح فى الاكواد ولك جزيل الشكر

[رفيع سعد]

بسم الله الرحمن الرحيم 

أستاذى العزيز ياسر أنا بصيت بصة على الملف لقيت فية اكتر مما طلبت               هى امكانبة البحث بحرفين او ثلاثة وكدة حضرتك قللت العدد اللى هبحث فية جدا ودى حاجة مكنتش فى بالى خالص فلك الف الف شكر بصيت بصة على الكود معرفتش فية  حاجة خالص ودة طبعا حاجة مترضكشى   خالص لتلميذك المستقبلى خاصة ان الملف دة هيستفاد بة ناس كتير جدا فارجوك من غغغغغغغغغير زعل رجاء خاص ان تشرح لى الكود وانا عارف انى زودتها قوى فارجوك لاتبخل على بهذا الطلب 

[ياسر خليل أبو البراء]

الأخ الحبيب رفيع سعد

الكود متقدم جدا وهو منقول من أحد المواقع ولا أتذكره ..هذا من زمن .. وشرح الكود لن يجدي نفعا في حالتنا هذه ، لأن الكود مرن أي أنه يمكنك استخدامه بكل بساطة بدون التعديل عليه فقط اتبع التعليمات الموجودة في ورقة العمل Help في المشاركة الأولى وستجد بها كل التفاصيل ..

وإن شاء الله تقدر تستفيد إنت وغيرك من الأعضاء

تقبل تحياتي

[رفيع سعد]

بسم الله الرحمن الرحيم 

 

أستاذى العزيز ياسر انامتشكر لحضرتك جدا فعلا جربت الطريقة ونفعت معايا بعد عدة محاولات لك كل الشكر 

[يامن عبدالرحيم بدوى]

 

السلام عليكم

إخواني الأحباب في الصرح العملاق

أقدم لكم اليوم موضوع في غاية الأهمية بالنسبة للكثيرين وهو التعامل مع القائمة المنسدلة بخاصية التحقق من الصحة.

سبق وأن شرحنا في دروس سابقة كيفية عمل قائمة منسدلة باستخدام خاصية Data Validation أو التحقق من الصحة ..

 

عيوب القائمة المنسدلة أنه لا يمكنك تغيير حجم الخط لهذه القائمة .. عدد الصفوف الظاهرة بها 8 فقط ، ولا يوجد بها خاصية الإكمال التلقائي ..

يعني من الآخر قائمة عقيمة في التعامل معها

 

مع الملف المرفق شرح وافي لكيفية التغلب على هذه العيوب بالتفصيل في ورقة العمل Help

أترككم مع الملف عله ينال إعجابكم

والسلام عليكم

 

الف شكر على هذا العمل الرائع

فجزاكم الله علية خيرا

ولكن

قمت بتجربة هذه الخاصية ووجدتها تعمل بكفائة كما وصفتها

ولكن قمت بتجربتها على Data Validation ولكن اكتب انا عناصر القائمة وليس ارجعها لخلايا فلم تعمل

فما هو الحل؟

كما انها لم تعمل عندما اكون مدمج مع بيانات القائمة وظيفة اوفيست

فكيف اقوم بتفعيلها على المشكلتين؟

وهل ممكن تطبيق هذه الخاصية على فورم - اى بمربع قائمة داخل فورم؟

شكرا لكم

تم تعديل فبراير 15, 2015 بواسطه idea4man

[ياسر خليل أبو البراء]

أخي الفاضل اطرح طلبك في موضوع مستقل

[allaashr]

السلام عليكم

عندي سؤال كيف ازيل الفراغات بين الاسماء في القاءمةالمنسدلة

[ياسر خليل أبو البراء]

تفضل أخي الفاضل الملف التالي

Validation List With No Blanks.rar

[myprog]

ممكن عمل قائمة منسدلة فيها ارقام وعند اختيار اي رقم يختفي الرقم حتى لا يتم اختياره من مستخدم اخر مثال لو اخترت الرقم 1 يحذف من القائمة المنسدلة 

جزاكم الله احتاج الدالة ضرورى

[ياسر خليل أبو البراء]

قم بالإطلاع على هذا الموضوع فيه طلب مشابه لطلبك

http://www.officena.net/ib/index.php?showtopic=58308&hl=%D9%85%D8%AA%D9%86%D8%A7%D9%82%D8%B5%D8%A9

[ابوحمزه المصرى]

رائع جدا هل ممكن اطبق نفس الموضوع على هذا الملف فى كشف الحساب 

كشف الحساب.rar