طلب مساعدة فى تكملة هذا الملف

[رفيع سعد]

السلام عليكم

ارجو من الاساتذة الافاضل اذا كان ممكن  تكملة هذا الملف لانى معرفتى قليلة فى الاكسيل ولكم كل الشكر

1.rar

[ياسر خليل أبو البراء]

هل هذا ما تقصده

1.rar

تم تعديل نوفمبر 12, 2014 بواسطه YasserKhalil

[رفيع سعد]

السلام عليكم 

عفوا اخى العزيز ولكن ماقصدة ان هناك مثلا 20 صنف وانا بعت 3 اصناف فقط  ماريدة هو ظهور هذة الاصناف مع سعرها فقط فى الخلية المحددة بالسهم

[رفيع سعد]

بعد اذنكم ياجماعة الخير انا محتاج هذا الملف وعايز اعرف اذا كان طلبى ممكن ولا مش هينفع

[سليم حاصبيا]

 السلام عليكم

حسب ما فهمت من المشاركة /ربما كان هذا المطلوب

1 A.rar

[رفيع سعد]

انا اسف ياخوانى يبدو اننى مش عارف اوصل فكرتى ياريت نظرة على الملف المرفق 

2.rar

[رفيع سعد]

السلام عليكم

يبدو ان الوقت تأخر والكل هينام اتمنى ان اجد اى رد من الاخوة الافاضل غدا ان شاء اللة

[ياسر خليل أبو البراء]

الأخ الكريم رفيع سعد

جرب الملف التالي

 

TestThis.rar

[رفيع سعد]

الاخ الكريم ياسر خالد الففففففففففففففففففففففففففف الففففففففففففففففففف شكر هو دة المطلوب بالتمام والكمال بس لى عند حضرتك طلب انا عايز انقل نفس الفكرة فى ملفات تانية فياريت تدلنى على الطريقة اكون ممنون جدا لحضرتك ولك منى كل التحية والاحترام

[ياسر خليل أبو البراء]

حاول تشوف الكود أخي الفاضل وحاول تغير فيه بما يناسبك في الملف المراد العمل عليه وإن شاء المولى توفق في العمل عليه..

وإن لم يكن فبإذن المولى سنكون بالانتظار وفي مساعددتك أنا والأخوة الأفاضل في المنتدى

[رفيع سعد]

السلام عليكم

اخخخخخخخخخخخخويا الغالى انا وللة الحمد ابيض فى الحكاية دى لكن عايز شرح بسيط على السريع وهتلقينى فريرة وهوصل ان شاء اللة بمساعدتكم فلا تبخل على بها وانا عارف ان الوقت تأخر فسانتظر الى الغد ان شاء اللة ولك منى الف سلام

[رفيع سعد]

السلام عليكم

اولا ياجماعة انا معنديش اى فكرة عن التكويد نهائى فاذا كان ممكن بعد اذنكم حد ياخد الكود من الملف ويحدد علية الاماكن اللى ممكن اغير فيها سواء اسم خلية او رقم صف او عمود حتى استطيع ان انقل الكود فى اى ورقة عمل اريدها ولكم جزيل الشكر واسفعلى الاطالة

[ياسر خليل أبو البراء]

أخي الفاضل إحنا مش بنخمن شكل الشيت اللي إنت شغال عليه

حضرتك ببساطة ارفق شكل مبسط لشكل الشيت الخاص بك وإحنا نقدر نساعدك أو ارفع ملفك لو مكانش فيه خصوصية وإن شاء المولى نساعدك

والأفضل إنك تحاول تفم نظام الكود الأول يعني ادرس الملف اللي بيلبي طلبك وبعدين ابدأ بالعمل على ملفك

كدا هتقدر تتعلم بشكل أفضل

[رفيع سعد]

عزيزى استاذ خالد انت لحقت تنسى حضرتك اللى حاطط الكود فى المشاركة رقم 8 وانا كل اللى طلبة انى اشغل الكود فى اى شيت تانى وكمان مفتاح اضغط هنا ولاتنسى انى قلت اننى معرفش اى حاجة عن التكويد فياريت تصبر عليا

[ياسر خليل أبو البراء]

عزيزى استاذ خالد انت لحقت تنسى حضرتك اللى حاطط الكود فى المشاركة رقم 8 وانا كل اللى طلبة انى اشغل الكود فى اى شيت تانى وكمان مفتاح اضغط هنا ولاتنسى انى قلت اننى معرفش اى حاجة عن التكويد فياريت تصبر عليا

الأخ الفاضل ..أولا أنا ياسر خليل مش خالد .. أوك يا مستررفيع

أنا لا أقصد إني مليت منك .. أنت فوق العين والراس ... كل ما في الأمر حسبت أن الطلب مختلف ولذلك أطلب منك عمل موضوع مستقل موضوع تاني تكون فيه بداية جديدة

بالنسبة للأكواد واحدة واحدة وإن شاء الله تفهم كيفية التعديل عليه

 

أما بالنسبة لكلامك إني أصبر عليك فيعلم الله أني لم ولن أتذمر من أي أخ في هذا المنتدى أو غيره ..

حضرتك لسه جديد بالمنتدى ... فيا ريت تعرف شيء مهم جدا

إنك لما تطلب طلب تعتقد إن غيرك فاهم إنت عايز ايه ... لازم بببساطة دايما لما تطلب مساعدة أولا يكون عنوان الموضوع واضح ويكون فيه ملف مرفق لو أمكن ، ويكون فيه شكل النتائج التي ترغب فيها عشان يسهل على الناس مساعدتك وإلا لن تجد إلا القليل من يرد عليك لأنه ببساطة ساعتها بيكون الموضوع مبهم ومحدش فاهم إنت عايز ايه .. فبيخرج اللي عايز يساعد برا الموضوع لأنه مش فاهم طلبك

آسف للإطالة أخي الحبيب رفيع سعيد (مقصودة) وأتمنى أن تكون وصلتك الرسالة

[ياسر خليل أبو البراء]

إليك أخي الكريم رفيع شرح مبسط للكود

Sub TestThis()
    'هذا السطر لتعريف المتغير من النوع نطاق ، واسمه Cell
    Dim Cell As Range
    'هذا السطر يقوم بمسح محتويات النطاق المراد وضع النتائج به
    [O6:P100].ClearContents
    'بداية حلقة تكرارية للعمود الذي به الصنف المراد تصفيته أو المراد استخراج النتائج من خلاله
    'بداية هذا النطاق هو الخلية L6
    'نهاية النطاق يتم تحديدها من خلال الأكواد لمعرفة آخر خلية بها بيانات في هذا العمود
    For Each Cell In Range("L6:L" & Range("L" & Rows.Count).End(xlUp).Row)
    'يتم وضع شرط ألا تكون قيمة الخلية في هذا النطاق المشار إليه في السطر السابق ألا تكون قيمة الخلية تساوي فراغ أو صفر
        If Not Cell.Value = "" And Not Cell.Value = 0 Then
        'إذا تحقق الشرط وكانت الخلية لا تساوي فراغ ولا تساوي صفر يقوم بنسخ الخلية والخلية المجاورة باستخدام Reszie
            Cell.Resize(1, 2).Copy
            'هذا النطاق هو المكان الذي سيتم لصق القيم فيه
            Range("O" & Rows.Count).End(3)(2).PasteSpecial xlPasteValues
            'نهاية جملة الشرط
        End If
        'الانتقال إلى خلية جديدة
    Next Cell
    'إلغاء خاصية النسخ التي تم استخدامها بالكود
    Application.CutCopyMode = False
    'تحديد الخلية O6
    [O6].Select
End Sub

[رفيع سعد]

عزيزى الكريم استاذ ياسر اولا انا اسف جدا على الغلط فى الاسم ثانيا انا متشكر على كلامك الجميل واللة انت احرجتنى وانت معاك حق فى كل كلمة قلتها لكن انا نادرا مبعمل مشاركات فى اى منتدى لكن حاجتى الضرورية لهذا الملف وربنا اكرمنى وعرفت هذا الموقع بالصدفة البحتة ومن اول نظرة عرفت ان الحل هيكون من السادة الافاضل فى المنتدى لكن بعد الانتهاء من هذا الملف هبدا واحدة واحدة من جديد خالص لانى وجدت مبتغاى للتعلم ان شاء اللة ومعلهشى انا مش بعرف اعبر صح عن طلبى والشكر موصول للجميع 

[ياسر خليل أبو البراء]

الأخ الكريم رفيع

يشرفنا وجودك بيننا فنحن هنا في المنتدى غير أي منتدى آخر .. جميعنا إخوة متحابين في الله .. سواء كنا أساتذة أو طلاب علم ..

وإن شاء الله لن تجد من يتأخرعنك في أي طلب

ولكن لي طلب بسيط وهو الصبر فقد لا يسمح وقت الجميع بالحل أو المساعدة في نفس الوقت ، لأني لاحظت هذا كثيرا من الأخوة الجدد أنهم يستعجلون ويستعجلون وكأنه ممسك بفانوس سحري (ويفضل يدعك الفانوس ويقول للعفريت اطلع اطلع ، وطبعا العفريت ممكن ميكونش موجود!! أو نايم أو مشغول ...

كلنا لدينا مشاغلنا وحياتنا ولسنا طوال الوقت متواجدين

بارك الله فيك أخي رفيع ونتنمى تواجدك معنا دائما

[رفيع سعد]

الف شكر استاذ ياسر وانا واللة مقدر كل كلمة قلتها وان كنت مستعجل انا او غيرى دة بس لاننا لقينا اللى يساعدنا هو مش استعجال قد ما هو فرحة بقرب الحل ويعم متخفش على العفريت هنسيبة ينام دقيقتين مهو عفريت بقة ههههههههه ولك كل الشكر 

[رفيع سعد]

السلام عليكم ورحمة اللة     اساتذتنا الافاضل

الحمد للة عدلت على الكود لكن لى طلب تانى علشان اكمل الملف  وكمان لى سؤال هل شيت زى دة ممكن يتعمل لة

فورم وانا اسف على كثرة الطلبات ولكم جزيل الشكر

كاش2.rar

[رفيع سعد]

السلام عليكم

بالنسبة لهذة الجزئية (هذا الزراعملة ازاى وازاى اريطة  مع الكود) من السؤال الحمد للة انتهت ارجو المساعدة فى باقى السؤال وشكرا لكم

[ياسر خليل أبو البراء]

الأخ الحبيب رفيع سعد

أولا فيه تبويب باسم Developer قد لا يكون ظاهر لديك ، لإظهاره قم بالضغط على علامة الأوفيس Office Button ثم خيارات الإكسيل (بس اوعى تكون جعان فتاكل الخيارات وتخلي الإكسيل من غير خيارات) هتلاقي فيه خيار باسم Show Developer بتعلم عليه علامة صح ليظهر لك مع التبويبات الأخرى ..

 

تاني نقطة بتدخل على Developer بتلاقي أمر اسمه Insert اضغط عليه هيفتح لك نافذة صغيرة بتختار منها أول زر مثلا Button (Form COntrol وممكن ترسم أي شكل من الأشكال أو تدرج صورة وتربط الماكرو بيها

بتعمل كليك يمين على الزر أو الشكل أو الصورة بتلاقي أمر اسمه Assign Macro بفتح لك نافذة بتختار منها اسم الإجراء الفرعي المراد ربط الزر به

أرجو أن تكون قد استوعبت الخطوات الأولى

[ياسر خليل أبو البراء]

بالنسبة لطبك الثاني حاول تعمله بنفسك

قم بإدراج موديول في محرر الأكواد .. هتسأل أدخله منين (أقولك فيه باب وفيه شباك وفيه منور)

الباب إنك تدخل من التبويب Developer ثم اضغط على Visual Basic

الشباك إنك تضغط Alt + F11

المنور إنك تضغط على الأمر Macros من التبويب Developer ولما تطلع النافذة تضغط Edit

 

لما تدخل المغارة أقصد محرر الأكواد هتلاقي قائمة فيها كلمة Insert اختار منها موديول Module

والصق الكود الآتي في الموديول

Sub ClearQ()
    Range("I6:I13").ClearContents
End Sub

هتقولي ايه الكلام الهيروغليفي ده هقولك واحدة واحدة هتفهم الطلاسم دي مع الوقت

السطر الأول كلمة Sub دي لازم تتكتب في بداية الإجراء الفرعي بيتبعها اسم الإجراء ودا إنت حر فيه إن شا الله حتى تسميه (هاكوناماطاطا)

وفي السطر الأخير جملة End Sub عشان سعادته يعرف إن الإجراء انتهى .

السطر اللي في النص دا طلبك

إنت طلبت تمسح محتويات النطاق I6:I13 مش دا طلبك فاستعملنا الإشارة للنطاق مبتوعا بنقطة .. النقطة دي بييجي وراها يا إما Property أي خاصية يا إما Method أي طريقة

هتقولي كدا بدأت تكلكع تاني .. هبسطها لك عارف الصفة في العربي وعارف الفعل ..

 

جرب مثلا تكتب الجزء الأول من السطر

Range("I6:I13")

وبعدين اكتب النقطة واقف عندك بس متعملش حاجة (يا عم رفيع اصبر ربنا يبارك فيك ) عايز أوريك حاجة مهمة جدا هتلاقي عمنا طلع لك قايمة في شكلين ..

الشكل الأول هتلاقي بيل جيتس بيشاور بصبعه على ورقة هي دي الخاصية

الشكل التاني علامة شبه الطوبة بس مش حمرا خضرا يا كبير ، هي دي الـ Method

 

طيب هتسأل ClearContents دي ايه ؟؟ هغششك وأقولك بص على الرمز الخاص بيها أول ما تبدأ تكتب بعد النقطة بتبدأ تظهر لك الكلمات المرتبطة فلما تظهر هتلاقي علامة الطوبة الخضرا اللي قلت لك عليها

بس متتعودش ع الغش .. أنا مش شوية قلت لك الـ method زي الفعل حاجة بتتعمل ومعنى كلمة Clear امسح وامسح دا فعل مش صفة

 

أما لو قلت

Range("I6:I13').Address

Address هنا بمعنى عنوان وعنوان دا مش فعل دا اسم .. يعني خاصية عنوان النطاق Property

جرب السطر التالي تنفذه

MsgBox Range("I6:I13").Address

الأمر اللي في الأول ده اسمه MsgBox ودا بقا اللي يخليك تطلع رسالة للمستخدم ، ودي لها شروحات في المنتدى (بص ع الدورة اللي عاملها العلامة محمود الشريف هتلاقي تفاصيل عنها )

 

مش عارف دا هيفيدك ولا لا ..

بس إن لم يفيدك أفادك غيرك ، وإن لم يفيد غيرك أفادني وإن لم يفدني فأسأل الله أن يجعل الوقت الذي استغرقته ف كتابة هذا البوست في ميزان حسناتي وأن يكون لي لا عليا

والسلام عليكم (بس خلااااص ايدي تعبت)

تم تعديل نوفمبر 15, 2014 بواسطه YasserKhalil

[الصـقر]

استاذى الفاضل

ياسر خليل

بصراحه لا تعليق غير

ههههههههههههههههههههههههههههههههههههههههههههههه

كان فى برنامج على MBC جايب واحد يقال انه مدرس بيعلم التلاميذ 

بس طريق التعليم يا كبير  كانت الاتى انه ماسك مايك وواقف وراه فرقه مزيكا وبيحفظ العيال درس فلسفة وهو بيغنى الدرس والعيال تردد

دور على اليوتيوب وهتلاقيه ولا اروع (يهناء اللى يتعلم عنده باقى بس راقصتين )

الله ينور يا كبير

تقبل احترامى وتقديرى

تم تعديل نوفمبر 15, 2014 بواسطه حسام عيسى

[رفيع سعد]

استاذى المحترم ياسر لا المحترم ونص لك منى كل الشكر والتقديراولا متخفش على خيارات الاوبشن الحمد للة التلاجة مليانة ولو طمعنا فى الخيارات ممكن نعوض عنها بال بتنجنات وكلة رايح على المعدة نخش بقة فى الجد شرح حضرتك كفا وفاض ولااجمل ولا اسهل من كدة وكدة انت ادتنى الفكرة الاولى اللى منها ممكن ابدأ ولك ولكل اعضاء المنتدى الف شكر