شكرا لكم وجزاكم الله خيرا - سلمى سعيد بيرم

[أبو سجده]

بسم الله الرحمن الرحيم

وبه نستعين

جدوالعزيزالاستاذ / جمال دغيدى

الساده أعضاء أوفسينا الآجلاء

السلام عليكم ورحمته الله وبركاته

أنا سلمى إبنة الاستاذ سعيد بيرم

أحب أعرف حضرتك إن بابا بخيروالحمد لله والعملية نجحت بس ميقدرش يدخل الموقع دلوقتى

لآن الدكتور منعه من الجلوس على الكمبيوترلمدة شهر وبابا حاول يدخل على الموقع أمس

من جهاز اللاب توب بتاع خالى نبيل عشان يكتب رسالة لآبله منارالتابعى بس مقدرش

وأنا اللى كتبتهلها زى ماكتبت رساله قبل كده لعمو ضاحى ابوعمرو واحنا كلنا دلوقتى عند تيتة أم ماما فى البلد

وأحب أعرف حضرتك أن التيلفون بتاع بابا إنكسر فى الشغل قبل العملية بيوم

إدعى لبابا ياجدو لانكم كل حياتة وإن شاء الله هخلى بابا يعملى اشتراك على الموقع

لانى بصراحة أنا حبتكم على حب بابا ليكم جميعا

ماأنا بعرف فى الاكسل زى بابا بس الحمدلله مش قرعه زيه

وبابا اللى بيملينى الكلام ده دلوقتى

بجد أنا مبسوطة إنى بكلم حضرتك ومبسوطة كمان أن أنا اللى برفع الموضوع ده

حسب الخطوات اللى بابا بيقولى عليها ... هيه دوخة شوية بس كله يهون عشان بابا

وسلامى لجميع أفراد عائلة أوفسينا لحين تماثل بابا للشفاء

 حفيدتك سلمى سعيد عامر بيرم

[احمد فضيله]

ربا يطمنا على الاستاذ / سعيد

اسأل الله العظيم رب العرش العظيم ان يشفيه

سلامي لأخي الحبيب الاستاذ المحترم / سعيد بيرم

[دغيدى]

بحبك يا سلمى

[أبو سجده]

وأنا بموت فيك ياجدو وشكلها كدة راحت على بابا

[حمادة عمر]

بارك الله فيكي

يا سلمي

وعاوزين المرة الجاية يكون الاشتراك باسمك انت

راحت علي بابا خلاص ... هههه

 

سلامي الغالي والحار لاخي واستاذي / سعيد

وربنا يطمنا عليه يارب

جزاك الله خيرا

[أبو سجده]

عمو حماده أبوالعسولة سما

ان بقول أصبر شوية لحد ماسما تكبرونعمل إشتراك على الموقع سوا

ربنا يبارك لك فيها وإن شاء الله بعد الامتحانات وأطمن على النتيجة سوف أشترك بالموقع

لآن بجد ياعمو أنا ملقتش روح عالية زى اللى لاقيتها فيكم

وبابا كده يبقى له الحق فى كلامه معايا إنكم أرواح طاهره

لاتبتغون أجرا إلا من الله عزوجل

[اسلام سيد]

السلام عليكم ورحمة الله وبركاته

الحمد لله

اطمئن قلبى على اخى واستاذى سعيد  من خلال ابنته العزيزه سلمى (بارك الله فيها)

سلامى لاستاذنا الغالى/ سعيد

ربنا يرده لنا بالسلامه

[أبو ردينة]

و عليكم السلام و رحمة الله و بركاته 
الشكر لله يا سلمى و الحمد لله إن العملية نجحت و اسأل الله أن يتم لبابا الشفاء و يعود لكم و لنا في أتم صحة و أحسن حال - آمين 
سلامنا لبابا و دعواتنا لكم جميعا أن يحفظكم الله و يرعاكم