عد اكتر من قيمة فى نفس الخليه

[edkawy]

السلام عليكم ورحمه الله 

 

الرجاء من الاخوة المساعده فى الملف المرفق 

 

فى اكتر من قيمة فى نفس الخليه و محتاج انى اعدها باستخدام معادله ( يعنى عاوز اعرف كام فاتوره موجوده فى العمود كله ) 

 

الشرح بالتفصيل فى الملف المرفق

 

بارك الله فيكم

 

اخوكم / محمد سعد  

Book1.zip

[احمد عبد الناصر]

السلام عليكم

 

جرب هذه  باستخدام دالة معرفة ,لكن تعتمد علي وجود & بين كل فاتورة .

 

تحياتي

Book1+split.rar

[edkawy]

بارك الله فيك يا استاذ احمد 

 

انا حاولت اضيف صفوف للحدول و لاحظت ان المعادله بتحسب اى خليه داخل المدى بتاعها حتى وان كانت مفيهاش اى قيمه 

و حاولت بردو امسح فاتورة من داخل خليه فى نفس المدى لقيت ان المعادله بردو متغيرتش 

 

 انا محتاج انها تحسب الصفوف اللى فيها فواتير بس مع امكانيه ان اضيف صفوف فاضيه او امسح قيم من خلايا موجود داخل مدى المعادله 

 

ممكن اذا تكرمت تساعدنى ؟ 

 

 

جزاك الله خير مقدما

[احمد عبد الناصر]

جرب هذا 

 

يبحث في الخلاية التي تحتوي علي H .

 

 

Book1+split.rar

[edkawy]

جزاك الله خير يا استاذ احمد 

انا حاولت افهم المعادله اللى حضرتك استخدمتها و لقيتها تقريبا معادلتين count + find 

 

الرجاء من حضرتك ان امكن توضيح المعادله عشان اعدل فيها حسب متطلبات الشغل  فى الملف اللى عندى

 

 

بارك الله فيك 

[احمد عبد الناصر]

السلام عليكم

 

استاذ محمد جرب هذا المرفق فهو باستخدام معادلات , ربما كان التعديل فيها اسهل .(منقولة من excelisfun)

 

اما بالنسبة للحل الاول فهو باستخدام دالة معرفة اي كود (اضغط علي alt+F11 ثم انظر بداخل module 1  )

 

 

تحياتي 

 

Book1+split+-.rar

[edkawy]

بارك الله فيك يا استاذ احمد على ردك السريع و اهتمامك بالموضوع

 

بس بصراحة انا حاولت انى اخد الموديل من الفيجوال بيسك واستخمه فى النلف بتاع الشغل عندى بس معرفتش انى اضيف الاعمدة اللى انا محتاج ان الاكسل يدينى العدد بتاعها كله زى المثال اللى كنت بعته فى المشاركة اللى فاتت.

بعد اذنك اذا امكن حضرتك تشوف المرفق اللى فى المشاركة دى و هو دة تقريبا نفس الملف اللى عاوز اشتغل عليه هنا فى الشغل و باذن الله هنقل الداتا اللى عندى فيه  لما يكمل بمساعدتك ان شاء الله 

 

فى صفحه الداتا كل ابيانات اللى خاصة بالشغل و احتمال انى اضيف عمود تانى مع الاعمدة الموجودة وارد بس الشغل مش هحتاج له دلوقتى عشلن كدة انا عملت المطلوب بس عشان اوفر فى الوقت والجهد و مطولش عليك .فى صفحة السامرى , انا عملت بيفوت تابل للداتا بالشكل اللى عاوزة على هيئة تقرير بحيث اعرف عدد التقارير الواردة لكل تست على حدة و ان شاء الله اعرف بسهوله ايه اللى ناقص بس المشكله اللى عندى زى ما وضختها لحضرتك ان البيفوت تابل بيتعامل مع القيم الله فى الخليه على اساس انها قيمه واحدة و انا محتاج اعرف عدد التقارير كلها زى التقارير الموجودة مثلا فى الصف رقم 9 

 

اذا امكن من حضرتك , اذا كان فى طريقة اعدل بيها فى البيفوت تابل او اذا امكن اننا نعمل نفس شكل البيفوت تابل باستخدام المعادلات اكون شاكر لحضرتك

 

جزاك الله خير و عذرا للاطاله 

 

 محمد سعد

Draft.zip

[جمال عبد السميع]

أليك أخى الحل بمعادلة بسيطة تعتمد على عد (& )

Book3.rar

[احمد عبد الناصر]

السلام عليكم

 

استاذ محمود تحياتي لك فكرة جميلة ومعادلة متقنة .

 

استاذ محمد سعد تحياتي لك 

 

بالنسبة للملف

 

جرب المرفق 

 

الحل يعتمد علي

 

-حساب عدد الخانات في الخلية مثلا SPPP-RT-016 غالبا هي موحدة 11 لكن في عمود Magnetic Particle Test  فهي 12   SPPP-MPI-017 فيجب ان تأخذ هذا في الاعتبار .

 

-هذا الجزء من المعادلة  (LEN(data!$S$5:$S$68)/11,0)  سوف تغير رقم 11 الي 12 او تتركه 11 علي حسب عدد الخانات في خلايا العمود المراد حسابه

 والمدي  data!$S$5:$S$68  تغير ال S بالعمود الذي تريده 

 

تركت لك الملف لتكمل باقي المعادلات و ان صادفتك مشكله اكمله لك .

 

تحياتي 

 

Draft+.rar

[edkawy]

السلام عليكم 

الاستاذ محمود / بارك الله فيك على ردك و مجهودك و جعله الله فى ميزان حسناتك , بس المعادله بتحسب عدد الصفوف حتى اذا كانت فاضية ومفيهاش اى داتا.

 

الاستاذ / احمد عبد الناصر

 

جزاك الله خير على المعادله الممتازة دى , و بارك الله فيك 

 

انا عملت كوبى للمعادله زى ما حضرتك قلت وكملت باقى السامرى زى ما هو موضح فى الملف المرفق , و بعد اذنك انا لغيت البيفوت تابل لان كل ما اضيف اى معلومات جديدة واعمل رفرش , الجدول بتاع البيفوت تابل بيغير شكل الصفحة , وبردو وحدت عدد الخانات فى الاعمدة كلها 11 رقم منعا للخطأ وبعد تجربه الملف بالمعادلات لاحظت ان

1 - المعادله لاتحسب الخليه اذا كان عدد الخانات اقل من 11 فى اول مره.  ( صح ولا غلط ؟ )   

2-  المعادله بتحسب الخانات مرتين اذا كان مجموع الخانات اكتر من 22 و بتحسبها تلات مرات اذا كان مجموعها 33 او اكثر  يعنى لازم ال 11 رقم يعادل واحد صحيح ( صح ولا غلط ؟ ) 

3- المعادله لا تحتسب المسافات , يعنى لو انا كتبت اى حرف مثلا و بعدين دوست مسطرة لا يحتسب الفراغ دة , انما لازم يكون اى رقم او حرف او حتى رمز ( صح ولا غلط ؟ ) 

4- المعادله بتحسب اى رقم او حرف او رمز ( صح ولا غلط ؟ ) 

 

اذا سمحت يا استاذ احمد تقول رايك فى الملاحظات دى , وليا طلب بعد اذنك :  

فىالملف المرفق و فى صفحة السامرى انا عملت بيفوت تابل صغير كدة عشان اعرف ( weld ID) اتوماتيك , يا ترى ممكن انها تبقى بالمعادلات بردو زى التقارير

 

اسف انى طولت عليكى طلباتى و بارك الله فيك على جهدك و جعله فى ميزان حسناتك يا استاذ / احمد 

 

 

محمد سعد

 

Draft+ AHMED.zip

[جمال عبد السميع]

أخى العزيز فعلا لأنى لم أنزل بالمعادلة للسطر الخالى وعلى العموم كل إللى ح أتعملة أنك تخلى المعادلة كما يلى:

=IF(D7<>"";LEN(D7)-LEN(SUBSTITUTE(D7;"&";""))+1;"")

[احمد عبد الناصر]

السلام عليكم

 

بالنسبة للمعادلة فهي تحسب الرقم او الحرف او الرمز او المسافة .

 

بالنسبة لموضوع الرقم 11 

 

ففكرة الماعدلة قائمة علي ان الخلاية في كل عمود متساوية في عدد الخانات فان كانت 11 تكتب في المعادلة 11 و ان كانت 12 تكتب في المعادلة 12 بدلا من 11 و ان كانت 5 مثلا تكتب 5 بدلا من 11 و هكذا 

 

فالمهم ان تكون عدد الخانات في كل عمود واحدة (كل عامود عي حدا) و ليس كل الاعمدة . ارجو ان تكون قد وضحت الفكرة 

 

 

اما بالنسبة لل  weld ID  

هل تقصد نفس النتيجة الذي يخرجها ال pivote و ان كان فلما تستبدله بمعادلات ؟!

 

تحياتي

[edkawy]

السلام عليكم 

 

بارك الله فيك يا استاذ محمود بس انا مش عارف انقل المعادله فى الملف اللى عندى , وجزاك الله خير على اهتمامك ومجهودك

 

الاستاذ احمد / 

 

الفكرة وضحت و بارك الله فيك على الشرح وكدة المعادله تمام و شغاله معايا مظبوط خالص الحمد لله.

 

بالنسبه لل Weld ID 

انا فعلا عاوز نفس النتيجة اللى البفوت تابل بيطلعها بس انا معرفش اعملها بالمعادلات , اذا امكن حضرتك تعمل مثال للمعادله دى فى الملف المرفق صفحة Joints Summary تحت البيفوت تابل و انا اكمل الباقى  يبقى بارك الله فيك 

 

جزاك الله خير يا استاذ احمد على مجهودك

 

محمد سعد 

 

Draft+ AHMED rev 01.zip

[احمد عبد الناصر]

السلام عليكم

 

جرب المرفق

 

-لاحظ ان المدي لل pivote و المعادلات حتي الصف 72 فقط و ليس كل البيانات .

 

-في حالة زيادة ال KP NO عن 17 سوف تحتاج لزيادتهم في التقرير يدوي و كذلك بالنسبة لل WELD ID , بينما الpivote كان يقوم بهذا اتوماتيكا .

 

تحياتي

Draft+ AHMED rev 01+.rar

[edkawy]

السلام عليكم 

 

بارك الله فيك
يا استاذ احمد على مجهودك و الف شكر 

 

انا ضفت عمود
تانى بقيمة جديدة فى Weld ID و عملت كوبى للمعادله و شغاله تمام و بردو ضفت صف تانى جديد فى
 KP No  والحمد لله مفيهاش اى مشكله 

 

انا حاولت ازود
المدى بتاع المعادله من H10  الى  H1000  ومن J10 الى J1000 بس المعادله مشتغلتش معايا. ممكن حضرتك تقوللى ازاى ازود المدى
دة ؟

 

بارك الله فيك
مرة تانية على اهتمامك ومجهودك يا استاذ احمد وجزاك الله خير

[احمد عبد الناصر]

السلام عليكم

 

اسعد الله صباحك 

 

هي معادلة صفيف , بعد التعديل اضغط  ctrl+shift+enter  معا و ليس enter فقط , جرب و ان شاء الله تظبط .

 

 

تحياتي 

[edkawy]

وعليكم السلام يا استاذ احمد و صباح الفل عليك 

 

الف شكر يا استاذ احمد على مجهودك معايا و مساعدتك القيمه و جعله الله فى ميزان حسناتك , الحمد لله عدلت المعادله زى ما حضرتك تفضلت وشرحت و الحمد لله شغاله و مفيش مشكله, ودلوقتى بنقل البيانات اللى عندى على الملف الجديد و باذن الله يشتغل من غير مشاكل.

 

جزاك الله خير مره تانيه و الله يبارك فيك و يزيدك علم.

 

محمد سعد