مشكلة الهوامش فى الطباعة

[Mesha]

فى الطابعة ابيض واسود انا بضبط هوامش الصفحة على 3 فى جميع الاتجاهات ماعدا اليسار 3.5 لكن بعد الطباعة بلاقى المساحة اللى فاضية فوق كبيرة اوى مش زى اللى على اليمين اللى برضه 3 لما قستها بالمسطرة لقيت اللى فوق حوالى 4.5 واللى على اليمين 3

اما فى الطابعة الالوان الهامش اللى على اليمين 2.5 بقية الهوامش مضبوطة

الطابعتين hp

[Mesha]

والمشكلتين على نفس نوع الورق ونفس الجهاز وفى نفس الوقت

[حمادة عمر]

السلام عليكم

الاخ الكريم / Mesha

 

جرب ضبط الهوامش من المسطرة الرأسية والأفقية

بالمقاسات المطلوبة

 

جزاك الله خيراً

[رفعت يسري حامد]

انظر في الرأس والتذييل قد يكون هناك مسافة زائدة

واختر من (إعداد الصفحة )

اختيار (تخطيط)

واجعل رأس الصفحة

وتذييل الصفحة يكونوا بمقاس مناسب

أقل من 1.27

[حمادة عمر]

السلام عليكم

الاخ الكريم / Mesha

 

اعتقد ان رد الاستاذ والاخ الكريم / refaat yousry hammed  ... جزاه الله خيرا

هو الاقرب للصواب جرب ذلك وابلغنا بالنتيجة

جزاك الله خيرا

[Mesha]

جزاكم الله كل خير

انا دخلت على تخطيط الصفحة فى لسان اسمه ورق ولقيتها Letter وكنت قريت موضوع هنا ان لازم تبقى A4 عملتها A4 لكامل المستند بس لسه حشوف لما اجى اطبع اتصلحت ولا لأ

 

اخ refaat التذبيل مكتوب 2 اعملها زى ما حضرتك قولت ولا اجرب الاول على التصليح اللى صلحته دا

[Mesha]

حطبع ان شاء الله واجى اقولكوا النتيجة

[رفعت يسري حامد]

جرب تحول الملف بيدي اف بدل ما تطبع على الماكينة

هتلاقي برنامج كويس لتحويل بيدي اف لو بتشتغل على وورد 2003

اسمه dopdf

 

أما لو شغال 2007 قم بعمل f12 واختار النوع pdf

 

أو 2010 اختار من قائمة ملف - حفظ وإرسال - pdf

وسوف يخرج من الطابعة بنفس شكل البيدي اف

-----------------

جرب تغيير التذييل والرأس إلى 0.5 بدلاً من 2

[Mesha]

شكرا لكم جميعا جزاكم الله كل خير فعلا الملف اتصلح لما غيرت ل A4 لكامل المستند

[حمادة عمر]

السلام عليكم

الاخ الكريم / Mesha

الحمد لله انك اهتديت للحل وتم حل المشكلة

والاجمل انك ارفقت الحل ليكون هنا لجميع الرواد الذين يبحثون عن حل لمشكلة كهذه

جزاك الله خيرا

[محمود شحات]

انا عندى نفس المشكله ممكن اعرف حضرتك اتغلبت عليها ازاى