Maro2005 قام بنشر يونيو 16, 2004 قام بنشر يونيو 16, 2004 السلام عليكو انا ضيف جديد وارجو ان تقبلونى معلهش اول مشاركة هاطرح فيها سؤال انا باعمل برامج على ادى يعنى جدول او جدولين بالكتير طلبو منى فى الشغل عمل برنامج عشان يحول العمل اليدوى الى موميكن كتجربة (الادراة اللى انا تابع ليها بس) المهم عشان مطويلش عليكو وابقى ضيف تقيل عملت تحليل على الورق للشغل ولقيت ان الجداول اللى المفروض هاعملها هتكون تقريبا 48 جدول و ان البيانات المتغيرة اللى احنا بنتعامل معها يوميا تقريبا فوق الالف سجل متوزعة على اربع جداول يعنى الجدول من الاربع جداول تقريبا يوميا هيتملى 250 سجل وبعد كده تخيلت عدد الاستعلامات والنماذج اللى بانواعها لازم اعملها زى نماذج ادخال البيانات ونماذج الدريل داوين (Drill-Down) والنماذج الخاصة بالتقارير ده غير التقارير نفسها لقيت ان العملية هتكبر اوى ومش على مقاسى سؤالى هو هل حد من رواد المنتدى عمل قبل كده قاعدة بيانات بالاكسيس فيها كائنات كتيرة وكانت تجربة ناجحة معاه وممكن برنامج زى ده يشتغل اد ايه هل الاكسيس يكون كويس علشان التطبيق ده انا مش عارف ومش عايز اقولهم ماشى هاعمل برنامج وبعد كده مانجحش فيه تحياتى ،،،
منتصر الانسي قام بنشر يونيو 16, 2004 قام بنشر يونيو 16, 2004 اخي العزيز ماهكذا تكون الاستفسارات لانه يبدو انك اردت دخول مجال الاكسس دون الاطلاع على مميزاته وكنصيحة اقدمها لك قم اولا بالتعمق في بحر الاكسس من الصفر وذلك عن طريق مراجعة الدروس المقدمة في هذا الموقع الرائع إبتداء من كيف تعد الجداول والعلاقات وانتهاء بالتقارير حتى انك ستجد نفسك لاتستطيع الاسغناء عن الاكسس في اي عمل من اعمالك سواء كانت صغيرة او كبيرة (وهذا من واقع تجربة شخصية) . ويجب عليك ان تعلم انك اذا اشتغلت بالاكسس دون دراية ولو متوسطة فانك قد تقوم بتضخيم قاعدة بياناتك لاسباب (غير حجم أو كثرة البيانات) فالعلاقات بين الجداول مثلا قد تؤدي الى ظهور رسالة تنبهك الى عدم وجود سعة في القرص رغم انك لم تدخل سوى عشرة سجلات فقط (هذا مثلا) والسبب الحقيقي هو ان طريقة ربطك للجداول الخاصة ببرنامجك غير صحيحة وهناك الكثير والكثير من المشاكل التي تستطيع تلافيها بالاطلاع الدائم والاستفادة مما تقدمة مواقع مثل موقعنا هذا . لا اريدك ان تشعر بالاحباط نتيجة هذا الكلام ولكن بالعكس فانك لن تستطيع تحقيق ذلك مالم تقوم بالتجربة والخطأ وهكذا وستصل الى كل ماتريده والاكسس مزاياه كبيرة جدا جدا وبمساعدة الاخوة أعضاء المنتدى الاكارم والذين لايبخلون باي معلومات ستحل اي مشاكل او استفسارات قد تواجهك ... في الاخير ماعليك سوى التوكل على الله اولا وعلى عزمك على التعلم عن طريق التزامك بمتابعة الدروس المقدمة في هذا المنتدى وغيره ثانيا وعلى اعضاء المنتدى ثالثا. ارجو المعذرة على طول كلامي وعدم تنسيقة ولكن حبي لهذا الاكسس والموقع هذا يجعلني لا استطيع تمالك نفسي عند الحديث عنهما . مع تحياتي ,,, وبالتوفيق ان شاءالله,,,
جمال فايز قام بنشر يونيو 16, 2004 قام بنشر يونيو 16, 2004 أخى الكريم لعلك أذا بدأت بوضع ماهية العمل المفترض أدائه لعلنا بفضل الله نفيد في وضع تصور أفضل مما وضعته أنت وتجد أنه تقلص عدد الجداول لديك بسبب عدم الحاجة لصنع المزيد من الجداول وهكذا لكن المهم أبداً وبأذن الله لن نتخلي عنك قدر المستطاع والله ولي التوفيق ولا تنسى بان مشوار الألف ميل يبدأ بخطوه المهم أن تبدأ أنت وتخطوها .
Maro2005 قام بنشر يونيو 17, 2004 الكاتب قام بنشر يونيو 17, 2004 متشكر جدا يا اخى منتصر على معلوماتك وشىء جميل حماسك الشديد ده للاكسيس وفعلا زى ما قلت انا مطلعتش على مزايا الاكسيس والشىء الجميل اللى لفت انتباهى فى الموقع ده ان فيه استعداد عند اعضاء المنتدى للتعاون الملحوظ والكرم اللى بينهم ومتشكر جدا ليك اخى جمال على ابداء الاستعداد للتعاون معى على اعادة تصميم الجداول ولو عندك وقت فاضى انا ممكن اشرحلك طبيعة عملى من الالف للياء وعموما انا باشتغل قى وظيفة حكومية بوزارة الطيران المدنى المصرى الف شكر ومع السلامة
جمال فايز قام بنشر يونيو 17, 2004 قام بنشر يونيو 17, 2004 حاضر وفى الخدمة بس أنت أشر ولاحظ أنه سياخذ وقت والله المستعان
Maro2005 قام بنشر يونيو 18, 2004 الكاتب قام بنشر يونيو 18, 2004 أخى الكريم جمال متشكر جدا وهابدأ معاك من الاول بداية احنا ادارة من مجموعة ادارات تابعة لادارة مركزية بوزارة الطيران الادارة ده اسمها ادارة التراخيص طيب بتعمل ايه ادارة التراخيص بتتعامل يا سيدى مع شركات الطيران طب ليه عشان اى شركة فى الدنيا ده عايزه تدخل المجال الجوى المصرى لازم تاخد اذن الاول واحنا الجهة اللى بنعطى الاذن ده طيب ادارة التراخيص مقسومة لخمس حاجات (ادارات) وهى :- ادارة الشركات العربية ، ادارة الشركات الاجنبية ، ادارة الشركات الوطنية ، ادارة الشركات السياحية ، ادارة مراقبة التراخيص بميناء القاهرة الجوى على فكرة اللى بيشتغلوا فى ادارة التراخيص عددهم تقريبا 45 شخص متوزعين على الخمس ادارات يعنى ايه معنى الادارات ده ادارة الشركات العربية:- ده بتتعامل مع الشركات العربية اللى عايزة تصريح زى الخطوط السعودية والقطرية ...... ادارة الشركات الاجنبية:- بتتعامل مع الشركات الاجنبية اللى عايزة تصريح زى لوفتهانزا والخطوط الايطالية ........ ادارة الشركات الوطنية :- بتتعامل مع الشركات الوطنية زى ممفيس اير وميدويست الشركات اللى جنسيتها مصرى.... ادارة الشركات السياحية :-بتتعامل مع الشركات أى كان جنسيتها بس عايزة تصريح علشان رحلة سياحية ادارة مراقبة التراخيص :- بتراقب الشركات اللى خدت التصريح هل هى ملتزمة ببنود التصريح أم لا.. ده ببساطة شديدة جدا عمل الادارات التابعة لادارة التراخيص طيب تعال مثلا ناخد العمل اليومى لادارة زى ادارة الشركات الاجنبية :- اى شركة زى ما قلت عايزه تدخل المجال الجوى عايزة تصريح طيب مين اللى هيقدملها التصريح ده راحت بعض الشركات فتحت لها مكاتب فى مصر عشان تقدم تصريح وعشان تخدم الطيارة والركاب والشركات ده هى اللى بتعمل رحلات منتظمة زى الخطوط الايطالية والفرنسية وغيرها طيب والشركات اللى بتعمل رحلة مثلا كل شهر او رحلات خاصة هل هتفتحلها مكتب علشان الرحلة ده لا طبعا طيب بتعمل ايه بتعين لها وكيل هو اللى مسئول عن تقديم طلب للشركة دى عشان تعمل الرحلة وفى مصر تقريبا 12 وكيل نيجى للعمل اليومى للادارة ده بتعمل ايه :- الشركة او الوكيل بيقدم طلب الطلب ده بتحول لواحد من الادارة بيوافق عليه او بيرفضه يعنى بيوافق على الرحلة ده او لا نيجى بقى لبيانات الطلب(مربط الفرس) يا ترى فيها ايه اذا اتوافق عليها :- 1- رقم التصريح 2- اسم الشركة 3- الوكيل 4- رقم الرحلة 5- طراز الطائرة 6- حروف التسجيل 7- خط السير 8- تاريخ الرحلة 9- توقيت الوصول 10- توقيت الاقلاع 11- نوع الرحلة 11- التصديق العسكرى ده لو الرحلة عسكرية 12- الغرض من الرحلة 13- القيود على الرحلة 14- اسم المصرح (الموظف) 15- ملاحظات وهاشرحلك يعنى ايه الحاجات دى رقم التصريح ده اللى احنا بنعطيه للطلب ومينفعش يكرر مثلا 125F 126F 127F وهكذا اسم الشركةاللى عايزه التصريح زى لوفتهانزا الخطوط الفرنسية وهكذا الوكيل بيقدم للشركة فى حالة ان مالهاش مكتب يخدمها فى مصر وهم تقريبا 12 وكيل رقم الرحلة اللى هاتنفذها الطراز وهو طراز الطيارة مثل A310,A320,B737,B747 وهكذا وكل شركة ليها طرازات مختلفة حروف التسجيل وده زى اسمى واسمك بس للطيارة لا يمكن تلاقى فى اى دولة فى العالم طيارتين لهم نفس حروف التسجيل خط السير وهو مسار تحرك الرحلة مثل جدة/القاهرة/جدة يعنى الرحلة دى جايه من جدة وهتنزل القاهرة وبعد كده هتطلع من القاهرة تروح جدة تاريخ الرحلة واضح طبعا بس الشركة ممكن تقدم طلب عايزة تقوم بالرحلة دى يوم معين أو لفترة معينة يعنى ايه مثال عندى شركة زى بلوبانوراما (ايطالية) وكيلها تايجر مندوب تايجر قدم طلب بيقول فيه ان شركة بلوبانوراما عايزة تصريح علشان تعبر الاجواء المصرية بطائرة طراز B737 وحرف LH-FDH بخط سير روما/ نيروبى/ روما برقم رحلة BPA451/452 فى الفترة من 1/6/2004 حتى 1/12/2004 كل يوم اتنين واربعاء يعنى الطلب مش عشان رحلة واحدة ده الطلب عشان فترة من ، الى ، لايام محددة توقيت الوصول فى حالة العبور توقيت دخول المجال الجوى فى حالة الهبوط توقيت الوصول للمطار توقيت الاقلاع العكس نوع الرحلة يعنى الرحلة دى عشان اغراض مدنية أم عسكرية رقم التصديق العسكرى ده لو كانت عسكرية لازم تاخد موافقة هيئة عمليات القوات المسلحى الاول الغرض من الرحلة هل هى رحلة عبور ، هبوط فنى ، رحلة عمل ، رحلة خاصة .... أنواع معينة اسم المصرح اسم الموظف اللى بحث الطلب وابدى موافقة عليه لانه فيه دورة للتوقيع على هذا المستند تبدأ من الموظف وتنتهى عند رئيس الادارة المركزية القيود على الرحلة وهى قيود معينة زى لو الرحلة جايه لغرض رحلة عمل محرم عليها استخدام تلك الرحلة فى اى اغراض تجارية زى نقل ركاب على الطيارة نقل بضاعة هى جايه لغرض معين وبس ده بنسبة %97 شكل الطلب اليومى لادارة واحدة بس وفيه بعض الحيود فى بعض طلبات اخرى تحب اشرحلك باقى الطلبات اللى بتتقدم للادارات الاخرى ولا استنى شوية ومتشكر جدا جدا مع السلامة
جمال فايز قام بنشر يونيو 20, 2004 قام بنشر يونيو 20, 2004 لنبدأ المسيرة سأبدأ بقرأءة الموضوع بتمحص أكثر للأجابة وأعطاء الاستفسارات قدر الأمكان وبأذن الله موفقين
Maro2005 قام بنشر يونيو 20, 2004 الكاتب قام بنشر يونيو 20, 2004 اخى جمال معلهش نسيت شىء مهم وهو فى البند رقم 8 اللى هو تاريخ الرحلة هيكون فيه تاريخ وصول وتايخ سفر بجانب تاريخ التصديق ويبقى كده بيانات التصديق كالتالى 1- رقم التصريح 2- تاريخ التصريح 2- اسم الشركة 3- الوكيل 4- رقم الرحلة 5- طراز الطائرة 6- حروف التسجيل 7- خط السير 8- تاريخ الوصول 9- تاريخ السفر 10- توقيت الوصول 11- توقيت الاقلاع 12- نوع الرحلة 13- التصديق العسكرى ده لو الرحلة عسكرية 14- الغرض من الرحلة 15- القيود على الرحلة 16- اسم المصرح (الموظف) 17- ملاحظات وشكرا مقدما واتمنى لك التوفيق
Maro2005 قام بنشر يونيو 22, 2004 الكاتب قام بنشر يونيو 22, 2004 ازيك اخى جمال ياريت يكون المانع خير ارجو الا تنسانى
الردود الموصى بها
Join the conversation
You can post now and register later. If you have an account, sign in now to post with your account.