ترتيب الاسم ابجديا حسب الصف والنوع

[2saad]

إخواني الأعزاء بعد سلام الله عليكم ورحمة الله وبركاته

في الملف المرفق عند فتحه يظهر نموذج به عدة أوامر منها زر ( ادخال بيانات تلميذ ) عند الضغط عليه يظهر نموذج لادخال بيانات طالب جديد للجدول باسم ( Tbl_student )

والمطلوب ( محتاج كود أو دالة سواء في جدول أو استعلام ) تقوم بتسكين الطالب الجديد ابجديا بين زملائه حسب الصف والنوع

ولكم جزيل الشكرالبحث وتعديل درجات10.rar

 

[2saad]

up

[Foksh]

6 ساعات مضت, 2saad said:

محتاج كود أو دالة سواء في جدول أو استعلام

وعليكم السلام ورحمة الله وبركاته ,,

تصدقني لو قلت لك اني قرأت الطلب أكثر من مرة وما توضحت لي الفكرة 

 

الآن لما تسجل طالب جديد ، ولنفترض انه رقمه حتماً بيكون 31 بناءً على السجلات اللي عندك في الملف المرفق . ولنفترض ايضاً ان اسم الطالب وسام في الصف الأول أ ... إلخ .

السؤال اللولبي هو انت محتاج يكون ترتيب السجلات في الجدول أبجداً حسب اسم الطالب  

ولا أنا فهمت غلط ؟؟ 

 

تم تعديل منذ 11 ساعات بواسطه Foksh

[2saad]

ههههه شكرا لحضرتك استاذنا الفاضل أنت دائما لك افضال كثيرة علينا 

أنا محتاج زي ما حضرتك تفضلت ان وسام يتسكن ابجديا في الصف الأول  بين ابراهيم وليد               اريج عبدالحميد

وانا آسف علي تعبك معايا

[Foksh]

13 دقائق مضت, 2saad said:

وسام يتسكن ابجديا في الصف الأول  بين ابراهيم وليد               اريج عبدالحميد

فسرها لي دي ..

ابراهيم
وسام
اريج

إزاي !!!!!!!!!!!

أبجدياً يفترض يكون وسام آخر طالب !!!

[2saad]

لاحظ حضرتك في جدول الطلاب يوجد تلاميذ في الصف الأول  والصف الثاني والثالث والرابع وهكذا 

فلو اضفنا  التلميذ (وسام ) وهومثلا في (الصف الأول ) ونوعه (ذكر )  هيبقي اخر اسم في الجدول

لا أنا مش عايزه ينزل آخر اسم

أنا عايزه ييسكن مع تلاميذ الصف الأول مع الذكور  في الترتيب الابجدي وبهذا هيكون ترتيبه تحت ابراهيم وليد

يا ريت تكون الفكرة وصلت

[Foksh]

طيب اسمح لي بسؤال غريب شوية ..

المستخدم للبرنامج هيستفيد ايه ؟؟؟؟؟

المفروض الجداول تكون غير ظاهرة ليك كمستخدم !!!!!🙄

 

إنت بس وصلني للهدف واتركها على الله

[2saad]

البرنامج يخصني أنا ساعدني في تصميمه الأستاذ المحترم أبو خليل زاده الله في علمه وبارك الله في صحته 

أنا بستخدم البرنامج في المدرسة طبعا بعد تطويره 

وعندما اعمل قوائم الفصول أجد الاسم الأخير يأتي بعد الإناث ( لأن أنا بعمل قائمة الفصل علي عمودين واحد للذكور وواحد للإناث وبالتالي أجد الاسم المضاف حديثا لو ذكر أجده يأتي في آخر القائمة وبالتالي يكون غير مرتب ابجديا

وكمان عندما اطبع فرقة كاملة أجد الاسم المضاف حديثا يأتي في آخر الفرقة سواء ذكر أو انثي .

ملحوظة هامة : أنا بأبجد الاسماء في شيت اكسيل وبعدها بصدره للأكسس

ولكن لو قدم للمدرسة طالب جديد اضطر لتسجيله عن طريق نموذج التسجيل في الاكسس وبالتالي تحدث المشكلة المراد حلها 

أتمني ان أكون وصلت الفكرة وشكرا لحضرتك

 

[ناقل]

9 دقائق مضت, 2saad said:

وعندما اعمل قوائم الفصول أجد الاسم الأخير يأتي بعد الإناث ( لأن أنا بعمل قائمة الفصل علي عمودين واحد للذكور وواحد للإناث وبالتالي أجد الاسم المضاف حديثا لو ذكر أجده يأتي في آخر القائمة وبالتالي يكون غير مرتب ابجديا

وكمان عندما اطبع فرقة كاملة أجد الاسم المضاف حديثا يأتي في آخر الفرقة سواء ذكر أو انثي

بعد اذنك سيد @Foksh

ممكن عمل ذلك عن طريق النموذج أو التقرير دون الحاجة لطريقتك هذه

[2saad]

شكرا لحضرتك

ينفع ذلك عن طريق الاستعلام ؟  وكيف ؟

لأن بحتاجها كمان في ترتيب ارقام الجلوس واللجان يكون عندنا الذكور أولا والإناث ثانيا

 

 

[Foksh]

3 دقائق مضت, ناقل said:

بعد اذنك سيد @Foksh

 

بالعكس ،، اُسعد بمشاركتكم ..

هي الفكرة انه مش عايز يغير باعدادات او اكواد او برمجة النماذج اللي شغالة معاه تمام ، فبيحاول يوصل لهدفة من خلال النموذج ده .

 

على العموم لا اعتقد ان يمكنك تطبيق اكثر من فلترة على الجدول .. وبالتالي لديك عدة خيارات وكتيرة وده ما اعتقدش انه هيكون في مصلحتك لما تكبر قاعدة بياناتك .

أحد الحلول كما تفضل الاستاذ @ناقل .

[ناقل]

51 دقائق مضت, 2saad said:

شكرا لحضرتك

ينفع ذلك عن طريق الاستعلام ؟  وكيف ؟

لأن بحتاجها كمان في ترتيب ارقام الجلوس واللجان يكون عندنا الذكور أولا والإناث ثانيا

قمت لاحظ الاستعلام قام بتصفية الصف الاول واضفت طالب وسام ذكر وقام الاستعلام بترتيبة .... هل هذا الترتيب هو المطلوب لديك ؟؟؟