مهارات وحيل وافكار متقدمة

[خالد نور]

السلام عليكم ورحمة الله وبركاته

مقدمه

لكى تضع قدمك على طريق الاحتراف للاكسل وتحلق فى سماء التميز والاحتراف عليك بالآتى :-

1- أن تعتمد على الله وتسأله العون والمدد وان تكون صادق النيه

2 - ان تكون صديق للاكسيل اى نعم صديق فلا تخشى البرنامج والمعادلات والمربعات الى اخره واعلم انه سيكون مساعدك الامين الذى سينجز لك اعمالك بدقة وسرعة وتميز ويجعل صورتك امام مديريك بأنك واد عبقرى ولم تنجب البشرية مثلك

3- ان تسعى للتعلم بدأب واستمرار وأن تجرى وراء المعلومة حتى ولو كانت من من هو أصغر منك علما فقد يكون يعلم معلومة لا تعرفها أنت وأياك ان تدعى انك اصبحت عالم فى اكسيل والا ستكون هذه بدايه النهايه

4 - فى مرحلة التعلم الاولى ابداء بما هو سهل حتى تدرج فيما هو اصعب ولا شىء صعب فى العلم

5 - ضع لنفسك هدف بأنك ستصبح متفوق جدا فى اكسيل

6 - طبعا ده اهم حاجة تبقى على اتصال بمنتدى أوفسينا فيه دروس خصوصية أحترافية ببلاش مش هتلاقيها بره وفيه ناس محترفه بجد أدعى نوصل لمستوى علمهم أمين

7 - وأخرا بعد متبقى محترف ومحدش يملى عينك وتبقى واد فلحوس وعبقرى متنساش اخوك خالد نور بدعاء فى ظهر الغيب

بعد هذه المقدمه المهمه فى رائى دعونا نحدد هدف هذه المشاركة

لكن بعد هذا الفاصل

[خالد نور]

عـــــــدنا

دعونا نحدد الهدف من المشاركة هى معرفة اسرار وحيل موجودة فى البرنامج ولكن معظم المستخدمين لا يعلمها او لا يستخدمها وهى تنجز اعمال مهمة جدا واستخدامها سهل جدا

وان تكون هذة المشاركة مفتوحه لجميع الاعضاء ليدلو كل منا بدلوه من افكار ومميزات سهله الاستخدام اى السهل الممتنع ولكن بشرط بعيدا عن الاكواد تماما

فموضوعنا منصب على استخدام مميزات البرنامج الموجودة فيه

وبعد اذنكم امنحونى شرف البداية .

** لو كان عندك بيانات فى عمود وتريد أن تلصقها فى صف ماذا تفعل **

بسيطه اعمل نسخ لبيانات العمود وقف على اى صف يعجبك واضغط كليك يمين واختار past special لزق خاص وعلم على Transposeواضغط ok بس خلاص خلص الموضوع وبدل البيانات ما كانت فى عمود بقت فى صف

طيب لو العكس لو كانت البيانات فى صف وعايز انقلها فى عمود بسيطة هى هى نفس الاجراءات

** المشاركة القادمة : كيف تنسخ البيانات الظاهرة فقط بدون الصفوف والاعمدة المخفيه التى تقع وسط البيانات الظاهرة

[خالد نور]

لصق الظاهر فقط بدون البيانات المخفيه

** عندك بيانات فى ورقة بعضها مخفى والاخر غير مخفى لو عملت نسخ ولصق هتلاقى كله اتنقل المخفى والغير المخفى واحنا عايزين ننسخ الظاهر فقط ايه الحل؟

بسيطة علم على البيانات كلها واضغط كليك ctrl+G هيظهرلك مربع حوارى أضغط على Special هيظهرلك مربع حوارى أخر يسمى Go to special فى نفس هذا المربع اسفل اليمين هتلاقى visible cell Only علم عليه واضغط ok بسرعة مفيش وقت هتلاقى نفس رجعت لورقة العمل والبينات متعلم عليها أنسخها وهى متعلم عليها ctrl+C وبعد كده الزقه فى اى مكان ctrl+ V هتلاقى البيانات اللى ظاهرة بس هى اللى تلصقت اى خدمة

المرة القادمة حاجة جامدة جداا إن شاء الله

[elmounir2010]

استاذي العزيز خالد نور انا تاجر في مجال الدواجن وقمت بعمل برنامج بدائي للحسابات الخاصة بي ولكن اريد عمل نظام افضل من ذلك بمعني تقرير خاص بكل عميل عن المسحوبات والمدفوعات تقرير خاص بالارباح والخسائر صفحة خاصة بالمصروفات وعمل ازرار تحكم في كل هذا ولكم جزيل الشكر وارجو ارسال الملف علي الايميل الخاص بي

elmounir2010@yahoo.com

[خالد نور]

اخى العزيز الكريم elmounir2010 دخلت ابو قرش على ابو قرشين هذه المشاركة خاصه بالمهارات المتقدمة فلا نريد الخلط فممكن ان تبداء موضوع جديد وتضع فى هذا الموضوع ليتسنى لك الحصول على مساعدة جميع الاعضاء

والرجاء أن توضح لى فى الموضوع الجديد هل تريد نظام اخر ام تريد اشياء محددة على برنامجك

وانا تحت امرك اخى العزيز جزاك الله خيرا ووفقك لما تريد

[elmounir2010]

اخى العزيز الكريم elmounir2010 دخلت ابو قرش على ابو قرشين هذه المشاركة خاصه بالمهارات المتقدمة فلا نريد الخلط فممكن ان تبداء موضوع جديد وتضع فى هذا الموضوع ليتسنى لك الحصول على مساعدة جميع الاعضاء

والرجاء أن توضح لى فى الموضوع الجديد هل تريد نظام اخر ام تريد اشياء محددة على برنامجك

وانا تحت امرك اخى العزيز جزاك الله خيرا ووفقك لما تريد

<{POST_SNAPBACK}>

شكرا اخي الحبيب علي هذا الرد الجميل وآآسف علي المداخلة الغير مناسبة لموضوعكم

[ادم]

الله ينور ياعم خالد

مشاركة جميلة وممتازة

وفى انتظار المزيد

وفقك الله

[ادم]

اين انت يا أستاذ خالد

نرجو المزيد

وارجو من جميع الاعضاء تشجيع كل من بادر بمشاركه مفيدة وجميلة

وتأكد يا استاذ خالد ان هناك اخرون فى انتظارك

فلا تستغرب عدم التفاعل

ياله عاوزين حاجة قوية منك

[هادى محمد المامون سالم]

الله يفتح عليك

[خالد نور]

بسم الله الرحمن الرحيم

فى البداية احب ان اشكر الاستاذ ادم والاستاذ hs889 على تواصلهم واحب ان انوه بانى اردت ان اجعل المشاركة مفتوحة لجميع من لديه معلومة جيدة فليضعها حتى لو كانت بسيطة فهناك من لا يعرفها حتى يستفيد الجميع وليس شرطا ان تكون المعلومة من الطراز الاول فالاشياء السهلة تنسى سريعا

الموضوع هذه المرة إن شاء الله على المجاميع الفرعية subtotals

ندخل فى الموضوع مباشرة :

ركز معايا الله يكرمك الموضوع كبير

عندك جدول كبير به اسماء موظفين ومبالغ وعايز تعمل لكل مجموعة مصنفة بمعنى كل وظيفة على حدا نعرف المبلغ الاجمالى لهم وكمان نطبعهم فى ورقه منفصلة اى كل مجموعة فى ورقة وكمان تعرف اجمالى المبالغ للمجموعات كلها كام وكمان تقدر تستعرض المجاميع بالاسماء اوالمجاميع فقط او المجموع النهائى فقط

حاجات كثيرة جدا طيب والعمل

تقدر تعمل ده كله فى خطوتين

1- أعمل فرز على العمود اللى عايز تقسم علية المجاميع مثلا عامود الوظيفة ثم علم على جدول البيانات كله ( على الجدول فقط)

2- من القوائم اختار DATA ثم اختار subtotals هيظهرلك مربع حوارى كما فى الصورة المرفقة (3)

اسف جدا لم استطيع وضع الصور عموما فى ملف مرفق

ثم من اول اختيار at each change in: اخنار منه العمود المراد التقسيم الى مجموعات فرعية على اساسه

من ثانى اختيار Use Function أختار العملية الحسابية المراد عملها على الآعمدة اى تحدد ماتريد مجموع – متوسط – عدد واستكشف بنفسك باقى الوظائف

من ثالث اختيار add subtotal to اختار وعلم فى المربع المجاور لكل عامود على الاعمدة المراد ان يتم عليها تشغيل الوظيفة المختارة من الاختيار الثانى فى حالتنا مثلا هنعلم على عامود المبلغ فقط وهو المراد جمعه

بعد كده هتلاقى 3 اختيارات علم عليهم الثلاثة والاختيار الثانى منهم خاص بعمل فواصل للمجاميع لطبع كل مجوعة فى ورقة خاصة (وليس شرط ان كل مجموعة ورقة واحدة ممكن تكون اكثر من ورقة المهم ان لا يقوم بأدخال مجمعوتين مع بعض

بعد كده اضغط ok ياجميل وشوف النتيجة هتلاقى كله تمام والشيت اتحول تماما

وعلى يساره هتلاقى ارقام 1 2 3 لما تضغط على اى واحده هتغير فى عرض البيانات جرب بنفسك لمعرفتها

طبعا متنساش قبل ماتطبع تثبت الصف الاول من الجدول علشان يظهر فى كل الاوراق ( نعم تثبته ازاى) طيب خليها دى فى المشاركة القادمة بإذن الله

يوجد ملف مرفق

ارجو من الله ان اكون قد وفقت فى الشرح

subtotals.rar

[aly_moh]

جزاك الله كل خير و وفقك لما يحبة و يرضاه

علي محمد

[خالد نور]

لتثبيت الآسطر الاولى او العنوان لتظهر فى كل ورقة مطبوعة اليكم وصلة لشرح لآخى hs889 مدعمة بالصور

http://www.officena.net/ib/index.php?showt...527entry51527

[خالد نور]

For Up

[خالد نور]

المرة القادمة ان شاء الله شرح اللصق الخاص

[أبو جديد]

أخي / خالد نور

تسلم على هذا الشرح الجميل وننتظر منك المزيد والله يعطيك العافية.

[هادى محمد المامون سالم]

اخى خالد

تاخرت كثيرا

الجميع فى انتظار المزيد

اللهم اجعله فى ميزان حسناتك

السلام عليكم

[المالكي333]

ألف ألف شكر أخي الكريم خالد نور على موضوع رائع كهذا. وطالما أنك فتحت باب المشاركة فأرجو السماح لي بالمعلومة التالية لمن لا يعرف:

بالإمكان تزيين ورقة عملك أو واجهة برنامجك على الأكسل بتقويم جميل لأيام وأشهر العام أو ما يسميه الأخوة المصريون ( نتيجة ) .. بسيطة جدا مثلما يقول أخونا خالد نور.

من شريط الأدوات العلوي نأخذ .. إدراج .. كائن .. كاليندر كنترول. وخلاص.

[mojahedxp]

اخى مهما قلت لك فلن اوفيك جزائك شكرا

فبارك الله فيك وجزاك خير جزاء

موضوع رائع وكلمات تتللألأ فى سماء المنتدى نرجو سرعة ارسال هذه التحف الغالية باسرع وقت

والسلام عليكم ورحمة الله وبركاته

[Guest hofn]

جزاكم الله خيرا على هذه المعلومات ونحتاج الى المزيد

[خالد نور]

أخوانى الاعزاء لكم التحية والشكر جميعا و الرجاء معذرتى على تأخيرى لآنى فعلا مشغول جدا جدا وأمر علىالمنتدى سريعا

ولآخى المالكى أشكرك على هذه المشاركة الجميلة جدا وياريت تكون فاتحة خير لكل من لديه معلومة جميلة يقوم بوضعها فى هذه المشاركة فالرجاء لا يبخل أحد بأى معلومة مفيدة

وتقبلوا تحياتى العطرة

[خالد فتحي عبد الفتاح]

بارك الله فيك