عمر ضاحى قام بنشر أغسطس 15 قام بنشر أغسطس 15 ::بسم الله نبدأ:: السلام عليكم ورحمة الله وبركاته اخوتي الكرام كل عام وانتم بخير اليوم وكما هو موضع من عنوان الموضوع موضوعنا عن ربط برنامج الاكسيس بصفحات الويب وهنا اخص لغة ال PHP كان فى سائل عن امكانية ربط برنامج الاكسيس بالنت علشان يسمح للمرضي بتحميل التقارير الخاصه بهم ورديت عليه تقريبا ان الموضوع صعب لكن اليوم اقدم لكم طريقه اتمني ان تكون سهله وواضحه واعذروني على المقدمة الطويله ورقاقة الكلمات نبدأ اولا بالادوات الازم توفرها:- 1- XAMPP يمكن تحميله من هنا 2- Connector/ODBC MYSQL يمكن تحميله من هنا ويفضل تنزيل النسخه 8.0.31 انا عن نفسي شغال بالاصدار 8.0.31 (وشغال تمام) وممكن تحمله من هنا للنسخه 32بت ومن هنا للنسخه 64بت 3- ActiveX WebBrowser control (antview) يمكن تحميل هذه الاداة من هنا او رابط مباشرة من هنا 4- PHP File's & Access File هنا يمكن تحميل الملفات التى قمت بالعمل عليها :: نبدأ بتسطيب برنامج XAMPP :: وهو المحاكي الذى سيعمل فيه بيئة ملفات ال php طبعا المفترض ان هناك دومين موجود بالفعل واستضافة والذى سيتم تنصيب الخدمه عليه وعن طريقها سيكون متاح للمريض ان يحمل تقريره لكن الموضوع هنا للتعليم فنبدأ اولا بتسطيب البرنامج ليس بالامر الصعب بل سهل جدا وحتى لا يطول الشرح اذا واجهتك مشكلة فى تسطيب البرنامج يمكن كتابة وصور المشكله او البحث فى اليوتيوب وهتلاقى الحل المناسب (لكن عموما كل ال هتعمله اوافق والتالى التالى شكرا) بعد تنصيب البرنامج وهذه واجهته ويجب يكونو هكذا هنضغط على مفتاح Explorer او نذهب الى المسار هذا C:\xampp او حسب المكان الذى سطبت البرنامج فيه هندخل على المجلد htdocs وهنا هننسخ مشروعنا ويفضل متلعبش فى الملفات التى داخل المجلد htdocs غير لو انت فاهم بتعمل ايه نرجع لموضوعنا هننسخ الملف ال اسمه LAB وهنضعه فى المجلد htdocs هنفتح المتصفح وندخل على الرابط التالى http://localhost/phpmyadmin/ وهنبدأ بانشاء قاعدة بيانات جديده وهنسميها db_lab بعدها هندخل على القاعدة التى تم انشاءها وهنعمل عمليت استيراد هنضغط على استعراض وهنروح للمسار C:\xampp\htdocs\LAB هنلاقى فى ملف نفس اسم قاعدة البيانات وبعدها هننزل تحت وهنضغط على import وبهذا نكون قد انتهينا من رفع القاعدة نذهب الى هذا الرابط ونتحقق ان كل شئ تمام http://localhost/lab/ لو ظهر لك هذا الشاشة يبقي امورك فى التمام والحمد لله اذا لا بيكون فى خطأ حصل نبدأ نسطب برنامج Connector/ODBC MYSQL (( لا يحتاج الى شرح الامر بسيط وسهل وايضا حتى لا يطول الموضوع )) من هنا هنحتاج الى تركيز الامور بسيطه لكن لازم تتعمل صح هنروح للكنترول بنل لو انت شغال على وندوز 11 لو انت شغال على وندوز 10 هنا هتختار واحد منهم حسب اصدار الاوفيس عندك 32بت ولا 64 بتحميل انا هنا اصدار 64 بت هنكتب الاعدادات كما فى الصورة بالظبط لو انت حاطط كلمة سر لل phpmyadmin هتحطها وتضغط اوك بعد ما تختار القاعده الخاصه بك وبكده نكون انتهينا من هذا الجذء نبدأ تثبيت برنامج ActiveX WebBrowser control (antview) وده ال هيكون مسؤول عن استعراض صفحات الويب داخل الاكسيس وهي اداة ممتاذه عيبه تقريبا حسب الموقع انها مش مجانيه لو فى اى احد عنده طريقة نستخدم خاصية webview2 هي موجوده فى اوفيس 365 تقريبا وحسب ما سمعت انها بتنزل متضمنه لكن فى الاصدارات ال معانا مش موجوده او اى اداة اخري تكون مجانيه 100% يبقي تمام تثبيت البرنامج لا يحتاج شرح ^_^ نرجع لملف التطبيق الاكسيس ^_^ ونفتح البرنامج عادي بعد ما تم تثبيت كل الادوات السابق ذكرها وبرنامج الاكسيس هتلاقيه فى مجلد اسمه APP ممكن تنقله لاى مكان عادي وللعلم تم اضافة مكتبة واكود QR Code اخذتها من موضوع استاذى الاستاذ @ابو جودي فى موضوع الفاتورة الالكترونية 🤲 ربنا يبارك فيه وفى جميع اساتذتى هنا 🤲 نفتح ملف الاكسيس ونتأكد ان جميع المكتبات تعمل وليس هناك اى مكتبه مفقوده نركز على الصوره التالية هنتحقق من التالى ان الجداول متصله والمطلوب انك تفتح اى جدول للتأكد انه يعمل الاتصال جيدا هنفتح النماذج اول نموذج معانا FrmGenerator_User هنا انت لو عاوز تعمل اسم مستخدم وكلمة مرور ال هيدخل بيها المريض عندك كما هو موضح من الصورة حلين اما الاكسيس يعمل اسم مستخدم وكلمة سر عشوائية (1) او انت تعمل للمريض اسم مستخدم وكلمة سر يديوية (2) بعد ما تضيف حساب المريض هيكون هنا عندك القدرة على اضافة التقارير للمريض تابع الصور التالية يمكنك تحديد اكثر من ملف هنا فى الكود يسمح لك باستعراض ملفات الصور وال pdf بعد رفعها لو هناك اى ملاحظات تريد ان تسجلها يمكن هذا هتكتب الملاحظه وتعمل حفظ 😁 التالى لو انت عاوز تحول كلمة سر الى كود هاش هذا لو فرضا انك عاوز تغير كلمة السر لحساب ما وللعلم التشفير فى نظام ال PHP تشفير بالهاش هو تشفير فى اتجاه واحد يعنى يمكن عمل مطابقة لكلمة السر مع الهاش لكن متقدرش تحول الهاش الى كلمة سر طبعا ده علشان الحماية وده سياسة التشفير فى PHP والله اعلم او لو عاوز تتحقق من كلمة السر (يعني معاك كلمة السر والهاش وعاوز تتحقق انهم مطابقين ) هتضغط على التحقق وهو هيتحققلك بعد ما تم اضافة حساب للمريض عن طريق نموذج انشاء الحسابات وتم رفع الملفات للمريض هنروح على نموذج انشاء ال QR Code هنختار اسم حساب المريض من القائمة (قائمة المرضي) ونضغط على تصدير رمز ال QR اعتقد اني شرحت كل الامور واذا كان هناك اى مشكلة اقدر احلها لا تتردد فى الاستفسار وهتلاقى الجميع هنا بيسعدك بعض الملاحظات الواجب التنبيه لها يجب ان تغير عنوان الموقع اما للدومين اذا كان لديك دومين مع تعديل مسار البرنامج اذا لزم الام او كتابة عنوان الكمبيوتر الخاص بك اذا كنت تريد التجربه علشان لما تقراء كود QR يدخلك على الصفحه بطريقة صحيحة طريقة التعديل :- هتروح على كود نموذج انشاء كود QR وتعدل على العنوان بدل 127.0.0.1 وكل عام وانتم بخير وختاما نسألكم الدعاء لوالدتي الله يرحمها والشفاء لوالدي ربنا يبارك فى صحته ولا تنسونا من صالح دعواتكم الطيبة 6 1
ابوخليل قام بنشر أغسطس 15 قام بنشر أغسطس 15 اللهم اغفر لوالدة عمر وارحمها وارفع درجاتها في عليين اللهم واشف وعاف والد عمر شفاء لا يغادر سقما جزاك الله خيرا وزادك علما ورزقا وجعل عملك خالصا لوجهه .. وفي ميزان حسناتك 1
AlwaZeeR قام بنشر أغسطس 15 قام بنشر أغسطس 15 السلام عليكم ورحمة الله وبركاته رحم الله والدتك واسكنها الفردوس الاعلى مع النبيين والشهداء وحسن أولئك رفيقا اللهم اشف والدك وعافه واعد عليه الصحة والعافية اللهم امين موضوع جميل ومتعوب عليه في ميزان حسناتك ان شاء الله تحياتي 1
ابو جودي قام بنشر أغسطس 15 قام بنشر أغسطس 15 اسأل الله تعالى من واسع فضلة العظيم الرحمة والغفران لوالدتكم و والدى ولكل المسلمين الاحياء منهم والاموات واللهم رب العالمين أذهب البأس رب الناس واشف أنت الشافي لا شفاء إلا شفاؤك شفاءً لا يغادر سقماً يارب اشف والد اخينا عمر واشف كل مريض يارب العالمين اللهم امين امين امين 🤲 1
عمر ضاحى قام بنشر أغسطس 15 الكاتب قام بنشر أغسطس 15 منذ ساعه, ابوخليل said: اللهم اغفر لوالدة عمر وارحمها وارفع درجاتها في عليين اللهم واشف وعاف والد عمر شفاء لا يغادر سقما جزاك الله خيرا وزادك علما ورزقا وجعل عملك خالصا لوجهه .. وفي ميزان حسناتك اشكرك استاذى الحبيب على مرورك واللهم امين منذ ساعه, AlwaZeeR said: السلام عليكم ورحمة الله وبركاته رحم الله والدتك واسكنها الفردوس الاعلى مع النبيين والشهداء وحسن أولئك رفيقا اللهم اشف والدك وعافه واعد عليه الصحة والعافية اللهم امين موضوع جميل ومتعوب عليه في ميزان حسناتك ان شاء الله تحياتي اللهم امين واشكرك على مرورك منذ ساعه, ابو جودي said: اسأل الله تعالى من واسع فضلة العظيم الرحمة والغفران لوالدتكم و والدى ولكل المسلمين الاحياء منهم والاموات واللهم رب العالمين أذهب البأس رب الناس واشف أنت الشافي لا شفاء إلا شفاؤك شفاءً لا يغادر سقماً يارب اشف والد اخينا عمر واشف كل مريض يارب العالمين اللهم امين امين امين 🤲 اللهم امين يا رب العاملين واشكرك على مرورك استاذى الحبيبي
Moosak قام بنشر أغسطس 15 قام بنشر أغسطس 15 أسأ الله العظيم رب العرش العظيم أن يمن بالرحمة والغفران على جميع موتاكم وموتى المسلمين وأن يلبسكم ووالديكم وذويكم لباس الصحة والعافية.. يا الله يا رب العالمين 🙂👐🏻 أحسنت وأبدعت وأتقنت باش مهندس عمر .. موضوع جميل ويفتح بوابة لآفاق أوسع ما كنا نحسبها ممكنة في السابق .. 😊 فعلا العالم يتغير 😉👌🏻 1
عمر ضاحى قام بنشر أغسطس 15 الكاتب قام بنشر أغسطس 15 1 دقيقه مضت, Moosak said: أسأ الله العظيم رب العرش العظيم أن يمن بالرحمة والغفران على جميع موتاكم وموتى المسلمين وأن يلبسكم ووالديكم وذويكم لباس الصحة والعافية.. يا الله يا رب العالمين 🙂👐🏻 أحسنت وأبدعت وأتقنت باش مهندس عمر .. موضوع جميل ويفتح بوابة لآفاق أوسع ما كنا نحسبها ممكنة في السابق .. 😊 فعلا العالم يتغير 😉👌🏻 اللهم امين ويسعدنى مروركم الكريم ويشرفني اشادتكم 🌹🌹🌹 🌹🌹🌹
محمد سلامة قام بنشر أغسطس 15 قام بنشر أغسطس 15 رحم الله والدتك واسكنها الفردوس الاعلى من الجنة اللهم اشفي مرضانا ومرضاكم ومرضا المسلمين وجزاك الله خيرا الموضوع هيفتح آفاق لموضوعات أخري بس سؤال انت اصلا أنشئت الموقع قبل الربط ؟ يعني انت اللي مصممه . . أعذر جهلي لاني مش ملم بالنقطة دي تحياتي
عمر ضاحى قام بنشر أغسطس 16 الكاتب قام بنشر أغسطس 16 (معدل) 18 ساعات مضت, M.Abd Allah said: الله ينور عليك يا هندسه شغل عمالقه بصحيح 🌹🌹🌹 وعليك يا باش مهندس ^_^ ويشرفنى مروركم الكريم 🌹 12 ساعات مضت, محمد سلامة said: رحم الله والدتك واسكنها الفردوس الاعلى من الجنة اللهم اشفي مرضانا ومرضاكم ومرضا المسلمين وجزاك الله خيرا الموضوع هيفتح آفاق لموضوعات أخري بس سؤال انت اصلا أنشئت الموقع قبل الربط ؟ يعني انت اللي مصممه . . أعذر جهلي لاني مش ملم بالنقطة دي تحياتي اللهم امين يا رب العالمين الفكريه مبنيه على ازاى اجعل المريض يقدر يحمل تقريره اون لاين فكان ولا بد من وجود وسيط يمكن نقل التقرير عن طريقه من الاكسيس (المعمل) الى المريض وانشاء بيئة العمل للموقع اجبارى اولا لانك كيف يمكن الربط مع mysql وليس هناك بيئة العمل للسيكول ولغة php فلذا قمت بعمل تصميم بسيط واستعنت فيه بالذكاء الصناعي علشان انجز بعض المعطيات كان ممكن تاخد منى وقت اذا اردت عملها بنفسي فخلفيتى فى لغة ال php ليس كبيره لكن تمكنني من فهم الادوات التى تحت ايدي لهذا قمت ببرمجة كام صفحه للغرض المطلوب مع الاستعانه بصفحة الدخول جاهزه مع التعديل عليها بما يتناسب مع المطلوب منها واذا كان هناك شئ غير مفهوم او انا لم اجب على استفسارك بالمطلوب يا ريت توضح لى تم تعديل أغسطس 16 بواسطه عمر ضاحى 1
محمد سلامة قام بنشر أغسطس 16 قام بنشر أغسطس 16 2 ساعات مضت, عمر ضاحى said: وعليك يا باش مهندس ^_^ ويشرفنى مروركم الكريم 🌹 اللهم امين يا رب العالمين الفكريه مبنيه على ازاى اجعل المريض يقدر يحمل تقريره اون لاين فكان ولا بد من وجود وسيط يمكن نقل التقرير عن طريقه من الاكسيس (المعمل) الى المريض وانشاء بيئة العمل للموقع اجبارى اولا لانك كيف يمكن الربط مع mysql وليس هناك بيئة العمل للسيكول ولغة php فلذا قمت بعمل تصميم بسيط واستعنت فيه بالذكاء الصناعي علشان انجز بعض المعطيات كان ممكن تاخد منى وقت اذا اردت عملها بنفسي فخلفيتى فى لغة ال php ليس كبيره لكن تمكنني من فهم الادوات التى تحت ايدي لهذا قمت ببرمجة كام صفحه للغرض المطلوب مع الاستعانه بصفحة الدخول جاهزه مع التعديل عليها بما يتناسب مع المطلوب منها واذا كان هناك شئ غير مفهوم او انا لم اجب على استفسارك بالمطلوب يا ريت توضح لى تمام وصلت الفكرة جزاك الله خيرا وانار طريقك 1
عمر ضاحى قام بنشر أغسطس 16 الكاتب قام بنشر أغسطس 16 18 دقائق مضت, abouelhassan said: شكر وتقدير واحترام من اخيك يسعدني مروركم الكريم 🌹🌹🌹
safaa salem5 قام بنشر أغسطس 16 قام بنشر أغسطس 16 المفروووض البوست دا يتبروز ويتحط فى اعلى مكان فى الصفحه من كتر الجمال اللى فيه . انا طبعا قدامى شهر علشان افهم الابداع اللى انت عامله دا .. ان شاء الله هفهمه لانى هحتاجه جدا فى برنامجى .. جزاك الله خيرا انت انسان خدوم ومحترم مابتتأخرش على حد شكرا لحضرتك
عمر ضاحى قام بنشر أغسطس 17 الكاتب قام بنشر أغسطس 17 11 ساعات مضت, safaa salem5 said: المفروووض البوست دا يتبروز ويتحط فى اعلى مكان فى الصفحه من كتر الجمال اللى فيه . انا طبعا قدامى شهر علشان افهم الابداع اللى انت عامله دا .. ان شاء الله هفهمه لانى هحتاجه جدا فى برنامجى .. جزاك الله خيرا انت انسان خدوم ومحترم مابتتأخرش على حد شكرا لحضرتك اشكرك اختى الكريمه على الاشادة الجميله والفكره بسيطه ان شاء الله ما تحتاجي لوقت لفهمها وانا حاليا شغال على حل اخر لمن قد يواجه مشكلة فى Connector/ODBC MYSQL بحيث يمكن عرض البيانات المريض المخزنه على my sql دون الاتصال بواسطة Connector/ODBC MYSQL
عمر ضاحى قام بنشر أغسطس 17 الكاتب قام بنشر أغسطس 17 (معدل) التحديث 2:- 1- تم برمجة نماذج الاكسيس للتعامل مع قاعدة البيانات (mysql) بدون استخدام Connector/ODBC MYSQL (حيث تم عمل صفحات وتعديل الاكواد للتعامل مع الوسيط الجديد "صفحات php") 2- تم اضافة صفحه لعرض وتعديل وحذف المستخدمين 3- تم تعديل صفحه تعديل البيانات لربطها مع الصفحه عرض البيانات 4- تم اضافة نموذج جديد وجدول جديد لحفظ اعدادات الموقع (الهوست) ..... وبعض الامور يمكنك استكشافها بنفسك (الغرض منها التيسير على تعديلات الاكواد فبدل ما كان كل ما تحب تغير العنوان تذهب لكل كود وتعدله ) ((( سبب هذا التحديث : لاحظت ان اغلب مواقع الاستضافة لا تسمح باستخدام الاتصال عبر ODBC لقواعد البيانات الخاصه بها وهذا للامور الحماية لهذا قمت بعمل تعديلات على الصفحات وازالة بعض الامور التى لا تتماشي مع الوضع الجديد لان ف الاصل ان الموقع ليس محلى انما له دومين معروف وسهل الاتصال به والتعامل معه وقد تم التجربه على دومين فرعي لصديق عندي وجميع الصفحات تعمل بدون اى مشاكل ان شاء الله ))) فى نقطه حابب انوه عليها وهي فى غاية الاهمية طبعا جميع الصفحات موجوده لغرض التعلم واخذ الافكار منها لذا عند محاولة تنفيذ الفكره لابد ان تأخذ فى الاعتبار طرق الحماية وطريقة عمل اكثر فاعليه وهذا قد يتطلب وجود مبرمج المحاولة بنفسك وعمل الصفحات واخذ الاكواد وفهم الالية التى تعمل بها الصفحات وطريقة جلب البيانات من الصفحات الى الاكسيس وغيرها من الامور لا مانع لكن اكرر لابد ان تجعل الصفحات اكثر حماية والتحقق من انه ليس هناك اى ثغره قد يستغلها اصحاب النفوس المريضه 😠 وبها قد يخترق القاعده والتعديل على الصفحات 😨 اذا نويت تطبيق هذا على دومين 🙂 المرفقات هي الصفحات التى تم تعديلها وتم اضافتها وملف الاكسيس بعد التعديل عليه (هناك بعض التحسينات جاري العمل عليها للصفحات لكن محتاج وقت وحين الانتهاء منها سوف ارفع الملفات من جديد بعد الانتهاء من التحسينات) APP.rar LAB.rar تم تعديل أغسطس 17 بواسطه عمر ضاحى اضافة ملف مرفق اخر 3
safaa salem5 قام بنشر أغسطس 17 قام بنشر أغسطس 17 10 hours ago, عمر ضاحى said: اشكرك اختى الكريمه على الاشادة الجميله والفكره بسيطه ان شاء الله ما تحتاجي لوقت لفهمها وانا حاليا شغال على حل اخر لمن قد يواجه مشكلة فى Connector/ODBC MYSQL بحيث يمكن عرض البيانات المريض المخزنه على my sql دون الاتصال بواسطة Connector/ODBC MYSQL هو انا لازم يكون عندى موقع عشان اعمل القصه دى كلها.. طب لو لازم هل فى مواقع مجانيه
عمر ضاحى قام بنشر أغسطس 18 الكاتب قام بنشر أغسطس 18 12 ساعات مضت, safaa salem5 said: هو انا لازم يكون عندى موقع عشان اعمل القصه دى كلها.. طب لو لازم هل فى مواقع مجانيه اكيد بيكون هناك موقع استضافه ودومين خاص بالمعمل فى مواقع مجانيه لكن بتكون محدودة الخدمات ومساحات غير مجديه لكن ممكن تبحثي اكثر وان شاء الله بتلاقي حاجه كويسه
الردود الموصى بها
Join the conversation
You can post now and register later. If you have an account, sign in now to post with your account.