العلاقات بين الجداول

[2saad]

اخواني اعضاء المنتدي الكرام تحية طيبة وبعد

لو سمحتم عايز اعمل علاقات بين الجداول ( ربط ) الجدول الرئيسي student1_3

وعايز اعرف اعمل ايه لو عايز اربط الصف بالفصل بالمادة بالمعلم

والجداول كلها موجودة

saad.rar

 

[2saad]

ارجو الاهتمام بالموضوع

 

[Foksh]

7 دقائق مضت, 2saad said:

ارجو الاهتمام بالموضوع

 

بعد القاء نظرة على الجداول ، اعتقد لديك الكثير من التعديلات على الجدول الرئيسي student1_3 ، 

 

في الجدول ستكون القيم رقمية في الحقول المرتبطة ببعضها ، فمثلاً :-

الصف :- لديك رقم الصف تلقائي أو كود الصف واسم الصف

في الجدول عند الربط يكون في سجل الطالب في حقل الصف هو قيمة الترقيم الذي يدل على الصف وليس اسم الصف ( هل فهمت مقصدي !! )

وهكذا الأمر بالنسبة لبقية الجداول التي تريد ربطها بالجدول الرئيسي ..

[2saad]

شكرا لرد حضرتك وبارك الله فيك

بس انا مش فاهم حضرتك

[2saad]

تقصد حضرتك يكون الجدول الرئيسي كما في الملفsaad.rar

saad.rar

[Foksh]

7 دقائق مضت, 2saad said:

تقصد حضرتك يكون الجدول الرئيسي كما في الملفsaad.rar

saad.rar 211.81 kB · 0 downloads

نعم صحيح ، انا بالنسبة لي هذا أفضل نمط ممكن تكون فيه العلاقات 

 

أحسنت أخي @2saad 

[2saad]

شكرا لحضرتك كثيرا

المهماللي علي حضرتك عايز اربط المعلم بالمادة بالفصل 

اعمل ايه في الجداول ؟

دي اهم حاجة عندي

[Foksh]

للتوضيح أكثر اذا تكرمت .. هل كل فصل له معلم واحد ؟؟

وهل كل فصل له مواد محددة ؟

[2saad]

الفصول كلها لها مواد واحدة 

ولكن ممكن المادة الواحدة يرسها كذا مدرس

يعني مثلا فصل ( 1 / 1) مدرس اللغة الإنجليزية ( محمد ) وفصل ( 2/1 ) مدرس اللغة الإنجليزية ( علي )

 

معلش تحملني فانا عايز أتعلم من بحركم أنا بتعبك كثير حضرتك والأخوة الأعضاء

[Foksh]

جدول الفصول انتهينا منه بإضافة حقل المادة الرئيسي في جدول الفصول .

 

الآن في جدول المواد لو ضفنا حقل المعلم ، وضفنا في جدول الفصول رقم الاستاذ الرئيسي ، جرب بادخال بيانات ونتابع 

[2saad]

شكرا لحضرتك

مش المفروض يتم الربط بين الجداول اللي احنا ضفنا لها حقول ؟

 

[Foksh]

منذ ساعه, 2saad said:

مش المفروض يتم الربط بين الجداول اللي احنا ضفنا لها حقول ؟

 

مهو احنا بنتكلم عن الربط !!! وانا اذا نسيت أأكد على الموضوع فبعتذر ..

الحقول الرئيسية اللي تكلمت عنها فوق هي اللي هنخلي بينها علاقة 

[2saad]

أنا اسف يا اخي 

أتمني أن يتسع صدرك أنا مثلما ذكرت بتعلم من بحر علمكم

طيب ازاي اضيف اسماء المواد لأن عندي كذا مادة

وأين اضيف سماء المعلمين وأنا عندي كذا معلم

أنا بعت لحضرتك الملف بعد التعديل والربطsaad1.rar

[Foksh]

انا ، نزلت الملف ، خليني بس أطلع من الشغل ، واشوف الملف وارد عليك 

لأني لاحظت حاجة كمان انك عامل قيمة الصف في الجدول الرئيسي بتتاخذ من خلال استعلام !!!
ودي حتعمل مستقبلاً مشاكل معك وتقيدك كتييييييييييييييييييييييير

[2saad]

الله يكرمك دنيا وآخرة

[2saad]

ارجو الاهتمام بالموضوع

شكل الاستاذ / foksh

شكرا جزيلا لكم جميعا

[Foksh]

1 ساعه مضت, 2saad said:

شكل الاستاذ / foksh

 

شكلي ايه  .. 

صديقي ، انا شفت الملف بتاعك ، وبالطريقة اللي انت اعتمدتها للجدول الرئيسي اعتقد حتواجه مشاكل كتيرة .
يعني مثلاً :-
انت عامل استعلامات لحقول كتيرة داخل الجدول الرئيسي للطلاب .

جدول الطلاب انت ضفت عليه حقول يمكن ملهاش لازمه فيه ويفترض تكون في جداول مستقلة مربوطة برقم الطالب

في جدولك الرئيسي المفتاح الأساسي هو رقم التلميذ ولا الرقم التلقائي ولا رقم ايه بالضبط !!!!

 

حتى ان المسميات تخليك تتوه لما تلاقي جدول 

انا حاولت بصراحة أعدل لكني مبارح فعلاً كنت مش مستوعب حاجة بعد ما روحت 

[2saad]

شكرا لحضرتك معلش أنا بتعب معاي

ايه الحل ؟؟

[Foksh]

1 دقيقه مضت, 2saad said:

ايه الحل ؟؟

أول حاجة البيانات الأساسية الشخصية للطالب تكون في جدوله الرئيسي فقط ، والبيانات الفرعية تنفصل مستقلة

الاستعلامات يفضل تكون قيم مأخوذة من النماذج عند الإدخال للبيانات وليس في الجدول نفسه .

اهتم أكتر بالتسميات علشان تكون أكتر وضوح وأسهل قراءة كمثال وانت حر في النهاية 

جدول الصفوف = Tbl_Class

جدول النوع = Tbl_Sex ....... الخ في باقي الجداول

كده أسهل صدقني .. وانا مش قصدي التنظير بقدر ما قصدي تعرف الأخطاء فين ( من وجهة نظري طبعاً وقابل للإختلاف   ) وتصلح للأفضل علشان ترتاح في النماذج والاستعلامات .... وخلافه

[2saad]

شكرا لحضرتك

بس أنا مش فاهم :الاستعلامات يفضل تكون قيم مأخوذة من النماذج عند الإدخال للبيانات وليس في الجدول نفسه .

أنا مش عامل اي استعلام( كلها جداول )

[Foksh]

منذ ساعه, 2saad said:

أنا مش عامل اي استعلام( كلها جداول )

أخي الكريم ، اعتذر على الوصف اللي توهك 

مقصدي انه على سبيل المثال حقل الفصل ( class_id ) مصدر بياناته في الجدول هو :

SELECT Taclass.[class_id], Taclass.class FROM Taclass ORDER BY Taclass.[class_id]; 

وباقي الحقول اللي هي مفاتيح أساسية 

 

وضحتها ولا نيلتها 

[2saad]

ههههه

والله أنا تهت ومبقتش عارف حاجة

وأنا تعبت حضرتك معاي كثيرا

شكرا لحضرتك