عنوان للقائمة المنسدلة شرح : طريقة عمل عنوان للكومبوبوكس Combo Box Title

[Amr Ashraf]

السلام عليكم .. الاخوان الاعزاء

سؤال من باب الترفيه والتسلية وتشارك الافكار فى نفس الوقت كيف يتم عمل التالى بدون اكواد

طبعاً فى الآخر هقول الطريقة اللى عملتها بها بس اسمع آراء الاخوة

دمتم بخير

تم تعديل فبراير 13, 2022 بواسطه Amr Ashraf
تعديل العنوان

[ناقل]

ده اختبار ولى ايه .... طيب هناك طرق طبعا منها ... وضع هذا في تنسيق الكمبوبكس ....

@;"رقم الموظف"

 

[Moosak]

مثل ما قال الأستاذ ناقل + عمل تنسيق شرطي لتلوين الكومبوبوكس إذا كان فاضي 😁

تم تعديل فبراير 13, 2022 بواسطه Moosak

[Amr Ashraf]

25 دقائق مضت, ناقل said:

ده اختبار ولى ايه .... طيب هناك طرق طبعا منها ... وضع هذا في تنسيق الكمبوبكس ....

 

8 دقائق مضت, Moosak said:

مثل ما قال الأستاذ ناقل + عمل تنسيق شرطي لتلوين الكومبوبوكس إذا كان فاضي 😁

أحسنتم .. هذه طريقة ولكنها ليست ما استخدمته فى المثال

27 دقائق مضت, ناقل said:

ده اختبار ولى ايه

لا طبعا .. قلت من باب التسلية وتشارك الافكار فقط

[Amr Ashraf]

22 دقائق مضت, Moosak said:

مثل ما قال الأستاذ ناقل + عمل تنسيق شرطي لتلوين الكومبوبوكس إذا كان فاضي 😁

بس فيه حاجة مخدتش بالك منها ان تنسيق العنوان مختلف عن قيم القائمة المنسدلة .. ركز فى المثال هتلاقى قيم القائمة محازاة يسار ولكن العنوان محازاة فى المنتصف بالاضافة الى ان حجم الخط مختلف

[أبو عبدالله الحلوانى]

منذ ساعه, Amr Ashraf said:

ركز فى المثال هتلاقى قيم القائمة محازاة يسار ولكن العنوان محازاة فى المنتصف بالاضافة الى ان حجم الخط مختلف

كدا تم تسريب الامتحان 

وهذا استنتاجي للأمر بعد هذه الاشارة منكم

 

تم وضع ليبل خلف الكمبوبوكس وبه العنوان بالتنسيق المشار اليه 

وفقط اليس كذلك 

[Amr Ashraf]

7 دقائق مضت, أبو عبدالله الحلوانى said:

تم وضع ليبل خلف الكمبوبوكس وبه العنوان بالتنسيق المشار اليه 

استاذ 😆.. طريقة اطفال بس تقوم بالمطلوب فى الحالة دى 

[Amr Ashraf]

يبقى من المناقشات يا اخوان استنتجنا ان هناك طريقتين بدون اكواد لعمل المطلوب :

الطريقة الاولى كما قال الاستاذ @ناقل والاستاذ موسى على خطوتين

الخطوة الاولى كتابة العنوان فى حقل التنسيق فى خصائص الكومبوبوكس Format كالتالى

@;"العنوان المطلوب"

والخطوة الثانية تنسيق شرطى للكومبوبوكس فى حالة الفراغ كالتالى

Expression Is IsNull([Combo])=True

واختر التنسيق المطلوب .

ملاحظات على الطريقة :

• تنسيق العنوان سيكون مثل تنسيق القائمة من حيث حجم الخط و المحازاة و مائل او عريض Bold .
• لن يمكنك تحديد تنسيق مختلف للعنوان فى هذه الحالة .

 

الطريقة الثانية : طريقة العباقرة

كما كشفها الاستاذ @أبو عبدالله الحلوانى عمل ليبل على القائمة وتحديد موقعه Bring To Front او جلب للأمام وممكن نزود حتة كود صغير After Update كالتالى 😄

If Not IsNull(Me.Combo0) Then
Me.Label2.Visible = False
Else
Me.Label2.Visible = True
End If

طبعا خاصية Bring to Front او Send to Back لا يتم استخدامها الا فى وضع التصميم Design View وبالتالى سنستعين بخاصية الاظهار للعناصر للتحكم فى وقت ظهور واختفاء الليبل ولتكون النتيجة كما فى اول الموضوع .

المزايا فى هذه الطريقة ان يمكنك تحديد تنسيق مختلف للعنوان من حيث حجم الخط او المحازاة او نوع الخط وهكذا .

سامحونى على الطريقة من باب التسلية والنقاش بين الاخوة

مرفق مثال به الطريقتين

دمتم بخير

 

Combo box Title.accdb

تم تعديل فبراير 13, 2022 بواسطه Amr Ashraf

[Eng.Qassim]

30 دقائق مضت, أبو عبدالله الحلوانى said:

تم وضع ليبل خلف الكمبوبوكس وبه العنوان بالتنسيق المشار اليه 

عملتها زي ما حضرتك قلت ونجحت ...

فكرة جميلة بس غير عملية .. لانك لازم تعمل نص فارغ وتعمل التأشير عليه

شكرا استاذ عمر .. نحتاج من حضرتك تعملنا كوزات (QUIZ) 😍

 

[ناقل]

3 ساعات مضت, Amr Ashraf said:

سؤال من باب الترفيه والتسلية وتشارك الافكار فى نفس الوقت كيف يتم عمل التالى بدون اكواد

بس انت قلت في البداية بدون اكواد 😆

[Amr Ashraf]

الان, ناقل said:

بس انت قلت في البداية بدون اكواد 😆

وقلت تحت حتة كود صغير

على فكرة تشتغل من غير اكواد بس الليبل هيختفى بمجرد اختيار عنصر من القائمة ومش هيظهر تانى غير لو قفلنا النموذج وفتحناه .

13 دقائق مضت, Eng.Qassim said:

فكرة جميلة بس غير عملية .. لانك لازم تعمل نص فارغ وتعمل التأشير عليه

مش لازم يبقى فارغ يكفى انه يبقى فيه اى عنصر تانى بخلاف القائمة وبمجرد الانتقال هتشتغل تمام بدون مشاكل وأكيد مفيش نموذج هيبقى فيه قائمة بس لوحدها كده 😄 .. والترتيب Tab Order تكون القائمة مش اول حاجة فى الترتيب .

جرب وقولى .

[Amr Ashraf]

16 دقائق مضت, Eng.Qassim said:

نحتاج من حضرتك تعملنا كوزات (QUIZ) 😍

ممكن بعض الاخوة ميعجبهومش الطريقة ويعتقدوا انه اختبار او شئ من هذا القبيل .

[Eng.Qassim]

44 دقائق مضت, Amr Ashraf said:

ممكن بعض الاخوة ميعجبهومش الطريقة ويعتقدوا انه اختبار او شئ من هذا القبيل

بالعكس ... طريقة جميلة للبحث والفهم

[ابو جودي]

الفكرة دى تقريبا فكرتنى بإيــــــــــــــه ... اممممم 

وعلى رأى اخى الحبيب الاستاذ @Moosak 

10 ساعات مضت, Moosak said:

عمل تنسيق شرطي لتلوين إذا كان فاضي 😁

وانا كنت فاضى حبتين 

وللتجربة المرفق  >--->>  هنا

[ابو جودي]

8 ساعات مضت, Eng.Qassim said:

كوزات (QUIZ) 😍

حلوة جدا الفكرة

8 ساعات مضت, Amr Ashraf said:

ممكن بعض الاخوة ميعجبهومش الطريقة ويعتقدوا انه اختبار او شئ من هذا القبيل .

للعلم بالأصالة عن نفسى ومن وجهة نظرى المتواضعة..

الفكرة أكثر من رائعة لعدة اسباب

من يريد التعلم لابد أن يبذل الجهد ليس المقصود أن يكون عذابا أو كبرا من المعلم أو شئ من هذا القبيل  هذا توضيح صريح حتى لا يظن أحد بى سوء

ولكن أنا مؤمن أن ما يتم الحصول عليه إن ذهب يذهب كما أتى

فما تتعلمه بسهولة قد تفقده بنفس السهولة التى تعلمته بها

لكن ما تتعلمة بشئ من الصعوبة والعناء ببذل الجهد فى التفكير والبحث والتمحيص والتجارب لا تفقدة بسهولة

واثناء البحث عن شئ قد تتعلم طرق واساليب جديدة لم تكن تعرفها وهذا عن تجربة شخصية

لذلك انا احبذ الفكرة فبطرح الاسئلة فى موضوع متجدد على هيئة QUIZ  تبدأ من ادنى مستوى تحصد الاتى 

• تنشيط الأفكار والملعلومات لدى من يعرفها مسبقا
• قد تجنى ومن ورائها افكار مختلفة وآساليب تعطى نفس النتيجة لم تكن تعلم عنها شيئا
• إجبار طلبة العلم على بذل الجهد فى البحث عن الحل هنا وهناك وسبق وأوضحت الفائدة من ذلك
• الإرتقاء باساليب التفكير لوضع الحلول المختلفة
• الإرتقاء بمستوى معرفة طلبة العلم تدريجيا

[Amr Ashraf]

1 ساعه مضت, ابو جودي said:

وللتجربة المرفق  >--->>  هنا

بيقولى لا تملك صلاحية 😄

منذ ساعه, ابو جودي said:

الإرتقاء باساليب التفكير لوضع الحلول المختلفة

ولهذا عملت هذا الموضوع بهذه الطريقة من الاساس

[ابو جودي]

9 ساعات مضت, Amr Ashraf said:

بيقولى لا تملك صلاحية 😄

هو مش عارف انت مين واللا ايه علشان يقول لك كده 

المرفق اهون ياسيدى

ToolTip.mdb

[abouelhassan]

مجهود رائع استاذ عمرو 

بارك الله فيك اخي الكريم وجزاك الله خيرا

احترامى

[abouelhassan]

مشكور مجهودك استاذى الحبيب ابو جودي

نحتاج لشرح كيفية تغير العنوان دخلت الى التنسيق الشرى لم اجد شئ

بارك الله فيك اخى الكريم 

تم تعديل فبراير 14, 2022 بواسطه abouelhassan