أرجو من أساتذة وخبراء الاكسل تكملة الكود الناقص فى الملف لصعوبة تنفيذه

[AhmedSaeed01]

السلام عليكم ورحمة الله 

فى البداية احب أتوجه بالشكر لكل من فكر او حاول يساعدني لاستكمال هذا العمل. 

لو مش حابب تعرف تفاصيل انا عايز اشرح المطلوب بصورة سريعة وابسط من كل الكلام اللى تحت. 

فيه 10 جداول فى 10 صفحات كل دول فيه رابط لصورة موجوده على الكمبيوتر، خارج كل جدول فى أرقام من 0 إلى 9 وأرقام الصفحات من 0 إلى 9. اليوزرفورم فيه 3 تيكست بوكس، مربع رقم واحد اللى هو تيكست بوكس1 ده بيعبر عن رقم الصفحة، مربع رقم 2 اللى هو تيكست بوكس2 بيعبر عن اسم الصف وده الرقم اللى هو موجود أعلى الجدول والمربع رقم 3 اللى هو تيكست بوكس3 بيعبر عن رقم العمود اللى هو موجود شمال الجدول بردو. نفهم من كده انى معتمد فى إيجاد قيمة تقاطع رقم العمود مع الصف مت الأرقام اللى خارج الجداول وليست أرقام اعمدة ورموز الصفوف فى اكسل اللى هى (A, B, D إلخ) المفروض انا عايز اول حاجه يفعل الصفحة اللى هو مكتوب فى مربع1 (TEXTBOX1) وبعد كده يبحث فى الصفحة عن البيانات او رابط الصورة الموجود فى الخلية اللى بتتقطع مع الرقم اللى بيرمز ليه الصف اللى هو فى (TEXTBOX2) و الرقم اللى هو فى مربع3 (TEXTBOX3) ولما يلاقى الرابط ده فى حل من 2:

1- يظهر الصورة دى فى الصورة اللى هى فى اليوزرفورم (IMAGE1) 

2- يضع بيانات الخلية دى فى وصف (LABEL1) بحيث اقول ان بيانات الخلية اللى انت لاقتها حطها =label1.Caption وبعدها انا هبقى ازود كود بحيث ياخد الرابط ده من الليبل ويعرضها فى (image1) وده انا عملته بالفعل فى الملف المرفق لذا يجب وضع الصورة المرفقة فى بارتشن E وكتابة فى تيكست بوكس1 فى اليوزرفورم رقم الصفحة اللى هو رقم 1.

أرجو العلم بأن أرقام الصفحات وأرقام الصفوف والاعمدة اللى مكتوبه خارج الجدول اللى عملية البحث هتستند إليهم (غير ثابتين)  يعنى ممكن اغير أرقام الصفحات والأرقام أغلى ويسار الجدول فى اى وقت، لكن روابط الصور الموجوده داخل الجدل لن تتغير. 

للعلم انا عملت جزء من الكود اللى هو لما اكتب رقم الصفحة وادوس على زر التنفيذ يبدأ ينشط الصفحة لكى يكمل الكود عمله والجزء ده بقى اللى انا مش عارف ممكن يتنفذ ازاى. 

شكراً لحضراتكم. 

شرح المطلوب عمله وما تم عمله حتى الأن :

تعريف الخلايا فى اكسل مرتبط بجزئين ثابتين تقاطع الصف مع العمود وهنا نجد اسم الخلية (A1, B10, Z8... etc) وده طبعاً شئ ثابت مش بيتغير. وبالنسبة لأسماء الصفحات ده قابل للتغير عادى. 

المشكلة فى حالتى هنا عايز حاجه مش عارف الصراحة ازاى هعملها علشان كده طلبت من المتخصين ومن عندهم المعلومات الكافية فى الاكسل تقديم المساعدة لحل هذه المشكلة. 

المشكلة: 

فى الملف المرفق انا عملت جدول وكتبت فوق الجدول ارقام وعلى الشمال أرقام وداخل الجدول فى الصفحات العشر المرقمين من صفر إلى تسعة هبدأ احط روابط لصور موجوده على الجهاز. وعملت فورم مقسم إلى عدد 3 تيكست بوكس وصورة وزر خاص لتنفيذ الكود وخليت كل مربع من تيكست بوكس يقبل رقم واحد فقط وينقل بشكل تلقائى بعد إدخال القيمة للمربع اللى بعده واول تيكست بوكس ده خاص برقم الصفحة والمربع الثانى خاص برقم الصف الموجود فوق الجدول اللى عملته والمربع الثالث اللى تيكست بوكس3 ده خاص بالرقم اللى على شمال الجدول اللى عملته. وعملت فى زر تنفيذ الكود انه يفعل الشيت اللى رقمه موجود فى تيكست بوكس1، الجزء الأصعب هنا بقى بالنسبة لى، عايز الكود بعد ما فعل الشيت اللى رقمه موجود فى تيكست بوكس1 يبحث عن الرقم الموجود فى تيكست بوكس2 فى الأرقام اللى فوق الجدول اللى انا اعتبرتها رقم الصف، ويبحث عن الرقم الموجود فى تيكست بوكس3 اللى هو المفروض مسمى العمود بالنسبة لى، ويجيب الخلية بقى اللى بينهم اللى هى المفروض فيها رابط الصورة، وياخد القيمة اللى لقاها فى الخلية دى ويحطها فى label1.caption بحيث يبقى وصف الليبل ده هو رابط الصورة بحيث استخدم انا كود بعد كده يفتح الصور اللى لقاها واسمها موجود فى ليبل1، أو يضع الكود مباشرة فى الصورة وتظهر قدامى (أيهما أفضل يعنى وسهل تنفيذه). مع العلم إن أرقام الصفحات مش هتكون ثابته ولا الأرقام اللى فوق الجداول، بمعنى ان الصور  الموجوده فى الجداول داخل ال10 صفحات  ثابته مش هتتغير ولكن أرقام الصفحات والأرقام اللى فوق الجداول ممكن اغيرترتيبها فى اى وقت علشان كده مش هينفع اعمل تعريفات ثابتة للبيانات بحيث اقول ان رابط الصورة الموجوده فى الخلية وليكن ( A2)  فى الصفحة رقم (1) عرفه على أنه متغير مثلا او المكان دا ثابت لأن ممكن اغير الأرقام اللى خارج الجدول وبكده رابط الخلية (A2) كان مثلا هيقع فى تقاطع رقم 1 مع رقم 8 فى الصفحة رقم 1 ولو انا غيرت الأرقام دى بعدها مش هتكون النتيجة اللى الكود جابها صحيحة. أرجو اكون قدرت أوضح الموضوع بشكل صح. 

 

 

Encoding.rar

[أبوعيد]

وعليكم السلام ورحمة الله وبركاته

تفضل

Encodingمعدل1.xlsm

[AhmedSaeed01]

أستاذ @أبوعيد

أنا شاكر لحضرتك واهتمامك. لكن للأسف الكود مش شغال بشكل جيد على باقى الخلايا. انا جربته على خلية واحد بس او 2 وشغال. أرجو من حضرتك وضع رابط صورة فى النطاق ده (D5) فى الصفحة رقم1 وفى اليوزرفورم اكتب الارقام دى فى اول 3 مربعات 1-4-3. المفروض يعرض الصورة اللى موجوده فى فى خلية D5 لكن للأسف مش بيعرضها. وحاجه تانيه مهمة انا كنت وضحتها. إن الأرقام اللى فوق الجداول هتتغير وقت الحاجة، يعنى مثلاً لو غيرت الأرقام اللى فوق الجدول فى الصف العلوى بدل 4 اكتب 7 وبدل 3 فى العمود الأيسر اكتب 2، كده المفروض تكتب فى اليوزرفورم الرقم ده 1-7-2 علشان يعرض الصورة الموجوده فى الصفحة 1 والخلية D5. 

بشكر حضرتك مرة تانية وبعتذر عن اى إزعاج. 

[أبوعيد]

تم عمل المطلوب في اول عشر صور

قم بنسخ الكود في يقية الصور

تفضل

Encodingمعدل2.xlsm

[AhmedSaeed01]

بصراحة مهما شكرت حضرتك هيكون قليل فى حقك. ربنا يزيدك من علمه ويرزقك من فضله ويحفظك من كل سوء. انا بجد شاكر لحضرتك جداً الكود يعمل بالشكل المطلوب. جزاك الله خيراً. @أبوعيد

تم تعديل يناير 8, 2022 بواسطه AhmedSaeed01

[AhmedSaeed01]

@أبوعيداستئذن حضرتك فى سؤال:

هل يمكن إضافة الصور فى الملف نفسه واستدعائها بنفس طريقة العمل المستخدمة أم الطريقة المستخدمة هى فقط التى تصلح؟

بحيث لو حبيت أحول ملف العمل لملف تنفيذ exe لأنى بالشكل ده لو نقلت ملف العمل على جهاز تانى هبقى مضطر ادخل روابط الصور بشكل يدوي فى أماكنها. 

وأرجو من حضرتك تقول لى لو حبيت مثلاً اخلى الصور فى فولدر ويكون فى مسار ملف العمل بحيث لو نقلته على فلاشة لجهاز تانى واستخدمته يشتغل عادى بدون إعادة إضافة مكان الصور بعد نقل الملف. ده بردو هيبقى حل كويس فى حالة لا يمكن إضافة الصور فى الملف واستدعائها بنفس ما حضرتك تفضلت وصممت الكود بهذا الشكل الأكثر من رائع. 

 

[أبوعيد]

الحل الامثل هو ان تعمل مجلد اسمه مثلا (مجلد العمل) وتضع فيه كل ما يخصك في هذا الموضوع

 

حتي يكون الامر سهلا عليك اذا اردت نقله بالفلاشة الي اي موقع اخر

 

تحياتي

[AhmedSaeed01]

تمام، شاكر جدا لحضرتك على تعاونك معايا، ربنا يجعل هذا العمل فى ميزان حسناتك @أبوعيد