طلب بخصوص التحويل من اكسل لاكسس وتقديم نصيحة لى لتعلم الاكسس والبرمجة

[AhmedSaeed01]

السلام عليكم ورحمة الله وبركاته 

فى البداية أحب أشكر كل القائمين على هذا الموقع المحترم والأعضاء الكرام اللى كتير قدمولنا المساعدة فى أمور كثيرة سواء معايا او غيرى. وربنا يزيدكم من فضله وعلمه. 

أنا بحب البرمجة لكن للأسف ما اتعلمتش اى لغة برمجة. واشتغلت شوية على اكسل واتعلمت بعض الأمور من الأكواد الجاهزة والممارسة وفهم طريقة عمل بعض الأكواد. وصممت ملف اكسل فيه يوزرفورم بحيث أضيف فيه ملفات PDF وشاركت الملف على الشبكة المحلية LAN بحيث كل الأجهزة تفتح الملف فى نفس الوقت وتكون على اطلاع بالتغييرات اللى بتم والملف شغال كويس وقدرت اعمل تنبيه صوتى بحيث لما أضيف ملف جديد المستخدمين على الأجهزة التانيه يسمعوا صوت جرس. بس المشكلة دلوقتى إن بتظهر رسالة خطأ (This file is locked try the command again later ) بضغط End والملف بيشتغل عادى لكن بردو المشكلة بعد شويه بتظهر تانى. انا حبيت اتجه لاكسس علشان اصمم الملف تانى بنفس آلية العمل دى، لأني أعرف أن الاكسس أقوى فى البنية بتاعته من اكسل خصوصا مع البرامج والحاجات اللى شبه كده.

انا نزلت كورس اكسس من يوتيوب ل(منذر سفان) بحيث ابدأ اتعلم. فهل لو قدرت اتعلم الاكسس هقدر اعمل برنامج بسيط زى اللى عملته على الاكسل ويقبل العمل من اكتر من مستخدم فى نفس الوقت؟ وهل ده هيبقى سهل عليا فى البداية ام هناك لغة برمجة وبرامج أفضل المفروض اتعلمها علشان اقدر اصمم اللى انا عايزه؟ 

- إن شاء الله هرفق ملف الاكسل اللى انا شغال عليه بحيث لو فيه حد من حضراتكم عنده وقت فراغ وشاف إن الموضوع بسيط ويقدر يصممه أكون شاكر جدا ليه. وبردو يفيدنى وينصحنى ايه اللى المفروض اتعلمه ويفيدنى فى الاكسس او غيره بيعتمد على البرمجة. 

شكراً لحضراتكم واسف للاطالة. 

[ابو جودي]

ارفق الملف ومعاه ربع جنيه وانا اساعدك 

[AhmedSaeed01]

انا شاكر لحضرتك واهتمامك. 

تم ارسال الملف على البريد الإلكتروني الخاص بحضرتك

تم تعديل ديسمبر 16, 2021 بواسطه AhmedSaeed01

[AhmedSaeed01]

لينك تحميل ملف الاكسل لعل وعسى يفيد حد فى شغله. 

اضغط هنا للذهاب لصفحة التحميل