اظهار القيمه عند اضافة مبلغ جديد

[hamada rizk]

السلام عليكم ورحمة الله وبركاته

قبل طرح سؤالى هذا بحثت كتير ولم اجد ضالتى

ومتأكد انكم مش  هاتخذلونى ان شاء الله
 

ارفقت لكم شيت  محتاج انى اظهر قيمة المبلغ والعدد  كل ما اضيف مبلغ جديد

New Microsoft Excel Worksheet.xlsx

[أ / محمد صالح]

يوجد معادلتان في الشيت

الأولى تقوم بجمع المبالغ الموجودة في العمود D والثانية تقوم بعد هذه المبالغ وتعملان حتى الصف 1000 ويمكنك زيادة نهاية الصفوف في المعادلة إذا تجاوزت 1000 صف من المبالغ

 

[hamada rizk]

اشكرك جزيل الشكر على سرعة الرد والاهتمام يأستاذ محمد

لكن بجد انا مفهمتش حضرتك تقصد ايه بالظبط  وده يمكن عشان برده انا موصلتش الى انا محتاجه بدقه اكتر من كده

انا كل الى   محتاجه انى اخلى قيمة الملبغ وقيمة العدد تظهر قدامى بمجرد اضافة مبلغ جديد  وبمجرد نزول الشيت لأسفل

يعنى مثلا فى الشيت ده بمجرد اضافة المبالغ والنزول الى الصف رقم 9 او رقم 10 بالكتير بتختفى كلمة المبلغ والعدد

انا بقي كل الى محتاجه ان كلمة المبلغ والعدد تبقي ظاهره دايما قدامى عشان ابقي  عارف انا واصل لكام مبلغ وكام عدد  بدل ما كل شويه اطلع بالماوس عشان اعرف قيمة المبلغ والعدد .. يارب المره دى اكون وضحت المقصود بدقه ووضوح ... ومنتظر رد حضراتكم ... وشكرا  جزيلا


 

[أ / محمد صالح]

ربما تقصد تثبيت الصفوف

* يمكنك نقل هذه الخلايا جنب بعضها في الصف الأول

* ثم من تبويب view / عرض اختر freeze panes / تجميد الألواح ثم اختر freeze top row تجميد صف المقدمة

أرجو أن يكون هو المطلوب

[hamada rizk]

كالعاده الحل هنا فى اجمل موقع  وأحلى واجدع ناس .. كل الشكر والتقدير لشخصكم الكريم  ... تحياتى