عمل كود لحساب عدد ساعات الدوام وايام الغياب

[OmHamza]

في البداية احب اشكركم على المجهود الرائع وربنا يجازيكم بيه كل خير

انا محتاجه مساعده في شيت الاسكل المرفق هو مكون من ورقتين ورقة فيها بصمة الموظفين وورقة فيها النتائج ال انا عايزه اطلعها بالشكل المذكور

ده شيت اكسيل بصمة الموظفين يحتوي على اسم الموظف ووقت الدخول والخروج واجمالي عدد الساعات 

فا عيزه احسب في ورقة 1 عدد ايام الدوام وعدد ساعات الدوام كما هو موضح في النموذج المرفق سواء بكود او بمعادلات 

ومتشكرة جدا على تعبكم ومساعدتكم وربنا يجعله في ميزان حسناتكم جميعا

تقرير البصمة.xlsx

[طارق محمود]

السلام عليكم
تفضلي أختي الكريمة
حل سريع بالجداول المحورية وبعض المعادلات
الجدول والمعادلات بالورقة2
وبعض المعادلات بورقة البصمة نفسها ليتعرف النظام عندي علي فورمات التاريخ والوقت

تقرير البصمة.xlsx

[OmHamza]

استاذ طارق انا فعلا متشكرة جدا لحضرتك ولتعب حضرتك 

بجد مرسي قوي وفعلا ده المطلوب وفكره ممتازه بارك الله فيك وجزاك الله عنا كل خير

انا بس هستأذنك انا لو عايزه بقة احسب الشهر ال بعده احط التواريخ فين لاني شايفة ان خانه التواريخ في ورقة 2 حضرتك عامل فيها معادله

ومعلش لاني على قدي شوية ومش بعرف اتصرف في الحالات ال زي كده

ومره تانيه بجد جزاك الله كل خير يارب

[أحمد يوسف]

فقط عليكى اضافة المعادلات الموجود بالعمودين K & L من صفحة 26-12-2019 to 25-01-2020 واجعليهم فى كل صفحة جديدة يتم لصقها بالملف واتركى كل شيء كما هو فى ورقة 2

[OmHamza]

متشكرة جدا لحضرتك

انا جربتها وفعلا تمام جزاكم الله خير يارب

ومعلش العمود C  ال في ورقة 2 ده عباره عن ايه

وكمان انا عايزه انا احسب عدد ايام الشهر وعدد ايام الجمعه لان في شهور بيبقى فيها ايام اجازات فاعايزه انا احدد كام يوم اجازه في الشهر ده يعني مثلا 5 جمعة ويومين عطله يبقى اكتب 7 ايام عطله وبناءا عليه يحسب هو عدد ساعات دوام الشهر كام مع الاخد في الاختبار ان الايام العادية 8 ساعات دوام ويوم السبت 6 ساعات دوام 

معلش انا اسفه طولت على حضرتك 

[طارق محمود]

لا ولا يهمك
بالنسبة للعمود C ليس له لزوم ، كنت أستخدمه مؤقتا أثناء الحل
الخلية G2 بالفعل بها عدد أيم الجمعة في الفترة المطلوبة (أي في ذلك المثال من 26-12-2019 إلي 25-01-2020 ، أوتوماتيكيا ينتج عدد أيام الجمع

 

[طارق محمود]

 ايام اجازات في نفس الفترة ، تكتب يدوي في الخلية I2 اللي لونها أخضر وهي أوتوماتيك تدخل بالحساب

بالنسبة لدوام يوم السبت اللي 6 ساعات ، أضفت له أعمدة بورقة البيانات من العمود M وإلي اليسار
وبالطبع سيؤثر ذلك في الجدول المحوري بالورقة 2
وعدلت مايلزم في المعادلات
تفضلي الملف

تقرير البصمة2.xlsx

[OmHamza]

انا متشكرة جدا لحضرتك يا استاذ طارق بجد ربنا يجعله في ميزان حسناتك

واسفه جدا على ازعاجك وتعبك معايا 

انا بس اخر حاجه لو عايزه اعدل على اسماء الموظفين او ازود عليهم او اشيل منهم 

ممكن حضرتك تفك الربط ال معمول ده وتخليه ياخد الاسماء على حسب منا هحطها في ورقة البصمة الاساسية

يعني انا هطلع شيت اكسل من جهاز البصمه واخده كوبي وباست وبناء عليه تظهر الاسماء بالبيانات في ورقة 2

معلش ببتعب حضرتك والله انا اسفه

[طارق محمود]

مافيش إزعاج ولا حاجة
بس لازم تتعلمي أقل القليل عن الجداوب المحورية

بالنسبة للملف ده ، بس تتعلمي كام حاجة بسيطة

1- أن الجدول المحوري  Pivot Table الموجود ب "ورقة2" بيأخذ بياناته من ورقة البيانات "26-12-2019 to 25-01-2020"

2- أن الجدول المحوري  عموما لا يتأثر مباشرة بتغيير البيانات ، لازم تعملي له تنشيط أو تجديد (ريفريش) وذلك بالوقوف بالماوس علي أي خلية في الجدول المحوري ثم كليك يمين وتختاري ريفريش Refresh
مرفق صورة للتوضيح
يعني ممكن تغيري في صفحة البيانات (فقط للتجربة) إسم واحد أو أكثر من الموظفين .... أو تغيري أوقات المداومة لبعضهم ثم تأتي للجدول المحوري  و كليك يمين وتختاري Refresh
ستجدي التغيرات اللي عملتيها قد تغيرت بالنتيجة

3 - أنك ممكن تغيري مجال الجدول المحوري  اللي بيأخذ منه البيانات ، يعني لو عدد الموظفين زاد مثلا وحبيتي الجدول يقرأ لما بعد السطر 711 في صفحة البيانات
أو لو أصبحت أكثر تمكنا من الجدول المحوري وحبيتي تزودي أعمدة أخري بعد العمود N اللي عنوانه OV-Time
المهم ، يمكنك تغيير مجال الجدول المحوري عن طريق الوقوف علي أي خلية به ،
أوتوماتيكيا سيظهر لك في القائمة الرئيسية للإكسل شريطين أوامر خاصين بالجداول المحورية
Design ، Analyze
ستختارين Analyze ومنه Change Data Source كما بالصورة الثانية

أرجو أن تكون الخطوات واضحة
بالتوفيق إن شاء الله

 

[OmHamza]

• بجد انا بشكر حضرتك جدا على وقتك وتعبك وسعه صدرك 
• بجد ربنا يجزاك كل الخير حضرتك وكل القائمين على العمل العظيم ده
• شكرا بجد