ياسر العربى

اخي العزيز واحدة واحدة ناخد الامثلة والشرح رويدا رويدا حتى ياخذ كل جزء من الشرح مكانه في العقل والا تكون خناقة في راسك وصداع من الممكن ان تربط كمبوكس وليست بوكس وتكست بوكس مع بعضهما بدون قاعدة ولا شئ فقط ان كنت مستعجل شوف شروحات الفورم للاخ الصقر وطبق منها combo1 lممكن تضيف له بيانات عند فتح الفورم مثلا عن طريق additem ومثلها الليست واقعد قلب الادوات كدا مع نفسك حتى ياتي دورها واللي لم اخذ بالي منهم هم من لم يكن عندهم علم اساسا بلغة vba فبالتالي لن يعرفو الادوات والبدايات مما يجعلني اقوم بتوضيح اكتر مره اخرى وتاكيد المعلومات

الله الله الله الله ينور يامعلم ايوه كدا بدأت اهو تظبط الشغل بطريقتك كدا اطمن انك ماشي مظبوط ووضحت ليك حته الويب دي عشان تيجي في ملعبك كويس ربنا يكرمك وتعمل بقي برامج كبيرة يعتمد عليها المهم بقي الحلو في برامجنا دي مش محتاجه اي حاجه انقلها وشغلها في اي مكان واعمل اللي انت عاوزه المهم مش عاوزين نخرج بره نطاق القسم احنا شرحنا عشان نربط بالاكسيل ولا انت رأيك ايه افتح عادي الموضوع وان كان عليا مش هسيبكوا غير وكل واحد يطلع عامل لنفسه مكتبة برامج باذن الله

بسم الله الرحمن الرحيم اليوم سنتحدث - عن خصائص المشروع الخاص بنا كيفية فتح نافذة خصائص المشروع ومكونتها المهمة اولا نقوم بانشاء مشروع جديد كالعادة ونضع مثلا اتنين فورم وبعد الانشاء نقوم بالذهاب لخصائص المشروع كما موضح بالصورة فتظهر لنا النافذة التالية 1- المشروع الافتراضي ودا هنسيبه كدا 2- الفورم اللي محتاجينه يفتح عند تشغيل برنامجنا والوضع الافتراضي انه فورم واحد هو اللي بيفتح نفترض ان صممنا فورم اتنين علي اساس انه شاشة الدخول هنعمل ايه نغير من هنا ونخليها فورم اتنين بس يامعلم 3- اسم المشروع الافتراضي لو عاوزين كل ما نعمل مشروع بدل كلمة project نسميه اسم تاني عادي شغال 4- دا لو هترفق ملف مساعدة مع البرنامج باين انا شايف ان ننفض ليها نخش في المهم 5- Make ودي بقي الشغل المهم هنا ونشوف صورتها بقي 1- طبعا كلنا نعرف الإصدارات للبرامج اللي هي version ربنا كدا لما يكرمك وتبقي مبرمج قد الدنيا كدا وتلاقيك بتعمل برنامج اساسي كدا وبتعمل له اصدارات مختلفة من رقم واحد دا بنحدد رقم الاصدارة اللي بنعملها والافتراضي واحد ونغير زي ما احنا عايزين 2- عنوان المشروع ودا عشان بقي لزوم الكماليات عشان أي رسالة تنبيه مسج بوكس أي حوارات تظهر يبقي مكتوب فوقها في titlebar اسمنا كدا 3- ودي معلومات برنامجنا تحط فيه بقي كل بياناتك وحقوقك وشركتك وعلامات تجارية وملاحظات تظهر في خصائص برنامجنا. 4- ودي طبعا ايقونة المشروع بتاعنا النهائي واللي اخي عبد العزيز كان محتاجها بنختار ايقونة من ايقونات الفورمات الموجودة داخل المشروع طيب الايقونات الموجودة حاليا الافتراضية وشكلها رخم نعمل ايه ياعم عبد العزيز نروح للفورم واحد ونشوف كدا 1- نفتح لاختيار الايقونة المراد وضعها للفورم 2- نحددها ونضغط open لتظهر هكذا في اعلي يسار الفورم وايضا تظهر في الtaskbar عند فتح الفورم في البرنامج ملحوظة الايقونات اللي هتشتغل معانا الأيقونات بعمق ألوان 32bitاو اقل يعني 64 هتظهر اخطاء ومش هتنضاف للفورم نذهب بعد ذلك لخصائص المشروع ونروح ل Make كما بالصورة نجد ان الايقونة تغيرت لانه البرنامج بياخد الايقونة للفورم واحد افتراضي طيب لو غيرنا جبنا فورم اتنين كدا الايقونة الافتراضية للفورم اتنين لاننا لم نقم بوضع ايقونة له نرجع للفورم واحد ونحفظ مشروعنا ونحوله لملف تنفيذي ونشوف النتيجة وبكدا نكون خلصنا جزء خصائص المشروع والى اللقاء في درس اخر باذن الله تحياتي ياسر العربي يتبع

لا تتعجل اخي الغالي الشرح قادم باذن الله موضوع الايقونات هطرحه في الموضوع اما حفظ المشروع انت لم تركز في الدرس جيد بسم الله نبدأ من جديد طيب لحفظ المشروع علي هذا الوضع نقوم بالذهاب الى قائمة File ومنها save project as ونحدد له مكان ونحفظ يتم حفظ المشروع وعدد الفرومات الموجودة معه خالص تقديري

شاكر مروركم الكريم وفي انتظار المزيد من اساتذتنا الكرام

نسيت ارفاق كلمة المرور اسف تفضل هي من رفع موقع Dev-PoinT

الله ينور ياريس يلا ورينا الشغل انا عارف ان الموضوع كان عاوز بس تحديد اتجاه نقول امشوا من السكة دي وانتو عارفين الباقي بس ابقي دايما لما تعمل مثال عشان اللي بيحب يعرف اتعمل ازاي ابقي ارفق المشروع الاساسي للعلم انما بقي لما تعمل برنامج كبير وتعبت عليه حقك تحتفظ بالمشروع وتفرجنا ابداعاتك تقبل تحياتي

السلام عليكم ورحمة الله وبركاته كل ما سيأتي الفترة القادمة هو كيفية التعامل مع الادوات والفورم مثال باذن الله عن كيفية عمل برنامج بسيط لتشغيل القرأن الكريم من موقع tvquran كالعادة نبدأ بالادوات عدد فورم واحد كومند للخروج واحد image اداة الويب الشرح كما موجود امامنا الفورم وعليه الادوات الصورة والزر وصفحة النت فقط لتعديل الفورم بهذا الشكل يتم عمل كما في الصورة الاتية بعد اخفاء الشريط نأتي للصورة خلصنا من الصورة ندخل علي اداة الويب بعد وضع كل الادوات بهذا الشكل نقوم بوضع اسهل كود وهو كالتالي اول كود في الكومند1 Private Sub Command1_Click() End End Sub ثاني كود وهو في حدث تنشيط الفورم وظيفة الكود فتح الموقع www.tvquran.com/add/index.htm Private Sub Form_Load() WebBrowser1.Navigate "www.tvquran.com/add/index.htm" End Sub دائما الملف بعد الانتهاء منه لا يظهر في الاسفل في taskbar نقوم بتعديل الفورم كالاتي ليظهر في التاسك بار عند تشغيله واالاختيار بأسفله center screen لوضع الفورم في منتصف الشاشة عند الفتح كان هذا المصحف هدية لاخي الغالي ابو يوسف منذ فترة والان تم وضع كيفية عمل الهدية نفسها علها تنفعنا وتنفعكم والسلام عليكم يتبع مرفق المصحف ملف تنفيذي والمشروع المصحف.rar

دائما النسخ المحمولة بها اخطاء فهي مجرد ملفات مختصرة وتعتمد الاعتماد الكلي علي باقي ملفات الموجودة بالنظام التي لا تتوفر دائما علي معظم الاجهزة باذن الله عند تحميل الكاملة تعمل معاك باذن الله جيدا

هل بتفتح الفيجوال كمسئول

عشان خطرك هرفع طريقة فيها استخدام المتصفح بتاع النص المتحرك بتاعك ياعم بس هنعرض فيه القرأن الكريم باذن الله جاري عمل مثال ووضعه بس مش قلت ليا النسخه المحمولة شغاله معاك كويس؟؟؟

نسخة كاملة لمن يريدها https://docs.google.com/file/d/0B6rUiUQYjoaWem1rbHNoQ1lPOFE/edit من رفع Dev-PoinT كلمة المرور Dev-PoinT

بنفس التعامل حبيبي بل افضل وادق واجمل ولك خيالك الواسع فقط اريد منك عملا مبهرا يفوق شرحي واتوقع منك هذا باذن الله بارك الله فيك اخي الغالي عبد العزيز

تم اضافة نسخة اخرى محمولة جربها واعلمني بالملاحظات http://up.top4top.net/downloadf-top4top_cc5c70dc971-rar.html

تكرم حبيبي ابو يوسف انت ابو الكرم كله ولا يهمك في عشا تتعشوا وتشربو الشاي كمان باذن الله لك مني كل الشكر والتقدير اخي الغالي ابراهيم ابو ليله هل قمت بتفعيل البرنامج من هنا ان لم يكن فسجل ان ظلت المشكلة سأبحث لك عن نسخة اخرى او النسخه الكاملة باذن الله

بسم الله الرحمن الرحيم هذا الموضوع مخصص لنشر الردود والاستفسارات عن دروس الفيجوال بيسك6 والاكسيل علي الرابط التالي http://www.officena.net/ib/topic/65629-سلسلة-دروس-الفيجوال-بيسك-6-والاكسيل-من-علي-مصطبة-ياسر-العربي/ مع تحياتي ياسر العربي

بسم الله الرحمن الرحيم ارجو عدم التعليق داخل الموضوع لسهولة الوصول للدروس تباعا والتعليق يكون داخل الموضوع في الرابط التالي http://www.officena.net/ib/topic/65630-الردود-والاستفسارات-عن-دروس-الفيجوال-بيسك6-والاكسيل-ياسر-العربي/ أما ألان دعونا نغوص في بحور الفيجوال قليلا وترك الإكسيل مؤقتا لحين الإلمام بمبادئ الفيجوال وبداياته ثم نتحول للربط بينهم فيما بعد أولا قمت بإرفاق نسخة محمولة من برنامج الفيجوال بيسك6 موجودة هنا صغير الحجم وتفي بالغرض ألان http://up.top4top.net/downloadf-top4top_20111f0b9a1-rar.html نقوم بتفعيل البرنامج من VbPortable6.reg ثم نقوم بتشغيل البرنامج منvb6 وان واجهتم اي مشكلة في التشغيل يرجى تشغل البرنامج كمسئول كما بالصورة تظهر لنا الشاشة الآتية 1- فتح مشروع جديد 2- فتح مشروع موجود مسبقا 3- اخر مشروعات تم فتحها 4- وهو المشروع الافتراضي الذي سنعمل عليه دائما نقوم بفتح standard.exe جديد سيظهر لنا بالشكل التالي 1- شريط القوائم 2- شريط الادوات القياسي 3- نافذة المشروع 4- نافذة الخصائص 5- شريط الادوات 6- نافذة الفورم او برنامجنا وبكدا نكون عرفنا شكل الواجهه للبرنامج نخش في مقارنة سريعه قبل البدأ في العمل علي المشروع بين هذه النافذه ونافذه محرر الاكواد داخل الاكسيل وهذه صورة لنافذة محرر الاكواد داخل الاكسيل 1- شريط القوائم 2- شريط الادوات القياسي 3- نافذة المشروع 4- نافذة الخصائص 5- شريط الادوات 6- نافذة الفورم او برنامجنا ايه دا تخيلو ان احنا بنتعامل مع نفس محرر الاكواد كله كان مصعبها علي نفسه ويقول برمجة ومش عارف ايه اهو هو هو محرر الاكواد بس التوسع في مجال اخراج البرامج انما الواجهه وطريقة العمل هي بعينها طيب وبعدين ياعم الحاج كمل اقول لكم حاجه حلوة كمان ومقارنة سريعه تانية نفس الادوات واسمائهم بس مش عارف بيرخموا ليه وبيزودو كلمة بوكس وبوتن يعني لما نكتب مثلا تكست بوكس 1 بتساوي تكست بوكس 2 نعملها كدا اكسيل TextBox1.Text = TextBox2.Text فيجوال بيسك6 Text1.Text = Text2.Text دا الطبيعي العادي وممكن نسميهم مثلا اسيل1واسيل2وتمشي مع المحررين Aseel1.text = aseel2.text اظن كدا الصورة وضحت لمعظم الموجودين والمتابعين يلا بينا نعمل برنامجنا الاول مع بعض وقبل المشروع الاول نبدأ بمشروع بسم الله الرحمن الرحيم نضع عدد واحد تكست وكومند1 نضغط علي الكومند مرتين ليظهر محرر الاكواد نضع به التالي ثم نضغط run او F5 ثم نضغط علي الزر ليظهر لنا بسم الله نبدأ من جديد طيب لحفظ المشروع علي هذا الوضع نقوم بالذهاب الى قائمة File ومنها save project as ونحدد له مكان ونحفظ يتم حفظ المشروع وعدد الفرومات الموجودة معه طيب عاوزين نحول البرنامج بتاعنا لتنفيذي بقي عشان نشغله علي أي جهاز ونفرج الناس علي ابداعنا في الفيجوال بردو من قائمة file نختارmake project ونضعه في المكان اللي احنا عاوزينه وهذا شكل البرنامج ناخد مشروع تاني علي السريع صغير ايضا عبارة عن أله حاسبة بسيطة المكونات تلاته تكست تلاته ليبل اربعه كومند كما بالصورة ونضع بداخل الفورم الاكواد التالية ونحفظ المشروع ونحوله لملف تنفيذي كما تعلمنا سابقا وزي الشطار كدا كل واحد يرفق المثال اللي عمله في موضوع الردود والاستفسارات عن درس الفيجوال بيسك6 والاكسيل وانا علي ثقة تامة ان الاخوة المتابعين سيبدعوا في العمل انا حاولت اشرح بطريقة تقليدية بسيطة ولكن هلاقي منكم ابداع غير عادي باذن الله وهلاقي برامج تانية بتتعرض منكو باذن الله مع تحياتي ياسر العربي يتبع

اخي الغالي دائما يحدث اخطاء لعدم وجود ملفات dll ,ocx وغيرها من المكتبات التى من الممكن ان تكون موجودة علي اجهزة واجهزة اخرى لا تفضل رابط الموضوع الاصلي وتأكد من عمل البرنامج http://www.officena.net/ib/topic/64359-برنامج-بسيط-ربط-الفيجوال-بيسك-بالاكسيل-رائع-وتوفير-الحماية/ لغات البرمجة بحرها واسع جدا وما تظهر ثغرة ويتم معرفتها وسببها والحماية منها ثم تظهر ثغرة اخرى فيتم عمل اللازم في كل مره وهكذا وبعدين انت بتتعامل مع لغة برمجة من بابها ليس مجرد محرر اكواد مرفق مع مجموعة الاوفيس اي اننا نستطيع صنع ما نشاء وكيف ما نشاء فمثلا ممكن تجميد الجهاز نهائيا اثناء العمل علي البرنامج وعدم تمكين المستخدم من تبديل النوافذ والخ من الاوامر التي تقفل وتقلل من خيارات التحايل او عدم فتح الملف نهائيا الا عند طلب بيانات او ادخال بيانات او استعلام ويتم ذلك عن طريق وضع الية لفتح الملف ثم عمل الازم ثم اقفال البرنامج بضغطة زر واحده وحتى ان دخل ووصل لملف الاكسيل فلن يصل لاليه عمل البرنامج مجرد بيانات مكتوبة فقط المهم الحيل اكتيررررررررر والحماية ايضا اكثر ولكن لازم نطبق عملي ونشوف الاخطاء ونتفاداها اما تحويل ملف الاكسيل الى ads لم اجربها صراحة ولكن نضعها في الحسبان اخي الغالي لك مني كل الشكر والتقدير لمرورك الكريم اخي الاستاذ / جعفر الطريبق

شكرا لموروركم الكريم اخواني اخي الغالي وائل الاسيوطي كسر حماية الملف التنفيذي للفيجوال صعبة واستخراج الاكواد اصعب ويوجد برامج لتشفير الملفات كنت استخدمها من قبل لعدم امكانية فك ملف تنفيذي مره اخرى وكانت تعمل جيدا اما بخصوص تعلم الفيجوال ارى انك قفزت vb.net مره واحده انتظر اخي خلينا في الليي نعرفه الاول وهو vb6 وستندهش من كمية التشابه بين الفيجوال بيسك 6 ولغة البرمجهVBA داخل الاكسيل مثلا وسأطرح لكم بدايات باذن الله وانا واثق ان من له معرفه بالاكواد جيدا هنا سيتألق في برمجه الفيجوال لك مني كل الشكر والتقدير

استاذي الغالي شكرا لمرورك الكريم ووجهه نظرك ايا كانت فانا متقبل الموضوع سواء بالرفض او القبول وفي انتظار التقييم شكرا لمرورك حبيبي وربنا يوفقك اخي الغالي م / ياسر مشكور لمرورك الكريم ولكن القنبلة معطلة لحين تفعيلها من الاخوة اعضاء المنتدى وخبرائه ننتظر حتى تكتمل صورة التقييم امامنا

شكرا اخي الغالي احمد لمرورك الكريم وحاول تتعمق في لغة البرمجه شوية مش كفاية انك تعرف معادلات ركز وربنا يكرمك باذن الله اخي الغالي م/ ياسر كما تقول الاسم الغالي شكرا لدعمك حبيبي اما الشرح فانا مشتت ونفسي اتلم علي بنود وعناصر وموضوع منسق ولكن هذا يتطلب وقت كبير وتفرغ ولكن سأ قوم باذن الله بمحاولة توضيح وشرح كيفيه العمل علي هذه البرامج ولو حتى جزء صغير كل مره بارك الله فيك اخي واستاذي الغالي ابو يوسف دائما مساند لنا وحافذ علي العطاء باذن الله لك مني كل الاحترام لشخصكم الكريم

مشكور اخي الغالي العزيز علي مبادراتك التى اعتبرها داعمه لنا وتعمل علي اعادة تشغيل ادمغتنا لتعمل جيدا مره اخرى وافري تقدير واحترامي لشخصكم الكريم

اخي الغالي استاذ/ عبد العزيز لك مني كل الشكر والتقدير علي كلماتك ومساهماتك وعلي وجهه نظرك التى احترمها وننتظر الاخوة الكرام في تأكيد هذا الموضوع

بسم الله الرحمن الرحيم لا توجد طريقة امنة لحماية الاكسيل كما نعرف والذي لا يعرفه الكثيرين ان حماية الملفات التنفيذية ايضا لا فائدة منها فهي هشه كالملفات العادية فقمت بوضع حل نهائي ولكن سيكون صعب علي البعض وهو التعامل مع الفيجوال بيسك مباشرة وانشاء برنامجك من عليه وجعل ملف الاكسيل مجرد قاعدة بيانات وحتى ان كنت تريد حماية البيانات ايضا فبنعمل حماية للملف ايضا بكلمة مرور وهي صعب فكها اكيد في المثال المرفق برنامج قمت بطرحه مسبقا ولكن لم يلاحظ احد الحماية الموجودة به فهو ربط الفيجوال بيسك بالاكسيل الكل نظر له انه مجرد ربط فقط ولكنه اكثر الطرق حماية للاكسيل نفسه مرفق مثال بسيط عبارة عن ملفان ملف التشغيل وقاعدة البيانات وقاعدة البيانات aseel.dat هي عبارة عن ملف اكسيل بامتداد aseel.xlsx وتم وضع كلمة مرور عليه كلمة المرور رقم هاتفي طبعا المهم الطريقة امامكم طبعا حد يقدر يستخرج المعادلات او يعدل علي القاعدة بطرق غير الموجودة داخل البرنامج فانا اتيح لك اظهار ملف الاكسيل عادي ان قمت بعمل بعض التعديلات واخفاء الملف لن يستطيع احد العبث بالملف نهائيا وان تفرغت باذن الله اضع لكم شرح لهذا الموضوع باذن الله تعالى مع تحياتي ياسر العربي 101010.rar