صلاح الدين سعيد

يا أستاذ ياسر أنا مش فاكر الباسورد ومش عارف هو كبير ولا صغير وأرقام بس ولا أرقام وحروف أنا مش فاكره فعلا بس ساعات باعمله أرقام وحروف وعلى فكرة جربت برنامج EXCEL PASSWORD RECOVERY وقعد حوالي 3 أيام وماوصلش لحاجة والبرنامج بيتم تفعيله بسهولة على ويندوز 10 بس مصطفى كامل الله يرحمه قال ( لا حياة مع اليأس ولا يأس مع من تنادي) وسعد زغلول قال ( مفيش فايدة ) أنا بقى هاقول ( إلحقووووووووووووووووووووووووووووووووني )

عايزني أرفعلك الملف

هو على فكرة XLS ( هتفرج ان شاء الله )

أشكر الجميع على الإهتمام الباسورد على الملف من الخارج يعني باسورد لفتح الملف وليس على الصفحات والمطلوب فك الباسورد على الملف لكي أتمكن من فتحه

وكيف يتم التواصل مع الأخ الكريم ياسر العربي

السلام عليكم ورحمة الله وبركاته السادة أعضاء المنتدى الكريم هل من الممكن فك باسورد ملف إكسيل دون الحاجة إلى برامج ( أنا تعبت ) عندي ملف حوالي 40 ميجا وعليه شغل كتير جداً ونسيت الباسورد بتاعه ومش عارف أعمل إيه دورت في كل المواقع العربية والأجنبية وكلها للأسف برامج وبتاخد وقت طويل جداً غير طبعاً إنها ( مدفوعة ) والكراكات اللي معاها مش شغالة مش معقولة يعني مصممين الإكسيل في مايكروسوفت مش عاملين حساب إن البني آدم بينسى أتمنى منكم جميعا إذا كان في حد قابلته المشكلة دي وحلها ......... برجاء إفادتي بالحل

السادة أعضاء المنتدى الكريم يوجد لدي ملف مساحته حوالي 13 ميجا ويوجد عليه شغل الشهر بالكامل وهذا الملف حالياً لا يقبل أن يفتح أو يأخذ منه نسخة أو يتحرك من مكانه وقد تم تجربة برامج عليه لفتحه وللأسف البرامج فشلت في فتحه وأنا في حاجة ماسة إلى هذا الملف لأن البيانات الموجودة عليه هامة جداَ فما الحل ؟ الرجاء الإفادة

اخي الحبيب أستاذ ياسر أنا شغال عالاكسيل بقالي 15 سنة ويمكن أكتر وعلى فكرة انا بجرب وبادخل معادلات كتير مع بعض بس بلاش امثلة علشان ما تضحكش بس مثلا عمري ما استخدمت small ولا countif ولا offset ولما عرفتهم وبدأت أستخدمهم انبهرت بالنتائج بس هي المشكلة عندي ايه ----- قول انت بقى معادلة إيه مع ايه علشان يطلع ايه ---- ثقافة الموضوع بس

حبيبي يا استاذ ياسر الدنيا منورة بيك لو انت غرقان في شبر ميه أبقى أنا غرقان في نقطة ميه واحدة ( مش باحسدك لا سمح الله ) الموضوع الأسلوب الأمثل في التفكير في استخدام الدوال واكيد في دوال اساسية ممكن تساعد الكثير مننا يعني تقدر تقول فلسفة الاستخدام HOW TO USE تنظيم التفكير

اخي الكريم استاذ محمد صالح أشكر حضرتك على اهتمامك وعلى ملاحظاتك الجميلة اللي استفدت منها كتير بس كل اللي حصل اني حملت الملف من مشاركة رقم 3 واضفت بيانات في الادخال لقيت النتيجة اللي عملتلها شير في مشاركة 4 وبعد ما عملت clear content ودوست تاني لقيت الكود شغال زي الفل وعموما حضرتك ممكن تراجع مشاركة 4 وتقوللي الغلط عندي انا فين علشان أتجنبه ولك مني جزيل الشكر ووافر الاحترام والتقدير

السادة أعضاء المنتدى الكريم أردت أن أطرح موضوعاً قد يفتقده الكثير من مستخدمي الإكسيل وهو كيفية دمج الدوال يعني مثلاً الدالة index مع الدالة match مع small مع row مع countif إمتى أستخدمها وإيه معناها وما هي الحالات التي أحتاج فيها لدمج المعادلات يعني باختصار ثقافة دمج المعادلات مش موجودة عند كتير مننا الرجاء الإفادة ولكم مني جزيل الشكر ووافر الإحترام والتقدير

أخي الكريم أستاذ محمد صالح ممكن حضرتك تحمل المرفق في المشاركة رقم 4 وتقوللي أنا غلطان في إيه وشوف شكل البيانات في شيت الإجمالي ثانياً أنا قولت لحضرتك إني عملت Clear content ودوست مرة تانية لقيتها ظبطت ومش قصدي حاجة من فوجئت دي وأوعدك إني مش هتفاجئ تاني

أستاذ محمد صالح لك مني جزيل الشكر ووافر الإحترام والتقدير وأعتذر عن عدم الرد مسبقاً وذلك بسبب ظروف عملي وكذلك التقفيل الشهري الكود الخاص بحضرتك تمام وزي الفل ويعمل بكفاءة ولكن كل ما في الأمر أنه عند بداية العمل على الشيت فوجئت بأن الأصناف تم إستدعائها على سطور والكميات جاءت في السطور التي تليها وليس أمام كل صنف كميته وظننت أن هناك خطأ وتم الرد من حضرتك clear content وبمجرد عمل ذلك أصبح يعمل بكفاءة ولا يوجد أي مشكلة عذراً أخي الكريم إن أطلت عليك أو تأخرت في الرد سامحني ويكفي أنكم ساعدتموني في الوصول لهذه النتيجة أما الأستاذ ياسر ( يسرولة بعد إذنك طبعا ) حد يسيب المنتدى الجميل ده ويمشي ( أنا قاعد هنا مش هامشي )

أشكرك يا أستاذ ياسر ( يسرولة ) لو سمحت لي يعني وأشكر أستاذ علاء رسلان وأشكر أستاذ محمد صالح وجزاكم الله عنا خيراً نفسي أتعلم Visual Basic باحتراف يا جماعة أنا بعد اللي شفته حاسس إني مبتدئ إكسيل مع إني شغال عليه أكتر من 15 سنة

الأخ الكريم أستاذ محمد صالح أشكر حضرتك لاهتمامك الكبير وشكرا على المجهود الفائق للوصول لهذه النتيجة ولكن النتيجة بعد أن تم العمل على الشيت وبعد الضغط على زر جلب البيانات كانت النتائج غير منسقة ولا أدري ما السبب في ذلك ومرفق شكل الشيت بعد أن تم العمل عليه برجاء المراجعة والإفادة وجزاك الله عنا خيرا mas_Recipe YasserKhalil.rar

السادة الأعزاء أعضاء المنتدى السلام عليكم ورحمة الله وبركاته بداية أشكر كل الذي ساعدني في هذا المنتدى الكريم والذي إتعلمت منه ولا زلت أتعلم منه الكثير الموضوع بإختصار شديد أن هناك ورقة عمل في المرفق إسمها الإدخال يتم فيها في أول عمود إثبات التاريخ وفي العمود الثاني الفرع والعمود الثالث نوع الحركة وهكذا كما هو موضح بالمرفق وكل سطر يحتوي على بعض البيانات وبمساعدة الإخوة الكرام في المنتدى تم عمل معادلة تفيد بمكونات الصنف من أول العمود الذي يحمل إسم ( 1 ) المطلوب في الشيت المسمى بالإجمالي أخذ هذه البيانات بشكل رأسي وليس أفقي كما هي في الإدخال مع تكرار التاريخ ونوع الحركة والفرع وهي البيانات الأساسية بالنسبة لسطر ( 1 ) آسف للإطالة ولكن المرفق سيوضح ما أريد عمله وتم تظليل الخانات المطلوب عملها للتوضيح ولكم مني جزيل الشكر مرفق.rar

عفوا اخي الكريم تقبل اعتذاري وتم الضغط على اجاباتك كافضل اجابة واشكرك على كرمك ولكن الموضوع بالنسبة لي هااااااااااااااااااااااااااام جداااااااااااااااااااااااااااا لانه سوف يقوم بعمل طفرة ليست بالقليلة في مكان عملي وسيستفيد منه الكثيرون ( ولك الاجر والثواب ) وجزاك الله عنا خيرا ومعلش خليها 43 مش هيحصل حاجة

سبحان الله الشيت ظهر ( هييييييييييييييييييييييه ) دوست عليه وانا خايف بعد ما حذرتني من الخطف بس الحمد لله جت سليمة المهم ان التجميعة سليمة بس التاريخ مش في الحسبان يعني المفروض إني أحط التاريخ مع التجميعي ومش مهم لو الصنف اتكرر في نفس العمود حتى لو في نفس التاريخ ( انت زهقت أنا عارف ) بس المرفق هيوضح لك أنا في شيت الادخال مع كل حركة باسجل تاريخ عند كل سطر عايز شيت الاجمالي يكون فيه التاريخ ( عمود ا ) الفرع ( عمود 2) عمود 3 نوع الحركة الصنف ( عمود 4) الكمية ( عمود 5 ) وأنا هاوفر عليك وأعمل أنا filter وكمان pivot table Recipe YasserKhalil.rar

الله يبارك فيك يا استاذ ياسر انا غيرت الاسم علشان خاطرك بس قوللي أعمل إيه في الكود ده يعني أشغله ازاي وفين شيت الإجمالي في المرفق ده ثانيا هو مش ممكن عمل معادلة علشان أتعلم منها ازاي اعملها واطبقها بعد كده أنا تقلت عليك انا عارف بس انت بالنسبة لي المنقذ وشكرا لإهتمامك

العمل سيكون من ورقة العمل "إدخال" إلى ورقة العمل "إجمالي"؟ نعم سيتم نقل البيانات من الصورة الأفقية عبر الصفوف إلى أعمدة ؟ نعم ولكن على عمودين فقط واحد بالأصناف والآخر بالكميات هل هناك أي بيانات مكررة ؟ أقصد أصناف فرعية مكررة ؟ أم أن الأصناف غير مكررة ؟ نعم هناك أصناف مكررة وإذا أردت أي توضيح برجاء موافاتي وسوف أقوم بالرد عليك شكرا يا أستاذ ياسر أخوك في الله صلاح

عملية الإستخراج ستكون لكل الأصناف الفرعية كما ذكرت ولكن في شكل رأسي يعني تحت بعضها وقدامها الكميات في العمود اللي بعده علشان أنا أعمل Pivot table عليها وأطلع ليها تجميعي عام

أستاذ ياسر أعتذر عن عدم تغيير الإسم و أعدك بالتغيير بس أعرف منين الأول وبعدين هاعدله ثانياً المرفق يوضح أن الأصناف التي تم إستدعائها بشكل أفقي على نفس السطر في شيت الإدخال مطلوب تجميعها بشكل رأسي في شيت الإجمالي كما هو موضح بالمرفق ولا يهم تكرار الصنف لأنه سوف يتم عمل pivot table غير أنني سأضيف بعض الأعمدة بعد عمل المعادلة وأشكرك على إهتمامك يا عبقري الإكسيل وأتمنى أن أصل لمستواك في الإكسيل :smile: Recipe YK.rar

السلام عليكم ورحمة الله وبركاته أشكر أستاذ ياسر وكذلك أستاذ علاء على الإهتمام بالموضوع وما توصل له الأستاذ ياسر هو المطلوب عمله بالظبط وسوف يساعدني هذا الشيت كثيراً في عملي ولكن أنا طماع شوية علشان بصراحة حاولت أجمع الأصناف والكميات في شيت منفصل ما عرفتش يا ترى في معادلة تجمع لي المنصرفات في شيت منفصل بحيث يكون العمود الأول عبارة عن الأصناف والعمود الثاني عبارة عن الكمية حتى أستطيع عمل PIvot Table وطباعة المنصرفات ثانياً سؤال بالنسبة للكود اللي كتبه أستاذ ياسر هل في حاجة في Option الإكسيل لازم أعملها Enable علشان الكود يشتغل بصراحة الأستاذ ياسر ( برنس برنس يعني مش أي حاجة )

يا أستاذ ياسر النتائج صحيحة من حيث الإستدعاء ولكنها غير مضروبة في الكمية المباعة اللي هي يعني خانة I2 تبقي مضروبة × D2 وهكذا يعني كمية كل صنف تم إستدعاؤه من Recipe يكون مضروب في الكمية اللي في شيت الإدخال ويا سلام عليك لو عملتsheet إجمالي يتم فيه تجميع المنصرفات من كل صنف بحيث يكون العمود الأول إسم الصنف والعمود الثاني كمية الصنف المنصرفة في شيت الإدخال وعايز أقولك بسبب معادلتك دي هتعمل طفرة لنشاط المطاعم فلك منا جميعا جزيل الشكر

يا أستاذ ياسر اللي حضرتك عملته هو المطلوب بالظبط بس النتائج اللي حضرتك طلعتها مش مظبوطة بس أنا عايزها بنفس الشكل اللي حضرتك عملته بس تبقى النتائج صحيحة وانا كان قصدي أشرحلك الفكرة لما قولت شيت لكن هي الفكرة فعلا إن الشيت اللي إسمه Recipe هو عبارة عن مكونات كل صنف والشيت اللي إسمه الإدخال محتاج أسجل إسم الصنف اللي تم بيعه فتظهر مكونات الصنف اللي هي عبارة عن الأصناف والكميات المعرفة في شيت ال Recipe طبعا إنت عملت المعادلة بس مش عارف ليه مش مطبقه عالكل يعني شوية بتشتغل وشوية لأ ومش فاهم ليه يا ريت تفهمني