سيد الأكـرت

ملف ممتاز كامتياز صاحبه جزاكم الله خيرا يا باشمهندس محمد

ده فعلا حقيقي رجل محترم بيحب يساعد كل الناس ربنا يجازيه خير

انا هرفق لحضرتك صورة من المطلوب ربنا يكون ده اللي حضرتك طلبه في الجدول العلوي 12 حصة زائدة موزعة كالاتي حسب الكود 4 حصص يوم الاحد وحصتان يوم الاثنين و3 حصص يوم الثلاثاء وحصتان الاربعاء وحصة الخميس والمطلوب كتابة هذه الاعداد في الجدول الثاني كما في الصورة المرفقة وفي حالة الغياب في احد الايام او الاجازة يمكن كتابتها يدويا بالتبديل مع الرقم الموجود

لا يا باشمهندس محمد انا اسف هو انا بس مش فاهم حضرتك تقصد ايه عشان كده انا مبعتش اللي حضرتك تقصده ومعذرة لعدم فهمي للمطلوب

شكرا جزيلا يا باشمهندس محمد ربنا يحفظك ويبارك فيك المعادلات تعمل بكفاءة والجزء المتبقي للعمل هو انه فرضا هناك حصتان عليهما دائرة حمراء يوم الأحد بعد إضافة الدوائر المفروض دول حصتين زيادة عن النصاب كده لازم نكتب قصاد كل يوم أحد في الجدول اللي تحت العدد 2 ولو الاثنين مفيش دوائر حمراء يبقي 0 كل يوم اثنين وهكذا ونجمع الحصص بالمعادلة اللي حضرتك وضعتها ونحسب على مدار الشهر عدد الحصص الزائدة كلها ( اللي هي محاطة بدائرة ) فلو امكن تعديل الكود ليجمعها تلقائي كان بها وإن لم يمكن نضعها كتابة لكل معلم والله المستعان وانا شاكر لتعب حضرتك واهتمامك حفظك الله من كل سوء ورزقك سعادة الدنيا ونعيم الاخرة وجعلكم في زمرة من يقضون حوائج الناس

هناك ملاحظة بسيطة يا باشمهندس محمد وهي أن اسم الفصل نص يعنى 6/4 مثلا ده تنسيق نص وانا لاحظت ظهوره في جدول الاساسي على انه تاريخ هل يمكن تعديل الجزئية دي في الكود وشكرا لتعب حضرتك

الله ينور على حضرتك يا باشمهندس محمد هشام تسلم ايديك الكودين ممتازين واوفوا بالغرض وزيادة ربنا يبارك في حضرتك ولو تكمل جميلك ويبقى فيه كود لعد الخلايا المحاطة بدائرة اكون شاكرا لحضرتك وفهم حضرتك للمطلوب صحيح عند تغيير الخلية k1 يتم استدعاء بيانات وجدول المدرس وقد تم بشكل صحيح لأنى قد قمت باستدعاءها بدالة vlookup لكن عند وجود خلية فارغة من الحصص الدالة تضع 0 وهنا كان الكود القديم يحيطها بدائرة لأنها ليست فارغة من وجهة نظره أما كود حضرتك ممتاز فهو يتجاهل الخلايا الفارغة وكود الاستدعاء منع وجود 0 مكان الخلية الفارغة جزاك الله خيرا واتمنى تحقيق الجزء الاخير ليكتمل الملف والمقصود به اذا كان يوجد يوم الاحد 3 حصص محاطة بدائرة حمراء يتم تسجيلها في الجدول الاسفل امام كل يوم الأحد 3 حصص ولو اليوم مفهش يكتب 0 ونستطيع بهذا حساب عدد الحصص الزائدى اسبوعيا عن طريق جمعها وإذا كان اليوم المدرس غائب ممكن ان نكتبها يدويا غ او اجازة ولو امكن معادلة الجمع تكون بتجمع الارقام لان وجود نص زي غ او اجازة هبخلي معادلة sum تعطى خطأ اتمنى ان اكون اوضحت المطلوب

هل ممكن كود لاستدعاء حصص المعلم من جدول البيانات حسب تسلسله

اساتذتنا الكرام الملف ارجو المساعدة في الملف المرفق وفيه كود لوضع دوائر حمراء على الحصص الزائدة المطلوب تعديل الكود ليتجاهل الخلايا الفارغة ثم جمع الخلايا المحاطة بدوائر حمراء كل يوم ووضعها في الجدول الثاني مع مراعاة إذا كان اليوم غ أو أجازة تكتب مكان العدد ويتم حساب الاجمالي بشكل صحيح وجزاكم الله خيرا الاجر.xls

يا استاذ محمد صالح رغم تحفظى الشديد على تلميحات حضرتك بس انا هوضحلك حاجة بسيطة جايز حضرتك تـُقـّدر سبب طلب المساعدة في عمل الكود الملف ده عبارة عن 18 عامود خلية وانا بدرس مادة نصابها فترة لكل صف يعنى نصابي القانوني 12 فصل في حصتين ال12 فصل دول حضرتك اضربهم في متوسط 100 طالب يعني 1200 طالب في 18 خانة يعنى 21600 خلية هتكتب بخط اليد في الترم الواحد بالاضافة لتصحيح الكراسات والامتحانات والشرح والتحضير والتدريب والاشراف والامن والاحتياطى الخ تخيل هذا الكم الرهيب وجايز يحصل غلط عند الجمع وحساب المتوسط الخ فقلنا نعمل حاجة تسهل الشغل شويه وتساعدنا بمنطق واحد هطلب من حضرتك تجاوبني عليه هل فيه فرق بين ان حضرتك تقيم طالب بما يرضي الله ويرضي ضميرك من 10 درجات مثلا أو من 100 درجة مثلا فالنهاية ده تقييم متروك لضميرك وربنا هيحاسبك عليه فاذا كان الموضوع بسيط ودرجة واحدة للتقييم فالطالب يستحق مثلا 9 من 10 في المقابل لما الدرجة تكون من 100 هياخد 90 من 100 بس الفرق في الحالة الاولى انه خد درجة واحدة ومباشرة وفي الحالة الثانية قسمنا ال100 درجة إلى 18 خانة واحدة من 5 وواحدة من 5 الخ وفي النهاية يا افندم ما يرصد له هو نفس درجة التقييم اللي حضرتك قيمته بيه وراعيت ربنا فيه وكان ضميرك هو الحكم عليه فالهدف مش غير اخلاقي يا افندم ولا فيه ظلم بقدر ما هو طلب مساعدة في شغل عايز باش كاتب متفرغ ونسبة الخطأ فيه عند الجمع وخلافه واردة بنسبة كبيرة إضافة إلى أن المعلم إذا كان ليس لديه ضمير اثناء الكتابة اليدوي فقد يعطي درجة تظلم التلميذ الخ يعني في الحالتين المقياس والمعيار هو الضمير والخوف من ربنا وما اكثر الاخطاء التي يعرفها الجميع في رصد درجات الطلبة في الامتحانات ويتظلم بسببها التلاميذ سواء اخطاء رصد او جمع او كل ما هو يدوي وانا او غيري لو معندهوش ضمير هيرصد درجة غير الموجودة على ارض الواقع لكن الكمبيوتر مبيغلطش وبيساعدنا نحقق الرسومات والتفريعات الكثيرة اللي كل شوية يخترعوها ويرهقونا ويعذبونا بيها اتمنى اني اكون وصلتلك الهدف من طلب المساعدة والله خير شاهد ومطلع على ما اقول

شكرا جزيلا يا استاذ حسن جزاك الله خيرا حقيقي مش لاقي كلام يعبر عن شكرى وامتناني لحضرتك ربنا يحفظك ويبارك فيك ويرزقك سعادة الدنيا ونعيم الآخرة وهذا ما عهدناه من سيادتكم في مد يد العون لمن يحتاجه شكرا جزيلا

انا لا اعرف سبب حدة حضرتك في الكلام وطالما تعودنا من الأساتذة الكبار مساعدة من يطلب المساعدة ولماذا تظن انى على علم بالأكواد واننى لم اتعب نفسي وقد حاولت التغيير على قدر علمى ولم اوفق فطلبت المساعدة كما تعودنا من عظماء واذا كانت سياسة المنتدى الان عدم المساعدة الا بمقابل مادى فعذرا لم اكن اعرف ولكني اتصفح المنتدى يوميا وارى الكثيرون يساعدون الغير بلا مقابل ولا تهكم وسخرية ممن يطلب المساعدة فاذا كنت حضرتك لا ترغب بالمساعدة فهذا يخصك ولكن لماذا تحجر على الجميع بكلامك الحاد وتتهكم عليا وربما في يوم من الايام استطيع اجادة ما تجيده ووقتها ساكون في خدمة الجميع بلا مقابل وكنت صادقا معك وقلت لك ان الكود يخص الاستاذ الفاضل الشهابي عموما شكرا جزيلا لحضرتك ولسياسة المنتدى الجديدة التي لم اسمع عنها الا من حضرتك وراجع كل مشاركاتي هتلاقي من يساعد بدون تهكم ولا سخرية ولا اهانة شكرا مرة اخرى لذوق حضرتك !!!!!!

أستاذنا الفاضل محمد صالح هذا الكود من عمل استاذنا الفاضل الشهابي كان قد تكرم عليا وأمدني به يقوم عند وضع درجة المتوسط بتوزيع الدرجات تلقائيا على مدار ثلاثة شهور بحيث اذا كانت الدرجة نهائية تكون درجة الشهور الثلاثى نهائية أما اذا كانت الدرجة مثلا 40 من 50 في المتوسط تكون درجة الشهر الثاني نفس درجة المتوسط ويكون الشهر الاول ناقص درجة والشهر الثالث زايد درجة واذا كان المتوسط غ تكون كل الدرجات غ وكل شهر متقسم لمجموعة من العناصر فيه درجة من 10 ودرجة من 10 ودرجة من 20 ويكون مجموعهم حسب درجة المتوسط وفي النهاية يقوم الكود بجمع درجة المتوسط مع التحريري هذا كله في الورقة الاولى والان تم تعديل نموذج الدرجات لتكون شهرين وليس ثلاثة واصبح عدد اعمدة كل شهر 7 اعمدة وليس 4 كما في الصفحة الاولى وجزاكم الله خيرا على تعاونكم

السلام عليكم ورحمة الله وبركاته إخوتى في الله اتمنى تعديل الكود المرفق الخاص بالورقة الاولى لتوزيع متوسط الدرجات ليناسب الورقة الثانية ( الجديد ) ولكم جزيل الشكر والعرفان توزيع المتوسط.xls

شكرا جزيلا لحضرتك وكل عام وانتم بخير