خالد عبد الغفار

تفضل هذا النموذج المضبوط انظر الى الحقول كلها بمسمياتها عفوا هذا هو النموذج خالد.rar

فى انتظارك يا محترم وموفق إن شاء الله

خذ حقول النموذج الخاص بالسحب والإفلات كوبى بست كما هى بالنموذج الخاص بى وجرب ووافنى بالنتيجة

استاذ حمدى / مساء الخير فى الحقيقة لقد أصابنى الإحباط من عدم رد الإخوة فى المنتدى أوحتى أى مساعدة لدرجة جعلتنى ندمت على فتح مثل هذا الموضوع خصوصا وأنا أعلم أن المنتدى ملئ بالخبرات والكفاءات خاصة وبعد أن شرحنا الموضوع جزء جزء عموما ربنا يوفقك ولو عاوز أى تقارير أنا عاملها كلها وشغال بيها لك تحياتى

للرفع

رجاء من السادة المشرفين أوالإخوة الأعضاء أو ممن لديهم الخبرة المساعدة فى عملية التوزيع حتى نستطيع تكملة البرنامج

للرفع

حتى لا تتعب نفسك عشان تعمل إدخال يدوى لازم يكون معاك جدول ورقى يعنى تكون عامل الجدول وموزعه بالطريقه القديمه وتنقل منه الحصص فى البرنامج بعد ما تكون شوفت التضارب زى المعتاد تمام طيب ما أنا عامل نموذج بالسحب والإفلات للإدخال اليدوى غير السحب والإفلات اللى فى نموذج انتداب لسه منزلش مع البرنامج قلت انتظر لما نشوف حد يعدل الوحدة النمطيه بتاعة التوزيع الآلى ثم نرفق معاه نموذج إدخال الجدول يدويا

جميل ومجهود تشكر عليه بس ده هيفيد فى إيه فى ادخال يدوى مثلا

طيب يا عم حمدى متنزل النموذج بتاع الإدخال ده وتورينا معاك عشان نستفيد كلنا

مرحبا استاذ حمدى كنت انتظر ردك وان تدلى بدلو ملاحظاتك زى التضارب مثلا بين الحصص عمومااعتقد ان الموضوع كده بقى واضح بعد عرضه جزء جزء ولكن علينا أن نعطى متسع من الوقت لعمالقة المنتدى للدراسة والتجربة وخصوصا انه زى نا قلت صعب شويتين ومحتاج حد عنده خبره ودرايه كبيره والله المستعان

فى انتظار رد من عمالقة المنتدى مشرفين وأعضاء لإبداء الرأى وتعديل المطلوب

السلام عليكم ورحمة الله الآن نوجز المشاكل التى ظهرت بعد عملية التوزع وأرجو ممن يهتم بهذا الموضوع وله دراية بتوزيع الجدول المدرسى أن يلاحظ معى جيدا فربما يفوتنى شيئ أولا تم توزيع نصاب كل معلم تمام التمام بمعنى ليك 15 حصه وزعلك 15 حصه زى ماحضرتك أمرت ثانيا لو لاحظنا المعلم رقم 1 عبير الحصة 8 (2/1 عربى) والمفروض 2/1 يتبع الصف الأول وعدد حصص الصف الأول فى يوم الأحد 7 حصص نفس الكلام يوم الثلاثاء بالرغم أن عدد حصص الصف الأول يوم الثلاثاء 6 حصص إذا المطلوب هنا أن نحدد لكل صف عدد الحصص فى اليوم اللى هما 5 أيام وكذلك حقول هذا اليوم من حقل كام إلى حقل كام على سبيل المثال يوم الأحد عدد الحصص 7 هتبدأ من حقل 3 إلى حقل 16 وهكذا باقى الأيام ثالثا معلم رقم 4 سيد له 9 حصص E بواقع 3 فصول 2/3 (3 حصص) فتره ونصف كما أوضحنا سابقا + 1/4 + 1/5 تم التوزيع فى يوم واحد فقط وحصه فى اليوم التالى معنى كده إن التلاميذ دول مش هيدرسوا E غير يوم واحد بس طوال الأسبوع يبقى لازم نراعى توزيع حصص المادة على مدار الأسبوع حصتين فى يوم ( متتاليتان) + حصه مفرده بعدها بيومين مثلا رابعا المعلم رقم 7 هويدا 4 حصص رياضيات متتالية يوم الإثنين يعنى فترتين ومادة الرياضيات لا تتجاوز فترة واحدة فى اليوم الواحد ( يعنى حصتان متتاليتان ) خامسا المعلم رقم 10 احمد عند التوزيع تم ابدال 3 حصص اشراف من يوم الثلاثاء إلى يوم الأحد 6،5،4 والمطلوب ثبات وعدم ابدال حصص الإشراف أو الانتداب سادسا المعلم رقم 11 لديه 12 حصه في يوم ونص وباقى الأسبوع مالوش حصص طبعا غير معقول ولا مقبول لذا يجب مراعاة توزيع الحصص على مدار الأسبوع مع مراعاة أن يكون للمعلم فراغ بين كل فتره أو فترتين على الأكثر ( ياخد فيهم نفسه ويرتاح شويه) دى بعض الملاحظات التى طرأت لى وأرجو منكم إذا فاتتنى ملحوظه أن تزكروها

والآن تم عمل بعد التعديلات التى وجدت أنها بها خطأ خصوصا فى إدخال الإشراف أو الانتداب ويجب أن تراعى عند الإدخال أوجزها فى : يراعى ألا يكون عدد 2 مدرسين ممن يدرسون المواد ذات النصاب الكبير اشراف فى نفس اليوم أو واحد اشراف والثانى منتدب عشان تسهل عملية التوزيع طيب مواد نصابها كبير زى إيه مثلا العربى 12 حصه والرياضه والعلوم 9 حصص وضحت تم تلافى ذلك فى النموذج والآن بعد عمل تجربه فى التوزيع ( كما هى موجودة فى البرنامج الأصلى ) Teacher-Class اضفنا الوحدة النمطية المسئولة عن مسح بيانات جدول تيتشر كلاس ثم توزيع الفصل والمادة لكل معلم وفك التضارب تم استدعاء الوحدة النمطية بنموذج التوزيع كل جزء بزر منفصل هنا نود من خبراء الأكواد فحص الوحدة النمطية بعد مشاهدة الأخطاء التى نتجت عن عملية التوزيع سوف ترونها عند فتح نموذج انتداب عندما تشاهون معلم معلم بس نشاهد نموذج انتداب الأول ونشوف مدرس مدرس قبل أن نفتح نموذج التوزيع لسبب بسيط لأنك لو ضغطت على زر المسح بالنموذج لن تجد به بيانات لتشاهدها فى نموذج انتداب توزيع الجداول المدرسية.rar

هلا استاذ عبد الفتاح حضورك يسعدنا

تمام التمام يا عم حمدى محتاجين الفترة القادمة من يجيد صنع الأكواد طبقا للشروط وده اللى خلانا نمشى واحده واحده عشان كل من يتابع هذا الموضوع يبقى عارف طبيعته من الألف للياء وده اللى بحاول أوصله للجميع عشان يبقى الموضوع واضح وبالتالى إذا تكرم احد المشرفين أو الإخوة الأعضاء المساعدة مايتوهش مننا وبالنسبة لإدخال مدرس بعينه عشان ظروفه ده كلام مش مضبوط لسبب بسيط لو أدخلنا المنتدب أو اللى عنده حصه مغلقة يدويا لوجينا نوزع آلى لباقى المدرسين لازم الحصص دى هتتلخبط تانى نتيجة تضارب أو تبديل مع مدرس تانى ولا إيه رأيك يا استاذ حمدى لكن هيكون فيه نموذج آخر للتوزيع اليدوى لجميع المعلمين سينزل فى حينه بعد عمل تعديل عليه المهم دلوقتى بالنسبة لإدخال منتدب أو مشرف أو مغلقة فيها مشكله أو حد وجد فيها صعوبه قبل أن نضع شروط التوزيع بالنسبة لكل مادة ولكل معلم ولكل صف أم لا

أخى kanory هذا نموذج إدخال وليس عرض العرض بعد ذلك سيكون فى تقرير يعرض لك خطة المعلم يعنى الصف والفصل والمادة وعدد الحصص التى يدرسه فى كل فصل ثانيا تم إضافة نموذج جديد مصدره تيتشر كلاس هذا النموذج سوف ندخل منه أوقات الإشراف أو الإنتداب أوحصه مغلقه مش عاوز أديها لمدرس مثل الحالات السالف ذكرها كل ما عليك هو تغيير كلمة منتدب الموجودة فى النموذج بأى مسمى تريده إشراف أو منتدب أو مغلقة حسب ما تريد ثم قم بسحب المسمى وضعه حيثما تريد النموذج اسمه ANTDAB نشاهد ثم نتناقش إذا لزم الأمر توزيع الجداول المدرسية.rar

السلام عليكم ورحمة الله أخى kanory مثلما قال لك استاذ حمدى تمام أخى / أبو آلاء نفسك معانا (بالمصرى كده) وألف مليون سلامه عليك شفاك الله وعافاك والآن بعد أن أدخلنا البيانات المصغره اللى عملناها (فصلين بكل صف) نبدأ أولا كل مدرس بياخد اشراف ممكن يكون يوم كامل مثلا أو ممكن معلم آخر بيكون منتدب يومين خارج المدرسه معنى كده أنه لن يسند أليه حصص فى هذه الأوقات وممكن كمان مدرس عندك فى المدرسه عاوز يحضر للمدرسه بعد الحصه الأولى لظروف سكنه بعيد عن المدرسه وبيركب مواصلات وممكن كمان تكون مدرسه لها ساعه رضاعه (والده حديثا) تحضر متأخره صباحا يبقى لازم ننزل الحالت دى فى جدول تيتشر كلاس اللى هيتم فيه التوزيع قبل أن ندخل فى عملية التوزيع بالشروط التى سوف نحددها بعد ذلك لو هناك اضافه غير ما قلت ارجو تذكيرى بها أثناء تجهيز النموذج الجديد بالسحب والإفلات

السلام عليكم ورحمة الله الآن ادخلنا البيانات الخاصة بكل جدول بيانات كل صف امام كل صف اليوم وعدد الحصص التى يدرسها فى هذا اليوم وكذلك بيانات المادة بها الصف والمواد التى يدرسها هذا الصف وعدد الحصص الأسبوعية لهذه المادة والحصة الأخيرة للمادة وحصتان متتاليتان وتسمى فى المدارس المصرية (فتره) يعنى لو عدد حصص مادة ما ولتكن التربية الدينية 3 حصص اسبوعيا تسمى فتره ونصف يعنى يراعى بقدر الإمكان عند توزيع الجدول ان تكون حصتان متتاليتان ( فترة ) وحصة مفردة فى يوم آخر لأنه غير منطقى أن يدرس طالب مادة واحدة 3 حصص فى يوم واحد ولا يدرسها باقى أيام الأسبوع عملنا كمان جدول بيانات المعلم به رقم المعلم والصف والفصل والمادة التى يدرسها بهذا الفصل وعدد حصص هذه المادة ثم جدول تيتشر كلاس وهو الذى سوف يتم فيه التوزيع به رقم المعلم واسمه وتخصصه من جدول (spciality) وده عشان نخرج منه بعد كده جدول تخصص مثل العربى أو أى مادة أخرى بعد التوزيع يضم أيضا (الاحد 1) وهنا ستكون الحصة الأولى يوم الأحد ولتكن 1/1 و (الاحد-مادة1) وهنا سنضع المادة ولتكن عربى يعنى التوزيع هيبدأ من الحقل رقم 3 اللى مسماه الأحد1 حتى الخميس-مادة 8 ثم عدد حصص المدرس فى الأسبوع وهى مساوية لجملة الحصص التى يدرسها فى كل فصل فى جدول بيانات المادة ثم شورت نيم المقصود بها اسم مختصر للمعلم ثم تكست انا جعلت قيمتها منتدب عشان لو عندى معلم منتدب احد الأيام زى ما هنشوف بعد كده هذا ما تم عمله حتى الآن وهذا المرفق به ما تم انجازه حتى الآن أى استفسار انا جاهز قبل ما ندخل على التقايل توزيع الجداول المدرسية.rar

بالفعل استاذ حمدى سوف يكون هنلك جدول تيتشر كلاس الذى سوف يتم فيه التوزيع هذا أولا ثانيا الذى أقصده بالحصة الأخيرة للمادة أى مادة مثل التربية الرياضية المفروض عند توزيع الجدول المدرسى أنها لا تتجاوز مثلا الحصة الرابعة ومثلها مادة الرياضيات مش معقول تكون الحصة السابعه أو الثامنه الطفل يكون نام منك ثالثا بالنسبة للحصص المتتالية انا عامل خانة اختيار بعنوان حصتان متتاليتان دى المفروض تتراعى عند كتابة الأكواد لم نستمع الى رأى استاذ أبو خليل الى الآن إذا كان فيه حاجه مش واضحه من البداية أم كل شئ على ما يرام عموما سوف نضيف الآن جدول بيانات المعلم وجدول تيتشر كلاس والذى سيتم فيه توزيع الحصص لكل معلم تفضلوا المرفق وأى نقاش انا معكم مع العلم ان هناك بعض الحقول سوف نعرف المراد منها لاحقا توزيع الجداول المدرسية.rar

مرحبا بك أخى kanory تمام أخى حمدى لا تتعجل حتى يتسنى لمن لم يعمل بمجال التعليم أن يستوعب الموضوع رويدا رويدا حتى تسهل عملية المساعدة والآن بعد أن أصبح لدينا جدول يوضح لنا عدد الصفوف بالمدرسة سوف ننشئ جدول للفصول بمعنى الصف الأول فيه كام فصل بينتموا لهذا الصف وهكذا لباقى الصفوف وكل فصل له رائد من المعلمين وسوف نعمل على فصلين لكل صف فى البداية كتجربة وسوف ننشئ جدول لبيانات المادة التى يدرسها كل صف وعدد الحصص لكل مادة وجدول لبيانات المعلم امام كل معلم الفصل والمادة التى يدرسها بهذا الفصل وعدد حصص المادة أسبوعيا بكل فصل مع نموذج إدخال لكل جدول توزيع الجداول المدرسية.rar

الإخوة الأعزاء مشرفين وأعضاء السلام عليكم ورحمة الله برنامج التوزيع الآلى للجدول المدرسى من المواضيع التى تهم عدد كبير ممن يعملون بمجال التعليم والمشاركة فيه مفتوحة للجميع والآن نبدأ على بركة الله بشرح آلية عمل البرنامج قبل الشروع فى إنشاء الجداول بكل مدرسة عدد من المعلمين يقومون بالتدريس للطلاب فى صف دراسى أو أكثر وفى فصل دراسى أو أكثر من فصل وأيضا ممكن المدرس الواحد يدرس مادة واحدة أو أكثر فى الفصل الواحد أو فى أكثر من فصل من هنا نجد أن الموضوع متشابك ومتداخل (معقد حبتين) أبدا لا معقد ولا حاجه هو محتاج شوية تنظيم فى بناء الجداول وربطها تمام عشان كده هانبدأ بعمل الجداول التى نحتاج بياناتها فى عملية التوزيع فى البداية لابد من جدول يشمل الصفوف عندنا كام صف سنعمل على مدرسة ابتدائية حكومية فمثلا نجد أن لدينا عدد 6 صفوف من الصف الأول حتى الصف السادس طيب وكل صف ليه كام يوم دراسه 5 أو6 أيام طيب وكل صف ليه كام حصه فى اليوم الواحد وهل كلها متساويه لا طبعا شاهد معى الجدول بنموذج الإدخال لكل صف توزيع الجداول المدرسية.rar

ما دمنا قد اتفقنا على المبدأ سوف نقوم بمشاركة جديدة تحت عنوان برنامج الجدول المدرسى على بركة الله

بارك الله فيك أستاذ ابو خليل واتفق معك تماما فى مسميات الجداول وأنا بالفعل غيرتها حتى تكون بعيده عن الكلمات العربية ليسهل تعريفها فى الأكواد وإذا اتفق معنا استاذ حمدى فى الرأى أنا على أتم الاستعداد لبداية البرنامج من أول إنشاء الجداول خطوه بخطوه حتى تعم الفائده للجميع فى انتظار رأى الأستاذ حمدى ولك تحياتى أخى الفاضل أبو خليل

أستاذ / حمدى السلام عليكم ورحمة الله لقد نصحتك سابقا بشرح آلية عمل البرنامج من بدايته حتى يتسنى للجميع فهم طبيعة عمل البرنامج وبالتالى تسهل عملية المساعدة ولكنك أبيت والآن ومن وجهة نظرى أنت تدور فى حلقة مفرغه حتى من يريد المساعدة بيتوه فى البرنامج وبتكون المحصله انه مش قادر يفهم المطلوب إيه أرجو قبول نقدى الهادف بصدر رحب وفكر فى كلامى هتلاقيه تمام ثانيا مع احترامى لنموذج الأستاذ عبد الله كاظم إلا انه ينقصه الكثير من الضوابط كما قال هو بنفسه وحضرتك تركت برنامج تيتشر كلاس وبدأت تعدل فى نموذج استاذ عبد الله وشاهدت مشاركتك بالأمس ورد الأستاذ جعفر عليك والمحصله بالنسبة للجدول بعد التوزيع كلها تضارب ومش تمام ونصيحتى لك أخى الفاضل ان تركز فى برنامج واحد وأخيرا ياعزيزى أرجو أن تقبل وجهة نظرى كما قلت بصدر رحب حيث أن اختلاف الرأى لا يفسد للود قضية تقبل تحياتى واحترامى لشخصكم الكريم