ياسر خليل أبو البراء

السلام عليكم أنا والله فعلاً مفتقد وجودهم ، ولكن أخشى إن يكون عدم وجودهم بسبب تواجد أمثالنا "اللي طلباتهم كتير ع الفاضي وع المليان" نتمنى أن يكونوا جميعاً بخير وصحة وعافية ، وربنا يبارك فيهم ويجعل الجنه هي مآلهم عاشق الإكسيل

آخر استفسار معلش أنا طولت عليك إذا كان الفرق أكبر أو يساوي 3 تقسم العلامة من التصحيح الأول والثاني الأقرب إلى التصحيح الثالث على2 ممكن توضح الكلام دا بمثال وتقول على نتيجة المثال مسبقاً يعني مثلاً لو الفرق 4 في الحالة دي ألجأ للتصحيح الثالث إذا كان التصحيح الثالث 8 والأول 9 والثاني 5 ( ايه العدد الأقرب للتصحيح الثالث ) وضح شوية وأهي هانت جرب هذه المعادلة =IF(D6<3;(B6+C6)/2;E6) عاشق الإكسيل

أستاذ أحمد حبيب قلبي الأرقام الموجودة عدد الأبناء وما أريده هو جلب بيانات المبالغ المستحقة في حالة تحقق شرطين بعينهما (مثال إذا كان متزوج ولديه ابن واحد يكون نصيبه 4 جنيه ، أما إذا كان متزوج وله أكثر من ابن يكون نصيبه 6 جنيه وهكذا حسب الجدول الموضوع ، بمعنى تاني أنا حاطط جدول شروط وعايز من خلال جدول الشروط ده أكتب معادلة في قاعدة البيانات اللي عندي بحيث تظهر نتائج المبالغ المستحقة لكل شخص في قاعدة البيانات ( اللي هي عبارة عن استمارة مرتبات موظفين ) عاشق الإكسيل

والله كلام زين زين زين وبصراحة مش لاقي كلام تاني أقوله بعد الكلام الحكيم اللي صدر من شخص حبيب وحكيم *************** أما أنا فشغوف دائماً بما هو جديد من باب مواكبة التطور ، مش معقولة أبداً حنفضل طول عمرنا ماسكين بايدينا وأسناننا في أوفيس 2003 الشركة دي مش هبلة ، حتعمل فينا زي ما عملت في نظام التشغيل ويندوز 98 اللي كل الناس كانت متمسكة بيه ، وايه النهاية انتهى من على خريطة نظم التشغيل فإحنا ليه نستنى إنهم يجبرونا على إننا نطلق 2003 ما نخلعه وخلاص ونجدد أفكارنا ( دا مجرد رأي ولا يعبر عن رأي المتدى ) عاشق الإكسيل

السلام عليكم أخي وحبيبي طالب العلم بص مش دايماً لازم تستخدم أداة واحدة عشان تحقق هدفك يعني فيه دالة اسمها VLookkup ممكن تنفذ اللي إنت بتقوله من غير وجع قلب ولا 7 شروط ولا 8 مشارط ولا أي حاجة من الحاجات دي ارفق لي ملف حتى أعمل عليه اختصاراً للوقت عاشق الإكسيل

ربنا يكرمك يا أخ سامي حتة إن الملف دا مخفي دي بقى فاتتني مكنتش أعرف إن المخفي دا مخفي شكراً على الإفادة ، وربنا ميحرمناش منك عاشق الإكسيل

أخ سالم أرجو التوضيح قليلاُ ، لقد قلت في الملف المرفق: نلجأ إلى التصحيح الثالث إذا كان الفرق أكبر أو يساوي 3 (العمود e) هل عمود التصحيح الثالث إدخال يدوي أم تريده بشرط؟؟؟ أرجو الإفادة عاشق الإكسيل

أخ أحمد أسعد الله مساءك ، ولا أقولها كما يقولها سيد أبو حفيظة - هداه الله عاشق الإكسيل

آسف على إلحاحي عليك ، بس أنا عارف إنك متواجد الآن وباستغل وجودك لأنك مشغول معظم الوقت عاشق الإكسيل

أخي جلال إن كان لي جزور بالمنوفية سأقوم بذبحها على الفور ولن أتركها ترعى عندكم حتى لا تتطبع بطباعكم وتسير على نهجكم نصيحة: لا تأكل منها لأن لحم الجزور سينقض الوضوء ( هذا ليس بخلاً ) عاشق الإكسيل

أستاذ أحمد دخلت على الرابط وبصراحة حاسس إني تهت فلو ما كانش يضايقك ممكن تشتغل على الملف المرفق أنا عارف إني دايماً بتقل عليك عاشق الإكسيل

بارك الله فيك ياأخ خالد بس الحجم دا تقيل علينا إحنا أصحاب الدايل أب ( بحسد كل واحد عنده DSL آه والله (((هيصة ))) (تحميل بلا حدود مش زينا إحنا الغلابة) حاجة تحزن !!!! حاجة تانية : إحنا لسه ملحقناش نتعلم كل حاجة في 2007 قصدي 2003 عشان ييجي علينا إصدار جديد يا حزني ( قلبناها مندبة ) بصراحة مواكبة التطور امر صعب صعب صعب قوي عاشق الإكسيل

بتاع لغة عربية ههههههههههه قصدك بتاع فجل جرجير أي حاجة من الحاجات دي ، لكن لغة عربية إحنا غلابة أصلاً أنا مدرس English إيه اللي دخلني في دهاليز اللغة العربية ( حشري أنا ) أوعى تقراها حشري بفتح الحاء (بكسر الحاء وليس بفتحها) نسيت أشكرك على الرابط ،بارك الله فيك وفي والديك عاشق الإكسيل

السلام عليكم إخوتي الكرام الأعزاء المقربين إلى قلبي دائماً وأبداً إن شاء الله جمعنا الله وإياكم في مستقر رحمته في الفردوس الأعلى سؤالي اليوم : هل يمكن استخدام الدالة VLookup لشطين ( أقصد لشرطين ) أو أكثر مرفق ملف للتطبيق عليه ولكم جزيل الشكر والامتنان VLookup_2Conditions.rar

السلام عليكم كيف حالك يا باشمهندس يا جميل بصراحة الكود روعة روعة روعة بس فيه مشكلة صغيرة : لا أريد سوى حذف الكسور البسيطة التي لا تتعدى 5 قروش فقمت بمحاولة التعديل على الكود لأحصل على المراد والتعديل كالآتي ( وهذا لا يقلل أبداً أبداً أبداً .............. من مجهودك العظيم الذي أسأل الله العلي القدير أن يجعله في ميزان حساتك يوم القيامة ) آمين Range("bd2").Select For i = 1 To 7 x = ActiveCell.Offset(0, 2).Value * 2 T = Application.WorksheetFunction.RoundDown(x, 1) y = (x - T) / 2 ActiveCell.Value = y ActiveCell.Offset(1, 0).Select Next i

السلام عليكم أخ Justice حاشا لله أن أتهكم أو أسخر منك ، فأنت والله من المقربين إلى قلبي ، وأنا أستفيد من مشاركاتك بشكل كبير وحاشا لله أن أتهكم من أستاذي ومعلمي ولكن سامحني في الطريقة التي أكتب بها ، فأنا هنا في هذا المنتدى أشعر وكأني في بيتي ( شوف بقى لما تكون في بيتك مش بتاخد راحتك ) عاشق الإكسيل

مسامح طبعاً يا باشمهندس ، لإني ما زعلتش أساساً! وبارك الله فيك ، وزادك من علمه ، ونفعنا وإياك بهذا العلم عاشق الإكسيل

هي دي بردو حاجة تفوتني طبعاً بحثت عن Personal ولم أجده عاشق الإكسيل

أستاذ جلال وابن النيل منايفة!!! أحسن ناس طبعاً ، بس أخشى إن الأعضاء يطفشوا من المنتدى دا ويروحوا منتدى تاني مفيهوش منايفة بس هناك بردو حيلاقوا منايفة حاجة تغيظ.............. آسف والله بهزر ، ومقدرش مهزرش ! إني أحبكم في الله يا إخوتي المنايفة بارك الله فيك أخ جلال على المنف قصدي الملف ( اتأثرت بمنوف ) عاشق الإكسيل ( الغرباوي الأونطجي)

أخي اصبر على مشرفي هذا المنتدى وأعضائه فمعظمهم مشغولين دائماً ولكنهم عاجلاً أو آجلاً سيردون عليك ، وسيكون الرد شافي وكافي بإذن الله ************ أنا لو متعمق شوية كنت أفدتك ، لكن أنا لسه في KG1 ************ عاشق الإكسيل

أعتقد أن طلب الحصول على أرقام التسجيل لهذه البرامج يعد -كما علمني الأخ Justice - من التعدي على حقوق الملكية الفكرية مش كدا ولا ايه؟؟ أنا عايز رأي الأعضاء بصراحة في الموضوع دا ، لإن إحنا كعرب منقدرش على ثمن البرامج دي ، ومعندناش الإمكانيات لشرائها أبداً معنى الكلام ده إن إحنا حنفضل متخلفين!!!!!!!!!وهذا ما لا أرضاه !!!! السؤال إذاً : إذا منعني شخص من علم ، هل يجوز الاستيلاء بطرق غير مشروعة على هذا العلم؟ ( سؤال محيرني ) :wink2: عاشق الإكسيل

السلام عليكم أخي أحمد يعقوب أسعد الله مساءك احزر - احزر - احزر ( أي خمن ) لقد بحت عن الملف المدعو Personal.xlsb ولم أجده ، يبدو أنه قد تاه بين الملفات ولم بجد طريقه للنور أين هذا الملف ؟؟؟ إذ أن نظام التشغيل عندما يتجدد لا أجد الأكواد المحفوظة في هذا الملف ( إذاً إنه يحفظ على C ولكني لم أجده حتى الآن لآخذ منه نسخة احتياطية )!! عاشق الإكسيل

أخي أحمد تشكر على المداخلة الجميلة دي منك ، بس دي مش حصة عربي بس ، دي حصة رياضيات كمان مش فيها أوزان ( يعني كله على كله ) يا ريت تشتغل على الملف المرفق أعلى الموضوع ، وتشوف لنا حكاية الخلية المرجعية الدائرية دي ملهاش حل ولا لها حل على فكرة تشكر دي ( كلمة شكر في اللغة المصرية ، كما انها قد تعني تشكر مرات مبروك في مسلسل مبروك جالك قلق ) أنا بقى القلق بعينه وبودنه وبايده وبـــ.....ولابلاش أكتر من كدا عشان متحسبش علينا مخالفة!!! عاشق الإكسيل

السلام عليكم أخي طالب العلم نعم ينطبق الشرح على أوفيس 2003 إلا أن الفيجوال بيسك يعمل من قائمة أدوات عاشق الإكسيل