ياسر خليل أبو البراء

تفضل أخي الحبيب جرب الملف التالي My Data.rar

وجزيت خيرا أخي الفاضل بوركت وبورك كل مسلم

السلام عليكم ورحمة الله وبركاته كيف حالكم إخواني الكرام في المنتدى الغالي؟ لقيت نفسي نفسي (نفسي الأولى غير التانية ..) نفسي الأولى يعني أنا - وأعوذ بالله من كلمة أنا - ، ونفسي التانية يعني حاجة أتمنى أعملها .. المهم لقيت نفسي أعمل حاجة مختلفة .. بشكل مختلف .. بأسلوب مختلف يكون فيه عنصر التشويق والإثارة والبساطة مجتمعين في نفس الوقت. كتير مننا أول ما يسمع كلمة البرمجة والأكواد يتخض وكأن الموضوع مستحيل ...أبدا كل الحكاية إننا بنبدأ غلط مش بناخد الخطوات الصحيحة لتعلم البرمجة. لو عايز تتعلم البرمجة ونفسك بجد تبدأ تتمكن فيها خليك معايا ، هنقضيها رغي شوية وهزار شويتين ، وجد مش كتير ... ايه رأيكم؟ نبدأ على بركة الله .. أول حاجة بعد ما تنصب الأوفيس وتفتح الإكسيل تلاقي اللي انت عايزه مش موجود طيب نظهره إزاي ؟؟ ببساطة فيه زر أوفيس فوق شمال هتضغط عليه وتضغط Excel Options هتلاقي نافذة فيها خيار اسمه Show Developer tab in the Ribbon يعني إظهار التبويب ، وهتلاقي جنبه مربع تحط فيه علامة صح مبروك الخطوة الأولى واحد هيقولي عندك اقف أول خطوة فشلت فيها ..هقوله ربنا ما يحرمنا من الفشل لأن الفشل أول طريق النجاح .. هقولك لو ملقتش اللي بحكي عليه يبقا اصدار الأوفيس مختلف أنا شغال على 2007 ، وحضرتك على 2010 أو 2013 (بالنسبة ل 2003 والله ما أنا معبره كفاية عليه لحد كدا) ... بالنسبة لـ 2010 و 2013 بيكون من قائمة File ثم Options ثم من القايمة الشمال فيه Customize Ribbon وفي الناحية اليمين هتلاقي قائمة بالتبويبات وجنب كل تبويب علامة صح اللي يعجبك علم عليه صح واللي ميعجبكش ارميه في الزبالة... المهم هتلاقي التبويب اللي هيفتح لنا الباب لعالم البرمجة .. دا كان المفتاح للدخول نخش لتاني حاجة المفتاح عشان يفتح معاك لازم تحط عليه شوية زيت ، يعني لازم تضبط إعدادات الماكرو عشان الأكواد تشتغل معاك تمام من التبويب الجديد انقر على Macor Security هيفتح معاك نافذة بتختار منها آخر خيار Enable all macros وبتعلم علامة صح على الخيار اللي جنبه مربع Trust access to VBA الحمد لله خلصنا من النقطة الأولى والتانية ... ننتقل لنقطة جديدة : هيظهر التبويب في الآخر .. جمد قلبك واشرب ديو وافتح الباب لمحرر الأكواد اضغط على Visual Basic من التبويب المذكور أو لو بتحب تتعامل مع الكيبورد اضغط Alt + F11 كدا الباب الحمد لله فتح .. لو أول مرة تدخل على محرر الأكواد متتخضش واحدة واحدة هبندا نتعلم كل اللي موجود .. المهم محدش يستعجلني عشان أنا مستعجل النافذة دي اسمها نافذة المشروع Project window يعني الإكسيل بيتعامل مع المصنف إنه مشروع .. والمشروع مكون من 3 شيتات اللي بنسميهم أوراق العمل Sheet1 و Sheet2 و Sheet3 بس في 2013 الحمد لله بيكون الوضع الافتراضي شيت واحد بس (أصلي بتخنق من حتة 3 شيتات ع الفاضي بحس إن الملف كبير ع الفاضي وكل اللي يلزمني للعمل بشكل مبدئي هو شيت ولما أحب أضيف جديد مش هيكون أمر صعب) المهم مع أوراك العمل بنلاقي الكائن المسمى بالمصنف WorkBook ودا اللي بيحوي التعابين كلها أقصد الأكواد .. طيب محدش سألني ايه المنطقة الرمادي دي ومالها ضلمة ليه كدا؟ أنا أقولك عشان إنت تنورها .. اضغط دبل كليك على Sheet1 مثلا في نافذة المشروع هتلاقيها نورت والحمد لله استعداد لبداية الاحتفال بس فيه نقطة الأكواد لو اتكتبت هنا هتأثر على الورقة دي بس ... في الحتة اللي نورت الصق الكود اللي جاي ده وأفضل تكتبه بايدك عشان أنا شايف ايدك بتترعش وخايف .. قلت لك جمد قلبك الموضوع بسيط نبدأ بكود كدا سهل ولذيذ Sub Hello_Officena() MsgBox "Hello Officena!" End Sub أول كلمة Sub يعني ابدأ صب اللي عندك .. لا غلط .. معناها إجراء فرعي Subroutine يعني بينفذ مهمة محددة. وفي آخر الكود End Sub عشان القفلة (لو فاكرين شعبان عبد الرحيم بيقول ايه في الآخر بس خلاص دي القفلة بتاعته) هنا بقا دي القفلة بتاعت الإجراء الفرعي.. طيب ايه Hello_Officena دا اسم الإجراء ودا له قواعد أول حاجة مينفعش يبدأ برقم 77Hello_Officena ولا ينفع يكون فيه مسافة زي كدا Hello Officena بس ممكن لو حبينا بدل المسافة بحط Underscore اللي هي بتيجي بـ Shift + العلامة اللي على يمين الصفر اللي في الأرقام اللي فوق مش الأرقام اللي ف لوحة الأرقام .. وبردو فيه حاجات محرمة في اسم الإجراء زي علامة # أو $ أو % أو & أو % أو النقطة أو الفاصلة أو أو .. بقولكم ايه كفاية كلام عن اسم الإجراء .. لو كان فيه حاجة غلط في الاسم هيطلع لك رسالة خطأ تعرف إن فيه حاجة مش مظبوطة!! طيب السطر اللي في النص دا هو دا الكود .. الإجراء أو المهمة المراد تنفيذها .. بتبدأ بكلمة MsgBox ودي اختصار للكلمة Message Box أي صندوق الاسم ..... والله انا سرحت بس مش همسح اللي بكتبه خلي الكلام يكون تلقائي .. ودي بنكتب وراها الرسالة اللي عايزين نظهرها .. وطبعا فيه مسافة بعد الكلمة والكلام اللي هو الرسالة دا نص فنحطه بين أقواس تنصيص " " .. واحد برق لي عينه بيقولي بتتعمل إزاي دي قول لأقتلك .. هقوله حاضر يا باشا هقولك دي بتيجي إزاي .. اضغط على Shift وبعدين حرف الطاء بس خلاص .. طبعا أقواس التنصيص في أول النص وفي آخره مهو لازم القفلة. نجرب نشغل الكود إزاي .. فيه أكتر من طريقة يا إما تضغط على مثلث لونه أخضر فوق في شريط الأدوات الموجود في محرر الأكواد .. مش عاجبك شكل المثلث الأخضر خلاص روح لقائمة Run واضغط أول أمر .. لو انت تلميذ ذكي هتعرف الطريقة التالتة من التانية .. هسيبكم تقولوها إنتو ..مش عارفين !! طيب هقول أنا وخلاص اضغط على F5 من لوحة المفاتيح بس بشرط يكون مؤشر الماوس واقف في الكود.. لما نشغل الكود دا اللي هيظهر لي وبكدا أكون وصلتكم وفتحت لكم الباب .. لو عايزين نكمل قولوا كمل مش عايزين .. يبقا كفاية لحد كدا ويا كود ما يقربش منك حد .. ونعمل بالمثل الفلاحي اللي بيقول : ابعد عن الكود وادعي عليه! والسلام عليكم سبحانك اللهم وبحمدك .. نشهد أن لا إله إلا أنت ..نستغفرك ونتوب إليك كان معكم على الهواء مباشرة أخوكم أبو البراء من ملعب أوفيسنا .. إلى اللقاء مع مباراة جديدة وأهداف جديدة وشيقة دمتم بود ====================================== ====================================== السلام عليكم نرجوا وضع ردود الشكر والاعجاب على الرابط ادناه هنا ====================================== ======================================

ايه الحكاية فين زباين جدد كتير في المنتدى الليلة ... مرحبا بك أخي الحبيب في منتدانا الكبير بالنسبة لطلبك من خلال التبويب View شيل علامة الصح من جنب كلمة Gridlines اللي معناها خطوط الشبكة.. كدا صح جات في الشبكة ولا طلعت أوت!!!

أخي الفاضل مرحبا بك في المنتدى هناك خاصية تسمى خاصية دمج الخلايا Merge Cells من خلال التبويب Home ..حدد أولا الخلايا المراد دمجها وليكن A1:B1 ثم انقر دمج خلايا Merge

دي بالنسبة للنقطة الأولى والتانية =IF(AND(X6="دور ثان",OR(Y6=1,Y6=2)),"يختار","لا يختار") أما النقطة التالتة أقطع دراعي لو فهمت حاجة .. كل اللي فهمته إنك عايز تعدل في الدرجات بس إزاي مش عارف رغم إنك موضح بالتفصيل بس كلما قريت أرجع أقرا تاني ومش جاية معايا سكة ..!! اللي شايفه إن النقطة التالتة مش شرط على الإطلاق .إنت عايز تعدل في الدرجات بما يتناسب مع الوصول لنجاح الطالب ودا ملوش علاقة بطلبك إنت طلبت إنه يتكتب يختار أو لا يختار طبقا لشروط وقلت الشرط الأول والتاني بشكل صحيح أما التالت فدا مش شرط ولو دا شرط حد يقولي شرط ايه اللي انت جاي تقول عليه انت عارف قبلا معنى الشرط ايه تقبل تحياتي

ويكون ناتج المعادلة يختار فى حالة الاتى 1 - عندما تكون النتيجة فى الخلية من x6:x10 مكتوب فيها دور ثان 2- ويكون ايضا مكتوب فى الخلية من y6:y10 رقم 1 أو 2 3 - النقطة الثالثة وهذة مهمة للحكم على الطالب يختار او لايختار ينطر لكلمة دور ثان ونشوف الطالب عنده دور ثانى فى مادة ايه ونشوف اما ينجح فى هذة المادة اللى عنده فيها دور ثانى ( وعلى فكرة فى مادة الدور الثانى لايأخد الطالب اكثر من نصف الدرجة ) واقوم اضيف نصف الدرجة للمادة للطالب على مجموعة الكلى فاذا حصل الطالب على نصف المجموع الكلى بعد اضافة مادة الدور الثانى اصبح الطالب ناجح ولايحتاج ان يختار ولكن اذا تم اضافة درجة مادة الدور الثانى على المجموع الكلى للطالب ولم يصل او يحصل على الدرجة الصغرى للمجموعة وهى 100 هنا يستحق الطالب ان يختار مادة اخرى ليعلو بالمجموع الكلى الى النصف . وللتوضيح اكثر بارك الله فيكم فمثلا محمد1 ليس عنده اى مشكلة لانه ناجح وعدد مواد الرسوب صفر فهنا لايختار ومفيش ادنى مشكلة . بالنسبة لمحمد2 وهنا التوضيح تم كتابة يختار للاسباب الاتية اولا عدد مواد الرسوب 1 ثانيا مكتوب له فى النتيجة دور ثان ثالثا وهذة هى المهم والمهمة قوى نلاحظ محمد 2 عنده دور ثانى فى مادة اللغة العربية وعندما ينجح فيها مش اعطيه او سوف يحصل على نصف الدرجة فقط مهما جاب اى درجة أى اعطيه 25درجة فى اللغة العربية وعندما أزود مجموعه 22 درجة لانه عنده اصلا 3 درجات الى المجموع الكلى يكون مجموعه الكلى هو 22+75=97 وبالتالى لم يصل الى الدرجة الصغرى للمجموع وهى 100 درجة اذا محتاج يختار مادة اخرى بجانب العربى ليعلو بالمجموع الكلى الى النصف وهكذا لباقى الطلبة وعلى فكرة سوف يكون شغل المعادلة كلها على مجموع كل مادة بجانب عمود النتيجة وكذلك عمود مواد الرسوب وايضا على عمود المجموع الكلى لكل المواد . وشكرا

أخي الفاضل في الملف المرفق بسبب كتابة اللغة العربية واللغة الإنجليزية لم أتمكن من فهم المكتوب يرجى كتابة المطلوب هنا .. كمشاركة تقبل تحياتي

أخي الفاضل وأستاذي الحبيب ضاحي أشكرك على كلماتك الرقيقة يا شاعر المنتدى ... بارك الله فيك سألتك أخبار الإصدارات الجديدة ايه من المجلة وما ردتش عليا..؟؟

إذا مكانش فيها إرهاق ليك قم برفع الملف بعد تعديلك للخلايا المدمجة .. عشان بصراحة أنا من كارهي الخلايا المدمجة لأنها تسبب مشاكل كثيرة جدا ارفق الملف بعد التعديل .. حتى أستطيع العمل من آخر نقطة .. توفيرا للوقت أخي الحبيب أبو حنين

يشرفنا متابعتك للمنتدى ويشرفنا أكثر المشاركة فيه ولو بمعلومة بسيطة ، فقد تنفع غيرك إذا لم تكن لها أهمية لك جزيت خيراً أخي عبد الله ... وأتمنى منك أن تشارك وتشارك لأنك أنت المستفيد في النهاية قبل الجميع

80 مشاههدة بدون ولا رد .. بوركتم إخواني على هذا التفاعل المثمر ...

لم أفهم طلبك بشكل واضح يعني ايه مسح إلى .. تقصد نقل البيانات إلى مكان آخر ثم مسحها من مكانها .. يرجى مراعاة الدقة في اللفظ ..

السلام عليكم إخواني الكسلانين .. إني أحبكم في الله سبق أن قدمت درساً بسيطاً بالأمس عن الخاصية Offset ، وطبعا يبدو أنه لا يوجد متابعين بشكل جيد .. عموما هذا رابط الموضوع السابق ... يرجى عدم قراءة الشرح للخاصية الجديدة Resize إلا بعد الإطلاع على الموضوع الخاص بالخاصية Offset لتعرف الفارق بينهما .. أترككم في رعاية الله مع الملف .. راجيا من الله أن يجعل الوقت الذي أمضيته في كتابة الشرح في ميزان حسناتي يوم القيامة.. إخواني الأحباب تقبلوا تقديري واحترامي وتحياتي ... :gift2: :fff: RESIZE.rar

الأخ الكريم . نورت منتدانا يسعدني أنا أكون أول من يهنئك بأول مشاركة لك في المنتدى .. ونتمنى أن تكون دائم التواصل .. شعارنا في المنتدى فيد واستفيد .. وصدقني ستسفيد أكثر عندما تعطي وليس عندما تأخذ عموما بالنسبة لطلبك ارفق ملفك للعمل عليه وإن شاء الله تجد العون بعون الله وفضله وتوفيقه

تفضل أخي أبو حنين الكود التالي Sub TransferData() Dim WS As Worksheet Dim I As Integer Dim LR As Long, LR2 As Long Set WS = ActiveWorkbook.Worksheets("transe") LR = WS.Range("A" & Rows.Count).End(xlUp).Row Application.ScreenUpdating = False For I = 4 To LR For Each WS In ActiveWorkbook.Worksheets LR2 = WS.Range("B" & Rows.Count).End(xlUp).Row If Cells(I, 1).Value = WS.Name Then WS.Cells(LR2, 2).Offset(1).Value = Cells(I, 2).Value WS.Cells(LR2, 3).Offset(1).Value = Cells(I, 3).Value WS.Cells(LR2, 5).Offset(1).Value = Cells(I, 5).Value WS.Cells(LR2, 6).Offset(1).Value = Cells(I, 6).Value WS.Cells(LR2, 7).Offset(1).Value = Cells(I, 7).Value End If Next WS Next I Application.ScreenUpdating = True End Sub لكن يجب أولا إلغاء دمج الخلايا في الشيتات كلها .. حاولت أخلي الدمج زي ما هو لكن لم تضبط معي نهائيا يرجى إلغاء الدمج وعد الاعتماد عليه لأنه يتسبب في مشاكل مع الأكواد

أخي الحبيب إذا كانت البيانات كثيرة فلن يفلح الكود في المشاركة السابقة ، سيكون التعامل مع الكود صعب وسيستغرق وقتاً طويلاً جرب الملف التالي ستشعر بالفارق الكبير في سرعة تنفيذ الكود بالنسبة للكود .. ماذا تريد أن تغير ؟ أليس الملف الأصلي بنفس هذه الهيكلة أم أن الهيكلة مختلفة ؟ إذا كان الملف الأصلي مختلف يرجى إرفاق ملف كنموذج مصغير للعمل عليه ... الوضعية الإدارية.rar

ممكن أسأل ليه مش بتستخدم الفلترة أسرع وأسهل ...!!!

جرب أخي الحبيب المرفق التالي الوضعية الإدارية.rar

الحمد لله أخي الفاضل أن تم الموضوع .. يرجى النقر على كلمة تحديد كأفضل إجابة لإعلام الأعضاء بأن الموضوع منتهي..

ضع هذه المعادلة في الخلية T10 =IF(OR(F10<$F$7/2,G10<$G$7/2,H10<$H$7/2,I10<$I$7/2,J10<$J$7/2,K10<$K$7/2,L10<$L$7/2,M10<$M$7/2,N10<$N$7/2,O10<$O$7/2),0,SUM(F10:O10)) تقبل تحياتي

تفضل أخي الفاضل تطبيق جديد.rar

الأخ الحبيب أبو صلاح أنا جربت الكود الموجود أولا ولم يستغرق معي الوقت الطويل الذي ذكرته استغرق حوالي 5 ثواني يمكن تكون إمكانيات الجهاز لديك ضعيفة أو ما شابه؟

سحب تقرير من النظام ؟؟ نظام ايه .. يرجى توضيح مشكلتك الآن .. هل تم التوصل لحل أم ان النتائج غير صحيحة أم أن الأمر يستغرق وقتا كثيرا .. كم يستغرق من الوقت؟

بس دا مكانش واضح في المشاركة رقم 5 لما قلت هناك فى الملف معادلة تسلسل للبنات ومعادلة تسلسل أخرى للأولاد بالله عليكم يرجى دائما مراعاة توضيح الأمور كما ينبغي حتى لا تصعبوا علينا المساعدة اعذرني أخي .. ..فقد سألت التوضيح وحتى لما وضحت وضحت بشكل غير صحيح .. الكلام متناقض !! عموما تفضل المرفق والطلب الآن أسهل لأن التسلسل متصل Delete Empty Rows New Serial.rar