ياسر خليل أبو البراء

بارك الله فيك أخي الحبيب ابن مصر بصراحة سطر واحد أفضل بس دا طلبه نعمله ايه بقا وبعدين كل السبل تؤدي إلى روما كما قلت ولكن روما لا تأبه لأحد جزيت خيرا يا ابن مصر على ما تقدمه من مساعدات جمة وعظيمة

تقصد أن يكون بهذا الشكل Sub DeleteLastRow() Dim ws As Worksheet Dim LastRow As Long Set ws = ThisWorkbook.Sheets("Data") LastRow = Range("A" & Rows.Count).End(xlUp).Row Cells(LastRow, 1).EntireRow.Delete End Sub

الأخ الفاضل حسام الحل لم يعجبني لأن فيه أعمدة مساعدة تفضل الحل بدون أعمدة مساعدة Milkana.rar

جرب أخي حسام المرفق التالي Milkana.rar

الحل الأول لم يعجبني فإليك حل آخر بدون استخدام أعمدة مساعدة Count Unique2.rar

الأخ الفاضل الشهابي بارك الله فيك وصدقني أن أتعلم منكم أولا قبل أن أقدم ما عندي قارن النتائج في ملفك وملفي .. النتائج مختلفة في التسلسل عموما صاحب الموضوع أبو يحيى كان يجب أن يضع صورة للنتائج كاملة .. اكتفيت فقط بنتيجة واحدة .. المهم عندك حلين مش حل واحد اختار اللي يعجبك

أخي وأستاذي شوقي ربيع بارك الله فيك وأشكرك على كلماتك الرقيقة وشعورك الطيب تقبل تقديري وحبي واحترامي... الأخ الغالي الجموعي أيوا كدا هو دا الشغل عايزين دايما اللي نتعلمه نطبقه .. تسلم الأنامل يا كبير الأخ الحبيب الشهابي مش لاقي رد على إطرائك الجميل وشعورك الطيب ده بصراحة .. عجزت الكلمات أن ترد على كلمات مسطرة من القلب أخي عاشق الإسلام الله يبارك فيك ويجازيك خير .. إخواني لقد أسعدتموني بشعوركم الطيب وفرحتي بالترقية لا تساوي شيئا بقدر فرحتي بمشاعركم الطيبة تجاهي (وإن كنت لا أستحق مثل هذا التقدير)

الاخ الغالي حسين شاكر ربنا يبارك فيك ويجعله في ميزان حسناتك مشكور على الملف PDF بارك الله فيك رجاء من الأستاذ ضاحي الغريب .. صاحب اللمسات الفنية (المجلة الدورية المتوقفة) عجبني جدا تصميمها بشكل كبير .. فيا ريت لو مكانش يضايقك أستاذ ضاحي .. عايزين كل 5 حلقات يتجمعوا على شكل مجلة .. بصراحة هتكون حكاية وطبعا لو فيه أخطاء إملائية أو كدا تصححها عشان يخرج العمل بشكل جميل ومفيد .. في انتظار رد الأستاذ الكبير ضاحي (اشتغل معانا شوية)

تفضل أخي الحبيب المرفق التالي قمت بإضافة عمود مساعد على يمين البيانات عشان الترقيم يتظبط خليت الأسماء على اليمين Count Unique.rar

الأخ والأستاذ الكبير العيدروس في انتظار إضافاتك الرائعة للموضوع ليكتمل ويتجمل بك .. نريد منكم المساعدة والمساندة الأخ جلال أبو أدهم مشكور على مرروك العطر ونفسك معانا عشان الكل يستفيد

الأخ السائل أكرم جلال دائما اللفظ مهم جدا إنت قلت تحديد الخلايا الفارغة في النطاق H6:H100 والحلول المقدمة من قبل الأخوة ربنا يبارك فيهم قاموا بتقديم المساعدة بتلوين النطاق الأخ الحبيب المجتهد والنشيط جدا ابن مصر ربنا يبارك فيه قدم لك الحلين التلوين والتحديد .. حاول بقدر المستطاع أن تكون أكثر تحديدا لطلبك

السلام عليكم إخواني الأحباب الأخ الكريم حسام عيسى بارك الله فيك ، وعقبال لما نشوفك مترقي .. وأشكرك على كلماتك الطيبة الأخ الحبيب ابراهيم أبو ليلة .. ربنا يبارك فيك ويزيدك علم وفضل من عنده .. ويخليك لينا يا كبير الأخ ضاحي الغريب (اللي عليا مش غريب ومن قلبي قريب) أشكرك على كلماتك الجميلة الرقيقة ، مش عارف إنت بتجيب الكلام الحلو دا منين (يا بختها بيك) الأخ الحبيب جلال أبو أدهم ..مشكور على التهنئة وربنا يبارك فيك وإن شاء الله انتظروا دائما الجديد والمفيد الأخ الفاضل المصباحي مشكور على كلماتك الطيبة وجزيت خيراً الأخ الغالي عادل أبو زيد .. أشكرك على التهنئة الرائعة ، وهمتك معانا يا بطل .. حاسس إنك كسلان شوية عايزين منك شوية نشاط الأخ رفيع سعد بعاتب عليك بقا يا راجل تدخل مرتين تلاتة وبعد كدا تختفي .. فيه دورة معمولة وفي انتظار متابعتك ليها .. اللي محدش يعرفه إن إنت شرارة الحلقات اللي بقدمها ..لما حصل مرة وشرحت لك بنفس الأسلوب لاقيت قبول وفهم للموضوع فخطرت لي فكرة عمل دروس في البرمجة بنفس الأسلوب (بس انت استغنيت عننا) الأخ عمرو طلبة الله يبارك فيك ويجازيك خير الأخ الحبيب والأستاذ الكبير الذي تعلمت منه الكثير الكثير ولا زلت ولن أزال أتعلم منه أخي وأستاذي بن علية .. لكم يشرفني ويسعدني مرورك ومباركتك لي ليست بالشيء اليسير بالنسبة لي فأنت علم من أعلام هذا المنتدى وعلم من أعلام الإكسيل .. بارك الله لنا فيك وزادك علما الأخ الحبيب والأستاذ الكبير ملك المعادلات جمال عبد السميع .. مشكور على تهنئتك الجميلة ودعائك الطيب وربنا يوفقنا لفعل الخير الأخ الفاضل حافظ أشكرك على كلماتك وشعورك الطيب وعقبال ما نشوفك دايما معانا وتتحفنا بما هو جديد الأخ محمد نصري أشكرك على كلماتك الجميلة ودعائك الطيب وربنا يوفقني ويوفقك لما فيه الخير والصلاح والمنفعة للمسلمين الأخ ياسر فتحي الله يبارك فيك ويزيدك علم ونفع للمسلمين الأخ الحبيب أبو الاء الله يكرمك ويخليك وإلى الأمااااام وفي انتظار المزيد من مشاركاتكم البناءة التي ترتقي بمستوانا إلى مستوى يليق بنا نحن المسلمون طبعا لو حد شاف المشاركة دي هيقول بس المنتدى ده خلية إخوانية (ربنا يستر ومحدش يبلغ عننا)

طيب جرب تنزل ويندوز جديد وتريح بالك من سبب المشكلة قد تكون المشكلة فيروس أو ما شابه نزل ويندوز ونصب برنامج أنتي فيروس يحميك من شر الفيروسات .. فيه برنامج اسمه 360 إنترنت سيكيورتي دا برنامج ممتاز ومجاني أنصحك بيه http://int.down.360safe.com/360is/360is_4.9.0.4902G.exe دا رابط تحميله هينفعك كتير بس الأول نزل الويندوز عشان تشتغل على نضافة ولو ظلبت المشكلة أعلمنا بذلك

الأخ الحبيب والأستاذ الكبير صاحب الصولات والجولات العيدروس الله يبارك فيك ويخليك لينا يا كبير .. تقبل تحياتي ومودتي الأخ أبو صلاح عقبالك .. بس لي عندك طلب ابدأ فيد إخوانك وصدقني هتستفيد أكتر لما تدي .. الأخ الغالي الحبيب مجدي يونس بارك الله فيك وجزيت خيرا على دعائك الطيب والله أخجلتموني بردودكم الطيبة وشعوركم الطيب .. وتقديركم الذي لا أستحقه

جزيت خيرا أخي الحبيب سعيد بس أكيد فيه ناااااااااس كتير شايفين عسل إسود .. يلا مش مشكلة أهو كله عسل بوركت على دعائك وعلى حرصك على الصلاة .. أستودعك الله

معلش يا أخ سليم كنت بصحح الواجب . إنت عارف الواجب أد ايه محتاج وقت عشان يتصحح أقولك الإدارة مقصرة . المفروض الترقية دي ليك أنا شايف إنك أكتر واحد نشيط بالمنتدى وعندك أفكار جديدة ومبدعة بس نقول ايه (أصلي كلام ف سرك عندي واسطة كبيرة هي السبب في الترقية .. بس ملحوقة هكلملك الواسطة عشان ترقيك) ..بس الترقية بجد إنت تستحقها أكتر مني ، إنت مجتهد وعندك أفكار جميلة بس لي طلب واحد عندك لو مكانش يضايقك ابقا غير نوع الخط اللي بتستخدمه لما بنزل ملف ليك عندي بيظهر لي بحروف غريبة فلازم أغير نوع الخط عشان يضبط معايا .. خليك في الإريال أحسن من البرسيل هو صحيح كله في الغسيل بس خليك في الإريال Arial

متابعة الواجبات ************* الأخ الفاضل صلاح 15 صلاح (مش كان كفاية علينا صلاح واحد) بسم الله ما شاء الله يبدو أنك متمكن ، مش بس عملت الواجب وكمان بتشرح كل جزئية فيه .. أول ملحوظة كمعلومة جديدة كمان عشان الكل يستفيد .. فيه جملة اسمها Option Explicit دي يفضل الاعتياد على استخدامها ، ودي بتخلينا وتجبرنا لما نشتغل نعلن عن المتغيرات غصب عننا طول ما هي موجودة ، ودي بتتكتب مرة واحدة في أول الموديول وبتكون منفصلة عن الإجراء الفرعي يعني بتكون بالشكل ده Option Explicit Sub Officena() MsgBox "Hello Salah15Salah. Thank you very much" End Sub ولو حبينا نعلن عن متغير نصي هيكون بالشكل ده Option Explicit Sub Officena() Dim MyString As String MyString = "Hello Salah15Salah. Thank you very much" MsgBox MyString End Sub هنا فيه متغير نصي من النوع String وتم الإعلان عنه .. ممكن لو مفيش الجملة Option Explicit ممكن يتم الاستغناء عن الجملة الأولى ..جملة الإعلان وهنلاقي الكود تم تنفيذه ومفيش مشكلة نجرب الكود مرة تانية بس هنحط تعليق في بداية الجملة وفي بداية سطر الإعلان ونشوف النتيجة!! 'Option Explicit Sub Officena() 'Dim MyString As String MyString = "Hello Salah15Salah. Thank you very much" MsgBox MyString End Sub طيب دلوقتي بقا جرب تشيل التعليق من بداية جملة Option Explicit ونفذ الكود هتلاقي محرر الأكواد بيطلع لك رسالة خطأ ويقولك معناها إن المتغير لم يتم الإعلان عنه ..اضغط على علامة المربع الأزرق اللي على يمين المثلث الأخضر الخاص بتنفيذ الكود .. المربع الأزرق ده اسمه Reset عشان الكود دلوقتي في حالة Break زي فاصل .. وهيفضل محرر الأكواد معلم لك على سطر باللون الأصفر إشارة إلى إن فيه شيء خطأ ، ومش هيسيبك لحد ما تصلح غلطك ..لكن ممكن نهرب منه مؤقتا بالضغط على Reset (أضف إلى معوماتك) طيب جرب تنفذ تاني يمكن يحن عليك المرة دي وينفذ لك الكود (والله لو قعدت جنبه من هنا للقرن الجاي) مش هينفذ كودك طول ما الجملة دي موجودة. واحد هيقولي وأنا أربط نفسي بيها ليه سيبك منها دي باين عليها جملة رخمة وغلسة وهتقطع عليا ..! هقولك لا حاول تعود نفسك ع الصح عشان تتعلم صح .. إحنا قلنا قبل كدا إننا لازم نفشل عشان ننجح .. عمر ما فيه نجاح من غير فشل (دا حتى كدا يبقا نجاح طعمه بايخ)!! طيب معلومة تانية ..هل كل مرة أعمل موديول جديد هكتب الجملة دي بنفسي ؟ قولك لا عمنا بيل جيتس وضع في خيارات المحرر من قايمة Tools ثم Options اللي هي الخيارات اللي بيحب دائما إضافتها في البرامج بتاعته (أصله بيعز الخيار شوية).. هنلاقي تبويب اسمه Editor وفيه تاني جملة جنبها مربع فاضي نحط فيه علامة صح الجملة اسمها Require Variable Declaration وبكدا لما نيجي نعمل إضافة موديول جديد هنلاقي الجملة موجودة في كل موديول كبداية إجبارية للإعلان عن المتغيرات.. طيب نرجع لصلاح الراجل زمانه خد برد مننا بسبب التذنيبة دي من بدري (حضرتك جملة option Explicit موجودة مرتين ..دا كلام !! أكيد إنت بتعزها شويتين ، بس معزتك ليها متخلكش تخرج برا القاعدة اللي بتقول إن الجملة دي تيجي مرة واحدة بس ) ، ودي الرسالة اللي هتظهر لك لما تبدأ التنفيذ بس عموما برافو عليك ..إنت خلتني أعمل حلقة من غير حلقة وأضفنا للزملاء معلومات جديدة . حاجة تانية أخي الحبيب صلاح MyString = "ÓÈÍÇä Çááå æÇáÍãÏ ááå æáÇ Åáå ÅáÇ Çááå æÇááå ÃßÈÑ" With æÑÞÉ1 .Range("C5").Value = MyString End With يفضل إن تكون جملة الإعلان عن المتغير ووضع قيمة له في الأول قبل جملة With ... End With على فكرة الكود اللي لصقته دلوقتي فيه حاجة مش مظبوطة ... أنا تعمدت إن أسيبه كدا عشان تشوفوا اللغة العربية لما نلصقها هنا بتكون بالشكل ده (لا هي إنجليزي ولا هي عربي ..هي تيجي على عبري شوية) .. طبعا كمعلومة جديدة بالنسبة لناس كتير عشان اللغة العربية تيجي معانا بشكل صحيح بنعمل حاجة بسيطة جدا بنخلي اتجاه الكتابة في الكود باللغة العربية وبعدين نعمل نسخ ولصق هنلاقي المشكلة اتحلت (شفتوا البطاطا أقصد البساطة) Dim MyString As String MyString = "سبحان الله والحمد لله ولا إله إلا الله والله أكبر" With ورقة1 .Range("C5").Value = MyString End With الحمد لله اتحلت المشكلة .. بصراحة أشكر الأخ الغالي صلاح نظرا إنه ألهمنا بمعلومات جمة وجميلة (جمة وجميلة) من خلال متابعة الواجب الخاص بيه (بصراحة روعة يا صلاح) هو دا اللي فعلا بدور عليه إنت بالنسبة لي طالب مجتهد ومثالي!! معلومة جميلة بيقدمها لنا الأخ صلاح إننا ممكن بدل ما نكتب سطرين لوضع قيمة لمتغيرين مثلا ..ممكن نخليهم في سطر واحد وبنفصل بينهم بنقطتين i = 100: t = 150 وكمان الإعلان عن متغيرين ممكن يكون في سطر واحد زي كدا Dim i As Integer, t As Integer نشكر الأخ الحبيب صلاح من أعماق قلوبنا متمنين له دوام التوفيق (ومتحرمناش من الواجب الجميل ده .عايزين كل يوم من ده) بكدا نكون اتعلمنا من صلاح معلومات غاية في الأهمية.. الأخت الفاضلة morestudy معلش اتأخرنا عليكي في التصحيح (صلاح خد وقتنا كله ، بس كله في النهاية بيصب ليكم) المرة دي فيه تحسن ملحوظ .. الواجب جميل جدا والحمد لله مفيش أخطاء! بالنسبة لسؤالك الأول : اللي هيجاوب عليه أخونا حماده عمر من خلال المشاركة دي http://www.officena.net/ib/index.php?showtopic=56983#entry361677 السؤال التاني : نعم يمكن تنفيذ الأمر بدون أزرار لكن الزر لتسهيل التعامل مع التنفيذ ، ولكن يمكن الضغط على Alt+F8 هيطلع لنا نافذة فيها كل الأكواد اللي عملناه بنختار الكود ونضغط Run . أما بالنسبة لمعرفة الكود تم تنفيذه أم لا فدا العين هي اللي تقرره .. يعني مثلا أنا هشتغل غلى الخلية C5 أقوم أمسحها وأنفذ الكود ، لو طلعت النتيجة في الخلية زي ما انا متوقعها يبقا كدا تم التنفيذ بنجاح ..لو حصل العكس براجع الكود مرة تانية عشان أعرف الغلطة فين (حد عرف الغلطة فين؟ الغلطة فين؟ ساب الباب مفتوح ! أكبر غلطة ممكن يغلطها المبرمج إنه يسيب الباب مفنتوح (شركة الرعب المحدودة)) .. طبعا قفلنا بقوسين عشان فتحنا قوسين ..ودي مهمة في البرمجة (إننا لو فتحنا قوس يبقا مننساش نقفل القوس شفتوا الطالب النبيه اللي خد باله إني مقفلتش القوس في السطر اللي فات برافو عليك .. بس أنا كنت لسه بكمل كلامي) السؤال التالت : هناك طرق أخرى يمكن فيها الاستغناء عن Run ولكن ليس هذا هو الوقت المناسب للحديث عنها ممكن نقول باختصار إنها أكواد مرتبطة بحدث الصفحة أو المصنف ودي هييجي الكلام عنها بعدين إن شاء الله دمتم في رعاية الله وحفظه وعونه وتوفيقه والسلام عليكم

تسلم يا عضو يا خبير بارك الله فيك أخي عمرو ..وجزيت خيرا على هذه المساعدة الرائعة بالفعل هذا ما تحدثت عنه ولكنك أصبت الهدف بإزالة التنسيقات ..أنا تحدثت فقط عن حذف الصفوف والأعمدة الزائدة ، ولكني لم أطلع على الملف ولذلك أعطيت النصيحة فقط .. أما أنت فقد درست الملف جيدا وعرفت سبب ثقل الملف بشكل ممتاز وأزلت كل ما يسببه بارك الله فيك وزادك علما .. يبدو أنه سيصبح لك شأنا في القريب العاجل

رائع يا أخي محمد ..يبدو أنك تعطي أكثر مما تأخذ . وبهذا ستكون أكثرنا تعلما .. جزيت خيرا على ما تقدمه بس لي طلب أن تدعم دائما موضوعك بشرح ولو مبسط لكيفية عملك حتى يتسنى للجميع الاستفادة .. إحنا خلاص تعبنا من أكل السمك الجاهز ..عايزين شعارنا في المرحلة القادمة إن شاء الله (تعلموا الصيد كي تعيشوا صيادين مرفوعي الرأس تصطادون السمك بأنفسكم) وبعدين لما يكتر الصيادين السمك هيبقا كتير والمنتدى ممكن نقلبه شادر سمك تقبل تحياتي (الصياد ياسر خليل)

جزيتم خيرا إخواني الكرام بارك الله فيكم .. يعلم الله أني لا أبخل بأي معلومة أعرفها وأقدمها ولكن في حينها دمتم بود

الأخ الحبيب سعيد بيرم جزيت خيرا على كلماتك الحكيمة ، وبارك الله فيك على النصائح الغالية .. أما بالنسبة لحكاية التاج أنا بحب ألبس (آيس كاب) عشان الجو برد ..بيدفي الراس ويخلي الواحد عايز ينام جدو العزيز المحبب إلى قلبي الذي حببني في عالم الإكسيل لك مني كل التحية والتقدير ..طمنا عليك ومتغبش عننا ..

جرب الملف التالي Spell Number Function.rar

الأخ زيزو العجوز اِشكرك على كلماتك الرقيقة الأخ صلاح الصغير مشكور على التهنئة الأخ أبو ذهب مشكور على دعائك الطيب وكلماتك الرقيقة وعقبالك الأستاذ الكبير والأخ الحبيب دغيدي .. الحمد لله الهمة موجودة ربنا يبارك فيك ويخليك لينا معملي الكبير عبد الله باقشير يكفينا دائما في أي موضوع مرورك الكريم مرورك المشرف الذي يزيدني همة ونشاطا الأخ الكريم أبو بهاء زادك الله جمالا وبهاءً وبارك فيك ونفع بي وبك المسلمين أشكركم جميعا إخواني الأحباب على شعوركم الطيب وكلماتكم الرقيقة بارك الله فيكم

جرب أخي هذا الملف Excel Bypass Encrypted Macro Scan.rar

الله يبارك فيك .. يعني أخلي موضوع العفريت دا سر بينا إحنا الاتنين بس (عيني حاضر ..مش هقول لحد عليه ..سرك في بير يا كبير) بالنسبة لطلبي خدت بالك منه في المشاركة رقم 5