السلام عليكم ورحمة الله وبركاته
الحقيقة انا عضوة جديدة من ناحية التسجيل لكني اخذت كثير من منتداكم وهذا اللي خلاني اوصل لفكرة اني اعمل مشروع تخرجي آه نسيت انا طبعا رندا ادرس في المدرسة البريطانية فرع جدة واللي شجعني اني اكتب اليوم اني لقيتكم متعاونيين واللي يعرف فيكم ما يبخل فيها على الثاني وهذا اللي شجني عارفة اني طولت عليكم
عموما انا عندي مشروع تخرج والحمد لله تركوا لنا حرية الاختيار عربي او انجليش المهم سويت شوية حاجات والفضل يعود لله ثم لأعضاء منكم ولا اريد ذكر اسماء حتى لا انسى حد بإختصار مشروعي عبارة برنامج متابعة مع العملاء وانا already سويت ال interface بس المشكلة مش عارفة اعمل حاجات زي:
1. كيف اخلي البرنامج اول ما اشغله يفتح ال report على طول ويكون في نص الصفحة.
2. انا مسويا زر بحث في اسفل النموذج حابة اربطه مع مربع اسم العميل و مربع الرقم المميز يعني لما اجي ابحث ممكن ابحث بإسم العميل او بالرقم المميز اللي هو طبعا مفروض ما يتكرر اعتقد private key بس مش عارفه اعملها كيف.
3. الشي اللي جنني اني لما جربت وكتب معلومات وسويت حفظ فتحت البرنامج تاني وكان فاضي فياريت اقدر احفظ المعلومات بحيث اني اول ما افتح البرنامج الاقيها.
4.واخيرا حابة اربط زر الطباعة بحيث انو البرنامج يطبع على طول اول ما اضغط وكمان زر الحذف والحفظ اربطهم بدل ما هم موجودين منظر.
طبعا لا تضحكوا عليا انا جلست حوالي اسبوع كامل عشان اعمل ال interface وكل امل اني الاقي حد يساعدني لاني بصراحة من الاسهامات اللي بشوفها هنا كنت مترردة اكتب موضوعي لعلمي انكم تبحثون على اشياء صعبة وفيها فكرة جديدة ارجو اللي يقدر يساعدني ما يبخل عليا واللي ما يقدر جزاه الله خير وكتر خيره انو دخل على موضوعي وفي انتظار ردكم الكريم
رندا.....
طبعا في المرفقات البرنامج اللي قلت عليه واتمنى حد يقدر ويضيف التعديلات دي عليه وارجو اني ما بتقل على حد ودمتم
My_Project.rar
