الصـقر

استاذى الفاضل / قصى هذا الخطأ لا يحدث الا اذا تم اختيار قيمة العمود اكبر من عدد اعمدة الجدول مثال( VLOOKUP(d1,A1:b10,3,0= نطاق الجدول هنا من A1:B10 وذلك يعنى ان عدد الاعمده بالجدول 2 فقط وحضرتك عامل بالمعادله السابقه ارجاع العمود 3 وطبعا الجدول عمودين فقط فهنا تاتى VLOOKUP بالنتيجة #REF! بينما الاصح ( VLOOKUP(d1,A1:b10,1,0= اى العمود 1 وهو داخل نطاق الجدول او ( VLOOKUP(d1,A1:b10,2,0= اى العمود 2 وهو داخل نطاق الجدول اتمنى ان اكون وفقت بالشرح ( والله اعلم هذا على حد علمى فى هذا الموضوع)

بعد اذن ادارة المنتدى السماح للاساتذه بالتعديل او الاضافه على الدروس فى درس انا قمت بشرحه وعايز اضيف شئ جديد وهو فى نفس سياق الدرس

استاذى الفاضل / الجموعى سلمت يداك وبارك الله فيك ربنا ما يحرمنا من ابداعاتك روعه روعه روعه

الاخت الكريمة Morestuy روعه روعه روعه ربنا يبارك فيك ويجعله فى ميزان حسناتك ويكون صدقه جارية لك الاستاذ / فاكهة المنتدى ( طبعا عارفينه ) كان خلاص يئس لعدم تجاوب الاعضاء وكان حزين جدا جدا جدا لدرجة انه فكر يوقف وانا حاولت اعمل عملية انعاش للموضوع وقمت باضافه درس والاستاذ الكبير الجموعى قام بشرح جميل ايضا لكن بعد الملف بتاعك ده دب الامل بعروقنا تانى والله وحسينا انى اللى بنعمله فى ناس عايزاه وهنكمل ان شاء الله مكملين مكملين مكملين يالا يا كبير مستنيك بدرس جديد ( حبيبى العلامه / ياسر خليل ) وانا معاك حضر درس

للرفع والاهميه

استاذى الفاضل بالنسبة للافيس انا اعمل على 2007 ولكن يمكن معالجة ذلك فى اوفيس 2003 من خلال المعادله التالية (على حد علمى ) ((IF(ISNA(VLOOKUP(A1,A2:E7,2,FALSE)) = TRUE, "", VLOOKUP(5,A2:E7,2,FALSE= هذه شكل المعادله بالاوفيس 2003 جرب وقولى النتيجة تقوم الدالة ISNA بإرجاع قيمة TRUE عندما تقوم الدالة VLOOKUP بإرجاع قيمة الخطأ NA#.

استاذى / الجموعى ما شاء الله روعه بس لو يضاف له التعديل والحذف يكون اروع تقبل احترامى وتقديرى

استاذى الكبير / الجموعى بالفعل كود رائع واضافه مهمه انا شخصيا استفد منه بارك الله فيك وزادك من علمه اتمنى لك التوفيق تقبل احترامى وتقديرى

بعد اذن فاكهة المنتدى (بس مش فاكهة بتتاكل ) هههههههههههههه استاذى الكبير / ياسر خليل شعلة نشاط المنتدى ( اللون الاحمر اللى بتحبه) مش حرمك من شئ بعد اذنك هقدم شرح بسيط فى سلسة افتح الباب واهرب من الشباك هههههههههههههههههه طبعا عمرى ما هعرف اشرح بنفس اسلوبك الرائع والجذاب اللى بيتسم بخفة ظلك ولكن هحاول اقلدك نبدء بسم الله وللامانه العلمية هذه الصورالمرفقه من مواقع اجنبية لان تصميمها اصعب وياخد وقت فقمت بنسخها والشرح عليها فقط اولا كيفية التعامل مع الخلايا من خلال Rang لو عايزين نعمل كود ونقول b3 = 2 يكون الكود كالتالى ()sub yasser Range("b3").Value = 2 end sub طبعا زر commandButton1 كما هو موضح بالصورة يتم ادراجه من شريط القوائم DeveloPer ثم insert ثم الضغط على اول زر فوق بالقائمة على اليسار ورسمة على ورقة العمل ستظهر لك قائمة وبها كل الاكواد اللى عملتها بالملف وطبعا منها yasser وهو الكود السابق اللى تم عمله فمجرد الضغط على هذا الزر سيتم تنفيذ الكود كما هو موضح بالصورة طيب لو واحد قال انا عايز اعمل عدة خلايا تساوى 2 مش خلية واحده بمعنى عايز A1=5 & A2=5 & A3 = 5 &A4=5 اوك نرجع للكود السابق ونعدله كالتالى ()sub yasser Range("A1:A4").Value = 5 end sub لو رجعنا الى ورقة العمل وقمنا بالضغط على زر commandButton1 سنجد التالى كما هو موضح بالصورة واحد شاطر يقولى انا مش عايز الخلايا ورا بعض هو انتى هتضحك عليا هقوله طيب انتى عايز ايه هيقولى الخلايا اللى انا عايزها هى A1:A2 & B3:C4 = 10 هقول طيب أهدى عليا تعالى نرجع بقى نعدل بالكود بتاعنا ()sub yasser Range("A1:A2,B3:C4").Value = 10 end sub لو رجعنا الى ورقة العمل وقمنا بالضغط على زر commandButton1 سنجد التالى كما هو موضح بالصورة ثانيا/ كيفية التعامل مع الخلايا من خلال cells فى الكود الاول فوق ()sub yasser Range("b3").Value = 2 end sub لو حبينا نستخدم cells بدلا من Range يكون الكود كالتالى ()sub yasser Cells(3, 2).Value = 2 end sub طبعا واحد هيقولى انا تايهة ايه اللى بتعمله ده هقول براحه شوية ومتستعجلش على رزقك الخلية B3 فى اى صف واحد هيقولى فى الصف 3 طيب وفى اى عمود واحد هيقولى فى العمود 2 اذن(رقم العمود , رقم الصف)Cells ثالثا/ كيفية التعامل مع الخلايا من خلال Range& cells فى الكود الثانى فوق ()sub yasser Range("A1:A4").Value = 5 end sub واحد هيقولى ينهار اسووووووووووووووووح ايه ده ودى هتتعمل ازاى بقى هقوله براحه شوى الكود اهوو يا عم و لا تزعل ()sub yasser Range(Cells(1, 1), Cells(4, 1)).Value = 5 end sub الخلية A1 تقع فى اى صف واى عمود تقع فى العمود 1 والصف 1 أذن ( Cells(1, 1 الخلية A4 تقع فى اى صف واى عمود تقع فى العمود 1 والصف 4 أذن ( Cells(4, 1 طيب لما نستخدم Range يكون الكود كالتالى Range(Cells(1, 1), Cells(4, 1)).Value = 5 ارجوا ان اكون وفقت فى الشرح طبعا الشرح بالكتابة صعبه جدا الله يكون بالعون يا استاذ ياسر ويجعله فى ميزان حسناتكم انا كنت مفكر الموضوع سهل لكن لا يا عم توبه هههههههههههه مش مستغنى عن صوابعى الى اللقاء بحلقه اخرى من حلقات افتح الباب واهرب من الشباك اخرج فاكهة المنتدى / ياسر خليل

اقدم لكم شرح مبسط لداله VLOOKUP للمبتدئين هذا الشرح عملته لاحدى اعضاء المنتدى وحبيت اعمله مشاركه مستقله حتى يعم النفع مثلا عندنا جدول مقسم كالتالى اسم الطالب فى العمود A والجنسية بالعمود B وتاريخ الميلاد بالعمود c والجدول هذا بشيت اسمه الطلبه مثلا وحنا الان فى شيت اسمه الفصل مثلا فى الخلية A1 مكتوب اسم الطالب محمد احمد وانا عايز بالخلية B1 ابحث عن اسم الطالب ده بالجدول واجيب جنسيتة كدا تمام داله VLOOKUP هى دالة بحث تتكون من اربع اقسام كالتالى اول شئ نقف بالخلية b1 اللى هنعمل فيها المعادله ونكتب ) VLOOKUP= اولا الخلية اللى هندور عليها بالجدول وهو فى هذا المثال نحتاج الى البحث عن اسم الطالب صح اذن نقول ; VLOOKUP(A1= بس نقف هنا فى فاصله بعد A1 صح دى بتتكتب من شيفت+ حرف ك بالعربى على الكيبورد كدا تمام ثانيا حنا عايزين نبحث عن اسم الطالب ده فين فى اى جدول فى شيت الطلبه فى الجدول من A1:c5 طيب كدا حلو قوى لحد كدا نرجع بقى نكمل المعادله بتاعتنا ونقول ;A1:c5!الطلبه;VLOOKUP(A1= ونقف هنا طبعا ايه اللى انضاف اسم الشيت وهو الطلبه متبوع ! علامة التعجب هذه هتقولى ازاى نكتبها هقول شيفت + رقم 1 اللى فوق جنب حرف ذ بالكيبورد طيب كتبنا اسم الشيت وبعدها ! ثم الجدول بتاعنا وهو A1:C5 ثالثا القيمة اللى احنا عايزنها من الجدول هو احنا بنعمل المعادله دى ليه اصلا من علشان نجيب الجنسية للطالب اللى موجود بالخلية A1 من الجدول اللى بشيت اسمه الطلبه حلو طيب الجدول مقسم كالتالى اسم الطالب فى العمود A والجنسية بالعمود B وتاريخ الميلاد بالعمود c طيب احنا اتفقنا انى انا عايز اجيب الجنسية ( عمود الجنسية هنا كم رقمه من الجدول رقمه 2 برافو نرجع بقى نكمل المعادله ;2;A1:c5!الطلبه;VLOOKUP(A1= ايه الزياده هنا هو رقم 2 اللى هو رقم عمود الجنسية بالجدول صح رابعا كتابة 0 أو 1 ( الزيرو يعنى ابحث عن اسم الطالب مطابقه تامه يعنى لو الخلية A1 فىها محمد احمد يروح يدور بالجدول على الاسم ده بالملى ولو لقى اسم طالب محمد احمد على ملوش دعوه بيه لانه مش نفس الاسم صح فية اختلاف عنه وهو على &&& اما 1 فهو البحث عن اسم الطالب بالجدول فممكن يكون موجود محمد احمد على فيجيبة لانه بيبحث عن اى جزء مشابه فلافضل اختيار 0 ) نرجع بقى نكمل المعادله (0;2;A1:c5!الطلبه;VLOOKUP(A1= ايه اللى انضاف جديد هو 0 وقفلنا القوس لان المعادله كدا خلصت بقت باللون الاخضرمنورة كدا تمام يبقى مننساش انى فى اربع اقسام للداله ما بين كل قسم نحط ( ; ) وهى قلب اللغه انجلش وبعدين شيفت وحرف ك اتمنى اكون وفقت فى هذا الشرح المبسط ويعم النفع على الجميع

استاذى الفاضل ما شاء الله فكره رائعه الجداول المحورية اول مره اعرفها ممكن من حضرتك شرح مبسط لها تقبل احترامى وتقديرى

يا كبير يشرفنى مرورك العطر وسام على صدرى وبعدين منتا عارف انى تلميذ فاشل هههههههههههههههه انا قادم لك بقوة فى دروس اللى ورا الباب ههههههههههههههههههههههههههه اتقل التقيل جاى وبعدين ادينى بقلب رزقى ههههههههههههههه حبيبى تقبل تحياتى

استاذى الفاضل انظر المرفق هل هو المطلوب دليل محاسبي .zip

اسف حضرتك مش فاهم قصدك ممكن توضح اكتر ولو عندك اضافه ياريت تعرفنى اى شئ جديد استفيد منك

استاذى الفاضل طبعا حضرتك كبير وانا تلميذك وشكرا على مرورك العطر شكرا على التنويه وكنت اتمنى احد الاعضاء الجدد هو من يطلب ذلك عموما بعد اذن حضرتك اشرح الدالة وهى iferror هذه الداله تتكون من جزئين الجزء الاول وهو القيمة وطبعا فى مثلنا هذا هو (0;2;A1:c5!الطلبه;VLOOKUP(A1= الجزء الثانى وهو النتيجة فى حاله عدم وجود القيمة المطلوبة ويكون شكل الداله كالاتى (الرقم فى حاله عدم وجود قيمة ;القيمة المطلوبه)if error= لو حبينا نطبق الداله على المثال السابق ("" ;(0;2;A1:c5!الطلبه;iferror(VLooKup(A1 = الرقم فى حالة عدم وجود القيمة هنا "" وذلك يعنى ادينى فاضى قيمة فارغه ويمكن ايضا (0 ;(0;2;A1:c5!الطلبه;iferror(VLooKup(A1 = الرقم فى حالة عدم وجود القيمة هنا 0 وذلك يعنى ادينى 0 بالخلية

السلام عليكم عمل رائع ولكن انتى مصعبة الموضوع ليه على نفسك كاتبه ارقام الاعمده فوق ليه طيب متكملى الداله وتكتبى العمود فى الجزء الثالث منها وبعدين تكملى الجزء الرابع وهو 0 أو 1 مطابقه تامه او غير تامه لكن بشكل عام برافو عليكى وبخصوص كود التفقيط طبعا رائع

استاذى الفاضل انا لم افهم طلبك جيدا هل تريد شجرة حسابات بشكل عام ازاى بتكون

بعد اذن ادارة المنتدى ترقيه الاستاذ ياسر خليل الى لقب فاكهة المنتدى حبيبى تقبل تحياتى ولو انك مقصر معايا ومبسمعش صوتك بس مش مهم بفوتهالك المره دى لكن المره الجاية لا ممكن ابداااااااااااااااااا

استاذى الفاضل / قصى يشرفنى مرورك العطر وبخصوص طلبك انا افضل عدم ارفاق ملف عايز اللى يتعلم هو يطبق بنفسة يقراء الكلام ويطبقه بنفسة واكيد طبعا هيغلط بس بالاخير هيتعلم

الاخوة الافاضل العزيزين على قلبى اقدم لكم شرح مبسط لداله VLOOKUP للمبتدئين هذا الشرح عملته لاحدى اعضاء المنتدى وحبيت اعمله مشاركه مستقله حتى يعم النفع مثلا عندنا جدول مقسم كالتالى اسم الطالب فى العمود A والجنسية بالعمود B وتاريخ الميلاد بالعمود c والجدول هذا بشيت اسمه الطلبه مثلا وحنا الان فى شيت اسمه الفصل مثلا فى الخلية A1 مكتوب اسم الطالب محمد احمد وانا عايز بالخلية B1 ابحث عن اسم الطالب ده بالجدول واجيب جنسيتة كدا تمام داله VLOOKUP هى دالة بحث تتكون من اربع اقسام كالتالى اول شئ نقف بالخلية b1 اللى هنعمل فيها المعادله ونكتب ) VLOOKUP= اولا الخلية اللى هندور عليها بالجدول وهو فى هذا المثال نحتاج الى البحث عن اسم الطالب صح اذن نقول ; VLOOKUP(A1= بس نقف هنا فى فاصله بعد A1 صح دى بتتكتب من شيفت+ حرف ك بالعربى على الكيبورد كدا تمام ثانيا حنا عايزين نبحث عن اسم الطالب ده فين فى اى جدول فى شيت الطلبه فى الجدول من A1:c5 طيب كدا حلو قوى لحد كدا نرجع بقى نكمل المعادله بتاعتنا ونقول ;A1:c5!الطلبه;VLOOKUP(A1= ونقف هنا طبعا ايه اللى انضاف اسم الشيت وهو الطلبه متبوع ! علامة التعجب هذه هتقولى ازاى نكتبها هقول شيفت + رقم 1 اللى فوق جنب حرف ذ بالكيبورد طيب كتبنا اسم الشيت وبعدها ! ثم الجدول بتاعنا وهو A1:C5 ثالثا القيمة اللى احنا عايزنها من الجدول هو احنا بنعمل المعادله دى ليه اصلا من علشان نجيب الجنسية للطالب اللى موجود بالخلية A1 من الجدول اللى بشيت اسمه الطلبه حلو طيب الجدول مقسم كالتالى اسم الطالب فى العمود A والجنسية بالعمود B وتاريخ الميلاد بالعمود c طيب احنا اتفقنا انى انا عايز اجيب الجنسية ( عمود الجنسية هنا كم رقمه من الجدول رقمه 2 برافو نرجع بقى نكمل المعادله ;2;A1:c5!الطلبه;VLOOKUP(A1= ايه الزياده هنا هو رقم 2 اللى هو رقم عمود الجنسية بالجدول صح رابعا كتابة 0 أو 1 ( الزيرو يعنى ابحث عن اسم الطالب مطابقه تامه يعنى لو الخلية A1 فىها محمد احمد يروح يدور بالجدول على الاسم ده بالملى ولو لقى اسم طالب محمد احمد على ملوش دعوه بيه لانه مش نفس الاسم صح فية اختلاف عنه وهو على &&& اما 1 فهو البحث عن اسم الطالب بالجدول فممكن يكون موجود محمد احمد على فيجيبة لانه بيبحث عن اى جزء مشابه فلافضل اختيار 0 ) نرجع بقى نكمل المعادله (0;2;A1:c5!الطلبه;VLOOKUP(A1= ايه اللى انضاف جديد هو 0 وقفلنا القوس لان المعادله كدا خلصت بقت باللون الاخضرمنورة كدا تمام يبقى مننساش انى فى اربع اقسام للداله ما بين كل قسم نحط ( ; ) وهى قلب اللغه انجلش وبعدين شيفت وحرف ك اتمنى اكون وفقت فى هذا الشرح المبسط ويعم النفع على الجميع

برافو عليكى نجمه من نجمه بس فى شوية ملاحظات فى خلية الجنسية (0;2;B11:c16!جدول;الاسم)VLOOKUP= اعملى مباشرة (0;2;b11:c16!جدول;VLOOKUP(A1= ما فى داعى لتعريف الخلية A1 وتسميها الاسم الملاحظه التانية اعملى الاتى خلاص بقى انتى بقيت محترفه دلوقتى (0;2;b$11:$al$1000!جدول;VLOOKUP($A$1= كدا ايه الفايده علامه العمله هذه قبل الحرف وقبل الرقم يعنى تثبيت النطاق ثانيا توسيع نطاق الجدول حتى اخر عمود وهو AL صح وبكدا المعادله دى تمام بس تغيير رقم العمود فقط من 2 الى اى عمود انتى عايزة تجيبية

الاخت الكريمة برافو عليك فى المثال ده لو عايزة تاريخ الميلاد اللى هو العمود c بالجدول يبقى نفس المعادله بس نغيير فيها بدل 2 اللى هو الجنسية تخلية رقم 3 شوفى الشئ اللى انتى عايزة تجيبية من الجدول وغير بس العمود من 2 الى 3 مثلا لو تاريخ الميلاد طيب فرضا فى عمود رابع وفيه علامات درجات اللغه العربية وانا عايز اعمل معادله واجيب الدرجة بتاعت الطالب فى الحالة دى اعمل اه لازم اغيرنطاق الجدول علشان بقى فى عمود رابع وهو d صح ولا انا غلطان لا مش عايز نوم نصحصح كدا اذن (0;2;A1:c5!ريتال;VLOOKUP(A1= الى (0;4;A1:d5!ريتال;VLOOKUP(A1= ليه غيرنا الجدول نفسة لان فى عمود جديد وهو d ورقمه بالجدول 4 وحطينا فى الدرجات صح

طيب حلو القائمة دى بقى فى اى خلية وليكن A1 مثلا ثانيا / الخانه اللى عايزين نحط فيها الجنسية اى خلية وليكن B1 مثلا علشان نعمل فيها معادله vlookup وهى بشرح مبسط عبارة عن اربع اقسام اولا الخلية اللى هندور عليها بالجدول وهو فى هذا المثال نحتاج الى البحث عن اسم الطالب صح اذن نقول ; VLOOKUP(A1= بس نقف هنا فى فاصله بعد A1 صح دى بتتكتب من شيفت+ حرف ك بالعربى على الكيبورد كدا تمام ثانيا حنا عايزين نبحث عن اسم الطالب ده فين فى اى جدول وليكن فى شيت اسمه ريتال فى الجدول من A1:c5 طيب كدا حلو قوى لحد كدا نرجع بقى نكمل المعادله بتاعتنا ونقول ;A1:c5!ريتال;VLOOKUP(A1= ونقف هنا طبعا ايه اللى انضاف اسم الشيت وهو ريتال متبوع ! علامة التعجب هذه هتقولى ازاى نكتبها هقول شيفت + رقم 1 اللى فوق جنب حرف ذ بالكيبورد طيب كتبنا اسم الشيت وبعدها ! ثم الجدول بتاعنا وهو A1:C5 ثالثا القيمة اللى احنا عايزنها من الجدول هو احنا بنعمل المعادله دى ليه اصلا من علشان نجيب الجنسية للطالب اللى موجود بالقائمة المنسدله حلو طيب الجدول مقسم كالتالى اسم الطالب فى العمود A والجنسية بالعمود B وتاريخ الميلاد بالعمود c طيب احنا اتفقنا انى انا عايز اجيب الجنسية ( عمود الجنسية هنا كم رقمه من الجدول رقمه 2 برافو نرجع بقى نكمل المعادله ;2;A1:c5!ريتال;VLOOKUP(A1= ايه الزياده هنا هو رقم 2 اللى هو رقم عمود الجنسية بالجدول صح رابعا كتابة 0 أو 1 ( الزيرو يعنى ابحث عن اسم الطالب مطابقه تامه يعنى لو الخلية بتاعت القائمة المنسدله فى محمد احمد يروح يدور بالجدول على الاسم ده بالملى ولو لقى اسم طالب محمد احمد على ملوش دعوه بيه لانه مش نفس الاسم صح فية اختلاف عنه وهو على &&& اما 1 فهو البحث عن اسم الطالب بالجدول فممكن يكون موجود محمد احمد على فيجيبة لانه بيبحث عن اى جزء مشابه فلافضل اختيار 0 ) نرجع بقى نكمل المعادله (0;2;A1:c5!ريتال;VLOOKUP(A1= ايه اللى انضاف جديد هو 0 وقفلنا القوس لان المعادله كدا خلصت بقت باللون الاخضرمنورة كدا تمام يبقى مننساش انى فى اربع اقسام للداله ما بين كل قسم نحط ( ; ) وهى قلب اللغه انجلش وبعدين شيفت وحرف ك اتمنى اكون وفقت فى هذا الشرح المبسط ويعم النفع على الجميع

انتى عملتى القائمه فين زى ما قلتلك بالخليه m1

اكيد لازم تظهر فارغه لانك ما سجلتى اى اسماء بالخلايا اللى انتى سمتيها ريتال وهى الخلايا من A1:A20 بالورقة 3 لو انتى معرفه هذا الخلايا باسم ريتال زى ما شرحت يبقى المشكله انها فارغه لازم تسجلى فيها اى شئ علشان تظهر