الصـقر

خامسا :- مهارات تعبئه وتغذية الكمبوبوكس بالبيانات بأكثر من طريقه تقليديه واحترافيه الطريقه الاولى :- الخاصيه ( Row Source ) اتكلمنا عليها قبل كدا ولكن هنذكركم بيها مره تانيه لانها ضمن سياق الموضوع لدينا شيت به بيانات افتراضيه كما هو ظاهر بالصوره التالية وعندى فورم بصممه شاهد الصورة أنا دلوقتى عايز اظهر اسماء العملاء من الخلية A2 : A5 فى الكمبوبوكس اللى فى الفورم من شاشة الخصائص اروح للخاصيه Row Source واكتب المدى A2:A5 شاهد الصورة شاهد النتيجة عن تشغيل الفورم طيب لو عايزين نظهر عدد 2 عمود بمعنى اظعر عمود اسماء العملاء وايضا عمود كود العميل اذن لازم اغير المدى فى الخاصيه Row Source واكتب المدى A2:B5 وايضا لازم احدد عدد الاعمده فى الكمبوبوكس يكون 2 من الخاصيه Column Count شاهد الصورة ستجد النتيجة عند تشغيل الفورم ولكن هنا فى مشكله وهى ان الفورم القائمه بتاعته هتكون على حسب الشيت النشط اسم الشيت بمعنى لو انتى فى الشيت رقم 1 هيظهر النطاق اللى بالشيت من A2:B5 شاهد الصوره ولو انت فى الشيت رقم 2 هيظهر النطاق اللى بالشيت من A2:B5 شاهد الصوره وهذه مشكله فلو انت عايز وين ما تكون واقف فى اى شيت ويفتح الفورم يظهر فقط النطاق اللى بالشيت رقم 1 المدى من A2:B5 فى هذه الحاله لازم احدد فى خاصيه Row Sourceاسم الشيت شاهد الصوره أو من خلال الاكواد فى البرمجه كالتالى ComboBox1.RowSource = "sheet1!a2:b5" زى ما احنا شايفين سطر الكود تم وضعه بين علامتى تنصيص " " " المدى ! اسم الشيت " وبكدا لو انت فى اى شيت نشط والفورم اشتغل فيه هيعرض فقط النطاق اللى بالشيت رقم 1 المدى من A2:B5

طيب ليه ما ترفع الحاجات دى على المنتدى للاعضاء تستفيد منها ؟؟؟

برافووووووووووو انت النهارده خليت اليوم يوم الظغططته وز وبط مش ناقص غير الحمام والدنيا تولع جزاكم الله خيرا وزادكم من فضله وعلمه تقبل تحياتى مجرد ملحوظه صغيره انت بقيت محترف ( او كنت محترف ) ComboBox1.BoundColumn = "2" ComboBox1.ListRows = "4" ممكن يكونو بدون "" زى كدا ComboBox1.BoundColumn = 2 ComboBox1.ListRows = 4 تقبل تحياتى

اعانك الله يا ابويوسف وسدد خطاك انا عايزك تعرف حاجه ان انت السبب فى انى فكرة اقدم شروحات الفورم على الرغم دا سر مهنه المبرمجين واحنا بنطفل عليهم وهيزعلو منا على الرغم ان تقديم الشروحات وبدقه وتفصيل وتكون مصحوبه بالصورة امر شاق جدا ويحتاج الى وقت كبير لكن طالما ابويوسف طلب فهو يأمر واحنا ننفذ لما طلبت شرح سند صرف للاستاذى ضاحى من هنا جت الفكره ان لازم نشرح الفورم من البدايه حتى تتضح لك الصوره كامله المهم متنسناش من دعائك الطيب اجعلى لى نصيب من دعائك فأنا احوج ما يكون له تقبل منى وافر الاحترام والتقدير يا بن الشام البار

استاذى الحبيب / ابويوسف و الاخ الحبيب ياسر العربى وكل الاخوة فى المنتدى كل عام وانتم بخير دائما سباقين بالخير يا عم ياسر انت عقبت على رقم 1 طيب و رقم 2 و 3 لأ ليه ؟؟؟؟ منتظر رقم 2 ضرورى متهربش

الاخ الحبيب / ياسر العربى مشكور على الاهتمام اسال الله تعالى ان يزيدك من علمه وفضله لى بعض الملاحظات وجب التنويه عليها احنا عايزين شغل محترفين 1 -هذا السطر تم وضعه فى حدث فتح الفورم فما الفائده منه ؟؟؟ مالوش لازمه و اهميته فى حدث تحديث التكست بوكس 2 وبالفعل السطر موجود TextBox1.Text = Format(TextBox1.Text, " dddd mmmmyyyy") 2 -باقى اخر مطلوب وهو عند الاختيار من الكمبوبوكس يظهر كود العميل فى التكست بوكس 2 ( هو حاليا شغال بس من شاشة الخصائص مش من الاكواد فى حدث الفورم يالا ضيفلى السطر الخاص بذالك فى الاكواد 3- انت واضع هذا الكود وانا ارى انه ما له لازمه هو كود صحيح عند وضع مؤشر الماوس تظهر القائمة ولكن انا مطلبتش ده راجع المطلوب رقم 8 وهو بمجرد الوقوف فى الكمبوبوكس اى وضع مؤشر الماوس داخل الكمبوبوكس يظهر القائمة وذالك تم من خلال الخاصيه Style Private Sub ComboBox1_MouseMove(ByVal Button As Integer, ByVal Shift As Integer, ByVal X As Single, ByVal Y As Single) 'ComboBox1.DropDown End Sub بجد رائع ومجهود تشكر عليه انا عايز حد من الاخوة غيرك يعملها ولكن مع الخاصيه With فين الهمه يا شباب تقبل تحياتى واحترامى وتقديرى لشخصك الكريم

يا راجل مسجل من 2011 وعندك 24 مشاركه فقط يمكن دول اللى عملتهم خلال الكام ساعه السابقه وداه كلام ؟؟؟؟ دا انا من 26-4-2014م وعامل 1207 مشاركه بطل كسل اتعلم فيد واستفيد انا مش ببيعك انا قلتلك انا مشغول فى الشروحات يعنى اترك الشروحات واطور برنامجك ؟؟؟ ولو حتى انا فاضى ليه اطورة وفى برنامج انا وضعت كل عصارة مخى فيه لازم انت اللى تطور وطلع عصارة مخك وقلتلك انا معاك ومش هسيبك لكن انت كسول يا كبير المهم متنساش الواجب تقبل تحياتى

بص يا غالى موضوع اللمسات ده فأنا كل خبرتى وضعتها فى برنامج EMA هل شاهدته ؟ ان شاء الله فى نسخه 2016م لبرنامج EMA هتلاقى اضافات وتعديلات جميله تمت على البرنامج افضل من نسخة 2015م فأنا معديش عندى وقت انى اطور انت اللى لازم تطور لان لما اتطور انت هتتعلم وكمان انا مشغول فى شروحات الفورم زى ما انت عارف طور برنامجك بنفسك وبطل كسل تقبل تحياتى

حلو بجد فكره الاله الحاسبه دى قيمة الورقه * عددها دا انت شغال فى بنك بقى مش لازمك البلاله بقى خلاص بقيت تكتولوجى انا عايز اسالك ليه لما اختار اسم العميل مش بيظهر كود العميل ديركت وكمان الكمبوبوكس اللى بيظهر كود العملاء مش بيظهر الاكواد ايه رائيك لو تطبق اللى انت عملته فى الاختبار مش احسن تلغى الكمبوبوكس التانى بتاع الكود وتحط مكان تكست بوكس يكون خاص بالكود للعميل ويكون محمى وعند الاختيار من قائمة اسماء العملاء يظهر كود العميل ديركت هو زر جو ده ايه فايدته ؟؟ وليه متعملش فى الاله الحاسبه زر وليكن مثلا هو جو تخليه يرحل المبلغ اللى تم حسابه الى مبلغ الحركه انا معك طور واى شئ انا تحت امرك تقبل تحياتى

ايه يا عم الحلاوة دى دا انت مش مبتدئ دا انت استاذ ورئيس قسم ايه الحلاوة والجمال ده كله دا انتى بقى جاى تضحك علينا وتاخد افكارنا مش جاى تتعلم وانا اللى كنت فاكرك لا بجد بعيد عن الضحك البرنامج حلو وتنسيق وشغل عالى ياريت تطوره بأفكار اخرى تقبل تحياتى واتمنى لك التوفيق دائما

الاخ الحبيب ياسر متخفش باقى التحدى مستمر راجع الاختبار ستجد ان المطلوب طريقتين الطريقه الاولى : هى عمل العشر اسئله من شاشة الخصائص اثناء التصميم ( وهذا بارك الله فيكم تم على اكمل وجه ) الطريقه الثانية : هى عمل العشر اسئله من خلال الاكواد ( يعنى مثلا حدث فتح الفورم ) يالا ورينى الهمه يا كبير وبعدين ابويوسف لو جنبك مش بس فى لجنتك المراقب واقف لك بالمرصاد وخليك فى ورقتك

استاذى الحبيب ابويوسف ما شاء الله عليك تمام يا غالى برافو برافو برافو هذا هو المطلوب فعلا انتظروا قريبا باقى شروحات الكمبوبوكس فى درس مهارات تعبئة الكمبوبوكس بالبيانات بطرق مختلفه واحترافيه

استاذى الفاضل ابويوسف راجع هذه الجزئية من الشرح تعرف كيف يتم كتابه الكود فى التكست بوكس عند الاختيار من الكمبوبوكس اقتباس من الشرح 8- الخاصيه ( Row Source ):- هذه الخاصيه هى اولى الطرق التقليدية لتعبئة الكمبوبوكس بالبيانات مثال عام على الخاصيه ( Bound Column) و الخاصيه ( Column Count) و الخاصيه ( Row Source ) لدينا شيت به بيانات افتراضيه كما هو ظاهر بالصوره التالية وعندى فورم بصممه شاهد الصورة أنا دلوقتى عايز اظهر اسماء العملاء من الخلية A2 : A5 فى الكمبوبوكس اللى فى الفورم من شاشة الخصائص اروح للخاصيه Row Source واكتب المدى A2:A5 شاهد الصورة شاهد النتيجة عن تشغيل الفورم طيب لو عايزين نظهر عدد 2 عمود بمعنى اظعر عمود اسماء العملاء وايضا عمود كود العميل اذن لازم اغير المدى فى الخاصيه Row Source واكتب المدى A2:B5 وايضا لازم احدد عدد الاعمده فى الكمبوبوكس يكون 2 من الخاصيه Column Count شاهد الصورة ستجد النتيجة عند تشغيل الفورم طبعا عند الاختيار من الكمبوبوكس سيظهر اسم العميل (اللى هى تعتبر العمود رقم واحد فى الكمبوبوكس ) فى الكمبوبوكس وتختفى قائمة العملاء فلو انا عايز عند الاختيار ايضا يظهر كود العميل فى التكست بوكس رقم 1 ( اللى هو باللون الاصفر فوق) اذن لازم نروح للخاصيه Bound Column واكتب 2 ( أى العمود رقم 2 هو القيمة التى ستظهر فى التكست بوكس رقم 1 ) شاهد الصورة باقى خطوة تانية وهى عمل كود فى حدث تغيير الكمبوبوكس كالتالى Private Sub ComboBox1_Change() TextBox1.Value = ComboBox1.Value End Sub هذا الكود كتبنا فيه ان التكست بوكس 1 يساوى الكمبوبوكس ( واحد هيقولى مش الكمبوبوكس فى عمودين اذن التكست بوكس هيكون اى عمود عند الاختيار هقوله ان الخاصيه Bound Column كتبنا فيها العمود رقم 2 اذن القيمة التى ستظهر فى التكست بوكس 1 هى العمود 2 ) وبكدا عند التشغيل الفورم والاختيار من الكمبوبوكس سيظهر قيمة العمود رقم 1 وهو اسم العميل فى الكمبوبوكس وسيظهر قيمة العمود رقم 2 وهو كود العميل فى التكست بوكس 1 ( بناء على تحديد الخاصيه Bound Column كتبنا فيها العمود رقم 2 وايضا الكود بحدث تغيير الكمبوبوكس ) وعند تشغيل الفورم واختيار من الكمبوبوكس شاهد النتيجة كدا اخدنا مثال عملى على الثلاث خصائص وهما الخاصيه ( Bound Column) و الخاصيه ( Column Count) و الخاصيه ( Row Source ) هذه هى الجزئيه الخاصه بالشرح المتعلقه بهذه النقطة راجعها مره تانية وجرب على ملف الواجب شوف هتقدر تنفذها او لا انا بنتظارك انا كل اللى عملته هو انى نسخت الشرح المتعلقه بالموضوع من الدرس تقبل تحياتى

يا عم ياسر انت اللى ورطنى وزعلت منى الغالى والحبيب الى قلبى ابويوسف ولكن انا اعرف قلب ابويوسف فهو الكريم المسامح واللم يسامحنا لنكونن من الندامين وعند ربنا من الخاسرين وبخصوص الواجب بجد برافو عليك انت وابويوسف جزاكم الله خيرا وزادكم من فضله وعلمه الاخ الحبيب عبدالعزيز البسكرى احبك الله الذى احببتنى فيه اسال الله تعالى ان يديم محبتنا ويجمعنا بالجنة على سرر متقابلين ولكن انا منتظر منك الواجب عايز اشوف اجابتك وتجرب الحل بنفسك تقبلوا منى جميعا كل المحبة والاحترام والتقدير

استاذى الفاضل والاب الحنون والله مش تزعل منى ولا من الاخ ياسر القصد مش كدا كلنا اخوة فى الاسلام وفى العروبه وشرف لى انا شخصيا معرف رجال مثلك فى زمن قل فى الرجال الغيور على دينه ووطنه وعروبته واهله فأنت نعم الاخ والاب والصاحب تقبل اسفنا واعتذارنا عما بدر منا من غير قصد فى لحظه كانت روح المداعبه هى المسيطره تقبل تحياتى واحترامى وتقديرى

الاخ الحبيب / ياسر العربى مشكور على الاهتمام اسال الله تعالى ان يزيدك من علمه وفضله واسمح لى بتصحيح الواجب يا كبير يوجد عشر اسئله كل سؤال بدرجه المطلوب 1:- الدرجة 1 ( صحيح 100% ) المطلوب 2:- الدرجة 1 ( صحيح 100% ) المطلوب 3:- الدرجة 1 ( صحيح 100% ) المطلوب 4 :- الدرجة 1 ( صحيح 100% ) المطلوب 5 :- الدرجة 1 ( صحيح 100% ) المطلوب 6 :- الدرجة 0 ( لم يتم تنفيذه) لية معملتش الخاصيه اللى بتعمل الدوائر البيضه الصغيره على اليسار ؟؟ المطلوب 7:- الدرجة 0 ( لم يتم تنفيذه) لية معملتش عرض الاعمده فى الكمبوبوكس مناسب لعرض الليست أى نعم هى مظبوطه بس ده لان عرض الكمبوبوكس نفسة 168 وانت عامل عرض العمود الاول 100 والثانى 50 فمجموع الاتنين اقل من عرض الكمبوبوكس نفسة وهو 168 لذالك لا يوجد مشكله لكن لو كان عرض الكمبوبوكس مثلا 120 كدا هيكون الليست غير ظاهر كله وهيكون فى اسكرول بار ؟؟؟؟ المطلوب 8:- الدرجة 1 ( صحيح 100% ) المطلوب 9:- الدرجة 1 ( صحيح 100% ) المطلوب 10:- الدرجة 1 ( صحيح 100% ) الدرجة النهائيه يا عم ياسر هى 8 ( ثمانيه فقط ) ( ملحوظه المفروض تكون الدرجه 4 ليه ياباشا علشان ابويوسف جاوب تقريبا نصف الاسئله فله الاسبقيه فى الاجابه دا غير ان سؤال بتاع تنسيق التاريخ انا جاوبته فوق لابويوسف مش قلتلك انت وقعت فى ايد اللى مابيرحمش ) منتظرك تكمل الباقى المطلوب 6 و 7 وهديك عشرة من عشرة تقبل تحياتى واحترامى وتقديرى لشخصك الكريم

اخى الحبيب مرحبا بك فى جامعه اوفيسنا ودى مش مبالغه والله انت فعلا دلوقتى فى جامعه اوفيسنا يعنى انا شخصيا وانا داخل المنتدى بيكون فى نيتى انى انا بالحرم الجامعى وهقولها مره تانيه والله دى مش مبالغه وانا بصراحه معرفش معاهد بالرياض ولكن نصيحه من اخ صغير لك اتعلم فى اوفيسنا اولا تعليم مجانى لا يبتغون منك الا الدعاء الطيب والكلمه الطيبه ثانيا هتلاقى دورات ودروس وشروحات على مستوى ونماذج تطبيقية وعملية ثالثا اوفيسنا هتكون معك وين ما تروح وفى اى مكان فى البيت تدخل المنتدى تستفيد فى العمل فى استراحه مع اصحابك يعنى بضغطة زر هتروح مش بليموزين رابعا هتلاقى برامج جاهزة ومفيده هتتعلم كل لحظه وكل دقيقه شئ جديد ومفيد انا اخ صغير لك قد لا يكون فى السن ولكن فى القيمة والقامه فتقبل نصيحتى لك او على الاقل أجمع بين الدورات الخارجية بالمعاهد والمنتديات بشكل عام ( عايز اقولك حته على جنب كدا او تكون فاكر ان المعاهد بتعلم كل شئ اسف يبقى انت واهم هى بس بتديك الاساسيات فقط لاغير لان همها جمع المال لكن هنا همهم جمع محبة قلوب الناس ) واتمنى لك التوفيق وتقبل منى وافر الاحترام والتقدير

الاخ الحبيب والغالى / عبدالعزيز البسكرى يا غالى انت مش بس تسال انت تأمر بخصوص طلبك متستعجلش على رزقك لو رجعت للموضوع بتا الشرح ستجد التالى اقتباس من المشاركة كما قلنا من قبل ان ComboBox هو عباره عن وعاء يتم تعبئته ببيانات محدده لتظهر للمستخدم ليختار منها اثناء العمل على الفورم أن شاء الله هيتم تناول الموضوع على خمس مراحل 1- كيفية انشاء ComboBox على الفورم اثناء عملية التصميم 2- التعرف على خصائص ComboBox من شاشة الخصائص اثناء عملية التصميم 3-وقت تنفيذ الكود الخاص بالـ ComboBox 4-التعامل مع الـ ComboBox فى لغة البرمجه 5-معرفة مهارات تعبئة وتغذية ComboBox باكثر من طريقه التقليديه والاحترافيه منها 6-كيفية اجبار المستخدم على الاختيار من الـ ComboBox وبحمد الله تم شرح المرحله 1 و 2 و 3 و 4 وباقى 5 و 6 5-معرفة مهارات تعبئة وتغذية ComboBox باكثر من طريقه التقليديه والاحترافيه منها ( اللى هى طلبك وان شاء الله هنعرف اكتر من طريقه تقليدية واحترافيه ) ولكن عموما اليك الحل انت غالى وليك معزه عندى ComboBox1.RowSource = "feuil1!h4:h23" فقط يتم كتابة اسم الشيت متبوع بعلامة التعجب ثم كتابة المدى المطلوب وبعدين تعالى هنا هو فين الواجب بتاعك تقبل منى وافر الاحترام والتقدير

استاذى الحبيب / ابويوسف جزاكم الله خيرا فهذا ليس بغريب عليك فأنت دائما وابدا قدوة لنا وصحاب همه عاليه فهى همة الرجال اشكرك مره تانية من اعماق قلبى ولكن اسمح لى بتصحيح الواجب يا غالى انا معنديش رحمه يوجد عشر اسئله كل سؤال بدرجه المطلوب 1:- الدرجة نصف ( صحيح 50% ) لماذا دا سطر الكود الخاص بالتنسيق للتاريخ TextBox1.Text = Format(TextBox1.Text, " yyyy mmm ddd") وطبقا للطلب اللى بالصورة يكون كالتالى TextBox1.Text = Format(TextBox1.Text, " ddd mmm yyyy") لاحظ الفرق بنفسك المطلوب 2:- الدرجة 0 ( لم يتم تنفيذه) لماذا لم تقم بعمل حماية على التكست بوكس ؟؟ المطلوب 3:- الدرجة 1 ( صحيح 100% ) المطلوب 4 :- الدرجة 1 ( صحيح 100% ) المطلوب 5 :- الدرجة 1 ( صحيح 100% ) المطلوب 6 :- الدرجة 1 ( صحيح 100% ) المطلوب 7:- الدرجة 0 ( لم يتم تنفيذه) المطلوب 8:- الدرجة 0 ( لم يتم تنفيذه) المطلوب 9:- الدرجة 0 ( لم يتم تنفيذه) المطلوب 10:- الدرجة 0 ( لم يتم تنفيذه) ملحوظه صغيره هو حضرتك عامل ليه فى الخاصيه ControlSource الخلية d2 ما الفائده منها ( انت عارف دى هتسبب مشكله فين ؟ ) الدرجة النهائيه يا ابويوسف هى 4.5 ( اربعه ونصف فقط ) منتظرك تكمل بكره الباقى هنتظرك ضرورى تقبل تحياتى واحترامى وتقديرى لشخصك الكريم

يا كبير انزل بالدرامز متشوقناش اكتر من كدا كان هناك مشاركه بنفس الموضوع قبل كدا والاخ المهندس احمد قدم فيديو للحل وانت كمان كان ليك حل اخر الرابط هو http://www.officena.net/ib/topic/59193-ملف-فارغ-354-ك-ب/ تقبل تحياتى

الاخوة الكرام بحمد الله تعالى وفضله قطعاً شوطاُ كبير فى شروحات الفورم على الرابط التالى http://www.officena.net/ib/topic/64037-سلسلة-علمنى-كيف-اصطاد-الفورم-forms/ والان فى صورة عباره عن أسئله للاختبار ارجوا من المهتمين بالموضوع الاجابه عليها حتى يتثنى لنا معرفه هل الشروحات كافيه ؟ هل هى مبسطه ؟ هل يوجد متابعين للموضوع ؟ ما هو مدى الاستفاده مما يقدم ؟ وكمان الفائده الاهم هو انك تشتغل بنفسك وتقوم بالتطبيق على ما قرأته علشان تثبت المعلومه وبعدين الاختبار اوبن بوك ههههههههههههه يعنى نظام تعليم حديث وكل واحد مذاكرته فى دماغه و مسطردته فى ايده و سندوتشاته فى كيسه و مطوته فى جيبه اللى يقولك غششنى قطعه ومحدش يبص فى ورقة زميله ترسل الاجابات على ص ب منتدى اوفيسنا قسم الاكسيل تسلم ليد العضو الصقر والفائز له رحلة عمره (((( اتمنى بجد لو واحد بس اهتم بالموضوع وجاوب صح وقتها هحس انى الشروحات دى لها قيمة وهكمل حتى لو كان واحد بس مستفيد والا يأما أنا فشلت فى الشرح أو ان الموضوع مش ذو اهميه وكدا يبقى اعتذر لكم لما سببته من ازعاج فى هذه الشروحات وراح اطلب من الاداره حذف الموضوع )))) دلوقتى هنوزع ورقة الاسئله وعايز الحل بالطرقتين 1- من خلال الخصائص اثناء التصميم 2- من خلال الاكواد عند فتح الفورم قم بعمل ملف اكسيل جديد وفى الشيت 1 اكتب البيانات كما هى بالعمود D و E ثم قم بتصميم فورم كما هو مبين بالصورة بنفس التنسيق وابدأ الشغل فهل من مشمرون ؟؟؟ اتمنى لكم التوفيق وتقبلوا تحياتى جميعا