طالب علم و لا اعرف اين اضع قدمي

[تامرطه]

بسم الله الرحمن الرحيم و الصلاة و السلام علي اشرف الخلق اجمعين

ندخل في الموضوع علطول :

انا مدرس و بتعامل كويس بخبرة مبتدأ علم نفسه بنفسه مع برنامج الاكسيل

عاوز اعمل برنامج للكنترول ابتدائي و مش عاوز حاجة جاهزة انا عاوز اتعلم

اوقات كتير مش بفهم الاكواد المذكورة في المواضيع ( عاوز اتعلم معناها ايه ) مش عاوز انقل حاجة جاهزة و عند قرائتها بحس انها ككلام السحرة

برنامج الكنترول محتاج اعمله من الألف للياء و لا يهم التعب

عهد مني ان اكون تلميذ مطيع و مجتهد لكل اساتذة المنتدي اذا قرروا تعليمي

جزاكم الله كل الخير و منتظر الردود

انا عاوزكم تساعدوني هنا و مش مجرد ارشادي لمواضيع جاهزة

[ياسر خليل أبو البراء]

أستاذ Tamora

أنت بالفعل وضعت قدمك (وقعت في المصيدة ... أقصد مصيدة العلم)

وإن شاء الله بالصبر والاجتهاد والمتابعة والاستفسار والمحاولة والفشل وأكرر الفشل ستتعلم الكثير بإذن المولى عزوجل

أخوك أبو البراء

[دغيدى]

أخى الفاضل /

أهلابكم وسط اخوانكم .. كلنا كنا .... .. بعض منا تعلم الحبو والبعض تعلم المشى .. والغالبية فى سباق العدْو .. الماراثون . هيا معنا لنصل سويا

أخى نزل ملفا جاهزا وفصصه وسل ما تريد

أخوكم جمال دغيدى

تم تعديل يونيو 2, 2012 بواسطه دغيدى

[تامرطه]

اخي العزيز أبو البراء و استاذي جمال لكم جزيل الشكر علي سرعة الرد و الاهتمام

ممكن اعرف الصفحات المفروض تواجدها في برنامج الكنترول ( البيانات \ الناجحين \ ........................... ) مثل هذه الأشياء

ممكن برنامج جاهز شامل هذه الاشياء للدراسة و استعدوا لسيل الاسئلة و ارجو تقبلها بصدر رحب

تم تعديل يونيو 2, 2012 بواسطه tamora

[دغيدى]

أخى الفاضل / tamora

سلام الله عليكم

برجاء التكرم بتغيير اسم الظهور ليكون باللغة العربية حتى يكون التواصل افضل ..

العمل فى شيت الكنترول يجب أن يتضمن عدة جوانب :

= معرفة فنيات العمل بالكنترول وكل المخرجات المطلوبة.

== معرفة التعامل مع الكسيل .

=== معرف تنفيذ المطلوب .( الاستخدام - ثم التعديل - ثم الاضافة والابتكار )

=== أنت تعمل فى أى مرحلة ( ابتدائى - اعدادى - أخرى )

= = منتظر = =

تم تعديل يونيو 3, 2012 بواسطه دغيدى

[تامرطه]

تم تنفيذ المطلوب يا فندم و تم تغيير الاسم

لي معرفة معقولة جدا يا فندم باعمال الكنترول

خبرة جيدة بالاكسيل

تنفيذ المطلوب يحتاج حضراتكم و خبرتكم التي لجأت اليها

المرحلة : ابتدائي

لك جزيل الشكر

[تامرطه]

هي دي المساعدة بتاعت المنتدي ؟؟؟؟

الواحد علي كده يتعلم في 10 سنوات و لا تكفيه

شكرا لكم جميعا

[دغيدى]

هي دي المساعدة بتاعت المنتدي ؟؟؟؟

الواحد علي كده يتعلم في 10 سنوات و لا تكفيه

شكرا لكم جميعا

الأخ الفاضل / تامر طه

بمجرد كتابة الموضوع قمت بالرد عليكم والمنتدى به كل مايحلو لك ..

نزل الملف المطلوب ويمكن التعديل عليه من صاحبه أو من الأخوة

أحيطكم علما بأن الزملاء يبذلون قصارى الجهد لخدمة بعضهم

عفوا : ردكما قاسيا

[Ahmed Elbhiry]

اخى تامر طه تحية طيبه يمكنك البحث فى المنتدى عن شيت كنترول وتقوم بفتح الشيت والتعلم منه مع تكوين رؤية عامة عن اعمال الكنترول من احد الزملاء بالمدرسة ذو الخبرة باعمال الكنترول والجزء الذى تقف فيه اسأئل الزملاء بالمنتدى وسوف تجد ان شاء الله المساعدة من الجميع وخلى بالك طويل شويه فالعمل هنا بالمنتدى تطوع من الجميع على حسب وقته ومسئولياته

[رجب جاويش]

المنتدى نور بعودت المبدع أحمد البحيرى

فمرحبا بهذة العودة الجميلة

التى نتمنى من الله أن تكون بداية الانطلاق الى المزيد من ابداعاتك المميزة

[Ahmed Elbhiry]

شكرا اخى وحبيبى وصديقى وابن خالى رجب جاويش المنتدى منور بخير رجال عرفتهم وتعلق بهم قلبى

[abassreda]

البحيرى وجاويش فى يوم واحد والله وحشتونى يا أهل الخيربس ليه طلب يا ريت حد يدل الأستاذ طه فعلا يبدء منيين ويعمل ايه او يتعلم الأكواد ازاى اللى فهمته منه اه عاوز يبنى شيت مش ينقله من حد

[تامرطه]

انا مش عارف يا جماعة اقولكم ايه انا اسف علي حدة اسلوبي و لكن نهمي للعلم لم يقابله سرعة الرد منكم عموما حصل خير

انا شاكر لكل الاخوة اللي اهتموا بالرد

انا فعلا صممت الشيت بالخانات بتاعته و لي طلبات محددة :

** المعادلات و كيفبية كتابتها و معناها ( يعني شرح المعادلة ) انا نفسي اتعلم مش انقل

** اوراق العمل الطلوبة داخل المصنف ( لعمل برنامج كامل من صفحة بيانات و ازاي تربطها بالشيت بتاع الرصد و كده )

** عاوز شرح كامل من النقطة صفر

و لو حد من المنصورة يديني جزء من وقته و لو بالاجر

مرفق صورة من تصميم الشيت اللي حاولت اعمله

نموذج.rar

[جروان]

اخي طه المحترم كما قال لك السيد احمد البحيري لا بد من الاطلاع على مجموعة من المفات الجاهزة و الموجودة بكثرة في المنتدى و محاولة فهم طريقة عملها و التعلم منها و اي جزئية لا تفهمها اطلب شرحها لتكون اقدر على فهمها حيث ان طلبك من الصفر يتطلب وقت طويل اذا كان اعتمادك ان يتم الشرح لك خطوة خطوة

ابدا ... ولم يقصر معك احد في المنتدى الرائع انا متاكد حب المعرفة يجب ان يقترن بالبحث ولا تستعجل لان الموضوع ليس سهلا ولا تيأس

على الرغم من خبرتي القليلة جدا ابدأ معك بدالة الترقيم التلقائي جرب تطبيقها في ملفك و شاهد النتيجة وهي من مشاركات موجودة في المنتدى

الترقيم التلقائي.rar

تم تعديل يونيو 4, 2012 بواسطه جروان

[Ahmed Elbhiry]

مع انى لم افهم العربى مجموعة 270 لماذا مع ان مجموع الفصلين 200 اكمل باقى المواد على نفس الاسلوب

نموذج مطبق على العربى اكمل باقى المواد.rar

[تامرطه]

اخي طه المحترم كما قال لك السيد احمد البحيري لا بد من الاطلاع على مجموعة من المفات الجاهزة و الموجودة بكثرة في المنتدى و محاولة فهم طريقة عملها و التعلم منها و اي جزئية لا تفهمها اطلب شرحها لتكون اقدر على فهمها حيث ان طلبك من الصفر يتطلب وقت طويل اذا كان اعتمادك ان يتم الشرح لك خطوة خطوة

ابدا ... ولم يقصر معك احد في المنتدى الرائع انا متاكد حب المعرفة يجب ان يقترن بالبحث ولا تستعجل لان الموضوع ليس سهلا ولا تيأس

على الرغم من خبرتي القليلة جدا ابدأ معك بدالة الترقيم التلقائي جرب تطبيقها في ملفك و شاهد النتيجة وهي من مشاركات موجودة في المنتدى

الترقيم التلقائي.rar

شكرا ليك جدا انا فهمت الدالة دي تمام و لك جزيل الشكر

مع انى لم افهم العربى مجموعة 270 لماذا مع ان مجموع الفصلين 200 اكمل باقى المواد على نفس الاسلوب

دي غلطة مني متأسف عليها نصف العام100 و الملف 60 و الاختبار 40 يبيقي المجموع 200 بتاسف مرة تانية

حضرتك كاتب المعادلة : علي اساس لو كان غايب في نصف العام او الملف او الاختبار يديله غ في المجموع و لو مش غ يجمع الثلاث خانات ( ارجو اني اكون شرحتها صح )

لو فعلا كده مش يبقي القواعد صح : لان قاعدة الغياب انه يكون غايب في اختبارالترم الثاني بس و لو طبقنا كده علي خانة الاختبار نشيل كلمة and و الخانات التانية اللي مش محتاجين نطبق عليها الشرط ( صح كلامي و لا ايه ؟)

تم تعديل يونيو 5, 2012 بواسطه تامرطه 1976

[Ahmed Elbhiry]

كما تريد بالنسبة للغياب انا عملت شرط ان يكتب له غائب ان يغيب فى الكل

شيل كلمة and وضع خانة الاختبار كما تريد

[Ahmed Elbhiry]

انسخ المعادلة التالية بمادة العربى بناء على طلبك

=IF(B11="";"";IF(L11="غ";"غ";SUM(J11:L11)))

[تامرطه]

انسخ المعادلة التالية بمادة العربى بناء على طلبك

=IF(B11="";"";IF(L11="غ";"غ";SUM(J11:L11)))

انا عملت كده فعلا يا فندم جزاك الله كل الخير و ظبطت باقي المواد

بالنسبة لباقي التعليقات علي الشيت ( احنا خلصنا الترقيم التلقائي ومجموع الفصلين و درجة المادة ) ممكن تساعدني فيهم

[دغيدى]

الأخ / تامر

سلام الله عليكم

تم عمل بعض الطلبات التى حذف التعليقات الخاصة بها .. لاحظ ما تم عمله ونحن معا

نموذج 5.rar

[تامرطه]

مشكور جدا يا استاذ جمال جزاك الله كل الخير و جاري دراسة معادلة المستوي ربنا يجازيكم كل الخير علي صبركم معي

[دغيدى]

الأخ / تامر

الكل أخوة

[تامرطه]

الأخ / تامر

الكل أخوة

شكرا لحضرتك يا استاذ جمال

ارجو من اساتذتي مراجعة الشيت تم دراسة جميع المعادلات و فهمها جيدا و الحمد لله و كل المعادلات في الشيت كتابة ذاتية و الحمد لله و ليس بالنقل

شكرا كتير لكم انا فهمت حاجات كتير جدا من حضراتكم جزاكم الله عني كل الخير :fff: :fff:

منتظر تعليقاتكم ثم نكمل الخطوات التالية لبناء البرنامج كله بإذن الله :frown3:

نموذج بعد الفهم و التعديل.rar

تم تعديل يونيو 5, 2012 بواسطه تامرطه 1976

[Ahmed Elbhiry]

الاخ تامر تم تعديل معادلة المستوى بالعربى واكمل باقى المواد

وعدلة معادلة المجموع الغائب لا يأخذ غائب الا اذا غاب المواد كلها

تصميمي 1.rar

[تامرطه]

بالنسبة يا استاذ احمد لمعادلة التقريب لاقرب رقم عشري واحد هتتعمل ازاي ؟

بالنسبة للترتيب الأبجدي هيبقي ازاي داخل الشيت

شكرا علي التعديل يا استاذي